شخاميط .!! || الضياع قوت تالنت ||

قائمة بأسماء الأعضاء المهشتقين في هالموضوع :
اكتب أسماء الأعضاء اللي ودك تهشتقهم في هالموضوع وافصل بين يوزراتهم بفاصلة زي كذا : فالكم طيب، منجطل بالطاية، فارس، رماد انثى All Friends

9-12-2011, 2:11 AM

مشاركة رقم المشاركة : 1

منجطل بالطاية

مراقب مارج

منجطل بالطاية غير متواجد حالياً

الأوسمة

شخاميط .!! || الضياع قوت تالنت ||

بسم الله الرحمن الرحيم

صباحكم كما تحبون .. صباحكم كما صباح الخطاط حينما يستمتع بجرة قلمه باوراقه .. صباحكم كما يستمتع الناظر الى خط ابهره .. صباحكم كما يحب المشخمط ان يبدأه .. صباحكم شخاميط واحد متوهق

انا انسان قدر الله علي وتهورت يوم شفت فيه فعالية بالضياع ورفعت اصبعي وايديني ورجليني وصرخت بعالي الصوت انا مشارك

.. ولم اكتفي بالمشاركة بل وصلت بي الثقة اني انسخ كلمة مشارك في توقيعي واكشخ به بين اعضاء المنتدى وانا اوريهم لوني الموف اللي من دخل ملاذ وهو يذب علي مدري هو جايزن له اللون عشان التحول الجنسي اللي صار له في الفترة الاخيرة او انه مستحقر اللون لانه بالعربي ذوق تكرن

.. نترك الاجابة لملاذ يجيبنا على هالاستفسار المهم

<< واضح انه جايب العيد ويحاول يشتت تفكيركم

جلست مع نفسي جلسة مصارحة لمدة اسبوعين كنت فيه مع صراع داخلي لاقنع نفسي اني موهوب وعندي موهبة لو انه من تحت الارض كل انسان لديه موهبه بس اكتشفت اخيراً اني لا تصوير افلحت ولا تصميم عرفت ولا صوت يأهل انك تشارك به ولا حتى تعرف تثبت كورة عشان تستعرض عليهم بمقطع فديو

.. فكرت كثيييير ولقيت موهبة مب بسيطه اني افضل واحد من العيال اعرف البق الموتر على الريوس وبالمقاس لكن للاسف خويي خذلن قلت له صورن وانا البق الموتر قال مهبول انت تبي كل من مر يجدع كلمة الين تدربى خشومنا من طيحة الوجه

.. كنسلت هالموهبة وبدات بالبحث مرة اخرى عن موهبة جديدة واكتشفت موهبة الطبخ لكن ما اذكر ان البرابيس اسمها موهبة لذلك قطعت دابر الموهبة وهي في مهدها

.. اصابتني خيبة امل وقررت اني اسحب عليكم انتم وفعاليتكم وصارت نفسيتي زفت لاني انسان فاشل ولا يوجد لدي شي اطقطق فيه على الاقل حتى موهبة تقليب التقويم مثل مضيع ما عندي

.. المهم وانا بالدوام والدكتور يشرح وانا اكتب معه (طبعا والدكتور يشرح هو افضل وقت للتفكير واتخاذ القرارات مدري ليه هالوقت تكون قراراتك صائبه

) توقفت وقعدت اناظر ما كتبته واتامل اللي انا كاتبه اكتشفت ان لدي موهبة بالشخاميط

.. قلت ورا ما اشخمط على الضياع يمكن من ورا هالشخاميط أواصل للنهائي واكسر روسكم بقلم وورقه وشوي مهارة باليد

