مذكرات فتاة سعوديه - أيام الحج - - الصفحة 2

قائمة بأسماء الأعضاء المهشتقين في هالموضوع :
اكتب أسماء الأعضاء اللي ودك تهشتقهم في هالموضوع وافصل بين يوزراتهم بفاصلة زي كذا : فالكم طيب، منجطل بالطاية، فارس، رماد انثى All Friends

13-11-2011, 10:43 PM

مشاركة رقم المشاركة : 11

منجطل بالطاية

مراقب مارج

منجطل بالطاية غير متواجد حالياً

الأوسمة

رد: مذكرات فتاة سعوديه - أيام الحج -

وش هالموضوع

.. وش هالابداع يا سواتي .. وش خليتي لنا ..الصدز اقوم وارفع القبعه واصفط اللابتوب تحت اباطي عشان اقدر اصفق بحرارة واوفيت حقتس بالابداع

.. بيني وبينتس احترت من الموضوع هل هو عن الحج ام هو فلم اكشن من قوة صياغة الاحداث عندتس وتوصيله وكاني عايشن معتس .. لدرجة يوم وصلت سالفة اغمائتس والعسكري يهف عليتس ببساط خوص حسيت بهواء وكان فيه احد يهف علي

عاد اكبر غلطة التعجل بالحج لان التعجل يبي له يا خال يا افغاني يمديه يعافر بالطواف ولو يدف احد بطرف اصبعه نقزه مترين

.. بس الضعوف اللي مثلس والعوائل صعبة جداً خصوصاً مافيه اي بنت سعودية تطوف الوداع الا لازم يغمى عليها

اقتباس:

عندنا وحده حامل تسولف لنا تقول ولدي جاني يقول ماما ليه بطنك كبير ؟؟ قلت عشان فيه بيبي يابابا .. المهم وجلس يدندر فوق راسها وحامت تسبدها وكعاده اي ام سعوديه لاماجاز لها الحتسي عطت عيالها المقفى .. ويناظر الولد وبكل براءه يقول ماما حتى مقفاتس فيها بيبي ههههههههههههههههههههههههههههههه

هههههههههههههههههههههههههههههههههههههههههههههههههههه اما هالبزر حقققنه .. لذلك نصيحة مني اذا بدا البزر يستبثر ويسال لا تعطيه وجه لان نهايتها بتتفاجئ بذبة بنت كلب مثل خوينا ذا

.. مير اشوا انه ما شاف فوق والا تدرون مب لازم << بغى يجيب العيد

اقتباس:

مصري يقول لخويه ياراجل ماتمشي انت تلاته ونص وانا تلاته ونص ويبأ خلصنا كده

ههههههههههههههههههههههههههههههههههه هين المصارية الدين عندهم سمح لدرجة فيه مصري معنا بالحمله يقول حجاج يجون من مصر يرمون يوم 11 بعد الزوال بعدين يرمون الساعة 12 بالليل بنفس اليوم ويطوفون الوداع ما تجي الساعة 7 الصبح من يوم 12 الا هم طالعين من مكه

عاد بما ان الله كتب وحجيت وموضوعتس والم فحبيت اخرب ابو موضوعتس واسرد سالفتي بطواف الوداع

<< ما عمري دخلت موضوع الا احوقه

كنا متاخرين وكانت معي اختي .. واختي كانت تعبانه وبطنه رايح وطي وحالته حاله طفنا بالدور الثاني وكل شوط ناخذ راحه الين خلصنا الطواف وانا كل شوي اساله توجسين شي؟؟ تقولي لا ابد .. يوم خلصنا الطواف الاحظ البنت بدت تميل بالمشي مير اساله بتس شي؟؟ قالت لا سالته ثانيه بتس شي؟؟

.. قالت تبي الصدز .. قلت ايه .. قالت بدوخ ودردوووووووووب طاحت علي

.. انا خشتي تسذا (

)

.. انا اضحك من المقدمة البايخة تقولي تبي الصدز همن تدوخ والا ابلش به اقعد اشيله بهالزحمه

.. واشقله واجلسه على عمود واقعد الفعه ماش عيت تصحى

.. وانقز اجيب ماء وارشق على خشته واشوا صحت واساله وش اسمتس << مسوي دكتور اشوف هي مركزه تعرف اسمه والا الى الحين دايخه

عاد اشوا طلعت صاحية

.. واذكر انه ما اكلت شي بسبب بطنه وافتح شنطته والقى بسكوت واجلس اوكلها بالغصب

.. وهي تاكل فجاة قالت برجّع

.. واتلفت والقى كيسنا اللي فيه نعالنا وانتم بكرامه واحطه عند اثمه وقلت خوذي راحتس لا يبقى شي ببطنتس

