توقعات سنة 2012 الضياعية مع البصّارة:فراشة إم طوني

قائمة بأسماء الأعضاء المهشتقين في هالموضوع :
اكتب أسماء الأعضاء اللي ودك تهشتقهم في هالموضوع وافصل بين يوزراتهم بفاصلة زي كذا : فالكم طيب، منجطل بالطاية، فارس، رماد انثى All Friends

1-1-2012, 1:49 AM

مشاركة رقم المشاركة : 1

فراشه موف

.F.M
ضايعة من قلب

فراشه موف غير متواجد حالياً

الأوسمة

توقعات سنة 2012 الضياعية مع البصّارة:فراشة إم طوني

توقعات 2012
في الضياع..

صباح /مساء الخير عليكم جميعاً..

بماان سنة 2012 شرفت..

والقنوات اشتغلت نصب وارانب وتوقعات<خصوصاً اللبنانية

قلت مابدّهاش يابت يافراشة..أومي وانفضي الغُبار عن بلورتك السحرية ..واهري الضياع والضايعين بالنصب وزيدي شطّة كمان..
فأخترت بعض الاعضاء بدون سابق دراسة
وهي بالاخر (مزوح ..تجي وتروح) فلاتشرهون

نبدأ
***
***

بالنسبة للمنتدى بـ2012
راح يزيد عدد المنضمين له ويعدي 15000 نسمة ونيـّف

...

وبحول الله بناءً على رغبة و حماس الاعضاء
*العدد الثاني من مجلة الضياع سيرى النور.
<يالله ان الاعضاء مايفشلوني

...

اتوقع من الادارة الشبابية ولاهانو شيبانها
انهم بعد البسطة و الدكان ..
وبمساعدة مالية كبيرة من حقوق البرنامج الناجح
(الضياع قوت تالنت)

بيصير بالضياع (مول كبير) <يالله فلوووها
وترا عادي اختلاط عوايل وشباب<تسمع بالديموغراطية

...

اتوقع تغيير صورة الزلابة اللي فوق
وحاط فنجان الشاي على ركبته..
الى زلابة ثاني لابس غترة
بس هالمرة ماسك اي فون *ويغرد بتويتر

بالنسبة للاعضاء:-

ابو نواس:
بتشين اخلاقه عقب رجعته للوطن
أكيد لامناظر زينه ولا لقى وظيفة تناسب شهادته..
وحتى حافز ماقبله لتجاوزه السن القانونية
فسيعود لمدرسته الاهلية ولتدريس رابع جيم
واحتمال كبير يبيع كاماته كلها

ويصف مع اللي يصورون بالجوال<بيحوشه اكتئاب مسكين

فالكم طيب:
سيتقلد منصب الرئيس الفخري
والمستشار الرسمي للضياع
والبروفسور النفسي الخاص لأبو نواس ههههههه

جودي :
مصممتنا الحلوة..<تخفف عليها من اللي جاي
بتصعقنا بتصميم خورافي لا صار ولا استوى..طلاسم ماراح حد يفهم موضوعها
الا هي ونفسية ،وليش نفسية؟!!
<لأنها بتكتب لها خاطرة عن التصميم فلازم تشرح لها..
بس هكذا هو الفنان العالمي الموهوب غريب لايشبه الاخرين ..
ولكنه مميز <وين بتصرفها لك

دانا :
بتصير د. دانا المستشارة السيكولوجية لأعضاء الضياع الضايعين
بس للاسف هذا العمل حيأثر على شهادتها بالمحكمة
فلن يقبلوها منها بسبب لحسة المخ اللي بتصيبها!!
الشي الحلو انها بتزل قصة بالبشكة حتكسر الدونيا
واحتمال يتفق معها ناشر لطبع القصة وتوزيعها بالمكتبات..

هنو:
احتمال كبير تمسك قسم المدونات بالاضافة للتقنية..
وتدرس مشروع خطابة الكترونية تجمع روس البرامج بالحلال..
ولامانع تجمع روس العوانس والعاطلين بالحلال بعد<تكسبين اجر فينا

بيتهوفن:
سيشغل منصب اكبر نظير تفاعله القوي بالضياع..*

واحتمال يُنشئ حافز صغيرون خاص
بالعواطلية المتسدحين في الضياع بس بـ200 ريال
اهم شرط ان العاطل ماعمره شاف فئة 200 ريال بحياته

بتولة:
بتصير كاتبة مشهورة وقلم واعد بالضياع
واحتمال تمسك اشراف البلكونه ان لم يعد احد الكتاب القدامى
او الشعراء للساحه الضياعية وبقوة..
الاكيد ان المستقبل المشرق أمامك

