رحلة شتوية من قمم الألـب الثلجيـة إلى قعر البحيرات النيوزلنديـة <<-10°C - الصفحة 2

قائمة بأسماء الأعضاء المهشتقين في هالموضوع :
اكتب أسماء الأعضاء اللي ودك تهشتقهم في هالموضوع وافصل بين يوزراتهم بفاصلة زي كذا : فالكم طيب، منجطل بالطاية، فارس، رماد انثى All Friends

5-10-2011, 8:52 AM

مشاركة رقم المشاركة : 11

مضيع بيتهم

قاضي الضياع

مضيع بيتهم غير متواجد حالياً

الأوسمة

رد: رحلة شتوية من قمم الألـب الثلجيـة إلى قعر البحيرات النيوزلنديـة <<-

ابو نواس مادري بصراحة وش اقولك .. كل شوي اشوف الموضوع انقهر واطلع .. وهمن بعد شوي اناظر واتذكر زحمة الدائري وتدمع عيوني واطلع .. وبعد نص ساعة ادخل اشوف الثلوج وانا امسح العرق وابدا اتعبر واطلع ..
ابو نواس موضوعك هذا خلانا نطأطأ ونتكأكأ .. ليه كذا يابو نواس .. وش ذا الحركات البايخه .. قسم بالله مالك داعي يعني قلنا استراليا ونادي 24 ساعة وتدرس مع مزايين ميخالف .. بس تسوي حركات وتروح جبال وتتزلج وحنا نتدربى على النفود لا والف لا ..
انا اطالب الحكومة السعودية انها تساوينا بالمبتعثين يعني زود على انهم ماقبلونا نروح يقهرونا ...
لازم يسوون لنا جبال ثلوج يدبرون كمبرسر يبطنونه بحدا هالجبال ولا يشيلون هم الزلاجات حنا نجيبهن ..

هذي الصورة تتعلق في مدخل البيت ونسخه للصالة والمطبخ <--- منتدى مهب بيت

بس ليتك ماخذ الصورة من الارض وطلعت كم شجرة تحت او على الاقل وضحت مستوى الارض شرط ان تصير الصورة طلقه ولا احلى ..

هذي الصورة قسم بالله كلام كبير ..

..

الصور ماشاء الله كثيرة وان قعدت اقتبس ماخلصت .. الله يعطيك العافيه على الموضوع اللي يقهر وماقصرت فينا .. وعلى قولة المثل المخيس ( زودن على هم الليالي زغاغيل )

ونرفعلك العجرا ذا المره احتراماً بس الثانية ان ماتبت بنرفعها جلداً

توقيع مضيع بيتهم :

عزيزي العضو :

أي رد خارج أرجاء المحكمة يعتبر رد العضو مضيع بيتهم .. لحد يبلشني يقول انت قاضي وتقول كذا .. اذا عندك احتجاج ارفع علي قضية عادي ترا اكلبش نفسي لعيونك ياحياتي

5-10-2011, 9:22 AM

مشاركة رقم المشاركة : 12

فراشه موف

.F.M
ضايعة من قلب

فراشه موف غير متواجد حالياً

الأوسمة

رد: رحلة شتوية من قمم الألـب الثلجيـة إلى قعر البحيرات النيوزلنديـة <<-

ااااايـــــــــــــــــــــــــــــــــه ياحـــــزم الضـــامـــــي

"صوت ربابـــــه حزيـــــــنـــ

اقتبـس قول أختي جودي (اللهم لاعيـــش الا عيش الجنـــه )
ايــــه يابونواس ..تدري وش اللي مهونها علي ومصبرني ماأهج من الديره؟!
انـك كم أسبوع وتتخرج على خير وسلامــه
وترجـع للأجواء الباريسيه السعوديه

ونكون بالهوا ســـوا..وتصيرتقاريرك القادمـه..
التزلج على الرمال الذهبيه بالثمــامه

او كيف تتسبح في السيول..صور من قعر الحواري

وساعتها ماراح تشوفنا متحطمين ومنقهرين
ولا نبكي حسرة .. ونطأطأ ونتكأكأ "زارفتها من القاضي بشحمه ولحمه"

..
..
عموما الصور رووووعه

"البركه بالصديقات الجميلات اللي ماخذهن معك.""حقرتك

لواقتبست بالصور "بأنسخ موضوعك كله !!وأترك صورتك مع زميلك<السبب أخلاقي فقط

الله يهنيك وتتخرج وترد لنا بالماستر وانت طيب

ولاعــــاد تسوي تقارير بهالأسابيع ...تكـــفى

توقيع فراشه موف :

رؤوف

أبو عُكـــاشة.. كيـف الحــال؟!!

