رحلتي الى الهند.. مقبرة حبيبتي+ واحد لابس ســاري ههههه

سنعة وشقردية

Little M!Ss غير متواجد حالياً

رحلتي الى الهند.. مقبرة حبيبتي+ واحد لابس ســاري ههههه

بسم الله الرحمن الرحيم
السلام عليكم ورحمة الله وبركاته

كح كح كح .. لتل ما اول

شو هالتغيرات اللي سارت فالمنتدى من زمااااان عن هالمنتدى.

علومكم اخباركم شو مسويين

وبعديني تعالوا يالادارة ليش رجعتوا رتبتي لفارض وجوده

.. < شو جاية تضاربين

صح اني انقطعت قرابة السنتين

بس هذا ما يمنع اتكم تنسون حقوقي كشقردية وسنعة

وبعدين انقطعت طول هالفترة لاني عرست

.. ايه عرست ليش ما تصدقون

وعندي بزر صغنووون

عقبالكم يا بنوتات

المهم
مثل ماقريتوا من عنوان الموضوع ..تراني سافرت الهند.. وكانت سفرة حبتين

قلت مدام صور الهند لسه معايا خليني انزل موضوع جديد هوون لعل وعسى يعجبكم وتروحون تزوروها

..
وان شاء الله يعجبكم

.. وترى العذر والسموحة على العربجة تراه اتكلم نص عامي ونص
فصحى .. ماعليكم الا تقرون وبس

نبدأ باسم المولى :

26-7-2011
يوم الثلاثاء
10:40 مساءا

هذا كان موعد وداع الامارات والدخول الى الطائرة المتجه لبومبي
كانت ليلة مشوقة جدا خصوصا وقت اعلان عن قرب المسافة لمدينة بومبي

وصلنا الحمدلله بالسلامة وكان الباص في انتظارنا خارج المطار.. ركبنا الباص وانطلقنا الى مدينة
اورنجباد التي تبعد عن بومبي حوالي 8 ساعات في الطريق

وبعد ربع ساعة تقريبا لقينا نفسنا اننا دخلنا ع الشارع العام..

وخلال هالثمن ساعات.. المفروض ننام من طول الطريق وتعب السفر.. فكرت فنفسي وقلت
مستحيل افوت هالفرصة

.. الا هاي اول مرة اشوف هالمناظر وشو ضمني اني السنة الجاية
راح اجي..فليش انام

.. وتمين صاحية طوول هال8 ساعات

واتخيلو طول الثمن ساعات
نفس المناظر ..جبال على انهار على اكواخ صغيرة

.. وشي ناس يعيشوت فيه..
وللي يحفر واللي يزرع واللي يلعب..
<<الزبدة طيب..

منظر يبهر الناظر فعلا

وهذي بعض الصور التقطها من فترة لفترة:

وهذا فيديو مصور للشارع:

المهم.. بعد صلاه الظهر وصلنا للمنطقة اللي زرناها.. طبعا المنطقة فيها 80%
مسلمين وعرب منهم يمنيين وسعوديين وسودانيين وفلسطينيين وسوريين عاشوا واتربوا فالهند..
وصلنا البيت وبدا مشوارنا التجولية..

اول اسبوع ماقدرنا نطلع مكان بسبب اكتظاظ الناس بالبيت.. تتقولون سوق مهب بيت

واطرينا اننا نطلع من بعد صلاه الفجر وقت شروق الشمس لاننا لو تمينا على حالنا
ننتظر لين العصر ونطلع ما بنخلص من زيارة الناس لين موعد رحيلنا<< هههه لعانة صح

.. وجاء الاسبوع الثاني اللي هو قدوم شهر رمضان المبارك.. وفهالشهر امتنعنا عن الطلوع
بسبب الصيام وهذا شهر عبادة مهب للتنزه

|<< وش عندها المطوعة خخخ

المهم.. جا العيد وعيدنا ويا الاهل.. وكلنل لبسنا الزي الهندي.. وهاي الصورة لابني لبسناه شرواني

فديته طالع كيووت

وفي ثاني ايام العيد رحنا رحلة لبان شكي و بيبيك مقبرة.. اول شي بان شكي:

بان: الماي.. وشكي: هي المطحنة التي تستخدم في طحن الدقيق و الذرة..

