يقولون أسمها ( شاورما ) - منتديات الضياع

قائمة بأسماء الأعضاء المهشتقين في هالموضوع :
اكتب أسماء الأعضاء اللي ودك تهشتقهم في هالموضوع وافصل بين يوزراتهم بفاصلة زي كذا : فالكم طيب، منجطل بالطاية، فارس، رماد انثى All Friends

28-11-2011, 12:54 AM

مشاركة رقم المشاركة : 1

دمي شرقاوي

ضايع فرض وجوده

دمي شرقاوي غير متواجد حالياً

يقولون أسمها ( شاورما )

السسلام علييكم ورحمة الله وبركاتة ...

صباح \ مسساء الخيير جميعا .. شخباركم مع ذا البرررد ؟ أحس جاء فجأأة وشكله مثل ماقالوا هالسسنة برد قارص ! الله يعيينا بس
عاد بالششتاء يزين الأكل بالذات الأكل الدافئ . وهـ بس ... ولا الحليب يازينه بتالي الليول صآيرة أحيانا إذا سويت لكتكوت أختي حليبه زدتلي معه بس عاد أحط سكر ونسكافيه مو زيه سادة < أحلفي بس . إلا صدق وشلون يشربونه تسسذا أحسسه مآآصل . الحمدلله ع النعمة بس

المهم بعطيكم طريقة شاورمتي < مسستحيل ماتمطرس وتزيد وتخنبق بالشي . والله ماعليكم أهم شي الطعم ولا !
شسمة كنت مترددة أنزلها ولا لا بسبة التصوير الجميل

ماعلينا أول شي طبعاً البصل وماأدراك مالبصل . قصدي قبل البصل تحط زيت بعدين البصل وخرابيطه البهرات والأشياءات الأخرى

وطبعا تكونون منتفين الدجاج قبل < يعني مثلاً تقولين لأختك وش تختارين البصل وحمسسه ولا تنتيف الدجاج ؟! طبعا بتقول الدجاج

بعدين أي شي عندكم جميل تبشرونه وتحطونه

أنا أحيانا أحب أحط جزر ملفوف فلفل رومي < لا ومنوعة بعد وحاطة الأحمر ذذ

بعدين أحط بطاطس مقلي .

طبعاً مع التحريك المستمر < هشوا علمتيهم ذذ

وخلاص بكذا تكون جآآهزة للأكل . ولا تبون أعلمكم وشلون تجهزونها !

هكا

شسمة تعالوا ترا الحشوة حشوة شاورما بس الخبزة خبزة تورتيلا

. ماحب الخبز العادي هذا أطعم وأشهى

وبالعآآآفية ...

حورية و يا حبني لك و فراشه موف و 6 أعضاء آخرون معجبون بهذه المشاركة .

توقيع دمي شرقاوي :

" يالريــــاض"

.
.
.
شوفي حزينــكـ ضاق بهمـــهـ واستفاض

آخر تعديل دمي شرقاوي يوم 28-11-2011 في 1:04 AM.

28-11-2011, 2:30 AM

مشاركة رقم المشاركة : 2

لخبطه

توه ضايع

لخبطه غير متواجد حالياً

رد: يقولون أسمها ( شاورما )

عز الله كنت بروح اسويها بطريقتك بس

اقتباس:

المصدر : منتديات الضياع يقولون أسمها ( شاورما )

[SIZE=4pt]شسمة كنت مترددة أنزلها ولا لا بسبة التصوير الجميل

[/SIZE]

أنتي مترددة يعين نروح في خرايطها

أستهبل يعطيك العافيه إلا اني راح اكلك معها لو لقيتك

حشى مجاعه الصومال

يعطيك العافيه ع الشاورما

29-11-2011, 3:49 AM

مشاركة رقم المشاركة : 3

برستيج

المجموعه المميزه

برستيج غير متواجد حالياً

الأوسمة

رد: يقولون أسمها ( شاورما )