أبــي :

جعـل يومـي قبـل يومـك

7-10-2011, 12:42 AM

مشاركة رقم المشاركة : 13

بتولة

ضايعة من قلب

بتولة غير متواجد حالياً

الأوسمة

رد: رحلة شتوية من قمم الألـب الثلجيـة إلى قعر البحيرات النيوزلنديـة <<-

^^^^
أيـــــــــــــــــــــــــــــــــــــــــــه بس الجنه الجنه..أمااااانه بسألك سؤال الألوان طبيعيه..

أذا كذا أموت أحسن..حنا وييين عايشين ,,دانا صدقتي والله يوم قلتي بلا باحتنابلا نماصنا...أيه يوخيتي وأنتي صادقه..من يسفرنا بيكسف فينا اجر..

^^^
وأكثثثثثر يامجرم وش أستفد غير كرهتني زود بالسعوديه كل أوبوها..ليش طيب ليش وش نسوي يعني..

وش موقع عود الأسنان والله أول شي أنتبهت له ليه حطوه !!

لأإلـــــــه الا إلا الله..لأإلـــــــــه إالله ..
وخر يارجال بس..هيضت قلوبنا لهالديره

وجع ترمي بنفسها وهي مبسوطه خفت وانا بمكاني..

حتى ذولي علمتوهم..

على بالي الرجال صدق

حبيتك بالصيف .. حبيتك بالشتي
نطرتك بالصيف .. نطرتك بالشتي
وعيونك الصيف وعيوني الشتي
وملقانا ياحبيبي خلف الصيف وخلف الشتي

أيييه ..ما أقول الا الله يهنيك بالباقيات وترجع سالم لأهلك..
وحنا على الأقل عند إهلينا

<< أواسي نفسي عندك شي لاسمح الله<

عموما اللي يصبرني انها اسابيع وترجع لطبيعتنا الخلابه..
تشكرات تمشينا وحنا ببيوتنا

..وهذي جنتهم في الدنيا وحنا في الآخره أن شالله << طيب أحد قال شي..

شكرا يعطيك العافيه ..وتقييم لجهودك..حسيت في حويسك بعد ماشفت بموضوعي

توقيع بتولة :

تكفن شوقي بصدري عسى مثواهـ ..] ~ الجنه

7-10-2011, 3:06 PM

مشاركة رقم المشاركة : 14

منجطل بالطاية

مراقب مارج

منجطل بالطاية غير متواجد حالياً

الأوسمة

رد: رحلة شتوية من قمم الألـب الثلجيـة إلى قعر البحيرات النيوزلنديـة <<-

أبو نواس انا وش قلت لك بالتقييم .. ما قلت لي لي رجعة كبر خشم خوينا الله يذكره بالخير

<< ما تسوى عليك ذليتك بالتقييم اجل لو اني راد ومقيم وش ابسوي بك

وش هالموضوع الابداعي .. تصدق منول اسمع كلمة خنفشاري اول مرة اعرف وش معنى خنفشاري يوم شفت موضوعك .. يا شيخ وش بقّيت لنا عشت معك الجو وعشت معك الموضوع لدرجة اني داخل بفروة وانا اقرا الموضوع

.. تصدق جان احساس غبي من كثر اني داخل جو معك وحسيت اني مرتبة السيارة عايشن معك جميع لحظاتك

<< بدت تهج به

يكفي انك بهالموضوع حققت احد اهدافك وانت ماسكن شريط المتر تشوف ابعد نقطه عن بيتكم وهالشي بحد ذاته انجاز ان ضب مثلك قدر يتاقلم مع ظروف البرد القارسة بس المشكلة خربته بآخر شي وانت تقول تمحش نخاريرك بكمك وش هالقرف يا مقرف << تخيلت معاذ نبت له تسبد فجاه وصار يتقرف

