برنامج Parallels Desktop 7 , جامع نظامين بالحلال ‫(‬شرح + فيديو‫)‬ - الصفحة 2

قائمة بأسماء الأعضاء المهشتقين في هالموضوع :
اكتب أسماء الأعضاء اللي ودك تهشتقهم في هالموضوع وافصل بين يوزراتهم بفاصلة زي كذا : فالكم طيب، منجطل بالطاية، فارس، رماد انثى All Friends

10-11-2011, 1:33 AM

مشاركة رقم المشاركة : 11

حجازيه

مبدعة حد الثمالة

حجازيه غير متواجد حالياً

رد: برنامج Parallels Desktop 7 , جامع نظامين بالحلال ‫(‬شرح + فيديو‫)‬

ماشاء الله مع اني إلى الان ويندوزيه

لكن مايمنع اني اقول مجهوود بطل وشرح واضح جداً وتم ارسال نسخه من الموضوع لمن يهمه الامر

هنو يعطيك ألف عافيه ولاهنتي

ابو نواس+ جودي+ ياحبني لك , يعطيكم العافيه

توقيع حجازيه :

اللهم لا تكسر لي ظهرًا , ولا تصعب لي حاجة , ولا تعظم علي امرًا

10-11-2011, 9:14 AM

مشاركة رقم المشاركة : 12

جودي

مصممة الضياع

جودي غير متواجد حالياً

الأوسمة

رد: برنامج Parallels Desktop 7 , جامع نظامين بالحلال ‫(‬شرح + فيديو‫)‬

هنو

= يختي أنا كنت أدري أني أقدر أحمل نظام ويندوز بس أول مرة أدري أني اقدر أحمل أكثر من نظام على جهازي ! هو صدز أنا ما حوالتس احد في التقنية وياللة أدري عن جديدها من الضياع بس المعلومة المهمة ذي تفوتني حسيت أن حدي جهاز مكتبي من سوق الحراج مرقع وكل ما فتحت شاشته تفل بوجهي ويقول حتى انا الشايب العايب أستاهل أدمي مهوب بقرة يالله تطقطق لها على كم حرف ومن زود البجاحة تهايط عند خوياتها بأنها هكر

< بيني وبينتس سالفة الهكر مسكت معي من بعد موضوعتس حق تواصل الحواسيب مير حسيت اني شوي واطق لتس اصبع من زود الهياط

= أعترف أن ويندوز 7 كثييير علي واجد وأني لوقتس ذا ما عطيته وجه تماشياً مع مثل رحم الله امرءٍ عرف قدر نفسه

مدري وش دخله بس هاليومين ماسكة معي هالمثل احس اني من زود الفسقة صايرة زي الخلق وعندي ويندوز 7 شوي واصور جنبه وارسل الصور لكل إنسان اعرفه واكتب تحتها محد أحسن من أحد ( وجه فقر! )

، صراحة يختي أحس قريباً بيخترعون نظام الويندوز يركبونه بدميجة الواحد يقدر فيه يتحكم بكل شي عن بعد

تضغطين لوحة التحكم تقدرين تعطين فيها أوامر للمطبخ بتحكم بمواعين الغدى ويغسلهم وتروحين لبرنامج الرسام يحط لتس مكياج ولو صار لتس موقف وما عجبتس تروحين لإستعادة نظام

وإذا خرب النظامي فرمتّه وأرجع جديدة بقراطسي همان ياالله يا ترتيب الملفات من جديد وحفظها

وقتها يمديني أتعلم 7 لغات عربي وفصحى والباقي هياط

اقدر أعيد تهيئة شكلي الخارجي وأحذف بعض الملفات واخسر لي كم كيلو بايت

يللعن أمممم الفلة يا شيخة

< شطحة تغبن

= طبعاً انا ادري بصعوبة التعود على نظام جديد أنا الفتوشوب الأخير يالله تعودت عليه بعد إصدار CS3

وش عاد لو نظام بكبره

موضوعتس جداً مهم وامسحيها بوجهي الخرابيط اللي فوق صاير معي زي البدوي اللي راح لليابان وشاف سيارة تمشي بالبطارية ووده يقط وجهه بللي هو به أهم شي يعبر عن مشاعر الدهشة والخقة والسعابيل

