نكــبــه .! || الضياع قوت تالنت || - الصفحة 2

قائمة بأسماء الأعضاء المهشتقين في هالموضوع :
اكتب أسماء الأعضاء اللي ودك تهشتقهم في هالموضوع وافصل بين يوزراتهم بفاصلة زي كذا : فالكم طيب، منجطل بالطاية، فارس، رماد انثى All Friends

28-12-2011, 2:47 AM

مشاركة رقم المشاركة : 11

حوآء الخآمسه..!

حوآء الخآمسه..! غير متواجد حالياً

الأوسمة

رد: نكــبــه .! || الضياع قوت تالنت ||

يالله !
قسم بالله إني غبية !

قيّمت عابد مدري عبود على أحسبه منجطل

منتهى الغباء والثوارة

ماعليه ياسيد عبود إمسحها بوجهي ههههههههههههه ولاتدقق
وأعتبر نفسك ماقريت شي

.. طلبتك لاتقول لأحد عن الكلام اللي كتبته بالتقييم

ونظراً لأني خبلة مانيب مقيمتك يامنجطل عقب الخطأ الفادح اللي أرتكبته

يمكن الرد مخالف بس من القهر مدري وش أسوي !!!! : (

توقيع حوآء الخآمسه..! :

29-12-2011, 7:10 AM

مشاركة رقم المشاركة : 12

3abed

ضايع من قلب

3abed غير متواجد حالياً

الأوسمة

رد: نكــبــه .! || الضياع قوت تالنت ||

اقتباس:

يالله !
قسم بالله إني غبية !

قيّمت عابد مدري عبود على أحسبه منجطل

منتهى الغباء والثوارة

ماعليه ياسيد عبود إمسحها بوجهي ههههههههههههه ولاتدقق
وأعتبر نفسك ماقريت شي

.. طلبتك لاتقول لأحد عن الكلام اللي كتبته بالتقييم

ياختي مانيب قايلن لأحد ، اللي يقرا لك يقول هذي شكلها مرسلة لمنجطل قصيدة غزل .. لذلك تطمني

التقييم :

ياخي الصورة الخضراء حقة الحجب لاطلعت لنا بأي موقع تجيب الإحباط هههههههههههه والله من الدشارة >أستغفر الله .. أمزح

حوآء الخآمسه

خخخخخخخخخخخخخخخ

حسبي الله عليك يامنجطل موضوعك تأثيره واضح على فكر الأعضاء ، من تالي مادري وش صايبهم
شف خاشة بالغلط وش سادحة بموضوع اليوتيوب

خخخخخخخخخخخخخخخخخخخخخخخخخخخخخخخخخخخخخخخخخخ

29-12-2011, 11:58 AM

مشاركة رقم المشاركة : 13

فراشه موف

.F.M
ضايعة من قلب

فراشه موف غير متواجد حالياً

الأوسمة

رد: نكــبــه .! || الضياع قوت تالنت ||

^
عبود؟! حسبي الله على ابليسك وانا اللي احسب اني باليوتيوب أرد
الحين حواء تطلبك ماتنزل التقييم..ثمن تقول تطمني و تنزله..<يافتون

...
...
نجي لجطول..

يا مبدع ياحريف..
طرحك سهل وخفيف..
والباكستاني وضعه مخيف!!
سعادة اللواء،كم انت ظريف

..
..

اقتباس:

يااااااااااا عسكري .. هكذا كان يصوت بصوت عالي سعادة اللواء الفريق اول ركن منجطل بالطاية *(

اقتباس:

امنعونا من الردى ولا تدققون بـ يصوت بصوت عالي

)

اقتباس:

يصوت بصوت عالي؟! ! خلاص ماراح أعلق<خافت من خرامه تفلق جبهتها

فجأة باب المكتب ينفتح ويدخل الجندي مشبب وهو يواسي القايش ويضبط كرشته ويمحش خشته من بقايا الفول والشاهي ويدق تحية ويقول بصوت يعتريه الخوف: سم طال عمرك*
رد عليه منجطل: رح جب لي الجحلط عزيز ودحيم خلن اشوف وضعهم كل يوم طابين علينا بالقسم واطلعهم مدري ليش الى الحين راحمهم *.. اتجه مشبب الى الباب وفجاة سمع صوت منجطل وهو يقول كم مرة اقولك لا تفطر لحالك ياخي احسبوا حسابي وابشروا بالقطية بس لا تسحبون علي صدق اني لواء فريق اول ركن بس تراني متواضع والدليل اني جالس اسولف معك يالله اقلب وجهك وخلك بكرا تفطر بدوني *.. خرج مشبب من المكتب وهو يسمع كلمات منجطل يتمتم بقوله.....
(( بخيل ما يعزمني)) *