وتتميز بتشكي بحركتها الدوارنية بوساطة الماء

..
وشي كشكات صغيرة تبيع اكسسورات وملازم اثرية هندية.. وشي مسجد اثري وشجرة عمرها 500 سنة

..
وللاسف ما التقطت ولا صورة لها

.. بس هاذي بعض صور الطبيعة داخل بن شكي:

خلصنا من بن شكي بسرعة ورحنا دايركت لبيبيك مقبرة

بيبك: حبيبيتي او زرجتي . اما مقبرة: من اسمه مقبرة

.. يعني مقبرة حبيبتي

هذي بوابة القصر :

وهذا ممر القصر :

زووووووووم ع القصر:

يشبه تاج محل ..بس طبعا تاج محل احلى وافخم

.. وترى نفس الفكرة
انه ملك بنى هالقصر لزوجته بس دفنها في نفس القصر وهذا مقبرتها

قبر مليئة بالمجوهرات والمعادن الثمينة

ومن العادات اللي عندهم.. انه تفر ريال وتتمنى امنية وراح تتحقق لك

.. طبعا كله خرافات
و نحن رمينا ربابي كذا من باب التسلية ليس الا

وهذي صورة الطبيعة من فوق القصر:

نزلنا تحت في حديقة القصر وصورت لكم سلم القصر:

ودخلنا الحديقة:

من زود الفرحة قاموا العيال يتناقزون ويتسلقون ع الشجر

عقبها ردينا البيت لانه كان الجو مغيم وحسينا انه راح يمطر علينا وبنتوهق

عقبها بايام رحنا للسوق لزوم الاغراض حق الردة.. يوم نزلنا من السيارة نبي نروح المحل الفلاني صادفني هذا الشي:

انا جمدت مكاني وما تحركت

.. اخت زوجي تقولني: شفيج طوفي طوفي..

اقولها شفي قدامك اننتي عورة ما تشوفين

هاذا ثوووووووور تعرفين شو يعني ثوووووور

..
بعد اقل من دققيتين راح الثوور ومريت وبكل سهولة ويسر ع الشارع

وترى اهل الهند متعودين مثل هالمناظر

.. شفت جواميس وبقر وقرود وكلاب وخنازير
يتسوقون اااقصد يمشون في الشارع.. والبعض منهم يناموون

واخيرا اخر فيديوا التقطه كان هذا:

لا تعليق ههههههههه

* اسمحولي حطيت نغمة لانه اصواتنا كانت طالعة ونحن نضحك عليه

وهالصورة تعتبر بوابة لمنظقة اورنجباد اللي زرناها

وردنيا مثل ما جينا.. من اورنجباد الى بومبي الى الامارات..
هذي كانت اول رحلة لي اسافر بها خارجا. وبصراحة كانت فللة

ان شاء الله عجبكم المحتوى والصور.. والسموحة على الاطالة

وللامانة نكي الحقيقي هو so.wht

آلقصيمية معجب بهذه المشاركة .

توقيع Little M!Ss :

اللهم نسالك حسن الخاتمة

Quran alkrem by the reader ahmed al3jmy

3-12-2011, 9:43 PM

مشاركة رقم المشاركة : 2

سنعة وشقردية

Little M!Ss غير متواجد حالياً

رد: رحلتي الى الهند.. مقبرة حبيبتي+ واحد لابس ســاري ههههه

80 مشاهدة وولا رد

.. لعنبو بليسكم حتى فالردود بخيليييييييييييييييييييييين

ولا غيرتوا المنتدى بكبره.. صار المنتدى ترسلون اعجاب وحركات وبدون ردود

.. ولا شسالفة

توقيع Little M!Ss :