قام يدق لهم على ربابة ويصب لهم قهوة ويعزمهم على الذبايح وهو ماسكن له واحدن على جنب يطقطق عليه يقول تبادل سيارتك بناقتي ؟

لذالك أنا بحذوا حذوه وأقول أقدر أبدل نظام الويندوز 7 اللي عندي بنظام ماك أو على الأقل أضيفه معه ؟

= هنو أنتي تدرين بمشاعري نحوتس من أول مرة تعرفت فيها عليتس حسياً

تدرين عاد أنتس منتب محتاجة لحتسيي عشان اثبت لأحد انتس من بين أهم المشرفين الأكفاء اللي أثبتوا وما زالوا يثبتون تفانيهم بالعطاء اللي نتمنى نقدم لهم شي أكثر من مشاركاتنا بأقسامهم والتقييمات والليكات اللي مثلتس ما يكفيني حتى خمه إللي مثلتس يستاهل أخطب له أخوي المزيون واعيشه عندنا في البيت كود احلل عطائه صح

< وش وضعتس تمدحين ولا تستغلين ؟

موضوع فخم فخم كبير جداً على بسيطة زيي بالتقنية لكن ما هان علي أمر عليه بدون تقييم ورد لو هو بثر وسامج بس ما يحتاج اعيد لتس قصة البدوي عاد

* شكراً للجندي الخفي استمتعت جداً بالمقطع وعدته كمّن مرة من زود الحماس

<< إلا من زود اللقافة

اقتباس:

برايفت جودي

اقتباس:

ماقلت شينه الا وانا مشتاقه لك قسم بالله لك فقده ..وين الناس يااختي ؟

منيب بس شينة إلا وصخة

تشتاق لتس الجنّة يارب قسم بالله حتى أنا اشتقت لتس

بس أدعي لي تمشي أموري همن أبثرتس بوجودي كود تتحسفين على فقدتي صدز

باريفت لتس :
يختي يراودني شعور مدري شلون قايل بس أحس كني عضوة جديدة اللي تحاول تندمج بس ماش

10-11-2011, 4:51 PM

مشاركة رقم المشاركة : 13

هنو

خبيره كمبيوتر

هنو غير متواجد حالياً

الأوسمة

رد: برنامج Parallels Desktop 7 , جامع نظامين بالحلال ‫(‬شرح + فيديو‫)‬

lolly

ياهلا ياهلا

اقتباس:
ياحلوهم

ان ماخاب ظني..هذي تصاميم جودي الشينه

هههههههههههههههههه طبعاً

لبى الشّيون ياشيخة هههههههه

اقتباس:
البرنامج خطيييير

..بس يحتاج مخ مفتح وفاضي ويحتاج لشغل

ضاق صدري يوم شفت الموضوع فيه 8 ردود كلها لك

اشوا ان جهازي مهوب ماك

<< ياشين العجّازين اللي يبون كل شي سهل وسريع

ايه ،البرنامج جدّاً عملي الحمدلله

وصدقيني موب محتاج مخ شغال

يبيله تجلسين شوي وتخربطين به وتمشي أمورك

ههههههههه وبعدين صدق لاحظتي إنّ فيه ٩ ردود

بس تراي سويت كذا يكون كل قسم من الموضوع لحاله فما تتخربطون وتحسون إنّ الموضوع شوربة

<!!

اقتباس:
طيب اللي نظامه فيستا..ويبي يثبت معه نظام ويندوز 7 في القرص (d)
وش البرنامج اللي ينفع له؟

شوفي حبيبتي بعلمك شغلة مهمّة طالما إنّك تبغين تحطين وندوز ثاني بجهازك ،
أنتِ تقولين تبغين وندوز 7 في القرص D صح ؟
تمام ..
تقدرين بدون

برنامج أصلاً ..
تحتاجين بس سي دي وندوز 7 ، تحطينه بالدرايفر واول مايشتغل الجهاز اضغطي زرf12 او f8 او del < اعتقد كل جهاز يختلف فقولي لي وش نوع جهازك عشان اعلمك

بتطلع لك خيارات تقول " تبغين اسوّي الـ boot ( التحميل ) من وين ؟ "
فتحطين أوّل شي من CD عشان يحمّل من ال سيدي الي حطيتيه ، وبكذا كمّلي خطوات التثبيت زي خطوات تثبيت الوندوز 7 الي انا كتبتها بالموضوع

