.. منجـ(ـتـ)ـل ..
ماتلاحظ إن العذال قدروا يخربون بيننا ؟!
ماعاد صرت تحبني مثل أول
وإلا عشاني غيرت نكي صرت تحس إني برستيج صدق
لايهمك النك ترى ماعندي ماعند جدتي

ياحيا الله منجطل لحظه خلني أسولف معك ثمن أعلق على ردك
شخبارك ؟ شخبار الدنيا وياك .. تخرجت وإلا توك طالب قزم ملحط ؟
إدع لي تكفى أتخرج وأصير مدرس رياضيات داج مثل باقي أخوياي
ترى طقت تسبدي من هالكليه

نجي لـ سالفة ردك والإهتزاز اللي في مخك
أشكرك على الترفيع اللي في بداية ردك وشكراّ لك كثير
وبخصوص البرطك الكبير اللي تبيه
أنا نسيت أقولكم ترى هالإبل موب لنا
كانوا طالعين يتمشون في المطر وأنا شفتهم وجلست أصورهم وأتصور معاهم <
بس كانوا طالعين وقت الغدا ، الظاهر إنهم معزومين في شعيب أم رمل ، أشوفهم متوجهين صوبه ورجعوا على أذان المغرب
ع العموم ماعلينا من الناس [ البيوت أسرار ] <
نرجع للسالفه
كنت جالس أسوي الغدا لأهلي وماقدرت آخذ وقت أطول في التصوير وإلا البعير أبو برطم موجود
بس ماصورته ..
وشكرا لك على المرور والتقييم ، وآسف طولت الحتسي ..

،،،

.. هنّو ..
أشكرتس على متابعتس وعلى إستمتاعتس بتصويري < أول شخص أشوفه يستمتع بتصويري السامج إنتي
شكراً لتس على رفع معنوياتي ..
لاتقارنيني بـ منجطل
منجطل يقدر يصور صور أنا لو أموت ماقدرت عليها
الصور الإنبطاحية [ تخصص جديد في التصوير ] خاص بمنجطل
والصورة اللي فيها [ الحوار ] تحت أمّه ، كان يرضع وبعدين دخل تحتها ، أعتقد يحتمي عن الشمس
كان هذاك اليوم شمس قوية ولاقي ظلال تحت أمّه ..
أما الصورة الثالثة أعجبتني زاوية الظلال وأخذت اللقطة
وأبو وجه هذا يذكرني بواحد من أخوياي الله يذكره بالخير

أشكرك أخيتي ع التقييم وعلى المرور والحتسي اللي يكبر الراس

،،،

.. أبو نواس ..

وش مزاينه يابو مزاين ، أنا لو بأروح لـ مزاين صدقني مانيب طاب غير مزاين أم رقيبة في مراكش والرباط <
أما مزاين أم رقيبتنا مايستهويني ، لو إنها علي ماوريتكم صور بعارين ، بس قدر الله وماشاء فعل
لا وبعد تبيني أحط وسمي عليهن < لاحظ صار وسم موب توقيع

يابو نواس لاتقعد تتغزل في البعارين تراهن موب لي ولا أدري من راعيهن ، أنا مثل ماقلت لـ منجطل
كانن مسيرات وصورتهن وهن ع الطريق [ الله يستر عليهن وعلى بنات المسلمين ] .

والبرطم جاوبت منجطل وهنو يكفون < تغيير الفيس
أشكرك على التقييم وعلى الكلام السنع والترفيع اللي حسسني إن بيني وبين حسين دغريري شعرة بسيطة

ترى تصويرك بطل بس خانتك المناظر والطبيعه ، إنت تصور طيور وأنا أصور بعارين ، إنت تصور ثلوج وأنا أصور سيول طالعه ريحتها
الحمد لله على النعمة بس
مسكين اللي موب في العشريه

،،،

.. هايدي مطحس ..

حلو إنتس تزبدين لي
أجل حلو إن المصور يطلع شي من طبيعته
حسستيني إني ضب الله يهديتس على هالجملة اللي مثل وجهتس [ وش زينها ]
هايدي حلو ردتس [ إلى الأمام ] ..

،،،

.. مس طخمه ..

إصبري خليني أخلص زقارة الحشيش عشان أعرف اتفاهم معتس وأرد عليتس ..
وش دخلني في الزوار الأمريكين ، موب أنا اللي منحشهم
نحشتهم حمامه هذيك اللي تبينا نغير اسم الضياع عشان نصير جيل صالح ينفع المجتمع وتصيرون بنات ربات منزل وسيدات صالحات في المجتمع
البعارين مالها دخل في تنحيش وتنفير الأمريكيين ، بالعكس يحبونها ولو شافوها بيصورون معها من الشاشه
ليش عزئتس لي ياكافي ؟
مايخالف بكره أصور بقره وأوريك ، أقهرك صورة صديقاتك وخليتك
أشكرتس ع المرور ياسيدة تحشيش الضياع ..

،،،

.. بيتهوفن .. <
ياحبني لك بعد إنت ..

ياخي تحرجني دايم تراك < أول مره يقولها في المنتدى < منجطل إلتفت سو نفسك مادريت
ياحظني وأنا أشوف واحد مثلك يعجب بتصويري
ياحظني يومنك صديقنا ومعنا في المنتدى ..
إنت الروعه ياسعود .. تسلم والله وكلامك تاج على راسي وتشريف لي والله ..
وإذا على قلة الصور ، مسابقة وماحبيت أكثر الصور ، حاولت أختار أفضل الموجود عشان أطلع بأعلى نتيجه تأهلني للدور الثاني .. وإن شاء الله وقتها نتفاهم مع عدد الصور

أشكرك على المرور والحتسي والتقييم
لاخلا ولا عدم ..

،،،

.. سن لايت ..

أنا ماكنت متوقع ردة الفعل هذي على هالصور المتواضعه ..
بإذن الله الصور القادمة بتكون أفضل [ إذا تعديت المرحلة هذي طبعا ] ..
أشكرك على المرور والحتسي الزين ..

،،،

أشكركم جميعا ..
إعذروني ع القصور ..
الله لايحرمني ..