.. الغريب بحالة لا شعورية قلت له كملي تطريش وانا بروح اجيب ماء

<< يقلع ام الربكة الي تخلين اقول كملي تطريش

عاد صار موقف غريب

..عقب ما صحت قعدت تصيح قلت وراه تصيحين قالت اول حجه وباقي السعي اخاف ما اكمله قلت لو نقعد يوم كامل وتفوتنا الطيارة عشان تكملين الحج

.. بيني وبينكم جلست تناظر بي شوي مستغربة هالكملة من لانه متوقعه بقول مب لازم سعي

الوكاد جبت عربيه وكملنا السعي همن دق علي ابوي قال وينكم قلت الحين اجيك .. جيت لابوي وسلمته اختي سالته وين امي؟؟ .. قال مادري مضيعه من الشوط الاول بالسعي

ابو البرود اللي كذا ههههههههههه

.. قلت خلاص روحوا للباص وانا اجيب امي .. وادق على امي ما ترد

.. نص ساعه ساعة الا ربع ما ترد

.. وابوي يدق علي بسرعه ترا الباص بيمشي لان رحلتنا قربت

.. سالت ابوي وين سعيتوا قال بالسطح واجل ادوره بالسطح ربع ساعه الين لقيته واقوله ورا ما تردين قالت جوالي ضايع

ونطلع من الحرم ويدق ابوي يقول الباص خلاص بيمشي الساعة وحده وربع وحنا عند الحرم ورحلتنا الساعة ثلاث ما يمدينا وراعي الباص اسمعه يهاوش ابوي يقول خلهم يجون بتاكسي

.. وامشي انا وامي والقى عربية برا الحرم فاضيه قلت لامي اركبي

.. ورككككض بنفق المسخوطه ثلاثه كيلو تقريبا

.. وصلنا الباص ثنتين الا ربع والخال حق الحمله يهوشن يقول ليه تاخرت انا كانت قافلة قلت كل تبن بس

.. هو حس اني قافلة وجايتن ام العبيد واسكت ما قال شي

.. عاد وصلنا المطار ثلاث ونص وكنا اخر باص من الحملة وتاخرت الرحلة الى الساعة اربع ونص عشاني انا وامي

.. تحس بشعور انك من كبار الشخصيات تتاخر رحلة عشانك

يعطيتس العافية يا سواتي موضوع اقل ما نقول عنه تقراه بشق الانفس

<< كمخه يحسبه مدحه

حج مبروور وسعي مشكور .. تم التقييم ويبي لتس اربع تقييمات عسانا نوفي حقتس

فارس و أم ريالين و يا حبني لك و 9 أعضاء آخرون معجبون بهذه المشاركة .

13-11-2011, 10:57 PM

مشاركة رقم المشاركة : 12

حورية

من كباريّـة الضياع

حورية غير متواجد حالياً

الأوسمة

رد: مذكرات فتاة سعوديه - أيام الحج -

اول شي حج مبرور وسعي مشكور وربي بتقبل منك حجك

ياعمري انتي

ما بعرف مرات بضحك من الحكي تبعك
ومرات بحس وجع برأسي وغثيان وقت بفكر بالشي ياللي مريتي في

وخص نص بالطواف والحاله ياللي مريتي فيها
وحياة الله حسيت بضيق تنفس وانا بقرأ هههههههههههههههههههه يالطيف بس

بس ما شاء الله مذكراتك حلوه ورحلت الحج تبعتك حلوه
بس فيها معاناه وربي ما بكتبلي حج بكون هيك زحام لانوه بنخنق من الزحام

بس الروعه احلامك مكياج واكل ههههههههههههههههههههههه
بهنيك ع اسلوبك الرووووعه

لروووحك ياعسل

توقيع حورية :

انا عم بحلم , ليل نهار

بالورد المليان زرار ,

تقطف باقة , نشم وراقا ,

ويسكر بالعطر المشوار ......أنا عم بحلم

14-11-2011, 1:41 PM

مشاركة رقم المشاركة : 13

سواتي

ضايع جاز له الوضع

سواتي غير متواجد حالياً

رد: مذكرات فتاة سعوديه - أيام الحج -

والله انكم احرجتوني .. في العايله عاد انحرج العاده وجه بن فهره

يوم اشوف هالردود والتقييمات الحلوه اقول بنفسي ليت عاد الموضوع يستاهل .. بس هذا اللي خابرينه منكم يالطيبين