منجطل بالطابة:
اصوت بصوت عالي واقول ان هالكائن ومايمتلكه من مواهب
نثرها بالضياع وله بصمته الانبطاحية..ولكنه لم يُخرج كل مالديه بعد
هذا البخيل مازال يمتلك في جعبته الكثير
فانتظروووه<ام التوريطه

$$$

ولمزيد من الكذب..اقصد التوقعات:
راسلوني ع الخاص..وستجدوا مايسركم
بس خلوني اول أغير بطارية البلورة..
ودمتم بصحة وعافية.

wa7d_ok و أم ريالين و .,عايش حياته,. و 6 أعضاء آخرون معجبون بهذه المشاركة .

1-1-2012, 3:40 PM

مشاركة رقم المشاركة : 2

هنو

خبيره كمبيوتر

هنو غير متواجد حالياً

الأوسمة

رد: توقعات سنة 2012 الضياعية مع البصّارة:فراشة إم طوني

ياهلا والله فراشة

أجل شكلك البارح كنتِ عند برج خليفة تناظرين الاحتفال وتقصّين ع العالم هناك

!
صراحةً اسمحيلي أقول لك إنّ توقعااتك كلها خطأ و فشوش وماتلامس الحقيقة أبداً

والسّبب طبعاً إنّ بلورتك من عند أبو ريالين ماهيب أصليّة

اقتباس:

احتمال كبير تمسك قسم المدونات بالاضافة للتقنية..
وتدرس مشروع خطابة الكترونية تجمع روس البرامج بالحلال..
ولامانع تجمع روس العوانس والعاطلين بالحلال بعد<تكسبين اجر فينا

وراي بمسك قسم المدوّنات

! < - ههههههههههههههههههههههههه مسوية صدّقت

!
تصدقين ، ترى مشروع الخطابة هذا مشروع ناجح بكل المقاييس ،
ولو أدخله بصير غنيّة بدون تعب

كل الي يبيله هالمشروع مجرّد كاتالوج وجوال

وأدق على هالعالم وأشوف من يبي يتزوّج !
هاه تشاركيني

!
،
بالنّسبة لك فراشة ، ماتحسين انك نسيتي نفسك !
أعتقد إنّ عام 2012

بيكون عام تحوهلك من فراشة موفيّة إلى فراشة فصفوريّة لأسباب مجهولة مع محاولتك القويّة لانكار تعلّقك الكبير بمشروبات الطّاقة التي من أهمها الردبول

إن شالله يكون العام هذا عام جديد وجميل على الجميع يارب ،
سواءاً العام الهجري أو العام الميلادي

شكراً فراشة

<- تمسح بلّورتك المزيّفة وتعطيك اياها

فراشه موف و قصيميه جخه و ميّم معجبون بهذه المشاركة .

توقيع هنو :

سُقيَا حَياةٌ مَقدَمُك :") ،

اِسألُونِي :")

شُكراً رَؤوف :")

5-1-2012, 5:55 PM

مشاركة رقم المشاركة : 3

أم ريالين

مـلـتـمـسـه

أم ريالين غير متواجد حالياً

رد: توقعات سنة 2012 الضياعية مع البصّارة:فراشة إم طوني

أحم أحم ,, السلام عليكم,,

و أنا و أنا وأنا وش بيصير لي هالسنه ؟
هل سأعرس ؟

هل سأتوظف بالحكوميه ولا أتكل ع الله و أقوم أشتغل طقاقه؟

هل أشتري أي باد ولا أي بون ؟

هل بيصير لي غرفه بلحالي ؟

هل سأتابع الكوره و الرياضة و كذا

؟ << لأنس ناقصة غلقة و زيران
هل بيعود سواقنا

؟
هل بأنحف و أطول ؟

هل بأحج ؟ يارب يارب يارب

هل بأنجلد ؟

هل أكل تبن ؟

هل أغير توقيعي إلى ,, أم ريالين , وما خفي كان أعظم

طيب أخر شي والله أتوب .. هل سأحصل على ختم العمده ؟

لزوم التميلح دوتس

.,عايش حياته,. و فراشه موف و قصيميه جخه و 1 أعضاء آخرون معجبون بهذه المشاركة .