.. الحين عرفت وش موهبتي بس المشكلة وش اشخمط عنه .. اكتب تعبير عن فضل الام والا اكتب تعبير عن برودة الشتاء الصراحة توهقت .. لكن اخيراً لقيت شي يستاهل اننا ندونه وهي قصيدة شاعرنا أبو ناصر

http://www.alzya3.com/vb/t12148.html#axzz1fz3OhpLA

ع العموم ما ودي اطول عليكم بس خلونا نشوف نهاية الشخمطه

وش اقول بس .. انا اشوف الحوسة اللي كل بيت صاير اطول من الثاني والا التفت للخطأ الفادح اللي بنص القصيدة يوم شفته قلت مافي امل امسح وابو ناصر بيسامحنا لانه حافظ حقوقه بالجريده كانه حاس انه بيجي بثر مثلي يحوق الدنيا عليه

.. عاد مدري وش جان وانا اكتب حسيت اني طالب دافور ولعب علي استاذنا قال اللي يجيب صحيفة عليها القصيدة اعطيه درجة زيادة وانا سويت نفس هالحركة وتحمست وحطيت عمل الطالب تحت

.. عاد بغيت اكتب اشراف المعلمه بس حسيته قويه بحقي اني ادرس مع بنات لذلك مافيه الا حلين .. يا اني اقلب بنت واكتب المعلمه او اقلب شغب رجل وتصير هي مدرستي شفت ان الحل الثاني انسب

.. عاد تراي بغيت امسك خط واحط التعريف بالشاعر

ما اخفيكم سراً ان دايم ابداعاتي تحصل وانا منبطح

.. كاتب هالمخطوطة وانا منبطح والتصوير احبه وانا منبطح .. تصدقون حالياّ بديت افكر اني اكل وانا منبطح << احس الاعضاء يقولون اشوا اننا مب بطن عنده كان انفغصنا من كثر ما يتبطح

بعد هالمخطوطة واكتشاف موهبة الخط عندي وبما اني مسؤول كبير بالضياع قررت آخذ لي أرض باحد زوايا الرياض واروح لمضيع يطلع لي صك فيها وافتح لي محل خطاط اللي يبين اكتب له موضوع انا جاهز

<< انتبه لا يجي ابو الطيب يقشك انت وفكرتك

أخيراً .. اعذرنا يابو ناصر انت الضحية ان تاهلت للمرحة القادمة اوعدك اني اغير الضحية

فارس و Haton.M و خـيـال و 13 أعضاء آخرون معجبون بهذه المشاركة .

توقيع منجطل بالطاية :

كثيرة هي عقبات الدنيا كما كثرة تحويلات الرياض

كل ما عليك تبحث عن درب آخر وتواصل حياتك

----------------

9-12-2011, 2:52 AM

مشاركة رقم المشاركة : 2

فارس

مـراقـب عـام

فارس غير متواجد حالياً

الأوسمة

رد: شخاميط .!! || الضياع قوت تالنت ||

^
^
هههههههههههههههههههههههههههههه
ههههههههههههههههههههههههههههه
ههههههههههههههه أ لآبو من علمك كيف تمسك القلم ياغشم ههههههههه سطر كاتبه بخط النسخ والثاني بالكوفي والثالث جايبه على وزن الرقعه جعلهم يرقعونك باللي منب قايل

.. لوّك مصور نفسك وأنت تهز خصرك أصرف من هالحواق اللي نشوفه اللي متأكد بيخلي المعلم شغب يطردك من الفعاليه بكبرها ويحرّم يسوي فعاليات مرة ثانيه

.. تكفون ياجماعه دسوا هالموضوع عن أبو ناصر لايشوفه .. لو شاف هالشخاميط صدقوني إن بيتبرأ من قصيدته ويمكن يعتزل الشعر والسبة الكمخه منجطل

.. يعلن أم الموهبه اللي تكتبها على فرخ وجاي تكشخ بها أنت وخطك الخايس

على هالخط ياأبو طايه المفروض تقلب نفسك بنت وتكتب عمل الطالبه منجطله بالطايه ههههه أو عالأقل كان لعبت علينا وخليت ملاذ يخط بدالك عالأقل يطلع بشيء حلو ويواجّه ويخليك تتفائل بأنك راح تتأهل للمرحله الجايه لإن على كذا اسمح لي شكلك برا من أول جوله

<< تحطيييم

أنت يامنجطل شمعه .. فلّه .. منوّره

فراشه موف و 3abed و رغم ـالآلم عِ ــندي ـآملْ معجبون بهذه المشاركة .