تسلم يدينك ياشيفه

بس بسألك
تنتيف الدجاج بهالطريقه معناها
لازم أسلقه شوي في ماء وملح عشان يتنتف الدجاج كذا ويتسحب صح

وهل فيه ضرر على الطعم لو حطيت توابل حاره فقط بدون الاستعانه بالخضروات اللي حطيتيها

،،،

تسلم يدينك ، شكله لذيذ ، وسهل التفنن فيه ..
بي قود

توقيع برستيج :

اكسسوارات جديده وعصرية لـ IPhone + IPad + mac book ، وغيرها ..

m.alzeer.7@gmail.com

29-11-2011, 5:00 AM

مشاركة رقم المشاركة : 4

دمي شرقاوي

ضايع فرض وجوده

دمي شرقاوي غير متواجد حالياً

رد: يقولون أسمها ( شاورما )

الله يعافيك يا لخبطه
...

اقتباس:

تسلم يدينك ياشيفه

بس بسألك
تنتيف الدجاج بهالطريقه معناها
لازم أسلقه شوي في ماء وملح عشان يتنتف الدجاج كذا ويتسحب صح

أنت الشيف < ذذ .. الله يسسلمك

أي طبعا يسلق قبل مو شوي إلا لين يتقطع قلبه عشآن أسهل بالتنتيف
أي عاادي ع حسسب الرغبة بس أهم شي البطاطس المقلية < أحس أحلى مافي الشاورما هي
الله يسسلمك ويعافيك . هالله هالله

توقيع دمي شرقاوي :

" يالريــــاض"

.
.
.
شوفي حزينــكـ ضاق بهمـــهـ واستفاض

29-11-2011, 12:02 PM

مشاركة رقم المشاركة : 5

سواتي

ضايع جاز له الوضع

سواتي غير متواجد حالياً

رد: يقولون أسمها ( شاورما )

تدرين ذي متى ودك تصلحينها ؟؟؟؟ بالبيسمنت ولا الملحق عندكم تشبين النار وتجيبين التاوه وعندتس هالمقادير كلها .. وابد خليها تستوي على نار هاديه وان صرتي سنعه وقرمه تاخذين لتس قطعه من الارطه ولا سمر قطيعه صغيره مهب لوح جعل العدو يطق بها

وتدخنين بها الشاورما

... وترسلين احد يجيب خبيزات من البقاله حااااارة وتحشينها وتغدقين عليها شطة الديك ولينتس عاد وقتها مخدره لك بريق شوووويهي يحبه قلب قلب ابو قلبك يصك في مخيخك اشربي منه جغمه وتنحنحي وصرخي بأقوى صوت عندك ...... مصللللللللحه شاورما وشااااااااهي اللي يبي يجي حياااااه الله ... لجلجي البيت كله لين يتراكضون عندك

وبعدها تنعمي دفا واكل وريحه حلو وناسن حولتس .. ياللللللله الجنه بس

ماشاء الله عليك

هنو و حجازيه و قصيميه جخه معجبون بهذه المشاركة .

توقيع سواتي :

تقول سواتي .. بنت سرياتي :

كلوووا سئودي سييدا

مافي كيدا كيدا

كلوووا سئودي ابييض

مافيه اسود احمر

طويطري :

@mrmrzamani

29-11-2011, 8:01 PM

مشاركة رقم المشاركة : 6

شغب

ضايعه من قلب

شغب غير متواجد حالياً

رد: يقولون أسمها ( شاورما )

اقتباس:

وطبعا تكونون منتفين الدجاج قبل

الحين آنتو تنتفون الدجآج

يآآزين فيليه الدجآج

الشورمآ آحبهاا تكون بمرقتهآ مو حلوه نآشفه يعني تغطين عليهاا بالصآج وآإآإوو تطلع مرقتهاا

شهيتيني آسويهآآ شغل ومرتب ونظيف

لقلبك

توقيع شغب :

لبـٍـٍى الأنـٍآإملْ ~

29-11-2011, 10:18 PM

مشاركة رقم المشاركة : 7

دمي شرقاوي

ضايع فرض وجوده

دمي شرقاوي غير متواجد حالياً

رد: يقولون أسمها ( شاورما )

سواتي
هالله هالله جبتيها يالله من فضلك كني جدتهم ع هالحالة !