توقيع أم ريالين :

(( و إنا على فراقك ياوالدي لمحزونون ))

6-1-2012, 6:37 PM

مشاركة رقم المشاركة : 4

3abed

ضايع من قلب

3abed غير متواجد حالياً

الأوسمة

رد: توقعات سنة 2012 الضياعية مع البصّارة:فراشة إم طوني

ماشاء الله تبارك الله دائماً تفاجئينا بشي جديد يافراشة لكن خطر تكونين مثل "ابل" جابوا ايفون 4 فوقه حرف s

وبدل لا يحسنون من وضع البطارية ( زادونا من الطين بلة خخخخخخخخخخ وش جديدك يابو نواس وراك قاطعنا من روائع حتسيك

)

بسم الله عليتس من عقب موهبة تصوير دبدوبتس ضربتي بتوقعاتك بـ 2012 مفروض تخلعين عين دبدوبتس عشان تصير لتس علامة تجارية مثل "ابل "

اقتباس:
بالنسبة للمنتدى بـ2012
راح يزيد عدد المنضمين له ويعدي 15000 نسمة ونيـّف

هو عدد المنضمين حالياً 11,000 وعقب تسعة شهور تتوقعين زوجة حسنين تنزل مولودها الثاني ولا بيقعد يستهبل ويطولها شوي خبرك هالمصارية مايندرى عنهم يحبون العبط حتى ببطن أمهم خخخخ

عاد لا أوصيتس ليا جا دوري توقعيني بشركة عالمية حاط رجل على رجل وأنافخ على اللي تحتي مو تكسرين مجاذيفي وتتوقعيني عسكري

فراشه موف معجب بهذه المشاركة .

توقيع 3abed :

they act like they the smart
and we act like we the dope

8-1-2012, 2:52 AM

مشاركة رقم المشاركة : 5

فراشه موف

.F.M
ضايعة من قلب

فراشه موف غير متواجد حالياً

الأوسمة

رد: توقعات سنة 2012 الضياعية مع البصّارة:فراشة إم طوني

[QUOTE]

ياهلا والله فراشة *أجل شكلك البارح كنتِ عند برج خليفة تناظرين الاحتفال وتقصّين ع العالم هناك *!
صراحةً اسمحيلي أقول لك إنّ توقعااتك كلها خطأ و فشوش وماتلامس الحقيقة أبداً*
والسّبب طبعاً إنّ بلورتك من عند أبو ريالين ماهيب أصليّة [QUOTE]

هلا بك ياهناتي

ايه يااختي انا كل يوم بديرة..انشر علمي القميل بالعالم
تخبرين مكنستي وش حلاتها تطق اصبع للهايلكس بسرعتها

<وش وضعك بصارة والا ساحرة

الا انت وش دراك؟! لايكون انتِ اللي هناك فضحتيني!!
تقولين: دجالة .. دجالة !! نادو الهيئة؟!

(وانا اقول ايه ناديهم..هذا وجهي ان ردو عليك

وانا بخاطري اقول هذي المتفلته علي،من مرسلها تخرب شغلي؟!
ها اكيد انها منافستي ف الكار ماجي فرح!!

مير وانا بنت بابا .. امسك اذنك واقول ان مازحلطتي من هنا
أحولك للضفدع كامل،،بعدها ماشفت الا غبارك

وان كانت بلورتي من ابو ريالين..بس ماسمعتي بالمثل اللي يقول:
القالب غالب..اهم شي النتايج ياعيوني

[QUOTE]
وراي بمسك قسم المدوّنات *! < - ههههههههههههههههههههههههه مسوية صدّقت *!
تصدقين ، ترى مشروع الخطابة هذا مشروع ناجح بكل المقاييس ،
ولو أدخله بصير غنيّة بدون تعب *<-*
كل الي يبيله هالمشروع مجرّد كاتالوج وجوال *وأدق على هالعالم وأشوف من يبي يتزوّج !
هاه تشاركيني *! [QUOTE]
عاد ان مامسّكوك قسم المدونات!! ماعندهم سالفة

ايه انا مع كل مشروع ناجح..
خلاص بشاركك ،،الحين بأجّل مشروعي الفلته<طقاقة وافتخر>*
<طرالها من شافت بيت أحلام

(ماودك تنضمين للفرقة؟!

بس تبين الصدق ماأضمن نفسي
اخاف ان عجبني واحد ..انشب بحلقك واقول علي الحلال بنت حصيص ماتاخذه
واخرب لك المشروع

[QUOTE]
بالنّسبة لك فراشة ، ماتحسين انك نسيتي نفسك !
أعتقد إنّ عام 2012 بيكون عام تحوهلك من فراشة موفيّة إلى فراشة فصفوريّة لأسباب مجهولة مع محاولتك القويّة لانكار تعلّقك الكبير بمشروبات الطّاقة التي من أهمها الردبول [QUOTE]
يااختي قد شفتي بصارة تمدح نفسها

بعدين لوبصير فصفوريه!!
فهذا من النعول <وانتم بكرامه>اللي بتجيني من الزباين

وش ذا العالم..اللي ماترضى بنصيبها..ولا ترضى بتوقعاتي بعد!!