اللهم نسالك حسن الخاتمة

Quran alkrem by the reader ahmed al3jmy

4-12-2011, 1:42 AM

مشاركة رقم المشاركة : 3

فارس

مـراقـب عـام

فارس غير متواجد حالياً

رد: رحلتي الى الهند.. مقبرة حبيبتي+ واحد لابس ســاري ههههه

هلا والله بالبثره ليتل مس

.. ولكم باك يالقاطعه نورتيّنا .. ايه الحين أقدر ارجع لك رتبتك سنعه وشقرديه بدون ماأحس إني خالفت النظام

على فكره ترا حركات الإعجاب هذي تصبيره يعني أعطيك إعجاب بما معناه : إني مشغول الحين بس أعجبني موضوعك وراجع لك بالرد والتقييم أول ماأفضى

.. ايه صح عالبركه المولود الجديد

<< بدري

ماشاء الله .. شكلكم طولتوا وقعدتوا أكثر من شهرين في اورنجباد اللي أتوقع من اسمها إنها مليانه أشجار برتقال

.. صح ؟

.. وبعدين وش يحس به ذاك لابس ساري هههههههههه الله لايبلانا بس

^
^
أول ماشفته حسبته تاج محل

.. أعجبتني هالصوره

رحله لطيفه وطويله يالتل مس

.. وموضوع يستاهل التثبيت والصفوه بعد إذن معزبنا

مثبت + نسخة للصفوة

توقيع فارس :

4-12-2011, 1:02 PM

مشاركة رقم المشاركة : 4

منجطل بالطاية

مراقب مارج

منجطل بالطاية غير متواجد حالياً

رد: رحلتي الى الهند.. مقبرة حبيبتي+ واحد لابس ســاري ههههه

<< داخل الموضوع ولابس بنجابي وفوق اذنه قلم رصاص وشايل بيده عدة سباكة

اما لتل حيه الى الحين .. عاد خابرتس ماصله لا تقعدين تقولين عقرب عشان ما اقوم اشوتس انتي وموضوعتس للتشليح

<< وش فيه طنقر ذا

سبحان الله يغيب الواحد ويرجع نفس ماهو جالس اتأمل الخط وكبره ونوع الخط هو نفسه ما تغير

.. فعلا شي جميل انك تشوف ناس مبطي عنهم صدز اني جيت قبل تعرسين بشوي والصدز اني فشلن منتس ما امدان حتى اعطيتس عانية العرس بس هذا ما يمنعن الآن أقولتس مبروك العرس ومبروك وليدتس وعساه يتربى بعزكم

نرجع لموضوعتس .. تصدقين اني وقفت دقيقتين بحاول استوعب لانتس جبتي طاري العيد وانا طايره عيوني وش دخل العيد بالهند

.. بس بالاخير فهمت انكم عيدتوا بين البقر

.. الهند وش اقول بس امنيتي بس اروح عشان اصدق ابوي لانه قد قالي ان البقر بالشارع اكثر من السيارات

.. المفروض اصدقه صح بس المشكلة يا جماعة الشيبان يقولون الصدز بس مع البهارات الزايده يقلب تسذب وهذا اللي يخلين دايم اسلك واسجلهن عندي بورقه عشان بالمستقبل اتاكد

قبل افصفص الموضوع خلين بتناقش مع الكمخه اللي فوقي واوضح له وجهة نظري

.. اورنجباد من اسمها واضح .. اور = our والشق الثاني اللي هو نجباد= اسم هندي معناه في بطونهم

.. فهم عندهم تعصب الهنود لدرجة كل واحد يسمي ديرته اللي يبي من بطنه ويحط قبلها اور

بعض الاحيان يجيك شعور مثل شعور المحشش انك ودك تقلب تيس وتعيش بهالطبيعه عشان تستفيد

.. سبحان من عطاهم الطبيعه وعطانا الرمال .. ويقولون ليش طبيعتنا جافه وليش حنا شهبان ياخي انا ودوني هناك شهر ارجع لكم آكل ورد من قوة الرومنسية حتى من قوة الرومنسية اذا رجعت وشفت ابوي اخمه علطول ما اسلم سلام عادي

.. يعني بعطيكم مثال بسيط .. من يتخيل معي ابو نواس قفز قفزة بانه تخلى عن كل معاني المطعسه وتحول فجاة الى ذلك الانسان الذرب ذو الاخلاق الذربه