^
هههههههه اظن يبيلنا سنه اذا مب اكثر حتى ننسى هالجملة!!

اقتباس:

عاد مشبب ومعه عزيز ودحيم وكان ودخلوا المكتب وكان منجطل مشغول بهاتف ويأشر لهم يقول تعالوا بعدين الحين يكلمن ابو متعب يبي واسطه وده يدخل ولده الكلية الامنية ( تسني اشوف جيب مباحث )
بعد عشر دقائق سمح لهم بالدخول .. خرج مشبب ليبقى ثلاثة بالمكتب وهم سعادة اللواء فريق اول ركن منجطل *وعزيز ودحيم *ليخرج ابليس من الغرفة ويرفع ايديه معلناً استسلامه وهو يقول هذولا مقدر عليهم*
ساد الصمت المكان الى ان بادر عزيز بقوله: يا طويل العمر عساك قبلت ولد ابو متعب *.. رد منجطل قال تخبر ابو متعب عزيز وغالي وكنا انا وياه منوّل بيننا عيش وملح بس بهذي ما اقدر ياخي ولده جايب نسبة 65% ويبيني اسجله قلت له معليش خله ينقع مع حقين حافز ويسبع المواعين مع امه عشان تحس *.. الا يالملقوف وراك تسال انا اللي مفروض اسالك .. ياخي انتم وش قصتكم وش وضعكم كل يومين جايين عندنا قبل اسبوعين قافطينكم جنود الوطن الاشاوس وانتم تسرقون دبّات غاز من قصر احد التجار بطريق التخصصي نعنبوا بليسكم ضاقت تسرقون ناس واصلين *.. هذي امشيها لكن توصل ان الهيئة ماسكتكم بقضية شذوذ جنسي هذي اللي مقدر امشيها*

رد عزيز: يا طويل العمر السالفة طويلة ويبي لها جلسة لاني الصدز انا انسان مظلوم معي ابليس ذا ( وكان يأشر على دحيم ) هو اللي وهقن واكلت تراب .. هذا من عرفته وانا ما شفت الا النحس اييييييييه يا منجطل ليتك تدري .. بحركة خطافية كوب الشاهي لاصق بين عيون عزيز ومنجطل يقول ويييين يالحبيب خويك بالاستراحة تقولي منجطل حاف وين طويل العمر *

ياهتلر انتا ياشريــر!!

اللواء فريق اول ركن..تبيه كل شوي يقولها!!ماااصارت
شكل عُقدك النفسيه منذ الطفولة واضحه ياطويل العمر!!
*

اقتباس:

رد عزيز: سم يا طويل العمر *.. السالفة بدت من يوم حنا صغار تربيت في بيت عز ودرست الى ثالث ابتدائي في بريطانيا لان الوالد كان مبتعث وقتها رجعت هنا وكملت دراستي وكانت لغتي العربية مضروبه ما كنت احتسي الا انقلش وعانيت بالمدرسة ومحد يعطين وجه وكانوا المطعسه يعايروني ويقولون لي يالخواجه *.. استمرت المعاناة الى ان جاء في احد الايام وانجلدت من واحد طعس والمشكلة اللي قاهرني سبب الجلد انه كان يطقطق علي ويذب ويقول ليش ما تحط عينك بعيني*
بعد ما اكلت الجلد جاني دحيم وقالي امش اعلمك حركة عشان نتوطى ببطنه .. مشيت معه وانا اشوف بهالانسان هو المنقذ وانا عيبي اذا حبيت شخص من اول مرة خطر يكون قدوتي حتى ابوي كان دايم يراقبن لا احب لي شيعي وبكرا تشوفن الطم بعاشوراء *.. المهم رحنا انا وياه للبقاله وشرينا طبق بيض ورحنا عند بيته وننتظر متى هالطعس يرجع ناوين نقصفه بالبيض .. فجاة دحيم يصرخ ويقول هذا هو هذا هو راعي الددسن اجدع عليه *.. انا لا شعوريا اجدع وانا العّن لاني كنت احس بنشوة الانتصار فجاة نزل علي افغاني من الددسن وانا بيني وبينك بديت اخرخر من تحت واحس بحراره بالمنطقة السفلية من جسمي *وجالس اعطي نفسي امل ان هالطعر هو نفسه اللي جلدني بالمدرسة بس لابس لبس باكستاني *لكن للاسف كل ما قرب ينحجب عني نور الشمس من كبره جاء في بالي بذاك الوقت المنقذ دحيم التفت ادوره ما لقيته جحدني الوصخ وهج *وكل ماله يزود الاقتراب وانا ابلع ريقي لدرجة غصيت بسعبولة من الوحشة ويقرب ويقرب*