توقيع فارس :

9-12-2011, 3:25 AM

مشاركة رقم المشاركة : 3

هنو

خبيره كمبيوتر

هنو غير متواجد حالياً

الأوسمة

رد: شخاميط .!! || الضياع قوت تالنت ||

ماهان علي أطلع بدون ما أرد

ماشاء الله تبارك الله ، أنا أعتقد اني ماراح امسك القلم واكتب بعد كذا نهائياً

ايه ده ايه ده ياعمّي ! ماتوقعت اك تعرف تخط وتكتب وكذا

< -

اعتقد إنّ انت بارع بشي اسمه انبطاحة

لدرجة إنّي فعلاً أحس إنّك منبطح بكل مكان حتّى بالمحاضرة وقدام الدكتور ،
و صدقني لو تعتمد صدق وضعية الانبطاح بالمحاضرة إنّك بتفهم وتستوعب وتصير دكتور بيوم و ليلة

ماشاء الله عليك نادراً أشوف رجال خطوطهم حلوة

لذلك أهنّيك صراحة ،
و فالك الفوز والبيرق والمليون الي بيحطها استاذ شغب بحسابك

!

يعطيك العافية ولاتحرمنا

نبي نشوف مخطوطات أخرى فلاتنسى تفهّي يوم السبت بالمحاضرة وتكتب لنا مخطوطةٌ أخرى بوضع انبطاحي زي ماوصّيتك فوق

دوك

فراشه موف و 3abed و رغم ـالآلم عِ ــندي ـآملْ معجبون بهذه المشاركة .

توقيع هنو :

سُقيَا حَياةٌ مَقدَمُك :") ،

اِسألُونِي :")

شُكراً رَؤوف :")

9-12-2011, 9:57 AM

مشاركة رقم المشاركة : 4

3abed

ضايع من قلب

3abed غير متواجد حالياً

الأوسمة

رد: شخاميط .!! || الضياع قوت تالنت ||

أولاً من أداب مداخل هالمواضيع..تقديم الرجل اليسرى على اليمنى والتعوذ من إبليس هاللي لاعبن براسي ومخليني أستكن على أغنية "عاصية بنت عجرم"..في أغنية "شخبط شخابيط"..بحقيقة الواقع وبغض النظر عن فخوذ المغنية وبالوقت الحالي ، الأغنية صراحتاً ضابطتن مودي وأنا أتصفح ذا الموضوع ان صح الواصف عنه قائلاً ..موضوع !

ثانياً ماأخفيكم إعجابي بموهبة الإنبطاح اللي الظاهر يعتبرها منجطل ورقته الرابحة في حين قدوم الجولة الثانية وتصويتي جاهز من الحين لصالحه لو طنقر براسه أكشن الأفلام الهندية وقام إلتقط له صورة إنبطاحية على بطنه بدون فنيلة داخلية فوق إزفلت حرارته العظمى أي بتوقيت الرياض عند موعد أذان الظهر..كما أنني أتفق مع شمروخ وأحيي فيه نظرته الثاقبة في إبداء رايه وهذي ماعودنا عليه منذُ تأسيس الضياع..(أعيش مزبد ولا أموت مطبل ).. ورايي من رايه ، لوك مخلي الموضوع.. هز خصر ودئي يامزيكا وهناك بالزاوية أحمد المزيني يطقطق بالكانون على روعة العرض .. هاه يمكن ألقى ضالتي وويتشافى عمى عيني عن الجانب المظلم اللي حاجزته الرومنسية من مبطي لكن منجطل عيا لا يساعد

لا ومسمية "شخابيط" ياروح جدي (ليا قام يتمسكن ويبي مني لبن !