.. الاجابة واضحه لانه عاش بين الخضار والمطر

ماشاء الله .. الله يحفظه ويخليه وتراي حاجزه لبنية اخوي

الله من الفسقة مسوي قصر عشان مرته .. اي حب يتغنون فيه تباً لهم

.. الحب ياشيخ لو يسكنون بعشه على حدود اليمن ما عندهم مشكله واذا ماتت يجدعه بالبحر بعد

.. الحب مب مظاهر الحب يختلج شظاف القلب << تكفون طلعوه لا يجيب العيد ما عقب شظاف القلب شي

يا حلاة من طب تالي الليل واخذ هاللي يهايط فيه .. يعني وحده ميته وشوله تحط مجوهرات يابن الكلب

.. ياخوي وزعهن وخذ بهن اجر

شكل ابوي صادز ههههههههههههه

.. انا احس في السنوات القليلة القادمة بنشوف احتجاجات على بلديات محافظات الهند انهم ما يسوون طريق مزفلت للبقر

واخيرا .. نروح للمقطع الاخير اللي اثار اعجابي واثار قريحتي وبيني وبينتس اثار فحولتي

.. ورا ما طلع ركبته وفخوذه عشان نخق زود

على فكرة قبل اختم الرد .. ترا الثمانين مشاهدة كلهن انا كل شوي داخل طالع من الموضوع من قوة الاعجاب

.. وتم التقييم ومنورة المنتدى

توقيع منجطل بالطاية :

كثيرة هي عقبات الدنيا كما كثرة تحويلات الرياض

كل ما عليك تبحث عن درب آخر وتواصل حياتك

----------------

4-12-2011, 1:14 PM

مشاركة رقم المشاركة : 5

بيتهوفن

معزب الكوكتيل

بيتهوفن غير متواجد حالياً

رد: رحلتي الى الهند.. مقبرة حبيبتي+ واحد لابس ســاري ههههه

سلامات الاسفار يا ليتل ميس
ومنورة الضياع برجعتك

اقتباس:

وبعدين انقطعت طول هالفترة لاني عرست.. ايه عرست ليش ما تصدقون
وعندي بزر صغنووون
عقبالكم يا بنوتات

الف مبروك زواجك .. عسى ربي يهنيكم
ويرزقكم الذرية الصالحه .. ومبروك ماجاكم
الله يجعله باراً لكم

جيتني مثل السحاب.. وجيت لك مثل الضما
جيت لك مثل الضما لا لمح وجه السحاب
من يلوم الضامي اللي بحضن هالغيم إرتما
راح عمره يا سحابه قبلك .. بطرد السراب !

خلونا نشوف موضوعك اللي كنه متناقض

كيف عجل ويرضع من ثور

ماشاء الله تبارك الله .. الله يحفظة ويخليه لكم

ليتل سؤال .. هو صدق كل هالصور بنفس اليوم ..؟؟
وش ذا الجو بكل الصور غيم

يالله ترحمنا من واسع رحمتك

اهنيك على الصور والسفره وكل شيء
الله يعطيك العافيه

5-12-2011, 12:27 AM

مشاركة رقم المشاركة : 6

3abed

ضايع من قلب

3abed غير متواجد حالياً

رد: رحلتي الى الهند.. مقبرة حبيبتي+ واحد لابس ســاري ههههه

شفي ياأوخيتي إنتي ساحبة على المنتدى سنتين وعلى مشارف مسقط رأس سنة 2012 نقدر نقول ثلاث سنوات لوكان مالتس مبرر أو سبب مقنع تستاهلين رتبة ( مسحوبة الرقبة ) ، لكن بما إنتس تزوجتي وخلفتي ورور يامحلاه بسم الله عليه..ياشيخة موضوع سياحي ويخب عليهم.. لو ماجاك من الردود غير رد رأس حربة الضياع والعيار والمعزب يكفيتس ويغنيتس عن بقية الزلايب اللي سحبو على الموضوع خصوصاً لاصاروا هالزلايب من ضمن إختصاصهم هالمواضيع السياحية..