هههههههههههههههههههههههههههه يا جعلهم ما يجون لمنا يشوفون النصب

.. بالله هذا نصب تسميه اذا ما شفت المرضى يلحس كفراته ويفركهن اكثر من انه يفرك جسمه المصندز والا ما يسمى نصب

.. اذا ما شفته اول ما يوقفه ينسم كفراته ويجي من بكرا معه ماطور هواء ينفخ كفراته والا ما يسمى نصب

.. اشوا انك فتحت لي المجال انتقد اصحاب هالعقول الضعيفه

نعنبوا بليسك انجريت على خشمي عند هالصورة

.. يوم قلت خوياتي تقل استانست تعرف احساس العزوبي اللي ينط فجاة .. شف طال عمرك خلن اوصف لك الاحساس بالضبط

.. تخيل معي الحب بكل معانيه وانت يابو نواس ما يخفى عليك اني احبك

.. وبما ان هالاحساس متبادل تصدق احس بك حتى لو تدخل الحمام وهذا يطبق مقولة القلوب شواهد فانت لما قلت خوياتي قلبي نط وقلت الحمدلله تحققت امنيتي وطلع ابو نواس مع خوياته يعني كاني انا اللي طالع معهن لكن للاسف خيبت ظني

فعلا بكل الحالتين محتاج سرعة البديهة .. شف انتم عندكم تزلج على الجليد حنا عندنا تزلج على الرمال وكلهن نفس الشي بس اختلاف الشكل واللون والمضمون تبقى سرعة البديهة متطلب مهم باي رياضه تمارس ويحدث به اصابات خطيره والا كانت بداية هذي الرياضة تعليم مع وراعين << مسوي يذب

هي وحده من الثنتين .. يا ان اصابعك بهن اعاقة وهالشي مب مستبعد لاني الاحظ حتى وانت تكتب بالكيبورد تهج بك وتطلع اخطاء املائية تغير المعنى من برئ الا قمة السربته

.. مع اني متاكد انك تستقصد هالاخطاء بس نحب نبني فكرة الشعب السعودي برئ

.. اما الثانية وهي اللي متاكد منه انك تكتب تحت تاثير الكره والاغتصاب

.. مثلي انا اذا بغيت اكتب بمحاضرات احس اني مغتصب على هالشي وابدا اكتب اي شي باي خط لدرجة اللي بيقراه عقبي يبي له راحة اربع ايام على المجهود اللي سواه

.. او لحظة طرالي شي ثالث وهو الاحتمال الاكبر .. اتوقع انك وانت تزلج هجت بك ومسطت ومع المصطه والحوسه توهقت ومسوي تصرف انك قاصدها عشان تكتب على الجليد وتخبر انت المواقف المحرجة الواحد يرجف تقل بزر ابو عشر سنين ابوه بيلعن خيره

اعترف لك اني مدمن لكتاباتك وردودك لكن مع الاسف بهالصور والمواقف احب اقولك اني ما جبت خبرك انت وتوصيفك وترقيعك لاني مركز مع الاشقراني بكل ما تعنيه الكلمة من معنى وكاني دافور جالس باول الفصل مستمتع بدرس صعب

يالبيييييييييه هالوقت انا يعجبن

.. رغم اني جاف وامر بمراحل قاحلة بس صدقن اذا جاء هالوقت اصير انسان برئ ملئ بالرومنسية والحنان لدرجة اني اسوق على الكورنيش وانا خام الدركسون من قوة الحنان

هذا ما يميزنا كشعب سعودي عيار

.. نحب نقعد نتفلسف ونحلل المواقف لو نشوف واحد يمشي ومدنق نقعد نحلل وكل واحد يتفلسف يقول شكل خويته ساحبه عليه والثاني يقول شكل مرته طالبه الطلاق والثالث يقول لا صدقن الولد مدنق عشان الشمس عاد يجي رابع واحد ويسكتنا يقول يا كمخ مدنق عشان البلاك بيري

اقتباس:

من الأشياء اللي لاحظتها في ( كوينز تاون ) إن تقاطعات الشوارع عندهم دوارات .. لو تلف البلده كلها ماتحصل إلا إشارة أو إشارتين بالكثير الباقي كله دوارات

