تبي تعرف من جاب طاريك في الضياع؟ تعرف على خاصية المنشن والهاشتاق الجديدة
بسم الله الرحمن الرحيم
والسلام عليكم ورحمة الله وبركاته
شلونكم يالضايعين وشخباركم عساكم بخير
أدري إن أبطيت عليكم هالمرة .. لكن راجع لكم بمفاجآت كثيره إن شاء الله بس أنتم لاتروحون بعيد خلوكم قريبين
اليوم جاي وفي جعبتي أحد الخصائص اللي مفروض تتفعل من زمان لولا بعض المشاكل التقنية اللي قدرنا نحلها الحمد لله .. الخدمة الجديدة هي زي ( المنشن Mention ) الموجود بموقع تويتر وبتكون مطبقة في الضياع بنفس الأسلوب والطريقة تقريباً .. إذا فيه أحد من الأعضاء تكلم فيك/عنك أو بمعنى أصح ذكرك وجاب طاريك في أحد المواضيع اللي ماتدخلها أو ماتشيك عليها بشكل يومي فهالخدمة راح تعطيك خبر (تنبيه) عن طريق التنبيهات وملفك الشخصي من هنا :
أيضاً أي عضو يقتبس ردك راح يوصلك تنبيه مباشر عن طريق مربع إقتباسات اللي بجنب (جابوا طاريك) في الصوره اللي فوق
الطريقة سهله زي تويتر ، إذا بغيت تمنشن أحد وبالتالي يوصله تنبيه إنك تكلمت عنه :-
1- تضيف علامة ( @ ) قبل اليوزر ، مع كتابة اليوزر بالشكل الصحيح
مثال : @ فالكم طيب << بدون المسافة اللي بين اليوزر والعلامة @
وبكذا راح تضمن إن العضو اللي ذكرت اسمه راح يقرأ ردك غصبن عنه
ملاحظة : علامة ( @ ) راح تختفي تلقائياً في الرد
أما بالنسبة للهاشتاق ( مربع هشتقوه ) فهذي تحصله عند بداية كل موضوع ، والهدف منها تنبيه العضو لموضوع معين قد يحتاجه أو تبيه يدري عنه/ يرد عليه ولها إستخدامت كثيرة << هذا اللي ماله خلق يشرح
هذا مالدي الحين وان شاء الله تكون الخدمة واضحة لكم وأي استفسار او اقتراح او ملاحظة لايردكم إلا المنشن
رد: تبي تعرف من جاب طاريك في الضياع؟ تعرف على خاصية المنشن والهاشتاق الج
خخخخخخخخ يا ذا التويتر ,, لعب في الناس لعب ,,
الحركة رايقة ,, بالحيل وأهنيكم عليها ,, وجمالها في بساطتها ,, وحقيقة المفترض أنها من زمان تتفعل ,, محاتسيكم لاعبتن فيه اللقافة لعب ,, ويبي يعرف كل واحد جايب طاريه ,, وهالخدمة ,, مفصله له تفصيل ,, ,,
بعد لو لو فيه كلمات ,, انا أضيفها يالعضو ,, واي واحد يحتسي بها ,, تعلموني عنها ,, لو تسووون هالحركة تكونون لبيتوا جزأ كبير من أمنيات الإخوة الملاقيف ,,
الزبدة ,, يعطيكم العافية ,, فكرة ما تخرش المية ,, كلمات <- يحاتسي عمره ,, خخخخخخ طفرن بالميزة
رد: تبي تعرف من جاب طاريك في الضياع؟ تعرف على خاصية المنشن والهاشتاق الج
وش هالنفسيه الخايسه بس .. مالك خلق تشرح أجل وشوله منزل موضوع أنت وشنبك المعشش ذا اصلاً من يوم عرفتك وأنت نفسك في خشمك مدري وش مصبر الديوان الملكي عليك للحين ولا أدري بعد وش مصبرنا عليك بعد اللهم طولّك ياروح <<-- إنبراشات طاحس الغبيه على طحينيه
صراحه يا ضايع أنا ماراح اعتمد على شرحك ذا لإني بالعربي مافهمت شيء هههههه راح أمشي على نظام كل طقة بتعليمة وأبمنشن كل الأعضاء وأبهشتقهم واللي يصير يصير وياليت تاكل تبن وتضف وجهك ! << طاحس زارف يوزري
رد: تبي تعرف من جاب طاريك في الضياع؟ تعرف على خاصية المنشن والهاشتاق الج
طيب وش استفيد اذا جبتوا طاريي!!
انا مابي ادري عشان تصير غيبه واخذ حسانتكم << احد يلزق كف على جبهتها
الصراحه هالخدمه تحسسني اني مهمه جدا وتاكيه بين الملايين من الأعضاء واحتاج هالخدمه عشان تنبهني مين الي جاب طاري مين الي ماجب لازم اعرف كل شيء اول باول !!
رد: تبي تعرف من جاب طاريك في الضياع؟ تعرف على خاصية المنشن والهاشتاق الج
حلووووووووووووووه كتير بصراحه
بتعرفو في شخص في هالمنتدى او شخصين او خلينا نحكي اربع اشخاص
محتاجين هشتقه بحبها القلب ههههههههههههههههههههه
بدون ذكر اسماء معروفين تنين احمر يا احمراني من قساك عليا
وشخصين واحد فيروزي والتاني ارزق
52إعجاب 
16-2-2012, 5:48 PM
تبي تعرف من جاب طاريك في الضياع؟ تعرف على خاصية المنشن والهاشتاق الجديدة 
.. لكن راجع لكم بمفاجآت كثيره إن شاء الله بس أنتم لاتروحون بعيد خلوكم قريبين 
!!
بس تكفون لاتحرموني رغبتي انكم تجيبون طاريي عشان احس باهمية الخدمه المقدمه لي
هاه ؟
العرض العادي