منجطل

اقتباس:

=منجطل بالطاية;224937]

وش هالموضوع

هههههههههههههههههههههههههههه جعلك ماتحس بها ياخي الرجاال شوي ويصفقني بالبسطه وش اللي مخليتس ماتاااكلين وش اللي مخليييتس عند مدخلنا بالذات

.. لو اني منب بالحرم وطحت عليهم كذا كان اول مااقوم من الروعه + ابي اصرف ابقول هذذا حظي من على الدنيا وعيييييت كل ماااضوي شمعه .. طوط طوط " تم التصفيق صدز " D11

اقتباس:

عاد بما ان الله كتب وحجيت وموضوعتس والم فحبيت اخرب ابو موضوعتس واسرد سالفتي بطواف الوداع

<< ما عمري دخلت موضوع الا احوقه

واشقله واجلسه على عمود واقعد الفعه ماش عيت تصحى

[/SIZE]

هههههههههههههههههههههههههههههه لحظه لحظه انا ناقدتن على اخوي يوم يذل ام امي بالسالفه ... بس يوم شفت سالفتك مع اختك حمدت ربي الف مره .. وش اللي تسألها وش اسمها وقبل ملفعها؟؟تسمع بالاسعافات الاوليه الله يجزاك خير ههههههههههه .. مير انا اهلي قاموا يفركون يديني

مدري وش دخلها بس اهون من التلفيع هههههههههههههههههه وعلى طاريها .. انا حياتي مآسي بهالاغماءات الله يعظم اجر اهلي ويتكفل بي

مره طحت بالمستشفى مدري وش انا شايفه شكلي مناظره دمامين وحياتن شليه

"" ماتبي تسترجع الذاكره

"" واقوم على مصريه تصفقني .. قسم بالله تصفقني تصفقني صدق

.. تقول اوعي اوعي .. انتي معايا

.. يلعن بليسك على هالتصفيق انا معاك ونص قسم بالله بس ارحميني

.. وقتها خلاص خدودي تمططوا من قو التصفيق كنها مرقوقه بيدين عجيز ترقها

اقتباس:

يعطيتس العافية يا سواتي موضوع اقل ما نقول عنه تقراه بشق الانفس

<< كمخه يحسبه مدحه

حج مبروور وسعي مشكور .. تم التقييم ويبي لتس اربع تقييمات عسانا نوفي حقتس

]

واشكرك على هالرد الرهييب اللي تم الرد عليه بكل زماله -- اكمخ منك تحسب ذي مدحه

وحج مبرور وسعي مشكور انت واهلك .. الله يتقبل بس حجنا وتم الاعجاب بالرد .. وبالماريه كلمتك لراعي الباص .. طالعه من قلب

اقتباس:

المشاركة الأصلية كتبت بواسطة حورية

اول شي حج مبرور وسعي مشكور وربي بتقبل منك حجك

ياعمري انتي

ياحبي لك على الرد والوريدات

... لو مايجي إلا حماسك بالقصه يختي

مشكوره على الرد ياذوق

يازين فيساتكم معبره مره .. إلا ذا ""

"" <<< --- يالله الشكوى لك

فارس و هنو و بيتهوفن معجبون بهذه المشاركة .

توقيع سواتي :

تقول سواتي .. بنت سرياتي :

كلوووا سئودي سييدا

مافي كيدا كيدا

كلوووا سئودي ابييض

مافيه اسود احمر

طويطري :

@mrmrzamani

14-11-2011, 11:00 PM

مشاركة رقم المشاركة : 14

دمي شرقاوي

ضايع فرض وجوده

دمي شرقاوي غير متواجد حالياً

رد: مذكرات فتاة سعوديه - أيام الحج -

حج مقبول وسعي مشكور وذنب مغفور
....
هههههههههههههههههههههههههههههههههههههههه بصرآآحة أبدعتي
من جد أحس أكلف شي بالحج الطواف ولا الباقي الحمدلله متييسر .
أحلى شي المبيت بمزدلفة وتجميع الحصى هههههههه

الحمدلله ع السسلااامة

توقيع دمي شرقاوي :

" يالريــــاض"

.
.
.
شوفي حزينــكـ ضاق بهمـــهـ واستفاض

15-11-2011, 3:01 AM

مشاركة رقم المشاركة : 15

رغم ـالآلم عِ ــندي ـآملْ

سنعة وشقردية

رغم ـالآلم عِ ــندي ـآملْ غير متواجد حالياً

رد: مذكرات فتاة سعوديه - أيام الحج -

ههههههههههههههههههههههههههه

اول شي تقبل الله منكم .., والف حمد لله ع سلامتكم .. وووكل عام وانتي بخير بعد الزحمه وهيك