<< معلومه مهمه صراحه

عاد أنتم دققوا بذا الداور ، مدري لاعبه عليهم الحكومة وحاطة كفر سيكل وقايله هذا دوار والا وش وضعهم بالضبط

مسوين على بال امهم البدايع

تصدق على كبر البدايع بس مابه اي اشارة لدرجة يستهترون يقولون كل مدخل للبدايع تلقى مكينة بندول عشان راسك ما يصدع من الدوارات

هههههههههههههههههههههههههه ذكرتن بملاذ يوم اهايط عليه قال ترا ما معي قروش قلت ما عليك بوكي معي انت ادخل واطلب اللي تبي يوم طلبنا واطلع البوك اثر ما معي الا عشرين ونطلع ونروح اقرب تسالي

وش هالصورة يا منتهي يا زاحف يا خبل

<< وش وضعه يمدح والا يسب

ياخي احسه تصلح خلفية تجي مع الوندوز

.. افصخ القبعه احتراما لمثل هذي الصورة

ابو نواس انت كل شوي تجرن لمساوئ واشياء غير جيده تو فصخت القبعه الحين فصخت الفنيلة من الخقة

.. ارجوك ما ودي تهيضن زود تلقان جايك وانا لابسن روب

معليش يابو نواس انت ما معك قصمان باستراليا

.. ياخي فكر بنفسك ليه ما غطيت اللوحة ترا عادي بكرا واحد منهم يدق عليك يقول يا وصخ رايح لنيوزلندا ولا علمتن

.. بتقول شلون عرفت عاد مسوي ذيب هو يقولك اعرف يا زلابة لو تدخل الحمام مب عاد تروح لديرة مجاورة

بطابيط هاه

.. يا شيخ حنا بالقصيم اختي قالت عنزات مير نتبرا منه اسبوع

ما معهم حريم يدورون الكنز

<< جاز له اليونفورم وهم شبه مفاصيخ

ههههههههههههههههههههههههههههه يقلع بليسهم حتى بطياحهم بريئين

.. تلقاهم يوم قاموا يعتذرون من بعض وخامين بعض وكل وحده تقول للثانية والله ما اعوده مب بزاريننا من الشطانه اللي بروسهم واللعانه لو يشوفك تزلج زي كذا يجي يهبل بك لين تمسط

درفت ابن كلب

.. باقي بس لو تصور القارب مع مقفاه مكتوب لعيون فروسي وصدز تغدي مراهق

اما الفحجة ههههههههههههههههههههههههههههههههههههههههههههه .. واضح انه متوهق

.. صدز يا فارس ممكن اسالك وتجاوبن بصراحة .. ياخي انت ما انبعجت من كثر التفحيج

اتمنى مرة اصور بالرياض ويصير جو صافي زي تسذا

اتوقع بكتاب الجغرافيا بيحطون صور الفريان بدل الحشائش

هذي اي وحده ام 54 متر والا اللي 130

<< مسوي يعرفهن

لا صدز اذا نطيت اللي فوق مية متر يعطونك شهادة لاعلى وحده ارتفاعه فوق 200 متر بالهند على ما اظن

هههههههههههههههههههههه بالله ما لقيت بنقالي يقطع بسطح المصنع

معليش انا برئ من هالصورة ياخي اذا بغيت تصور بوتريه عطنا صور ناس تفتح النفس مب واحد جالسن ادور عيونه نص ساعه

معليش هالمرة ما اقدر اتحمل

.. ارجوكم طفوا اللمبات وصكوا عيونكم لاني ناوي اتفصخ واقوم اصفق بعد على هالصورة

<< هذا مب وجه اهداءات

لبى قلبك بس انت وهالسماجة

.. ليتك دايم سامج تطلع لنا بمواضيع رهيبه انت مشكلتك اذا صرت عيار تصير سامج واذا صرت سامج تصير عيار وبرضو هالشي ما ياثر عليك خصوصا اذا اكلت تبن وطلعت من الموضوع وانا ساكت صح

تراي قيمتك قبل وقلت لك برجع << ذليت الولد خلاص

توقيع منجطل بالطاية :