لكن وين الفرق ؟
الفرق إنّ بيطلع لك في هالشاشة

طالما عندك C & D فاللي عليك تسوينه تختارين قسم D ، وتكملين باقي الخطوات عادي

و يصير لم تشغلين جهازك تطلع لك شاشه فيها خيارين تقول " حابه اي نظام تشغيل تفتحينه ياحلوه

الفيستا ولا السّفن ؟ < سفت ولا ميرندا ها ها

"
فهمتي الفكره ؟
اذن تحتاجين بس " سيدي وندوز 7 مع سيريال او كراك ، تعاريف قطع جهازك ممكن تجيبينها من موقع جهازك او اساسا طالما انّه فيستا كل القطع بتتعرف بسهوله ان شالله

"
بس قبل كل شي .. هل الـ Dفاضي ولا فيه ريكوفري للجهاز

؟

طيّب ، لو مو حابّه يكون كل نظام منفصل عن الثّاني ،
هنا تحتاجين برنامج ، بحيث وانتي تشتغلين على الفيستا تشتغلين ع السفن بعد ،
هنا ممكن تستخدمين نفس برنامج Parallels بنسخة خاصّة للوندوز

تتحمّل من هنا
أعتقد الطريقة بتكون نفسها ، ولو حابّة اسوي لها شرح تامرين أمر

اقتباس:
اهم شي لاتنسين تحملين قوقل كروم في نظام الويندوز

حطيته ههههههههه

اقتباس:
اختاري مخطوبين ولا اخوان؟
والله من الانفصام الي فيني سلكي سلكي يابعدي هههههههههه

مخطوبين خلاص

موب الـ parallels المأذون تبعهم ؟ <

!

اقتباس:
هنو..

موضوعك اقل مااقول عنه..رووووعه..يستاهل الصفوه وبكل جداره

ان شاء لله تعبك وتعب الجنود المجهولين مايروح هدر

الله يعطيك العافيه..

يالبى قليبك بس

الرّوعه ردّك حبيبتي

وان شالله باذن الله الموضوع يفيد أكبر مجموعة من النّاس مثل ما فادني

( )
تسلمين لي والله نوّرتيني وأسعدتني تقييمااتك

لتس

توقيع هنو :

سُقيَا حَياةٌ مَقدَمُك :") ،

اِسألُونِي :")

شُكراً رَؤوف :")

10-11-2011, 5:01 PM

مشاركة رقم المشاركة : 14

هنو

خبيره كمبيوتر

هنو غير متواجد حالياً

الأوسمة

رد: برنامج Parallels Desktop 7 , جامع نظامين بالحلال ‫(‬شرح + فيديو‫)‬

حجازيه

اقتباس:
ماشاء الله مع اني إلى الان ويندوزيه

لكن مايمنع اني اقول مجهوود بطل وشرح واضح جداً وتم ارسال نسخه من الموضوع لمن يهمه الامر

هنو يعطيك ألف عافيه ولاهنتي

ابو نواس+ جودي+ ياحبني لك , يعطيكم العافيه

هههههههههههه عقبال ماتصيرين ماكيّة وتطقطقين ع الوندوز وقت الحاجة صدقيني بتعيشين بعالم آخر جميل و مبهر

<- وش تقول ذي

!
الله يعطيك العافية ياحلوة

تسلمين لي والله

لتس

توقيع هنو :

سُقيَا حَياةٌ مَقدَمُك :") ،

اِسألُونِي :")

شُكراً رَؤوف :")

10-11-2011, 5:31 PM

مشاركة رقم المشاركة : 15

يا حبني لك

яemәmвer мә
معزبة الكراسة

يا حبني لك غير متواجد حالياً

الأوسمة

المركز الأول - فعاليه الحكواتي الرمضانيه

رد: برنامج Parallels Desktop 7 , جامع نظامين بالحلال ‫(‬شرح + فيديو‫)‬

:: ::

يــــــــــــــــــــــــاربـــاهـ ..