)..فكرة إنك تكسب عاطفة حونشي مثلي ، إنس ياولد..وضعية الإنبطاح قبل القذف مافادة ناسن قبلك بالبالتوك فضلاً عن المنتديات..يعني تنتظرها مني ولا من أبو نواس ؟ ان يتأثر واحد فينا من مسمى العنوان (شخابيط ! ) وبأم عينه يشوف بذا الموضوع اللي ماشافه من كبار الخطاطين ( على سبيل المثال دافنشي< ياشين لا شطحت كذا

).. لاياحبيبي الشق أكبر من الرقعة..هذا عرضك وعلينا الكاش أما شغل سنعوني ياأصدقائي ماهيب من عوايد المنتديات..

حذاري يامنجطل ، تنبه لاتغرر بك هنو ، ذي مرفوع عنها القلم والمدح متعوذن منها لا جا شغل الترفيع تمسح بالمدح أرضية صندوق الرد مثل سواة مديحة برجلها حسنين قدام خلق الله

..أخر خبري بهنو ليا جات بتعزز ، تمييل راسها مثل ميلة عقال الشمري ، فكل شي تشوفه مايل ليا قالوا لها عطنا رايتس بموضوع ..ذي حنينة وقلبها رهيف ..سهم الترفيع عندها ماشي سوقه ولا قد حصل ان سمعنا بيوم انه هبط ..تتوقع يومها تنبهر من موهبتك تحسب على شان خطك العثماني ؟ ..إييييييييييه مادري ياخي لكن الأقرب للصواب إنها شافت نقلة قصايد ناصر بخط مايل موهبة أول مرة تمر عليها !

الله لايعوق بشر يالجنة التحكيم من اليوم وطالع لقعد غصة ناشبة بحلوقكم ان تسان اللي يسمونه منجطل معدي للمرحلة اللي بعدها والله وماقالوا

..اللي نبغيه منكم يالجنة التحكيم شوية إنصاف جعل والدينا ووالديكم بالجنة .

وضوئي..ومضمضة شيخ..تف تاف ، إنت معانا الله يحرق عذالك ياعيون غالينك

هنو و ميّم معجبان بهذه المشاركة .

9-12-2011, 2:15 PM

مشاركة رقم المشاركة : 5

بتولة

ضايعة من قلب

بتولة غير متواجد حالياً

الأوسمة

رد: شخاميط .!! || الضياع قوت تالنت ||

لييييييييييييييييييييييييييش ليش ..
تصدق من دخلت المنتى وطبيت بموضوع هنو تحححححطمت لن ماشالله كمية ابداع مو مسهله مشالله تبارك الله
المهم سبحان الله وانا اتمشى لقيت موضوعك قلت مافي غير هالآدمي بيحسسني اني موهوبه بدخل اشوف حواقه وبترتفع معنوياتي
وادخل وليتني مادخلت انصصصصصصدمممممت ..ابداااااااااااااااااااع من بعد الريش والفيمتو ماهقيت ان لك وجه تحاول<< غاسله ايدها

جطول الــ ... مدري شقول امدح ولا اسب من الصدمه بس فالك التوفيق في الدارين << توهقت

برب اعدل هفواتي

توقيع بتولة :

تكفن شوقي بصدري عسى مثواهـ ..] ~ الجنه

9-12-2011, 4:00 PM

مشاركة رقم المشاركة : 6

ميّم

مبدعة حد الثمالة

ميّم غير متواجد حالياً

الأوسمة

رد: شخاميط .!! || الضياع قوت تالنت ||

ممكن سؤال !

