تصوّر .. ما كنّه البعد يعوّر ! ، فعالية الضياع قوت تالنت

قائمة بأسماء الأعضاء المهشتقين في هالموضوع :
اكتب أسماء الأعضاء اللي ودك تهشتقهم في هالموضوع وافصل بين يوزراتهم بفاصلة زي كذا : فالكم طيب، منجطل بالطاية، فارس، رماد انثى All Friends

10-12-2011, 12:09 AM

مشاركة رقم المشاركة : 1

جودي

مصممة الضياع

جودي غير متواجد حالياً

الأوسمة

تصوّر .. ما كنّه البعد يعوّر ! ، فعالية الضياع قوت تالنت

تصوّر ..
ما كنّه البعد يعوّر !
والحكي بين الشفايف .. ضا ا ا ع
من كثر ما للمخارج يدوّر ..
أنت شايف ؟! لا غديت ما بين يديني ،
يا حسايف
لو غدى إحساسك [ جماد ] ، أو مزوّر
يعني زآيف !
ويْتُوه كل ما حكيته ولا فاد ،
عن بلاد !
سكّانها حنينك ومحتلّها غيابك ..
واللي جاب الوجع جابك ،
والمشاعر تصرخ : [ حنا شعبك ] !
وما جابنا وجابها غير : حبّك .
خاف ربك !
............خاف ربك !
......................خاف ربك !

فارس و Haton.M و خـيـال و 9 أعضاء آخرون معجبون بهذه المشاركة .

آخر تعديل جودي يوم 10-12-2011 في 1:05 AM.

10-12-2011, 12:12 AM

مشاركة رقم المشاركة : 2

جودي

مصممة الضياع

جودي غير متواجد حالياً

الأوسمة

رد: تصميم خيالي |[ فعالية الضياع قوت تالنت

* مشاركة بسيطة على السريع

، وطبعاُ ما أكون جودي لو ما تأخرت

* نفسيّة مدري وش أقول غير صح لسآنتس يا بعدي جعلني ما أنحرم من هالحروف الفآتنة

، شكراً

< لا تنسيها يا الوصخة ترى أول مرة أمدحتس

فارس و فراشه موف و بيتهوفن معجبون بهذه المشاركة .

آخر تعديل جودي يوم 10-12-2011 في 1:01 AM.

10-12-2011, 5:36 PM

مشاركة رقم المشاركة : 3

هنو

خبيره كمبيوتر

هنو غير متواجد حالياً

الأوسمة

رد: تصوّر .. ما كنّه البعد يعوّر ! ، فعالية الضياع قوت تالنت

اقتباس:

أنت شايف ؟!

لا غديت ما بين يديني ،

يا حسايف

لو غدى إحساسك [ جماد ] ،

أو مزوّر

يعني زآيف !

ويْتُوه كل ما حكيته ولا فاد ،

عن بلاد !

أنَا يمكن ما أفهم بالتّصاميم وسبق واعترفت لك بهالاعتراف الخطير

والسّبب بكل بساطة إنّي بوادي والتصاميم بوادي

وبيننا نهر جارف

!
لكن ،
حسّيت بفخامة صراحة ، صحيح يمكن ماوصلتني الفكرة مرة مرة ، وكل مادخلت اشوف التصميم وأحاول أتبعثر وأفهمه

< اشتهيت اقول اتبعثر بس هههههه

لكن فيه فخامة صراحة ماشاء الله ( )
البنت الي لابسة فستاان أبيض انتبهت لها متأخر مررره

ما عيّنوك مصممة للضيّاع من فراغ يا حبيبتي

ماشاء الله عليك ( )
فالك الفوز يارب

وصح لسان نفسيّة هانم ، وحشتنا أوي

وراها ماشاركت صدق

! < - اللّقافة

لتس

و لها

جودي معجب بهذه المشاركة .