"جطول وش وضع الباكستاني اللي بقصصك
ومغير تضربونه ياب طبق بيض او ممم ب بيض< ماحد ضيّع ابد
شكل هالشخصية حقيقيه والله أعلم

اقتباس:

تم الحجب لاصحاب القلوب الضعيفة وانا داري يا وصخين نصكم راح تفكيره بعيد*

<ووووين راح تفكيركم يالنُص الوصخ؟!!<طالعة منها الاخت

اقتباس:

انهار عزيز بالبكاء وقام دحيم يواسي صديق عمره عزيز ويربت على كتفه ويمسح على صقعته وهو يقول لمنجطل تصدق يا سعادة العريف ان عزيز صار اصلع من كثر ما اواسيه وامسح على شعره حت الشعر *.. لم يكمل جملته الا جايته الدباسه لتوّسم بخده ومنجطل يهاوش يالكلب من لواء فريق اول ركن الى عريف *.. رد دحيم: يا طويل العمر انا شفتك لاهي بالبي بي والرجال منهار فحاولت اجذب انتباهك بهالطريقة << يسمع بالترقيع

احلى ترقيع سمعته..<ناوية *تستعمله هالمصرية

اقتباس:

تلعثم منجطل ومن الخرشة جدع جواله بسطل الزباله وهو يقول ياخي وش اسوي بخويك ابثرن بقصته من يوم هو صغير سؤالي واضح وش قضيتكم آخر وحده مب قصة حياتكم *<< جاكم الثاني بيرقع مثل دحيم*
يمسح عزيز باقي دموعه ويستخدم كمه اليابس ليكمل على باقي السوائل التي تخرخر من جميع مناطق الوجه << واضح الذرابة بكاتب القصة ما وده يقول يمحس نخاريره*

^
ذرااااااابة !!! وش عقبه ياحظي!!
وسالفة الباكستاني؟!!

اقتباس:

اييييييييييه يا طويل العمر سالفة الشذوذ الجنسي هو سلمك الله بما ان هالزلابة دحيم صاحب افكار توهقك مثل ما سمعت بسالفة البيض .. كنا كالعادة مجتمعين حنا والشلة بمسجد نسولف وناخذ علوم بعض وو.... يا طويل العمر هالخرامه كانت فوق مكتبك وش جابها على جبهتي *
اجابه منجطل: اجل مسجد هاه لاقيني عند مواقف سوق ومعي سطل وسفنجه واقولك يبغى غسيل بالله هذي وين اصرفها مسجد *
ابتسم بخبث عزيز وهو يقول ذيب ياطويل العمر ذيب ..