اقتباس:
بعض الاحيان يجيك شعور مثل شعور المحشش انك ودك تقلب تيس وتعيش بهالطبيعه عشان تستفيد

منجطل في تطاول صريح بحق المحششين وتشبيههم بالتيس ..ينقاله بيضيف على جو العياره خلاقين المدح..ياماما هذا يسمع عن المدح ولا يدل دربه ..إن بغيته للعياره فهو لها أما بيقعد يسوي فيها رومنسي ماله لوا..لاحظي يومه يقلب رومنسي وش قالتس ( أكل وردة وأحظن بابا )..تكفى يامنجطل كانك تقدر هالشنب الخفيف تحت خشمي ، شي يسمونه رومنسية لاعاد تطريه على لسانك ، كثر مالعبت العياره بمخيخك ..أشك ليا منك تزوجت وجت ساعة ( الرومنسية الدافئة تحت غطاء البطانية ) بتقضيها سوالف وذب على البنية لين يخمكم النوم..

اقتباس:
بتخيل معي ابو نواس قفز قفزة بانه تخلى عن كل معاني المطعسه وتحول فجاة الى ذلك الانسان الذرب ذو الاخلاق الذربه .. الاجابة واضحه لانه عاش بين الخضار والمطر

لاتنبش الماضي مايحتاج والله يامنجطل هذا أبو نواس الوجة الثاني من عملتك وماهو بعيد عن ديدنك..الصورة واضح وضوح الطبيعة الخلاب تبع الهنود.. زيد أخو عبيد
وعلى طاري الهنود الله يقلع بليس الهنود اللي عندنا هنيا يتركون جنة الله في أرضهم عشان يغسلون سيارتي نعنبو داركم أعيش محشش بهيئة تيس ..نايم أكل قايم مثلي مثل أي بهيمة ..على ماقال منجطل ولا أترك هالطبيعة عشان وش .! ، الرياض ! حسب معرفتي لمسمى الرياض يطلق على منطقة تشتهر بطبيعة خلابة وجبال وإزفلت رباني أخضر.. من ذا المحشش اللي مسميها الرياض !

اقتباس:
جيتني مثل السحاب.. وجيت لك مثل الضما
جيت لك مثل الضما لا لمح وجه السحاب
من يلوم الضامي اللي بحضن هالغيم إرتما
راح عمره يا سحابه قبلك .. بطرد السراب !

هاه عندتس ثالثهم بيتهوفن عزف لتس على الطاير سموفينة من سمفونياته يعزي بها ديرته على الطبيعة اللي إنحرم منها..سؤال يقرقع بفضولي ، عندتس خبر إنتس منزله موضوعتس بمنتدى أكثر أعضائه من اهل السعودية..ماظنتي ، شكلتس تحسبينهم من أهل ديرتس إماراتيين مايعوق معهم الرد على مثل هالمواضيع السياحية ( < تقطع حلقي وأنا أقاقي هالمصطلح ) ..لأنتس لو عندتس علم ودراية بهالشي ماإستغربتي التفاوت بين عدد المشاهدات وعدد الردود ( إلا بسألتس ، بالله شرايتس في ردي ماتتفقين معي القول إنه بصلب الموضوع ؟ )..شفيني من أوله إلى أخره شاد عزمي وحارق القير ومعشقه بالمدح وبنياح مديحة زوجة حسنين جارنا ( ماتعرفينها لاتأخذين هم )