توقيع هنو :

سُقيَا حَياةٌ مَقدَمُك :") ،

اِسألُونِي :")

شُكراً رَؤوف :")

10-12-2011, 6:58 PM

مشاركة رقم المشاركة : 4

فارس

مـراقـب عـام

فارس غير متواجد حالياً

الأوسمة

رد: تصوّر .. ما كنّه البعد يعوّر ! ، فعالية الضياع قوت تالنت

أخيييييييييييييييرا لقيت واحد زلابه مثل منجطل أذّب عليه

.. رديت على موضوع بيتهوفن وبتوله وبرستيج حتى الآن وكلهم مبدعين ولاعطوا فرصه للمتحذلقين أمثالي عشان يسفلون بهم

.. لكن مالقيت صيدة سهلة مثل منجطل الزلابه هههههه إلا يوم طحت على جودي الحين حسيت إني لقيت صيده أسهل من منجطل بكثير ههههههه << حقييييير

هههههههههههههههههههههههههههههههههههههه يعلن أم الحواق اللي كذا ياجودي ههههههههههه سؤال عقلاني منطقي ياجودي .. وش جاب كوكب المريخ الحين يتلصق بكوكب الأرض !؟

.. الظاهر أنتي مادرستي مادة اسمها العلوم .. لا واضح إنك ماتعرفين غير القمر والشمس حتى كوكب الأرض تسمعين به ولا تدرين وشو

.. أنا متأكد لو درستي مادة العلوم كان ماحطيتي في التصميم سحاب تحت البحر هههههههههههه وين نصرفها فيه ذي بالله ؟

.. طيب كان عالأقل سويتي فاهمه وخليتي هالبنت اللي تغوص تركب إسطوانات أكسجين عشان بس تحسسينا إنك درستي مادة العلوم زيّنا وتعرفين إن الإنسان مايقدر يعيش بدون إكسجين تحت الماء أكثر من خمس دقائق لإن واضح إن البنت الثانيه في التصميم مآخذه راحتها

.. عاد مدري هي تحت الماء ولا فوق السحاب هههههههه وهذا دليل على إن التصميم بكبره حواق

شوفي ياجودي أنا ممكن أمشيّ لك حواقك اللي فوق وأصوت لك عشان تتأهلين للمرحله الجايه لكن للأسف أنتي خربتي على نفسك يوم خليتي هالنفسيه أختك تشارك معك .. من اسمها الله لايبلانا بس ههههههههههه

تبين الصدز عاد وبدون مزح .. أنا مستعد أراهن أي عضو في الضياع الآن على إنك أفضل وأطلق مصممه شافوها بحياتهم حتى الآن واللي موب مصدقني ينزل رهانه والقاضي بيننا

عييييييني عليك بارده ياجودي

.. أبدعتي صراحه خصوصا في الدمج ماتحسين إن التصميم مركب أبد بالعكس كأنه صورة واحده موحده

وهذا دليل إتقانك وبراعتك ومهارتك الفوتوشوبيه ماشاء الله عليك بس تكفين المرة الجاية لاتقربيّن كوكب الأرض من المريخ وخلي بينهم مسافه عشان نصدق بمنطق بس هههههههههه

يعطيك ألف عافيه وسلمت إيدينك

.. فالك التوفيق والتأهل للمرحلة الجايه إن شاء الله

تم التقييم ياشمعه يافله يامنورّه

جودي و هنو و رغم ـالآلم عِ ــندي ـآملْ معجبون بهذه المشاركة .

توقيع فارس :

11-12-2011, 12:25 PM

مشاركة رقم المشاركة : 5

جودي

مصممة الضياع

جودي غير متواجد حالياً

الأوسمة

رد: تصوّر .. ما كنّه البعد يعوّر ! ، فعالية الضياع قوت تالنت

هلا ولله بهنّو يا الله انك تحييها وتبقيها تو ما نوّر المتحف بوجودك

< يعني تبي تلمّح لتس أن هاللي تشوفيه لوحة فنية بمتحف

اقتباس:

أنَا يمكن ما أفهم بالتّصاميم وسبق واعترفت لك بهالاعتراف الخطير

والسّبب بكل بساطة إنّي بوادي والتصاميم بوادي

وبيننا نهر جارف

عاد تدرين يا هنو انتس أول ما قلتي لي هالاعتراف انصدمت

أجل هننننو مشرفة قسم المعرض ومندوبة خدمات أبل في الضياع سمكرية الأجهزة ومبدعة الزر ما تعرف للفوتوشوب اللي أغلب شغله تقني وحركات انقليزي وتطبيق وفلتر وملعنة جذف !!