شو هالعظمه الأسطوريه

شو هـ الإبداع و الإنسيابيه

قدام موضوعك الجبار

الواحد يتمنى إنه من الزوار

من قوة ماهو مستحي يرد

زي دايم إبداعك ماله حد

توقيع يا حبني لك :

:: ::

حسبنا الله سـ يُأتينا من فضله إنا إليه راغبون
حسبنا الله سـ يُأتينا من فضله إنا إليه راغبون
حسبنا الله سـ يُأتينا من فضله إنا إليه راغبون

10-11-2011, 6:08 PM

مشاركة رقم المشاركة : 16

هنو

خبيره كمبيوتر

هنو غير متواجد حالياً

الأوسمة

رد: برنامج Parallels Desktop 7 , جامع نظامين بالحلال ‫(‬شرح + فيديو‫)‬

جودي

اقتباس:

أنا من شفت ذولا قلت بالأمر إنّ

هههههههههههه يقطع ابليسك ياشيخة

اقتباس:
حسيت أن حدي جهاز مكتبي من سوق الحراج مرقع وكل ما فتحت شاشته تفل بوجهي ويقول حتى انا الشايب العايب أستاهل أدمي مهوب بقرة يالله تطقطق لها على كم حرف ومن زود البجاحة تهايط عند خوياتها بأنها هكر

هههههههههههههههههه ، جودي

يختي يلوموني بحبتس

هايطي يختي محد أحسن من أحد

وبعدين والله ماهوب برنامج هكر هههههههههههه

العناوين خدّاعة ترى

< -

!

اقتباس:
صراحة يختي أحس قريباً بيخترعون نظام الويندوز يركبونه بدميجة الواحد يقدر فيه يتحكم بكل شي عن بعد

وإذا خرب النظامي فرمتّه وأرجع جديدة بقراطسي همان ياالله يا ترتيب الملفات من جديد وحفظها

وقتها يمديني أتعلم 7 لغات عربي وفصحى والباقي هياط

اقدر أعيد تهيئة شكلي الخارجي وأحذف بعض الملفات واخسر لي كم كيلو بايت

يللعن أمممم الفلة يا شيخة

< شطحة تغبن

ما استبعد هالشّي يا جودي ، أساساً أساساً انتِ لازم تاخذين براءة اختراع على هالفكرة الجهنّمية

<- العجز ومايسوّي

تصدقين هههههههههه أحس فعلاً بتجي طفرة بنصير نقدر فيها نكلم الجهاز واحنا منبطحين ونطلب منّه بالصّوت الي نبيه وهو يسوّيه

<- التصوير جنب طفرة بريالين

اقتباس:
طبعاً انا ادري بصعوبة التعود على نظام جديد أنا الفتوشوب الأخير يالله تعودت عليه بعد إصدار CS3

وش عاد لو نظام بكبره

لذالك أنا بحذوا حذوه وأقول أقدر أبدل نظام الويندوز 7 اللي عندي بنظام ماك أو على الأقل أضيفه معه ؟

شرهتك ع الّي عرفت للفوتوشوب ٨ عشان تعرف لـ CS3

لذلك أنا أقول إنّنا متعادلين ههههههههه ويمكن أنتِ بعد تسبقيني بمراحل لذلك خلّينا نسوي مسابقة ونشوف من يفوز

! <- مسابقة

!
وبعدين تعالي هنا ههههههههههههههههههههههه سيّاراتنا تمشي ب ايش أجل !
الطاقة الشمسية

؟! مو ببطاريّة بعد ؟! <-

هذي الي بتذب غصب !

ايه ياجودي ، ايه ياحبيبتي تقدرين تحطّين الماك مع الوندوز سوا سوا بجهازك

مسألة انّك تبدلين الوندوز كل أبوه وتحطين مكانه ماك ، أحس إنّ مو لازم ،
لكن لو تحبّين تضيفينه كـ نظام منفصل في قسم D
أو تستخدمين نسخة الـ Parallels الي حطّيتها فوق بردّي على lolly تقدرين يابعد تشبدي انتِ

بحيث يكون الماك والوندوز مع بعض مثل ماسوّيت أنا بالماك لمّ حطيت معه الوندوز جنبه

<- قمنا نخنبق

!

اقتباس:
هنو أنتي تدرين بمشاعري نحوتس من أول مرة تعرفت فيها عليتس حسياً

أدري ، ايه طبعاً أدري

أساساً المشاعر متبادلة فأكيد تعرفين إنّي أحبتس أكثر منتس

سلّميلي على اخوتس المزيون هاه ! <- هههههههههههههههههههه ماتصدق تسمع سالفة العرس !