كثيرة هي عقبات الدنيا كما كثرة تحويلات الرياض

كل ما عليك تبحث عن درب آخر وتواصل حياتك

----------------

7-10-2011, 3:08 PM

مشاركة رقم المشاركة : 15

منجطل بالطاية

مراقب مارج

منجطل بالطاية غير متواجد حالياً

الأوسمة

رد: رحلة شتوية من قمم الألـب الثلجيـة إلى قعر البحيرات النيوزلنديـة <<-

على فكرة نسيت اقولك تراي قيمتك مرة ثانيه

.. بالتحديد قيمت الرد الثاني

<< ما تسوى عليك ذليتك بذا التقييم

توقيع منجطل بالطاية :

كثيرة هي عقبات الدنيا كما كثرة تحويلات الرياض

كل ما عليك تبحث عن درب آخر وتواصل حياتك

----------------

13-10-2011, 10:56 PM

مشاركة رقم المشاركة : 16

جودي

مصممة الضياع

جودي غير متواجد حالياً

الأوسمة

رد: رحلة شتوية من قمم الألـب الثلجيـة إلى قعر البحيرات النيوزلنديـة <<-

يالله على الجو الرايق بأغاني فيروز

، والطبيعة المجنونة بصنع الله

، والإندماج الحماسي مع تعليقات أبو نواس

صدقني يا أبو نواس مع اني توقعت أبنغبن من موضوع زي ذا بالنظر إلى وجودك هناك مقابل الوجه الحسن والجو البارد والمناظر اللي تشرح القلب وتهيض المشاعر

مقارنتاً مع جوي الخايس والرطوبة والحرارة على كومة المواعين اللي تنتظرني بأنغام أخوي اللي يستنزل مع اغنية سبونج بوب

هو صدق ان جوي خايس ومعفن بعد

لكن صدقني يوم دخلت الموضوع وتخيلت شوي أني هناك عشت الجو بقوة لدرجة أني شبيت النار بالحطب وتدفيت زين وانا اشوف الصور ، عيشتنا جو كننا معك

يالله ذكرتني بالحلم القديم يوم أني أحلف على أمي إلا تخليني أعرس على بيتر وأعيش انا وياه بحضن الطبيعة يدفيناا كوخ صغيرون

ما أخفيك سرّ أني ما جيت أكمل حتسيي إلا ومشت زبيرية مليون على ظهري وكأنها تمسح علي بحب قائلة : لا حجت البقر على قرونها

أجل تلحقهم تصور هه ؟ إهيّـه يا أبو نواس يعني بتقنعني انك ما سويت شي ثاني ؟

على هامان يا فرعون ؟

عاد مستعدة أحلف ان طقك الحماس وبغيت تفصخ هناك معهم وتدور لك على الكنز بس مستحي تقول

بس جد ولله ذولي الخواجة ما يمديهم يسوون شي وهم متسترين لازم فصخ وقلة حيا ؟

يعني أوكي يطق لك الواحد منهم مايوه على البحر ويلبس حتى كلبه ينقاله مطقم معه يقولون الجو حر وعشان يشهبون شوي الله ياخذ عدوهم لونهم عندنا يشهبون لو هم في عقر دارهم قسم بلله شي يغبن

لكن يتفيصخون في درجة حرارة 10 تحت الصفر وليته على شي يسوى

إلا يطامرون قدام الناس عرايا يدورون كنز !

صدقني أبو نزاس تلقاهم سكارى ومسكت معهم مسكة غبية إلا يلقون الكنز يالله لك الحمد على نعمة العقل

< أشوى انتس منتيب معهم والا كان رميتي عباتس بأقرب زبالة وطمرتي تدورين على الكنز بالشلحة وأنتي ما تدرين وش الطبخة مع الخيل يا شقرى

يا لبييييييييييييييييه يا الجو بالله ما حط لكم أغاني عزازي على هالحماس

شوفوا يا ناس حتى طعاستهم ذووووق أجل يفحطون بالبحر ! لا ولابسين سترات وقاية مدري من وش بس من الموية ولا من أسماك القرش اللي بتطمر عليهم