لاعاجبهم العجب ولا الصيام برجب

<ترفقي بس
مشروبات الطاقة ها،،وش قصدك؟!منتهية الصلاحية مثلاً..
لعلمك بأظل شباب ولو يصير الراس شايب
ولاتحاولين خلاص.. بأحولك لجدة ليلى اللي ياكلها الذيب..هيّن ياهنو
[QUOTE]
إن شالله يكون العام هذا عام جديد وجميل على الجميع يارب ،
سواءاً العام الهجري أو العام الميلادي *[QUOTE]
اللهم آمييين

اقتباس:

شكراً فراشة*
<- تمسح بلّورتك المزيّفة وتعطيك اياها*
*

العفو ياقلبي..ان شاءالله الموضوع كان خفيف وظريف

تمسحين بلورتي..!!!تتباركين فيها او ناوية تصرقينها!!

نورتيني ياقميلة

15-1-2012, 4:02 AM

مشاركة رقم المشاركة : 6

بتولة

ضايعة من قلب

بتولة غير متواجد حالياً

الأوسمة

رد: توقعات سنة 2012 الضياعية مع البصّارة:فراشة إم طوني

فراشة

اقتباس:

تدرين لو مايجي منك إلآ هالأمل يكفيني وزيااادة ..مستقبل مشرق يعني مستقبلي بكل شي دراسة كتابة وكل شي حلو

..
بس عاد أمسك قسم البكونه لآلآ أخاف أسوي شي بالقسم وترموني ورا الشمس

..ترا أفكاري هدامه يابنت

..
الشي الأكيد من دون توقع أن هالسنه بأذن الله بتكون حلو رغم مرارة بعض الأيام لآكن هالمر هو اللي محليها<< حليليها

بالنسبه للباقين أتمنى لهم عام سّار ممتليء بالمفاجأت والأشيا اللي تسعد قلوبكم يارب

فراشه موف معجب بهذه المشاركة .

توقيع بتولة :

تكفن شوقي بصدري عسى مثواهـ ..] ~ الجنه

15-1-2012, 1:16 PM

مشاركة رقم المشاركة : 7

DANA

من كباريه الضياع

DANA غير متواجد حالياً

الأوسمة

رد: توقعات سنة 2012 الضياعية مع البصّارة:فراشة إم طوني

اقتباس:

بتصير د. دانا المستشارة السيكولوجية لأعضاء الضياع الضايعين
بس للاسف هذا العمل حيأثر على شهادتها بالمحكمة
فلن يقبلوها منها بسبب لحسة المخ اللي بتصيبها!!
الشي الحلو انها بتزل قصة بالبشكة حتكسر الدونيا
واحتمال يتفق معها ناشر لطبع القصة وتوزيعها بالمكتبات..

لا تكفين قولي اني بتوظف بوظيفة سنعه لاتحطميني ونا لي اربع ايام متخرجه

عاد تراي اعرف نفسي مايحتاج ان دخلت مجال الكتابه ونشر قصصي الخورافيه صدقيني ابغطي على معرض الكتاب نفسه

ونافس تركي الدخيل في كتابة الروايه الفاضيه

<<مير احد يشرحلي ليه منزل كتاب فاضي ماقتنعت بحركته

!!!
ولله يافراشه اذكر يوم عمري 14 سنه كنت اجيب دفتر الرياضيات بو مربعات الكبير وعبيه قصص ولايفوتك قصص بوليسيه من وسع الوجه

<<اخرة الي يطالع المحقق كونان

همن قررت في لحظه منكوبه ان انشر لي شيء من كتابتي يوم وريته ابوي وهو الي يقول يابنتي تعوذي من بليس وطالعي دروسك وخلي عنتس هالطلاسم الي كاتبتها

<<ابد ماتحمطت ولا جدعت الدفتر على جيرانا

!!
وتبيني ارجع اكتب يافراشه تبيني اسبب امراظ نفسيه مزمنه لشبابنا المخنز اين ضميرك يوم تتفائلين فيني لهدرجه

!!
بس ترا احتمال اغير رايي اذا تبنيتي مشروعي في الكتابه ودفعتيلي بملغ يحمسني اكتب

<<تشقلبي بس

فروشه سمي يابعد قلبي

فراشه موف معجب بهذه المشاركة .