مع اني اتوقع انتس لو بغيتي تفهمين الفوتو قسم ان تطقين أصبع لأطلق شنب يعرف يصمم وأراهن على هالحتسي يختي انتي على الأقل تعرفين انقليزي مهوب زي محاتيتتس اللي طايحتن في مترجم قوقل وبرنامج الوافي

اقتباس:

لكن ،
حسّيت بفخامة صراحة ، صحيح يمكن ماوصلتني الفكرة مرة مرة ، وكل مادخلت اشوف التصميم وأحاول أتبعثر وأفهمه

< اشتهيت اقول اتبعثر بس هههههه

لكن فيه فخامة صراحة ماشاء الله ( )
البنت الي لابسة فستاان أبيض انتبهت لها متأخر مررره

ايـــه يختس وصلتي خير خل أقولتس وش سالفتة هاللوحة الفنية اللي بالمتحف < ما ودك تاكلين تبن أنتي ومتحفتس الأقرع ما فيه إلا لوحة وحدة وتهايطين بها لعنبو حيتس حتى ديكور مافي يا وجه الفقر

،
هذا الله يسلمتس بعالمن غير عالمنا عالم خيالي تحفّه الكواكب كذرات الهواء المعدومة ، قاعه سحاب مخملي ناعم وسمائه شمس زرقاء < في حوشكم

طبعا زي ما تلاحظين فيه موية بالموضوع هذا الله يسلمتس الرسام جا يشرب له شوية موية فانخرش يوم سمع صوتي وأنا استعجله يخلص اللوحة عشان يبدأ معرضي وكب الموية على السحاب الله يهديه

< هذي اللي ما لقت لها تصريفة تزحلقكم فيها ولا فيه معرض يفتح بلوحة وحدة

يا بنت الحلال لو قلت هاكلمتين لبنقالي سفّرني على أقرب طيارة لبوليود أشطح معهم بأفلامهم المنتهية

وزي ما تشوفين بنت منسدحة فوق الغيم تتشمس

أقصد تتوجع لأن حبيبها الزلابة سرق قلبها اللي هو الدائرة الإشعاعية الزرقاء

( تكفووون مشوها لي هالمرة

< تشوف من بعيد زبيرية تمشي مليون

) وحط رجله يسبح لقلب ثاني لابوه لابو من عطاه وجه طيب يوم انك تستاثم خذ لك ذنب على شي سنع مهوب لمبة زرقة سارقها من حرمة يا الرخمة يحلفون على هالحركة أنك من نمونة اللي يسرقون النعل من عند باب المسجد يا خسيس أهب يا وسع وجهك يا وغد

< وش تبينه يسرق أكثر يا الوصخة

اقتباس:

ما عيّنوك مصممة للضيّاع من فراغ يا حبيبتي

ماشاء الله عليك ( )
فالك الفوز يارب

وصح لسان نفسيّة هانم ، وحشتنا أوي

وراها ماشاركت صدق

! < - اللّقافة

تسلمين يا بعدي عز الله خقيت وبغيت أتهور ومطخ رمزيتس من زود الحماس مير جعلني ما أخلى من هالكشة يا رب

نفسية وش تتوقعين منها بالله هالدلخة

تخيلي بغتني أدخل من يوزرها وأكتب بموضوع الفعالية مشاركة

يختي البنت حالها ما يعجب أبد من شرت هالبلاك بيري وحالها تسوء أمس شفتها بوضعية مريبة تخيلي ملصقة البلاك بيري بكرشها ومدخلة راسها معه تشوفينها ما تدرين وين راسها من قفاها الظاهر البنت تطورت والتحمت مع البلاك بيري

< وش قالو لتس بوكيمون يا بنت ديجتال

يعني بالعربي ذي كلمة مشارك متعيجزة تدخل من الجهاز وتكتبها تتوقعين منها مشاركة في الجولات شلون بالله عليتس !