^
ههههههههه والله صدق ذيب*
انا ماانتبهت لها*واحسبك زعلت ع سالفة طويل العمر!! لقيت انه قالها لك الخبل عزوز
<قمة الاندماج بالقصة

اقتباس:

كنا مجتمعين بمقهى وكل واحد منسدح وممدد كراعينه ومتقاطين براس واحد يدور علينا اللي كل واحد شفطه *وواحد كوب شاهي برضوا متقاطين فيه ويدور بيننا وكل واحد جغمه *.. المهم دحيم فاجئنا وهو رافع راسه فوق ويفكر بعمق ويقول يا عيال بيني وبينكم مليت من الروتين اليومي *.. دراسة ما فلحنا حاولنا نكمل ماش عيت تضبط امورنا فانا اقول ليش ما نجرب نكمل الدراسة بمجال ثاني مثلاً خياطة وتدبير صدقوني فيها مكاسب وننافس الخياطين الباكستيين اللي تجيه الوحده قبل العرس باسبوع وتقوله خلص لي الفستان بثلاث ايام

^^
هازا نفر باكستاني رفيق مال انتا؟!

كيف يعلّم انتا هموم مال هُوَّا مع زبونات؟!!
هازا ممكن يكون صديق سيم سيم اخو)-->برااا هههههه

اقتباس:

جلست اناظر فيه شوي واساله يخوي محد ماسكّ رح تعلم الخياطه قال لا يا حبيبي ما اروح الا وانت معي.. يله قم نبدا مشروعنا*
كالعادة امشي وراه وهو مضيعني مشيت معه وقالي يا عزيز مشروعي هو اننا ندرس بمدرسة بنات ثانوي *.. الصراحة جاني شعور اللي يدغدغك بطنك من الخوف مدري انا اقول قدام والا اطيع عقلي واقوله ضف وجهك رح خيط لحالك لكن بديت اتخيل مستقبلي والبنت جايه عندي بشباك الخياط تقولي الله يخلييييك خلصه لي هالاسبوع هالشي الوحيد اللي يشجعني امشي معه *.. قلت له قدام يا شنب *.. التفت علي دحيم وقالي وش شنب يا مقرف لا تخدشني بليز *.. طارت عيوني اناظر به فجاه ضحك دحيم قال وش رايك بالبروفه وانا يقالي بنت *
بدينا نخطط للمشروع ونقزنا للهرم نشري مستلزمات التحوّل مابين ملابس بشتى انواعها وشرينا مراييل وطوق وعدة مكياج *.. بس تدري وش اللي قهرن ان هالحقير دحيّم قالي لازم نروح لنعومي نشتري اي شي نعنبوا بليسك وش تشتري منه ضاقت الا نعومي يعني بس الوصخ وصخ *.. الوكاد انتهينا تجهيزات خارجيه بقى علينا شي مهم الا وهو قضية الشعر اللي بكل مكان نابت حتى دحيم لو يمد لسانه بتشوف كم شعره طالعه فيه وانا من كثر شعر سيقاني اسوي فيه جدايل .. قررنا نشتري حلاوة ونشيل اماكن الشعر الواضحه مثل الوجه والسيقان واليدين ولسان دحيم *.. كل شي جاهز والعدة جاهزة وضبطنا امورنا وكل واحد منا قال لاهله انا بسافر عمرة لمكه يمكن ابتل هناك واشتغل كداد *<< مضبطين التصريفه*

^
ههههههههههه كلاكيت 50000 مرة
*سالفة (العمرة ) ليتكم مررة يصدقون فيها!!

...
خلاص تعبت اقتبس..والتعليق ماعندك احد
وبعد عشان مااحرجك امام القراء
بتوضيح الطريقه الخاصة
اللي دخلو فيها دحيم وعزوز المدرسة!!

*
جطول عوداً حميداً*

واخيراً عاد ابن الطاية لسابق عهده
واخذ قلمه الجاف وعادت اللياقة الكتابيه ولله الحمد..
*
استمتعت بالقصة..وابطالها الزلايب..
بس عندي طلب..ياخي ودي انك ترسم شخصية قوية ،ذكية*لايُشق لها غبار..
بقصصك الجاية،،ان تكرمت طال عمرك

<خاطري احب بطل القصة..مليت من الاتراك

وفالـك الفوز*ياعاشق النوكيا

( معنى يجسر ..مايخاف.صح؟!)

صفحة 2 من 2

مواقع النشر (المفضلة)

« مذكرات فتاة سعوديه - أيام الحج - | دو أي لوف يو يا ذا الرجال »

الذين يشاهدون محتوى الموضوع الآن : 2 ( الأعضاء 0 والزوار 2)

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الساعة الآن بتوقيت الرياض : 9:10 AM

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25