السلام عليكم
حبايبي
الدستور هذا وضع للأستقعاد لكم إذا ما أعجبكم اصقعوا روسكم بأطرف جدار

بالعكس الدستور وضع لتطلع البشكة بأفضل مظهر ممكن.. ولا شك أن البشكة من أهم أقسام الضياع فيهمني أنك تقرون الدستور وتتبعون كل شي فيه ..


قبل مانبدا لازم نذكر بأن المنقول ممنوع بالمنتدى كامل .. فما بالك بالبشكه ..<< شوفو الشعار فوق عند أبو شاهي ظلال كحيلان

يعني خربطة المنقول محذوفه يعني سيده للتشليح .. ونفس الشي الأغاني ممنوعه وبتحذف ..



1- حبايبي منتدانا يتبع الدين الأسلامي .. السنيّ... حتى الشيّعة حبايبنا << معرس متعة
رجاءًا رجاءًا .. الدين بعيييد يكون عن مواضيع العيّارة والصرقعة ..أول شي لأنكم منتب كفو الكلام عن الدين والشي الثاني ..كلمة لا تلقي لها بالاً.. ترمي بك في جهنم سبعين خريفاً ..


2- مواضيع من نمونة (نكت 2013 ) (واسدح أحسن نكتة ) + الشتشتة والأهدائات ..ممنوعة بعد

الأجراء :ما نحتري السطحة أحلى ظفر .. للتشليح .. غير مؤسوف عليها ..
طبعا السبب أن عندنا حساسية من المنقول كلش حتى النكت وبعدين ياخي حنا دمنا خفيف ردودنا تقوطر نكت سلكوا لنا ..



3-المواضيع الماصلة .. ولا يهمنا العضو قديم أو جدييد.. للخلف در ثمن يجيها شلوت بن كلب للتشليح
برضه مواضيع التميلح الماصلة والسامجة جدن يعني لو شفنطح ينزل موضوع أنا معضل وعندي لكزس بنجيه بالسطحة ونقشه هو وموضوعه للتشليح .




4- سقف الحرية فالبشكة مشلووع ومطيره الهوا... يقولون أنهم شايفينه حول الدوادمي زارفه سوداني وحاطه فصندقة لحوش غنم فيذاك ..الزبدة أننا ما ندري عنه ولا طقينا له خبر ..
هنا الردود عليها رقابه بس في الأمور الدينيه والي تتجاوز الأدب العام
بمعنى أننا نستقبل السكارى المحششين ومرضى مستشفى الأمل وشهار .. ولا نشره عليهم أبد ..فردودهم مفتوحة ...اللي بيزعل منها الله لا يهينه لا يخش البشكة أبد أبد أبد..يعني مرهف الأحاسيس وأبو مشاعر ماله مكان فالبشكة ..
الإجراء : روح اشتك بيدينك ورجلينك فالمحكمة ..القضية خاسرة من اللحين .. فالبشكة تقف مع تلك الردود وقفة رجال إذا استلزم الأمر..




5- بيجي عضوو هلكان وقاعد يكتب في موضوع لمدة مهيب صاحيه .. وآخرتها يجيه رد من نمونة ( يسلموو + هههههههههههه + تحفه وغيره ) ..
هالردود محذفوه على طول ولن نرحم هالشله المخربين للمواضيع المتعوب عليها ..




7- نفس البند الي فوق .. بس هالمره الردود الي بتحذف هي ردود ( لي رجعه + برب ياخبل + محجوز + مكاني ) ..
أنت معك وقت تعديل الرد .. أن كانك عدلت ردك بالمده المحدده من قبل الإدارة فردك محد بيلمسه ..
وأن كانك سفهمت أم الكاتب سيتم حذف الرد .. وتقييم ردود الحجز راح تكون بكيف المشرفين ..
يعني يجيك واحد ويسوي ذيب ويقتبس العنوان .. ويقول ( ههههههههههههههههههه راجعلك ياحفله بس تصدق .... ويكتب له سطرين مالهم دخل بالموضوع ) ..
هذا برضوا بنحذف رده ..



8- جا كاتب ماصل ولا جا كاتب وصخ وتفكيره قذر وموضوعه سوقي .. وأنت الله يجزاك خير فيك كل الهبال والعقل ..
وقررت تنتقد موضوعه حنا كمشرفين نرحب بإنتقادك .. في حال أنه لم يتجاوز حدود الأدب المعروفه .. ولا فيه إهانة لصاحب الموضوع ..

9-حدود الأدب العام ( هي الكلمات الي ماترضى تصرح بها قدام الشياب ) ..
يعني لايجيني دلوع ويقولي احذف رده تراه قال عني ( وصخ +كخه + كلب + حمار + حيوان + حقير + واطي + سفله + ملف شقراء ههههههههههههه ) ..


<< أدري بيحقد علي القزم ..
بس حرام التحفة الفنية ذي تتعدل هههههههههههههههههه


10- يمنع رفع المواضيع القديمه .. وأي رد بينزل ويرفع موضوع قديم .. سيتم حذفه ..
فلذلك أمنعونا من الإحراج بهالحركات .. ترى اكره شي عند المشرف حذف الردود ..



11- الأحكام أكه سارية المفعول ..بس يمكن نشتري عليها (صن) ..إذا عندك واسطة ولو تبغى بعد نكوش اللعبة عادي ونرقمها تسجيلة فظهر طاحس << سماجة فالدستور وش بتصير مواضيع البشكة أجل
بمعنى يحق للمشرفين التعديل على الدستور متى ما اقتضت الحاجه أو طرأ طارئ جديد ..


الي عنده أي تعليق ولا أي استفسار يقدر يراسل مشرفين القسم ..