اللهم دمر البلاك بيري وردّ كيده في نحره يا رب العالمين وهدي عيالنا لطريق الحق المستقيم

فارس و فراشه موف و هنو معجبون بهذه المشاركة .

آخر تعديل جودي يوم 11-12-2011 في 12:55 PM.

11-12-2011, 12:56 PM

مشاركة رقم المشاركة : 6

منجطل بالطاية

مراقب مارج

منجطل بالطاية غير متواجد حالياً

الأوسمة

رد: تصوّر .. ما كنّه البعد يعوّر ! ، فعالية الضياع قوت تالنت

وأخيراً لقيت موضوع اذب عليه << أبو نواس انت شايف حواقك يوم انك تجي وتذب على خلق الله

بس الصدز معك حق لاني تراي شايف الموضوع لي يومين وانا انتظر وين باقي الموضوع لاني حسيت انه بتتكلم عن موهبة البحث وان هالتصميم هو مقدمة عن بحث اكتشاف عالم جديد وكون جديد تنعكس فيه كل معاني الحياة

قبل اعلق على التصميم .. أبو نواس ياخي هياطك هذا بيوديك بألف داهيه .. هياطك هذا بيجيب بك العيد .. ياخي انت دايم تجيب العيد بهياطك ونسلك ونمشيها عشان ما ودنا هياطك يروح على غير سنع بس توصل انك تذب بمعلومات مغلوطه هنا اقولك حدّك على مصممتنا (لا تفرحين شوي وقالب عليتس) .. ياخي انت تسمع بكتاب العلوم انا خابرك طعس ونظامكم عقب الفجر ترعى الغنم همن تروح للمدرسه لهجرة بعيده شوي عنكم ويحتسي عليكم المدرس وانت تناظر به وتقول بنفسك وش يقول هالحضري

.. يعني ياصل بك العيد انك ما تفرق بين المريخ وزحل .. جالس تذب ذبة طول قريح واخرتها حتى الذبة غلط

.. معليش يابو نواس انا معك التصميم حواق بس ولو لا تبخس حق التصميم بمعلومات مغلوطه .. ارجع لكتاب العلوم وادرس انت وجودي كود ينفع بكم

أما انتي يا جودي الصراحة عجزت احدد موقف التصميم .. لكن من عرفتس وانتي تصممين عن الفضاء والكون لدرجة حسيت انتس عميلة سرية مع ناسا

.. حتى عندي احساس انتس حاطه منظار عند دريشة غرفتس وكل يوم تناظرين فوق والمنظار بما انه يكبر فانتي تشوفين زحل قريب من الارض عشان كذا حطيتيهم جمب بعض

بس هذا لا يعني اننا نرقع لتس بل يعني على كمية دلاخة تسكن داخل مختس

.. بعدين وش سالفة هالماء اللي فوق السحاب مثل ما قال ابو نواس .. مدري اصنف هالشي على انه بحر او برتسه او مسبح انه غاز من كثره صار تقل ماء

.. بس الغريب تاملوا معي السمك الشفاف اللي يسبح في الغاز

.. عموماً التصميم ما اقول به شي لان مالي وجه اتكلم اصلاً بما اني ما اعرف حتى احط ايطار تعاملي مع الفوتو لا يتعدى تصغير صور

.. وان كان فيه شي يشفع لتصميتس ويوصلتس للمراحل النهائية فهو البنية الي منبطحه تحت وطالعتن فخيذاته

<< طلعوا هالمراهق قبل يجيب الطعه

من الحين اقولتس يا جودي .. انا وياتس وابو نواس خارج المنافسه وبعنف فلذلك تجهزوا وقشوا قشكم قبل تشوتنا شغب لان المنافسة قلبت من عرض مواهب الى تصيد اخطاء << يحاول يحسس ابو نواس بالذنب

ودي يا جودي اقولتس فالتس الفوز بس ماش اللي سويتيه ما ياهل اقولتس فالتس التشليح

جودي انتي شمعه وفلة ومنوره << المهم اللي يقوله المصري

تم التقييم

فارس و هنو معجبان بهذه المشاركة .