شغب
لحظة ماستوعبت مرة كيف تسوونها وتآكلونها

فياليت تسوينها وتورينا كيف < بتوهقك. عاد مع ذا البرد الواحد ماله خلق يتححررك
تسسلمين

توقيع دمي شرقاوي :

" يالريــــاض"

.
.
.
شوفي حزينــكـ ضاق بهمـــهـ واستفاض

30-11-2011, 1:05 PM

مشاركة رقم المشاركة : 8

منجطل بالطاية

مراقب مارج

منجطل بالطاية غير متواجد حالياً

الأوسمة

رد: يقولون أسمها ( شاورما )

ادري اني جاي متاخر بس ترا انا مالي ذنب المشكلة كله منتس .. نعم كله منتس اجل بالله هذي صور حسيت انتس مقدمة على بطاقة احوال وطالبين منتس صور 4X6 ما باقي الا انتس تنزلين الموضوع بملف علاقي اخضر

.. الصدز لي يومين وانا رايح اشوف حل عشان اقدر اقز الصور واشوفهن واستفيد من مطاريستس وهذا اللي خلان اجي متاخر

<< تهقون تمشي عليها الترقيعه

يازين الطبخ اللي تسذا .. يمديك تمطرس وتألف وتحوس وبالاخير غصب تضبط ما تخاف من شي ابد مافيه ماء يوهقك يخلي الرز سليق ولا فيه فرن تحتاج تشبه من فوق وتحت وتولع اللمبة وتفرج عليه تحتري الباشميل ينضج من فوق واخرته مسوي فاهم وتطلعه من الفرن وتدق على اقرب مطعم وتقول الله لا يهينك دجاجة بخاري الباشميل راحت نفيع للدجاج

.. ترقبيني انتي بس وانا جاي منزل موضوع حاط عنوانه يقولون اسمها شاورما دمي شرقاوي

اما سالفة التنتيف احب اقولتس اغسلي يديتس اني انتف دجاج .. حتى لا بغيت اطبخ اشري افخاذ وصدور مافي امل اشتري دجاجة كاملة واجلس أقطعه .. فيليه صدور ويخب بعد وعساي اغسله قبل ابدا ابربس

افهم من هالصورة اني اروح لبنده واروح للخضار واي شي قدامي اشيله واجي اقطعه وابشره واحطه مع الدجاج << ناوي يحط قرع وباذنجان وخس حتى بالمارية يمكن احط كوسة وشوي باميا

تدرين وش المشكلة .. اننا محتاجين قدر ثاني عشان نقلي البطاطس وللاسف بما اني عزوبي ما عندي الا قدر واحد اللي هو الكاتم .. والكاتم قد سويت به كودو وبربست به فول واي شي يطري على البال اسويه فيه اما مسألة بجيب قدر ثاني عشان بطاطس مقلي مافي أمل .. لذلك يمدحون بطاطس ماك والا هرفي

<< دامك وصلت ماك وهرفي ورا ما تكمل وتتعشى هناك

أما ملعقة مع قلاية تيفال

.. ترا هالشي مسبب لي ازمه نفسية منذ الصغر .. قد قمت الصبح ومسكت اسوي بيض واجلس احرك البيض بملعقة عادية طاحت بي امي وانا احرك مير تقبصن كبداية فقط يوم شافت التيفال اثري اعدمته وكملت الجلد وعطتن حظر دخول مطبخ لمدة سنتين وحكمت علي اعمال شاقة بين تنظيف احواض الشجر وحصد الثيل مرورا بغسل طاية الملحق لانه وصخه

بالعافية عليكم .. وباذن اللي ما تنام عينه ناوي ابربس واسوي مثلتس

.. تم التقييم

فراشه موف و هنو معجبان بهذه المشاركة .