قلمك اللي أنت كاتبن هالمخطوطه فيه وشهو من لحيه ؟

لآني ودي بأخوه بس أسود
وسؤال ثاني !
البني اللي حاشرن نفسه ومصور مع مخطوطتك فرشه والا تراب ؟

من الحين أقولك أنت برا

لو أنت مشارك بموهبة الأنبطاح كان مافيها كلام بتجيب الأول مكرر
لآن أتحدا أحد ينافسك بهالموهبه

ماعلينا من هالحتسي

والله الخط حلو ماشاءالله
أن قال الله وتأهلنا بسوي معروضه زيك

~> ماهو بس أنت اللي خطاط

بالتوفيق يارب وأن شاءالله تصير خطاط أد الدونيا
ويبلغني ربي لذاك اليوم وأجيبلك صحيفة بنتي تكتب فيها نشيده

عاد الله الله بالديسكاونت

هنو معجب بهذه المشاركة .

توقيع ميّم :

10-12-2011, 2:01 AM

مشاركة رقم المشاركة : 7

يا حبني لك

яemәmвer мә
معزبة الكراسة

يا حبني لك غير متواجد حالياً

الأوسمة

المركز الأول - فعاليه الحكواتي الرمضانيه

رد: شخاميط .!! || الضياع قوت تالنت ||

:: ::

بعيداً عن هرطقة ابو نواس لإحساسه بـ الغيره

لان واضح انه مايبي اي احد يفوز غيره

انا اشوف انك خطاط بـ اللغه العربيه

ثِق بإنك مبدع مهما كانت الوضعيه

فالك التوفيق

توقيع يا حبني لك :

:: ::

حسبنا الله سـ يُأتينا من فضله إنا إليه راغبون
حسبنا الله سـ يُأتينا من فضله إنا إليه راغبون
حسبنا الله سـ يُأتينا من فضله إنا إليه راغبون

10-12-2011, 11:56 AM

مشاركة رقم المشاركة : 8

منجطل بالطاية

مراقب مارج

منجطل بالطاية غير متواجد حالياً

الأوسمة

رد: شخاميط .!! || الضياع قوت تالنت ||

أبو من جمعكم واللي يفكر يكتب لكم موضوع

.. هالحين انتم ما فهمتوا الحركة من جدكم والا تستهبلون ؟؟

.. شي معروف وواضح اني موهوب بكل شي بس جالس اسفل بنفسي اني كمخه وخربته بموضوع بايخ وموهبه ابيخ عشان بس الناس اللي تدربي دميجته ما عنده مواهب ما تيأس وتقول هالعظيم الرائع الموهوب منجطل طلع بموهبة بايخة انا اقدر انافس دام منجطل العظيم طلع من الدور الاول يعني المركز الاول راح

.. تخيلوا معي هالمثال البسيط .. تخيلوا معي الهلال انسحب من الدوري الفرق الثانيه بتفرح لان خلاص مافيه احد ياطى على روسهم وياخذ الدوري هنا نفس الشي انسحاب بطريقة مؤدبة عشان يخلي الفرصة لغيرة .. كم انت عظيم يا منجطل

<< يسمع بالترقيع

نجي لابو نواس هالزلابة

ابو نواس كلنا نعرف اسلوب المطعسه وهالشي ما يختلف عليه اثنين .. والله لو تروح لاستراليا 20 سنة ونسوي لك زيارة بنلقى عندك نياق وراعي سوداني باحد ادغال ملبورن

يعني الطعس مافيه امل يتغير وهذا اللي اشوفه من اسلوبه ورده القادح في موهبتي

.. كذا المطعسه لازم يسفل بغيره عشان ينجح هو لانه ما عنده القدرة يثبت وجوده في ظل وجود الناجحين مثل الخطاط منجطل

.. الاسلوب الارعن الذي اتبعه ابو نواس ما هو الا ضغط على لجنة التحكيم عشان يحسون ان منجطل ما عنده موهبه ويبقى هو بالصدارة لان هذا الطعس الماثل امامكم رغم ما يمتلكه من امكانيات معنوية بين الكام والعدسات لا انه لا يمكن ان ينافس ربع موهبتي وانا منبطح