بالمختصر الشديد ( بحاول ما أوعدكم ) رجاءً وبصوت جهوري يامنجطل حدك هنا إلا المحششين والله لو تتنتن من اللي يفرطونه إنك لتشوف المزاحمية باريس والربع الخالي بحر الأمازون عوضاً عن هالبحر اللي مأخذينه مقلب علينا ومسمينه "عروسة البحر الأحمر"( ضحكة طويلة ههههههههههههههههههههههههههههههههههههههههههههههههههههههه إلخ ) ..أول مرة أسمع عن عروسة بحر شواطئها غواطي ومخلفات ..إتكلوا على الله يااهل جدة وإرفعوا معروض لأمير منطقتكم تطالبونه فيه يغير مسمى البحر إلى عروسة البحر الميت خخخخخخخخخخ .. ياويح قلبي ياجدة شسووا بتس ولاة أمرتس ..أخبر شعارتس من قبل ( جدة غير ) الحين كل اللي أسمعه عنتس ( مدينة جدة تغرقك أو تحرقك ) ..أبو الرعب ياشيخ خخخخخخخخ يطق لرعب مدينة الأشباح في موضوع أبو نواس بإصبع .. والله يا ان تفلة الزكرت ( واحد أوكيه ) بوجه التويجري بركة تمحق بشاعة وجهه

الشكوى لله والشكوى على ذا الرد من حلال المحكمة لكم..وياأبو نواس ومنجطل أحبكم وليا قدر الله وطحت بواحد منكم شوي شوي علي تراني حساس وأخذ بخاطري ماهوب تحسبوني وسيع صدر مثلكم

توقيع 3abed :

they act like they the smart
and we act like we the dope

5-12-2011, 9:52 AM

مشاركة رقم المشاركة : 7

سنعة وشقردية

Little M!Ss غير متواجد حالياً

رد: رحلتي الى الهند.. مقبرة حبيبتي+ واحد لابس ســاري ههههه

^^
جايتلك ياللي تهايط برد خارج الموضوع بس اصبر علي شوي

اقتباس:
هلا والله بالبثره ليتل مس .. ولكم باك يالقاطعه نورتيّنا .. ايه الحين أقدر ارجع لك رتبتك سنعه وشقرديه بدون ماأحس إني خالفت النظام

اقتباس:

اهلين فيك مديرنا.. وشكرا على استرجاع رتبني المفقودة

<< الله من زود الادب

اقتباس:
على فكره ترا حركات الإعجاب هذي تصبيره يعني أعطيك إعجاب بما معناه : إني مشغول الحين بس أعجبني موضوعك وراجع لك بالرد والتقييم أول ماأفضى

.. ايه صح عالبركه المولود الجديد

<< بدري

اقتباس:

اووما كذا يعنيوالله واطورتوا يا الضياع اعجاب وقلوب وتالنت بعد

اقتباس:

ايه صح عالبركه المولود الجديد << بدري

ربي يبارك فيك. عقبالك.

اقتباس:

أتوقع من اسمها إنها مليانه أشجار برتقال

.. صح ؟

ههههههه غلط
قول مشهورة بالبقر والكلاب

اقتباس:
وبعدين وش يحس به ذاك لابس ساري هههههههههه الله لايبلانا بس

حسيت لا ويعدل قميصه بعد

اقتباس:

^
^
أول ماشفته حسبته تاج محل

.. أعجبتني هالصوره

نفسي.. عبالي تاج محل بس اتذكرت انه تاج محل في اغرا ونحنا في اورنجباد[ .. بس تاج محل افخم اكييييد

اقتباس:
رحله لطيفه وطويله يالتل مس

.. وموضوع يستاهل التثبيت والصفوه بعد إذن معزبنا

مثبت + نسخة للصفوة

انزين وين التثبيت ما اشوفه
اسعدني تواجدك ولو انك ما ثبت موضوعي << هذا الحين بتكسر خاطرك لين ما تثبت موضوعها خخخخ

دووك

توقيع Little M!Ss :

اللهم نسالك حسن الخاتمة

Quran alkrem by the reader ahmed al3jmy

6-12-2011, 1:58 PM

مشاركة رقم المشاركة : 8

سنعة وشقردية

Little M!Ss غير متواجد حالياً

رد: رحلتي الى الهند.. مقبرة حبيبتي+ واحد لابس ســاري ههههه

اقتباس:

<< داخل الموضوع ولابس بنجابي وفوق اذنه قلم رصاص وشايل بيده عدة سباكة

ههههههههههه

الله يستر هذي بدايتها

خوفي بعد هالرد كله تنقلب ينجابي صدز

اقتباس:

اما لتل حيه الى الحين .. عاد خابرتس ماصله لا تقعدين تقولين عقرب عشان ما اقوم اشوتس انتي وموضوعتس للتشليح

<< وش فيه طنقر ذا

ماشاء الله تذكرني

..الحمدلله يعني ما نسيتوني

.. ولا تحاتي وانا اختك هالمرة ثور اوب عقرب

اقتباس:

سبحان الله يغيب الواحد ويرجع نفس ماهو جالس اتأمل الخط وكبره ونوع الخط هو نفسه ما تغير .. فعلا شي جميل انك تشوف ناس مبطي عنهم صدز اني جيت قبل تعرسين بشوي والصدز اني فشلن منتس ما امدان حتى اعطيتس عانية العرس بس هذا ما يمنعن الآن أقولتس مبروك العرس ومبروك وليدتس وعساه يتربى بعزكم

اقتباس:

هههههههه وانت ليش تدقق

يعني خبرك بعرس خلاص بتغير وحركات

..انا امشي على شعار صامدون وللابد

وبي يبارك فيك وعقبالك ان شاء الله

اقتباس:

بس بالاخير فهمت انكم عيدتوا بين البقر ..

اقتباس:

عن الغلط لو سمحت

.. شوشايفنا

< عصبت الخالة

اقتباس:

اورنجباد من اسمها واضح .. اور = our والشق الثاني اللي هو نجباد= اسم هندي معناه في بطونهم .. فهم عندهم تعصب الهنود لدرجة كل واحد يسمي ديرته اللي يبي من بطنه ويحط قبلها اور

اقتباس:

حركات قديمة مسوي كوبي على ويكيبيديا انت وتحليلك المطقطق

اقتباس:

ودك تقلب تيس وتعيش بهالطبيعه عشان تستفيد

بس خوفي ترجع ومعاك قشطة وجوز الهند

اقتباس:

ماشاء الله .. الله يحفظه ويخليه وتراي حاجزه لبنية اخوي

بس لاتلومني فالمستقبل لو شد شعرها

اقتباس:

الله من الفسقة مسوي قصر عشان مرته .. اي حب يتغنون فيه تباً لهم .. الحب ياشيخ لو يسكنون بعشه على حدود اليمن ما عندهم مشكله واذا ماتت يجدعه بالبحر بعد .. الحب مب مظاهر الحب يختلج شظاف القلب << تكفون طلعوه لا يجيب العيد ما عقب شظاف القلب شي

اقول تكفى يا شظاظة القلب خف علينا

.. انت تعرف انه اكبر نسبة الاحترام والحب والتقديس بين الزوجين فالهند

.. واقل نسبة طلاق بعد

.. يعني لو جبتلي هندي وقلته يا طلق مرتك ولا ترمي نفسك من فوق الجبل راح يرمي نفسه بدون لا يلتفت لورى

.. وبعدين كذا الرجال ولا بلاش

ما يغلى على حرمته قصر حتى

<< تقول بصوت واطي عشان ما يسمعها ابو العيال خخخخخ

اقتباس:

يا حلاة من طب تالي الليل واخذ هاللي يهايط فيه .. يعني وحده ميته وشوله تحط مجوهرات يابن الكلب .. ياخوي وزعهن وخذ بهن اجر

وه هذا عشان تتاكد انه الحرمة مقدسة عندهم وصى بعد مماتها يعيشونها بين جواهر وفضة

اقتباس:

شكل ابوي صادز ههههههههههههه .. انا احس في السنوات القليلة القادمة بنشوف احتجاجات على بلديات محافظات الهند انهم ما يسوون طريق مزفلت للبقر

هههههههههههه اي بلدية المنطقة ما فيها قانون يعني لو ضعت هناك محد بيجيب خبرك

اقتباس:

على فكرة قبل اختم الرد .. ترا الثمانين مشاهدة كلهن انا كل شوي داخل طالع من الموضوع من قوة الاعجاب .. وتم التقييم ومنورة المنتدى

لا تحاول تسلك للاعضاء.. وصح مبروك الترقية< ادري بدري

والله من جد سعدت بردك.. منور

توقيع Little M!Ss :