مهوب حنا يا كافي يمسك لك شارع عام ومطلعن رجوله من شباك باب السيارة بوضعية مريبة

طبعاً كل ذا بثوب أشهب مرقع ريحته تجيك بقوة خمسمية حصان تنافس سيارته

ويمسك لك طاقيته اللي كنها طربوش مصري وينزلها لخشمه ( طبعاً حقون التفحط يسوقون على عماها تلقاه داخلن في عمارة وهو ما يدري وين الله حاطه

) وماسك القير بيد واليد الثانية تتمرقص مع السبحة مع أغنية راب خايسة لكلاش وما عنده إلا وقوة تحفير الزفلت لين يغدي كله الوان لا ويجلس يدور بها بنفس الحركة مدري من ضاحك عليه وقايلن له تشبه المروحة

وفوق كل ذا يطلع مراهق توه بلغ يبي يطبق علوم المرجلة ههههههههه

لاااااااااااه وش ذا التعذيب وش هالجو الرومنسي أبعرررررررررس أنا

< أعوذ بالله ذي كل شي يذكرها بالعرس

مشاء الله تبارك الرحمن في بديع ما صنع

.. منظر يلجمك .. يخليك تحمد الله ان عطاك عيون

أجل شلون الجنّة ياربي

كل شي حولي يذكرني بشي .. حتى صوتي وضحكتي لك فيها شئ .. < خطر لي هالبيت يوم اشوف صورة العرسان

هو الله لا يقوله بس لو شربت من هالمخزي ما تفك سكرتي إلا وأنا معرستن لي على واحد الله لا يعوق البشر

.. شي يهيّض الصراحة

يا لله بس شوف الجسم .. حتى خرفانهم غير خرفاننا صدق صواااريخ قطططعة بلله مسكت نفسك ترقم بعد هالنظرة ولا خربتها ؟

< مع وين تفكرين انتي ؟

موضوع كامل متكامل والكامل الله سبحانه ما مخرب عليه إلا خنبقتي بالتصاميم واضح للحين عرق الجيزانية ينبض بي

وش أقولك ؟ غير الله يوسع صدرك بالعافية زي ما وسعت صدورنا وطلعتنا لرحلة ثلجية وحنا في بيوتنا قسم بالله استمتعت بكل صورة وتعليق وخطمة

يعطيك ألف عافية يا رب وترانا ننتظر بقية الصور مير دامك بأستراليا حلل أم الكمرة وخويتها قبل تجي هنا وترمي الكمرة بأقرب زبالة < واضح كل شي طاح من عينهاعقب نيوزلندا

14-10-2011, 12:28 AM

مشاركة رقم المشاركة : 17

ساندي

إداريه متقاعده

ساندي غير متواجد حالياً

الأوسمة

رد: رحلة شتوية من قمم الألـب الثلجيـة إلى قعر البحيرات النيوزلنديـة <<-

هذا لاقالوا للصمت في حرم الجمال جمال مانب مقتبسه ولا صورة

يكفي اني اتأمل هالصور واتحسر على نفسي لدرجة اني بغيت اتهور وافتح الفريزر حق مطبخنا واجدع نفسي بشوف وش أحس به

أبو نواس وش يضرك لو قاص لنا تذاكر بدال ماتشقل خويك اللي مامنه فايده والله ترانا ألزم على الاقل تغض بصرك عن هالشقر وتشوفنا بهالبراقع نتمزلج أحصن لك

مير اشوى ان هالثلوج مهيب عندنا لانه مافيه أمل نتمزج مثلهم عساهم الحين يركبوننا دبابات بالبر ويخب علينا

بس وراه أخوي مايصور لنا الا تسلابه تمشي والا خضره زارعها وش دعوة قرية من قرى الرس مهيب نيوزلاندا

!