وذهبنا إلى مكه المكرمه الله يشرفها ونمنا بمنى وقمنا الصبح نبي نروح لعرفه

حسيتك تاعبه وانتي تكتبين كلمة وذهبنا

الله يتوب علينا اول حجه ماتدرين وش السالفه جعل الله يكتب لي ثانيه وثالثه

""

اميييييييين ي رررب ويرزقني ويرزق كل من يتمنى يحج وم تيسرت له

اللي يبي يموت نفسه خل يجلس على الكرسي وحوله حمله من بعض الفئات المسلمه .. بينتحر انتحار تام .. من حر مااونس لا مشى القطار قمت اغرد هبببببت نفحات انسيه وشدا البلبل الف تحيه .. امي ياعزتي لها نفسها شيييييينه ويدها بخشمها ومنزله راسها وانا اشوفها واضحك واضحك واشفط من هالهوا يوم وصلنا قلت يمممه خلاص بستفرررررررررررغ معد اتحمممل :|:|
توني افطن ان صنانهم تشبعت به رئتي

ي حياتي ي انتي .. اجل هبت نفحات هاه والله شكلك سكرتي من صنانهم

وعلى طاريها شطحه جميله تخرج من طفل بريء .. عندنا وحده حامل تسولف لنا تقول ولدي جاني يقول ماما ليه بطنك كبير ؟؟ قلت عشان فيه بيبي يابابا .. المهم وجلس يدندر فوق راسها وحامت تسبدها وكعاده اي ام سعوديه لاماجاز لها الحتسي عطت عيالها المقفى .. ويناظر الولد وبكل براءه يقول ماما حتى مقفاتس فيها بيبي ههههههههههههههههههههههههههههههه يقلع بليس الاحراج اشوا ان رجلها موب فيه ولا كان انا اللي انتحر مب هي

ههههههههههههههههههههههههههههههههههههااااي الله يررجه هـ البزر بس الصدق م ينعطون وجه ولا مقفى بعد ههههههههه

ومير نمشي ونمشي ونمشي لين وصلنا ورمينا الجمرات ويوم رمينا ويشطح لنا الوالد .. يله لمكه :) .... معليش ؟؟؟؟؟؟؟؟؟؟ تونا ماشين انهرت رجولنا تووكم شباب يله امشوا ونبتل نمشي ونمشي

حسيت اني امشي معكم احس تعب المشي طالع مع نمشي ونمشي ونمشي

الله يكتب لكم الاجر

مصري يقول لخويه ياراجل ماتمشي انت تلاته ونص وانا تلاته ونص ويبأ خلصنا كده

..

ههههههههههههههههههه الدين سماحه عندهم

يوم جا اخر شوط الظاهر طقت طبولي واجلس في نص الزحمممممه .. يقول ابوي قومي وش فيك .. وانا اقول ها مدري امي اوجست خيفه وجت جمبي واناظر ابوي واتمايل

.. قسم بالله لحظتها مدري ويني فيه ..
اسرد لكم على لسان البطل القومي اخوي اللي جعله مايصير بطل مره ثانيه ذل ام ام امي

:

وتطيحين علينا ياسواتي .. وامي اللي تقول وش فيك امي وش فيييك ياامي سواااتي تسمعين .. وابوي يناظر مرتاع """" انا في نفسي اقول شكله يسترجع قبل ماندخل وانا اقول ترا انا مااتحمل

""" ومايدري وش السواه وفيييي نص الزحمه لانقدر نروح يمين ولا يسار واشقلتس واصرخ على العالم تعبانه طرييق طريق ويوديني عند المدخل ..
طبعا المدخل شي لايحتمل ناس طالعه وناس داخله وسدحوني وجت ياسواتي دكتوره مصريه كنها طايحه علينا من السما وتسوي لك اسعافات مدري وش هي ..

طوط طوط
يووووه اسواء شي .., الحمد لله ع سلامتك

هنا انا افقت .. بس افقت على وشو ؟؟؟؟؟؟؟؟
على عسكري يهف وجهي ببسطه !!!