اللهم نسالك حسن الخاتمة

Quran alkrem by the reader ahmed al3jmy

8-12-2011, 7:05 AM

مشاركة رقم المشاركة : 9

سنعة وشقردية

Little M!Ss غير متواجد حالياً

رد: رحلتي الى الهند.. مقبرة حبيبتي+ واحد لابس ســاري ههههه

اقتباس:

سلامات الاسفار يا ليتل ميس

ومنورة الضياع برجعتك

اهلين بتهوفن.. منورة بوجودك

اقتباس:

الف مبروك زواجك .. عسى ربي يهنيكم
ويرزقكم الذرية الصالحه .. ومبروك ماجاكم
الله يجعله باراً لكم

ربي يبارك فيك وعقبالك ان شاء الله

اقتباس:

جيتني مثل السحاب.. وجيت لك مثل الضما
جيت لك مثل الضما لا لمح وجه السحاب
من يلوم الضامي اللي بحضن هالغيم إرتما
راح عمره يا سحابه قبلك .. بطرد السراب !

ههههههههههههههه احسك كاتبن هالابيات وهي طالعتن من صميم قلبك

..ماعليه

اقعد اتخيلها انها ديرتك وكانك تمشي بين هالبقر اااقصد بين هالطبيعة

<< ما جبتي حل

اقتباس:

كيف عجل ويرضع من ثور

هههههههههه لا لا

..اظني ما يرضع

شكله كان منزل راسه لتحت وفي الصورة طلع وكانه يرضع

والله اعلم<<يقالك حللت

اقتباس:

ليتل سؤال .. هو صدق كل هالصور بنفس اليوم ..؟؟

اكيد لا.. صور الشارع العام كان هذا يوم وصلنا الهند اول يوم

اما صور بن شكي والمقبرة هذي يوم واحد.. طلعنا من الصبح وردينا العصر
وصورة الثور هذا كان يوم ثاني .. وفيديو الريال اللي لابس ساري هذا كان اخر فيديو التقطه في الهند وختامها مسك

وازيدك بعد كان جوهم ذيك الايام مغيم وامطار

.. وبعد ما يخف المطر اتخيل تشم رائحة العشب الاخضر وانت في بيتك بس ماعليك الا تفتح الدريشة وبتلاقي قدامك طبيعة مئة بمئة

.. وبعدها بشوي يطلع ضفادع بالبيت وفراشات

..

ربي يعافيك بيتهوفن على ردك الراقي.. القف

توقيع Little M!Ss :

اللهم نسالك حسن الخاتمة

Quran alkrem by the reader ahmed al3jmy

8-12-2011, 8:42 PM

مشاركة رقم المشاركة : 10

سنعة وشقردية

Little M!Ss غير متواجد حالياً

رد: رحلتي الى الهند.. مقبرة حبيبتي+ واحد لابس ســاري ههههه

نجي للضايع عبيد .. يعني بالله عليك ما يحلالك الجو تعلق على ابو نواس ومنجطل وبتهوفن الا بموضوعي.. << احمدي ربك انه رد عليك.

اقتباس:

.. لو ماجاك من الردود غير رد رأس حربة الضياع والعيار والمعزب يكفيتس ويغنيتس عن بقية الزلايب اللي سحبو على الموضوع خصوصاً لاصاروا هالزلايب من ضمن إختصاصهم هالمواضيع السياحية..

ايه والله وانت الصادز.. ومنهم العيار عبيد

،اقتباس:
عندتس خبر إنتس منزله موضوعتس بمنتدى أكثر أعضائه من اهل السعودية..ماظنتي ، شكلتس تحسبينهم من أهل ديرتس إماراتيين

من قلك اني اماراتية.. يا ريال انت فاهم السالفة غلط
تراني من اهل ديرتك وفي نفس الوقت امارتية قانونيا ..

شكرا على ردك واضاعة وقتك بقراءة خنبقتي

.. دووك

توقيع Little M!Ss :

اللهم نسالك حسن الخاتمة

Quran alkrem by the reader ahmed al3jmy