توقيع منجطل بالطاية :

كثيرة هي عقبات الدنيا كما كثرة تحويلات الرياض

كل ما عليك تبحث عن درب آخر وتواصل حياتك

----------------

11-12-2011, 1:26 PM

مشاركة رقم المشاركة : 7

Lolly

ضايعة من قلب

Lolly غير متواجد حالياً

الأوسمة

رد: تصوّر .. ما كنّه البعد يعوّر ! ، فعالية الضياع قوت تالنت

معليش جودي بس برد على ابو نواس اول

اقتباس:

وش جاب كوكب المريخ الحين يتلصق بكوكب الأرض !؟

زحل صار المريخ؟

..المشكله ان فيه فرق شاسع بين الكوكبين

مااقول الا.."الشبك يعاير المنخل

"

نجي الحين لجودي المجرمه واختها

وش ذا الابداع

وش وذا الزين

شوفي..صح اني في الفوتوشوب ماعندي ماعند جدتي واذا دخلته حدي اصغر صوره
ولا اكبرها..وان سويت فيها اني فلته على نفسي خليت الصوره HDR وليته على سنع بعد

بس كنت ابي اتفلسف عليك واسوي اني فاهمه في التصاميم واطلع شي غلط
بس مالقيت

ولا الخاطره ماشاء الله

كان ودي ان نفسيه مشاركه في الفعاليه

ماشاء الله خواطرها روعه

ماشاء الله تبارك الرحمن تصميمك كامل والكامل الله سبحانه

ماعليك من ذب ابو نواس اللي مايطول العنب يقول عنه حامض

فالك الفوز يابعدهم

جودي

نفسيه

فارس و هنو معجبان بهذه المشاركة .

توقيع Lolly :

عطني حظ وارمني في البحر ..

Longest video on youtube

11-12-2011, 4:49 PM

مشاركة رقم المشاركة : 8

سن لايت

سنعة وشقردية

سن لايت غير متواجد حالياً

رد: تصوّر .. ما كنّه البعد يعوّر ! ، فعالية الضياع قوت تالنت

عندما تتشارك الكواكب مع الاسماك السباحه كلن في عالمه
وعندما يتجاور كوكب الضباب زحل و الأزرق كوكب الماء
فإني الا استغرب أن يغطي الماء سحابك يا جودي
ما اقول عنك موهوبة دمج بل مبدعه ومتمرسه وهذا الي يخليني اعتب عليك استخدام للاشخاص ما كان مرضي
وما وصلتني الفكره الا بعد ما قريت تفسيرك كان بامكانك تبدعين اكثر باستخدام صور اكثر تعبير

دام تميزك

فارس معجب بهذه المشاركة .

11-12-2011, 5:36 PM

مشاركة رقم المشاركة : 9

3abed

ضايع من قلب

3abed غير متواجد حالياً

الأوسمة

رد: تصوّر .. ما كنّه البعد يعوّر ! ، فعالية الضياع قوت تالنت

فعالية تجمع هالخمة ماينرجى من وراها كيس شعير..غادين تسنكم متجمعين بشقق مفروشة ومضبطين الكيف لللللللأخر لييين بدأ يرن عقولكم..كلن مقطعن حيله على الثاني ، وهات يالعيار وإستلم يالضحية ( اللي معجبني بالحبكة الدرامية دور الشيعة ضابطن علي خخخخخخخخخخخ مذبذب لا إلى هؤلاء ولا إلى هؤلاء ) ..والحياة تجارب لزم عليك تتلاقط وتعزز همن تغدر بالكل ..( الخواجات يسمونه دبلوماسية النمط الأمريكي ) ، وهو نمط يستحق الإشادة حيث انه يبين لك من الموهوب ومن المدعي وياكثر خلاقين الثاني.. عندكم الخطاط الأموي والطعس السياحي بقى سباك بلاعات ويتقفل باب الإلتحاق