قسم بالله يهف وجهي ببساط خوص

انا قمت اتلفت ماحس برجولي ولا يديني ورااسي يدور والرجال ملتفين حولي يناظرون وانا اللي اصرخ:
غطووووووووووني

..ماتخيلت إلا شوشتي يوم اتروش واتلفع بالطرحه

وتجي امي تفتش .. ياعميري ياميمتي

تقول هاااه شوفي هذاني فاتشه
ورجليني رافعينها الله يستر علينا دنيا واخرررررره .. اشوا اني لابستن تايت وفوقه شراب مافيه امل يطلع شي الحمدلله

ههههههههههههههههههههههههههههههههههههههههههههه ي حليله م لقى غير بسساط

ارجع واقول لك تقبل الله ي حجه والفال للي م حجو وانا اولهم

عشت معك الاحداث اسلوبك ممتع ويحمس .., تستاهلين التقييم

16-11-2011, 11:21 PM

مشاركة رقم المشاركة : 16

جنى الورد

سنعة وشقردية

جنى الورد غير متواجد حالياً

رد: مذكرات فتاة سعوديه - أيام الحج -

تقبل الله منك ياسواتي

والحج تعب ويبغاله صبر واحتساب

حجيت قبل وعانيت من التعجل

ماادري ليه يحبون التعجل بيرجعون ايش يسوون

يازين اسلوبك استمتعت والله

يسعدك ربي

توقيع جنى الورد :

آلسعاده لا تحتاج إلى إستحالات كبيره !
أشياء صغيره قادره على أن تهُزنا بـ عمق ♥
(

5-12-2011, 11:42 PM

مشاركة رقم المشاركة : 17

شامبو قليل الدسم

ضايع جاز له الوضع

شامبو قليل الدسم غير متواجد حالياً

رد: مذكرات فتاة سعوديه - أيام الحج -

عاد تصدزين بالله ودي اجرب هالشعور حق الحج كل ماجتنا حمله وتسذا يصرفها الله عننا ياما وحدتن
من خواتي تعبت الله يبعد عنتس التعب

ياما صار شي تسايد يمنعن من السفر ... طيب هاللي حاجين خلاص لاتحجون خلون اسافر انا واخوي وابوي وانطلق في الي الله كاتبه

وش بلاء هالعايله كل ماقلت لـــ احد فيهم هالفكره قال -- والله انتس منتب صاحيه

هذا شرع الله وانا الحمدلله في استطاعه اسويه وش بلاكم تبوني اعجز همن تقولون روحي مع بعلتس خخخخخخ وش ذا البعل الي لين جاء بيشوف كومه امنيات ماتحققت

عساه هالضعيف يحقق الي يبيه ... عاد اباخذ لي واحدن ماحجٌ .. وشوفي وشلون ابتوهق معه اثنين
ماقد حجوٌ ياهالاخطاء الي بنسويها تسني فيتس تقولين اعد واغلط هههههههههههههههههه

<=== الوتساد/ ابي اروح مع واحدن جرب الحج ووسيع صدر

مهب يهاوش عشان مااهاوش ثمن ينقلب حجنا سخط علينا ونعود لديارنا منتوف خيرنا بزبيريه مقاس 40
واثار التكفيخ ع وجهي بـــ خيام منى

الله يعطيتس اجر هالحجه ويرزق الي ماحجو حجٌه وبعل مجانا

<=== كم ( لايعجبن) بتجين على هالكلمه ههههههههههههههه

12-12-2011, 11:38 AM

مشاركة رقم المشاركة : 18

أم ريالين

مـلـتـمـسـه

أم ريالين غير متواجد حالياً

رد: مذكرات فتاة سعوديه - أيام الحج -

أحم أحم ,, السلام عليكم

موضوع فاصل حد الثمالة ,, ويستحق القراية , الله ويسع صدرتس بالعافية و يتقبل منتس و كتب لنا وياتس حجة ثانية <<< بدا شغل العجز

بس تكفين الله لا يهنتس ممكتن ترجمة المذكور ادناه < اللي بوسط المربع

<<< مخلط بثارة دوافير

اقتباس:
ويجي الوالد يمعط اذاني ويقول وش انا اقوووول لتس قبل ماتسوين اي شي وش تسويييين ؟ أنا : قبل ماسوي اي شييي لازم افكر بكل شيييي

. من حر مااونس لا مشى القطار قمت اغرد هبببببت نفحات انسيه وشدا البلبل الف تحيه ..

توقيع أم ريالين :

(( و إنا على فراقك ياوالدي لمحزونون ))

صفحة 2 من 2

مواقع النشر (المفضلة)

« كنت أظن و كنت أظن و خاب ظني | نكــبــه .! || الضياع قوت تالنت || »

الذين يشاهدون محتوى الموضوع الآن : 1 ( الأعضاء 0 والزوار 1)

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الساعة الآن بتوقيت الرياض : 9:41 AM

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25