.. مع اني لا زلت اشك بالعدسات والكام هل هي من حلاله او انه زارفهن مع اني اعتقد انه زارفهن هو الاقرب

اقتباس:

أ لآبو من علمك كيف تمسك القلم ياغشم ههههههههه سطر كاتبه بخط النسخ والثاني بالكوفي والثالث جايبه على وزن الرقعه جعلهم يرقعونك باللي منب قايل

ياخي ترا يمدين اكتب بالرقعه ويطلع كل شي مضبوط وخلن اشوفك فاتح اثمك تذب اقص لك لسانك

.. بس السالفة اني انوع بالموهبة واثبت اني قادر على اجادة جميع الخطوط وبيني وبينك لو تسالن وش اسم الخط اقولك مادري بس اعرف بالشكل

اقتباس:

تكفون ياجماعه دسوا هالموضوع عن أبو ناصر لايشوفه .. لو شاف هالشخاميط صدقوني إن بيتبرأ من قصيدته ويمكن يعتزل الشعر والسبة الكمخه منجطل

لا ما عليك من هالناحية ما يمديه يتبرا .. ما تشوفن رايح ادور قصيدة موثقه عشان ما يمديه يهج

اقتباس:

<< تحطيييم

يابو نواس مشكلتك جالس تحطم واحد وجهه مغسول باسيد من وساعته

.. يعني تاكد تماما اني بجيك وبنزل صورة جديدة وانا اوريكم الخطوط بالانقلش

.. بعدين ما يحتاج اعيد واكرر ارقى باول ردي هذا وبتشوف الترقيع

ودي اقولك مشكور على الرد والتقييم بس اسمح لي عقب هالتسفيل ما اقوا

.. لكن ودي اسالك سؤال

من الحيوان اللي دلّك على الموضوع؟

فارس معجب بهذه المشاركة .

توقيع منجطل بالطاية :

كثيرة هي عقبات الدنيا كما كثرة تحويلات الرياض

كل ما عليك تبحث عن درب آخر وتواصل حياتك

----------------

10-12-2011, 8:30 PM

مشاركة رقم المشاركة : 9

هايدي مطحس

ضايع جاز له الوضع

هايدي مطحس غير متواجد حالياً

الأوسمة

رد: شخاميط .!! || الضياع قوت تالنت ||

الانبطاح عامل عمايله..ههههههه..كل انسان عنده شي مميز اكيد...واستمر بالخط وابدع......تحياتي

توقيع هايدي مطحس :

فرحه من الله
شيء يقهر!

10-12-2011, 8:39 PM

مشاركة رقم المشاركة : 10

Lolly

ضايعة من قلب

Lolly غير متواجد حالياً

الأوسمة

رد: شخاميط .!! || الضياع قوت تالنت ||

هذي اهم صوره في الموضوع

اتوقع ان ثلاث ارباع مشاركتك عشان تصور بالوضع الانبطاحي

بس لو انك حاط تحت اسمك ريش وكاس بلاستيك فيه حبر وقلم كان اضمن لك التأهل للمرحله الثانيه

افضل شي السطر الرابع والسادس

بس خطك في كتابة عمل الطالب..واسم "المعلم

" احلى

اذا تأهلت للمرحله الثانيه ان شاء الله..ياليت تكون رسمه..وترسم وحده من قطاوتي

فالك الفوز

توقيع Lolly :

عطني حظ وارمني في البحر ..

Longest video on youtube

صفحة 1 من 2

مواقع النشر (المفضلة)

الكلمات الدلالية (Tags)

شخاميط

« الضيآع قوت تآلنت .. موآهب تحت الأضوآء | يوميات الفراشــة الضايعة<توجـد مودل حلوة بالداخـل(الضياع قوت تالنت) »

الذين يشاهدون محتوى الموضوع الآن : 1 ( الأعضاء 0 والزوار 1)

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الساعة الآن بتوقيت الرياض : 10:00 AM

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25