من جهتي بدون مجاملة واللي بالقلب يقوله اللسان اشوف ان هالموهبة ماهي مجرد تصميم وحسب ..(وحسب ) هذي موضعها وتربته الصالحة تحت صور ابو نواس لكنه متعبن روحه وسارد تحت كل صوره ..ساعة التصوير واليوم والدقيقة وإسم الموقع والمدينة ماترك شي الأخو..بعكس صورة هالتصميم ..هالنوعية من التصاميم يقولون له أهل المزاحمية بفن الرسام الأديب..يعني المصمم مثل الرسام فقط ثمة ( هالكلمة ضربة تحت حزام الفصحى خخخخخخخ ) إختلاف بسيط في أداة العمل..وشي يحز بالخاطر ان يُلاقى بردود الزلايب ..وش قالوا ( ليش الكواكب ملتصقين ببعض )..لابالله وش تبي منها تزين لك ياطويل الشوارب..تحط الأرض بموضوع والكوكب بمنتدى ثاني ؟ خخخخخخخخخخخخخخخخخ دنتو أؤئشطة مخيسة خخ

( سحاب تحت بحر ) ..وش بلاك ؟ لاتقول أول مرة تسمع به.. طيب الحين البحر يتبخر صححح وإذا تبخر يطلع للسماء ..إعلم ان حنا بالقرن الحادي والعشرين وأُكتشفت مؤخر مطلع العام الهجري عدة انواع من البحار منها إذا تبخر مايطلع فوق ..لا يقعد تحت ، كذا لكاعة خخخخخخخ لييين يتكون سحابة مائية همن تطير ..ماش الظاهر عليك مالك في القنوات الوثائقية

جودي أحترم موهبتك وأقدر لك جهدك

..ولا تسمعين لذيلا ، كلامهم بخار يتبخر ويقعد تحت خخخخخخخخخخ

فارس معجب بهذه المشاركة .

11-12-2011, 6:00 PM

مشاركة رقم المشاركة : 10

فارس

مـراقـب عـام

فارس غير متواجد حالياً

الأوسمة

رد: تصوّر .. ما كنّه البعد يعوّر ! ، فعالية الضياع قوت تالنت

^
^
هههههههههههههه من عقب سالفة انهم شافوا زحل عندكم ويحسبونه هلال العيد وأنتم ملعوبن عليكم بكوكب زحل تحسبونه اطلق كوكب في مجرة درب الذبانه

.. اللي أعرفه ان حجم كوكب زحل ضعف أضعاف كوكب الأرض عشر مرات وهذا عكس للي نشوفه في التصميم .. فإن صدق كلامكم فهذا يُحسب ضد جودي وسؤء فكرتها في التصميم ولا يحسب ضدي لإني بيني وبينكم ترا رسبت مرة في مادة العلوم ههههههههه

برايفت جودي : المرة الجاية راعي أحجام الكواكب في تصاميمك موب تخلين القمر أكبر من الشمس ترا تجي عليك اعرفك كمخه

<< طالع منها

3abed معجب بهذه المشاركة .

توقيع فارس :

صفحة 1 من 2

مواقع النشر (المفضلة)

« ғαнαᴅ αʟмѕαзᴅ سمهآ صدفه ~ | تفنّن قد ماتقدر ~ ورشه لكل التصاميم »

الذين يشاهدون محتوى الموضوع الآن : 1 ( الأعضاء 0 والزوار 1)

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الساعة الآن بتوقيت الرياض : 10:04 AM

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25