23-1-2012, 3:47 PM

مشاركة رقم المشاركة : 8

فراشه موف

.F.M
ضايعة من قلب

فراشه موف غير متواجد حالياً

الأوسمة

رد: توقعات سنة 2012 الضياعية مع البصّارة:فراشة إم طوني

أحم أحم ,, السلام عليكم,, و أنا و أنا وأنا وش بيصير لي هالسنه ؟

يالله صباح /مسا خير!!! وعليكم السلام
هلا بأم ريالين

<ماودك تتركين يوزر الفقر.. وتسمين نفسك
أم ألفين مثلاً؟!!
صدقيني بيتكم ماراح يفضى من الزوار

غربل الله ابليسك قولي امين
حسيت ان هذي ورقة اختبار واني ان ماجاوبت..بتنسحب مني رخصة البصارين المتحدون

نجي لأسئلتك.. <بس ترا بجاوب عليها بالمختصر
عشان لماتجين للمحل تدفعين العربون للخدمات الاستشارية<ماكو شي ببلاش

نبدأ:

هل سأعرس ؟
الصبر زين ..توك ماخذه حافز
اصبري سنة يكون تكونت لك ثروة صغيرونة
تطمع العرسان بك.

هل سأتوظف بالحكوميه ولا أتكل ع الله و أقوم أشتغل طقاقه؟
اكتشفت بعد خبرتي المتواضعة انك لازم وحتماً ولابد يكون عندك شغلة خاصة بك
والطقاقة شغلة تدر ذهب..الدعوة وناسة ومانتي ببرنامج عرب قت تالنت
يكرشونك وتقول لك احلامو نكست!!
وانا نيتي اسويها عاد اذا انك عزّمتي
ارسلي لي ايميل مرفق بموهبتك وارد عليك
هل أشتري أي باد ولا أي بون ؟
وش هو ذا؟!
لا بتشترين أي دونت نو<يمدحونه

هل بيصير لي غرفه بلحالي ؟
عاد صرتي بحافز مب بالمنتخب!! قال غرفة بلحالها قال!!
هل سأتابع الكوره و الرياضة و كذا ؟ << لأنس ناقصة غلقة و زيران
ايه دامك عاطلة بتتابعين حتى سباق الهجن ..من الفضاوة
هل بيعود سواقنا ؟
وش بيسوي لوعاد ..يقشر بصل معك..

ماعندك دوام!! ماظنتي بتشوفين خشته.
هل بأنحف و أطول ؟
ليه هو بعد حافز ماتوقف نموك للحين؟!!
هل بأحج ؟ يارب يارب يارب
ان شاءالله بس مع سعيد الحظ.
والحظ مثل البطيخ(الجح/الحَبْحَب)مع مراعاة فوارق اللهجات
ياأحمر ياابيض لكن مش رمادي

هل بأنجلد ؟
لا بتتسطرين بس خليك متفائلة.

هل أكل تبن ؟
في المواسم فقط

هل أغير توقيعي إلى ,, أم ريالين , وما خفي كان أعظم
تكفين غيريه الى أم ألفين.. والقادم أحلى!

طيب أخر شي والله أتوب .. هل سأحصل على ختم العمده ؟
ياااليل!!
السياسة الان تقول:
من طلب العلا ... دفع الرشاوي

<< .... تعبت
البصارة إم طوني في خدمتكم على
سبعة ألاف وسبعمية وسبعا وتلاتين وربع

أم ريالين معجب بهذه المشاركة .

توقيع فراشه موف :

رؤوف

أبو عُكـــاشة.. كيـف الحــال؟!!

أبــي :

جعـل يومـي قبـل يومـك

3-2-2012, 5:18 AM

مشاركة رقم المشاركة : 9

أم ريالين

مـلـتـمـسـه

أم ريالين غير متواجد حالياً

رد: توقعات سنة 2012 الضياعية مع البصّارة:فراشة إم طوني

<<<< هذا المشترك يهوجس وده يسمع الكلام ولا يدري وش يبدي
إلا بموضوع العرس مانيب مانيب

خلصو الرجاجيل الجدد ياربيييه
بعدين يصير ما فيه الا مستعمل

توقيع أم ريالين :

(( و إنا على فراقك ياوالدي لمحزونون ))

مواقع النشر (المفضلة)

« ســبّـــورة الــضّــيـــاع | كن بليداُ ,, كن متذمراُ ,,!! »

الذين يشاهدون محتوى الموضوع الآن : 1 ( الأعضاء 0 والزوار 1)

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الساعة الآن بتوقيت الرياض : 9:17 AM

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25