توقيع منجطل بالطاية :

كثيرة هي عقبات الدنيا كما كثرة تحويلات الرياض

كل ما عليك تبحث عن درب آخر وتواصل حياتك

----------------

1-12-2011, 12:08 AM

مشاركة رقم المشاركة : 9

دمي شرقاوي

ضايع فرض وجوده

دمي شرقاوي غير متواجد حالياً

رد: يقولون أسمها ( شاورما )

هههههههههههههههه تكفى لاتجيب طآري الملف الأخضر ذاك اليوم أسأل أختي عنه قالت ماتوا اللي يقدمون به

أبد مالقطت وجهي خخخخ بس من جد يعني أمسسك الأوراق بيديني < اللي يشوفها يقول شهاداتها كثر التراب
وبالنسسبة للصور معليش كييذا أرحم من اللي تآخذ نص الصفحة < مافي حل وسسط

أوووخص تعررف للباشميل بعد ! أنا ماقد وهقت عمري ومطرست فيه أحس يبيله وأنا إنسانة مالي خلقة

هههههههههههههههه معليش الحقوق محفوظة :p

ومن قالك إني أنتف دجاجة كاملة !! صدور دجاج طبعا . والغالب أعطيه أختي تنتفه
أتخيييل طعمها بالباامية وتتلزق بعد آآآعع خخخخخ

شسمة وراء ماتشتري قدور صغار على قدك ؟ أحس تحتاجلها كثير بما إنك راعي طبخ وتسسذا

ليش تحب تفتن أنت < حسيتك بتروح تعلم أمي ذذ . أنت ماشفت بالبداية محركة بملعقة خششب والله العظيم بس يوم خلصت جهزت الملعقة اللي بنحشي فيها < طيب وراتس صحتي ذذ

ع طآري ( الطاية ) أنا ماعرفت معناتها إلا منك .. وذاك اليوم مسكت مع أمي وأبوي يقولولنا أسامي خنبوقية زي كيذاا ويقولون وش معناتها ؟؟ المهم من ضمن الاسماء قالوا الطآية عاد محد عرفها إلا أنا ومسستآآنسسة < حسسيت إني مثقفة

وقلت الله يعافي منجطل بس

..

الله يعاافيك . أي ورنا برابييسك وتسسلم ع التقييم

توقيع دمي شرقاوي :

" يالريــــاض"

.
.
.
شوفي حزينــكـ ضاق بهمـــهـ واستفاض

5-12-2011, 12:50 PM

مشاركة رقم المشاركة : 10

شامبو قليل الدسم

ضايع جاز له الوضع

شامبو قليل الدسم غير متواجد حالياً

رد: يقولون أسمها ( شاورما )

^
^
^

وش مدخلني فيذا وانا صايمه

.... لكن خليني اكمل معتس واقولتس اني اشتهيتها الله يقطع الشيطان بس وان شاء الله تكون عشانا اليوم

واخاف ابلش بعمري ومابه تورتيلا ... مابه الا توست وخبز !!
ماينفع شاورما بــ ( التوست ) <== لايسمعونتس راعين المطاعم

؟؟!

الله يعطيتس العافيه ويزيدتس من فضله

دمي شرقاوي معجب بهذه المشاركة .

مواقع النشر (المفضلة)

« || مشتريات الضياع [ 3 ] .. | خاينه وما تنصافين ، ياللي خاب ظني فيك ! »

الذين يشاهدون محتوى الموضوع الآن : 1 ( الأعضاء 0 والزوار 1)

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الساعة الآن بتوقيت الرياض : 9:46 AM

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25