الفندق شكله رهييب بس ممااش ماحسه آمن ياخوفي ينقز علي واحد من هالكمخ الاجانب لاسمح الله .. سبحانه عاد أنفق عندهم يدورونن ادواره

بس عاد على ماسمعت ان مدينة نيوزلاندا العيشه فيها مهيب زينه شوارعهم وصخه وكذا ولجه وصجه عكس القرى نظيفه وهاديه ورايقه

الصراحه أول مره اقرى موضوع بالكامل بدون ماانط سطور أو صور ماتمقلت فيهن .. والا بالعادة اذا صارت الصور زينه اتفرج على الصور واسهج التعليق واذا صارت الصور الله بالخير اسهجهن واقرى التعليق " والله ياعليتس نظام خايس بعد

"

موضوع متعووووب عليه والمفروض انه يدخل موسوعة غينيس من طوله ماشاء الله .. كفيت ووفيت بكتابة تقريرك عن هالديره

توقيع ساندي :

تم التوقيع :: ܔܓ܏ܛ

31-10-2011, 12:55 PM

مشاركة رقم المشاركة : 18

فارس

مـراقـب عـام

فارس غير متواجد حالياً

الأوسمة

رد: رحلة شتوية من قمم الألـب الثلجيـة إلى قعر البحيرات النيوزلنديـة <<-1

العذر والسموحه ياأعزائي ماحصلت فرصه ووقت كافي أرد عليكم رد يليق بتفاعلكم الذي أثلج صدري .. لكن مشكورين جميعاً على ردودكم وتفاعلكم الله يعطيكم العافيه أخجلتمونا بكرمكم ولطفكم ومحبتكم .. قيمتكم كلكم وقليل في حقكم لإنكم تستاهلون أكثر من مجرد تقييم بس عاد اعذروني والله الوقت كالسيف قطعني إرباً إرباً ماصرت ألحق على شيء

الرحله ستبقى في الذاكره إن شاء الله وستبقى معها بكل تأكيد ردودكم وتعليقاتكم الفاصله لإنها الأهم جعلي ماأخلى منكم والله ثم والله ماألحق جزاكم يازلايب والله يقدرني أرجع أرد عليكم هنا ان شاء الله ان حصلت الفرصه المناسبة << طيب خلاص ماودك تضف وجهك الحين

وكل عام وأنتم بخير

4-11-2011, 7:15 PM

مشاركة رقم المشاركة : 19

سن لايت

سنعة وشقردية

سن لايت غير متواجد حالياً

رد: رحلة شتوية من قمم الألـب الثلجيـة إلى قعر البحيرات النيوزلنديـة <<-1

الحمد لله اني ما دخلت موضوعك الا يوم دخل الشتاء علينا
أبو نواس ما شاء الله عليك باين انك تعشق اللاند سكيب وبجنون

ومن هنا بدأ أبو نواس بمخر عباب الجليد......
^
ومن هنا بدت صورك تحلى

^
تجنننننننننن

^
حلوه بس ياليت المباني ما طلعت بالصوره لو بس جبل وشجره كان تطلع شي

^
وااااااااااااااااااااااااااااااااااااو تجنن ما شاء الله لاقوة الا بالله

^
وهاذي احلى صوره ليه ما تفكر تتجه للمايكرو ؟\

^
وهاذي الصوره ما تطلع الا من محترف الا الله يحفظك بس تدري وش مخربها
اسلاك التلفريك

مبــــــــــــدع

يا سسسسسلام ع الفكره والالوان

الا بالنسبه للي يدورون الكنز الحين وشلون طاوعتهم قلوبهم يمشون مفاصيخ وهم يشوفون جبل الثلج يطل عليهم
والا مثل ما تأقلمنا احنا مع شموسنا تأقلمو هم مع ثلوجهم

12-11-2011, 6:57 AM

مشاركة رقم المشاركة : 20

ديدغ

مدرب وطني

ديدغ غير متواجد حالياً

رد: رحلة شتوية من قمم الألـب الثلجيـة إلى قعر البحيرات النيوزلنديـة <<-1

بروح معك

ياهي اجوااااء فله

ماشاء الله وانشاء الله دوم الوناسه
صور في قمة الروعة وتقرير اكثر من روعه
الله يحفظك لنا ابو نواس

توقيع ديدغ :

BB piи : 277255B3

صفحة 2 من 2

مواقع النشر (المفضلة)

الكلمات الدلالية (Tags)

ثلج نيوزلندا تزلج

« برنامج Parallels Desktop 7 , جامع نظامين بالحلال ‫(‬شرح + فيديو‫)‬ | موضوع كوكتيل.. »

الذين يشاهدون محتوى الموضوع الآن : 1 ( الأعضاء 0 والزوار 1)

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الساعة الآن بتوقيت الرياض : 9:58 AM

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25