يختي

هههههههههههههه أخجلتيني بهالكلام الحلو الجميل

أروحلتس فدوة

ردّك لحاله حكاية

ماشاء الله عليك بس ههههههه احرجتي تواضعي جداً وتسلميلي يا بعدي انتِ

نوّرتيني

لتس

توقيع هنو :

سُقيَا حَياةٌ مَقدَمُك :") ،

اِسألُونِي :")

شُكراً رَؤوف :")

11-11-2011, 4:07 AM

مشاركة رقم المشاركة : 17

Lolly

ضايعة من قلب

Lolly غير متواجد حالياً

الأوسمة

رد: برنامج Parallels Desktop 7 , جامع نظامين بالحلال ‫(‬شرح + فيديو‫)‬

اقتباس:

تحتاجين بس سي دي وندوز 7 ، تحطينه بالدرايفر واول مايشتغل الجهاز اضغطي زرf12 او f8 او del < اعتقد كل جهاز يختلف فقولي لي وش نوع جهازك عشان اعلمك

اي درايفر و اي بطيخ بس

جهازي مافيه درايفر

انتي بس لو تشوفين جهازي بتقولين هذا من عجائب الدنيا السبعه

مافيه درايفر..والمروحه اذا فتحت الجهاز لو تسمعينها تقولين ماطور اعوذ بالله

واحيانا يطلع منه تراب..كني مطعسة به

..وانواع التعليق..لدرجه انه اول مره افتحه
وهو جديد علق علي..في حياتي ماسمعت احد اول مره يفتح لاب توب جديد ويعلق معه

وماامداه يكمل سنه عندي الا والهارد ديسك خربان..وقالوا لي الجهاز يحتاج فرمته.وديته محل
سوا له فرمته وغيّر الهارد ديسك

ولا المعالج المتخلف "AMD" من افشل انواع المعالجات في العالم

..
من شفت الاستيكر الاسود وانا متشائمه منه

..اخخخ بس الله يذكر Intel بالخير

انصح اي احد يبي يشتري كمبيوتر..لايشتري الا جهاز معالجه Intel

جهازي hp

<< خلاص وشوله تقولين اسم الجهاز

اللي يقرا كلامي اللي فوق يحسب جهازي ايسر..حتى ايسر ازين منه

الجهاز وش زينه والكيبورد مريحه وحجمه مره حلو واحلى مافيه فتحة التهويه من الجنب..
بس البلا من هالقرابيع اللي حاطينها فيه..

ياسفاب الجهاز على القطع الموجوده فيه

مأجوره ان شاء الله على هالجهاز

حسبي الله على الهيس اللي موصيه اخوي يشتري الجهاز جعله مايتهنى بقيمته..
جعله يشوف ويعاني في جهازه مثلي واكثر.. يارب ياكريم

اقول بس..هوّنت اثبت ويندوز 7 في جهازي..ان شاء الله ان الجهاز الجديد اقرب

<< رددي ياليل مااطولك

<<هالرد المفروض احطه في الدعم الفني

هنو

..
شكراً

..
مابي اتعبك معي ومع جهازي الميؤوس منه ومن حاله

توقيع Lolly :

عطني حظ وارمني في البحر ..

Longest video on youtube

11-11-2011, 10:58 AM

مشاركة رقم المشاركة : 18

حمد حمود

توه ضايع

حمد حمود غير متواجد حالياً

رد: برنامج Parallels Desktop 7 , جامع نظامين بالحلال ‫(‬شرح + فيديو‫)‬

السلام عليكم

احب ان اتقدم بأحر عبارات الشكر والتقدير لشخصكم على هذا المجهود الجبار

للعلم اني سجلت في هذا المنتدى فقط لكي اقول هذه الكلمات وان كان عندي تحفظ على اسم المنتدى

فادني هذا البرنامج بفضل مساعدتكم

شكرا مرة اخرى

11-11-2011, 11:11 AM

مشاركة رقم المشاركة : 19

فارس

مـراقـب عـام

فارس غير متواجد حالياً

الأوسمة

Parallels Desktop 7 , جامع راسين بالحلال

رد: برنامج Parallels Desktop 7 , جامع نظامين بالحلال ‫(‬شرح + فيديو‫)‬

ماشاء الله تبارك الله موضوع أتعب وأنا أقول خطير صراحه يعني ماقد شفت موضوع بهالعظمه والضخامه من قبل عشر ردود يامجرمه

.. موب موضوع هذا وبس هذا مرجع يفتخر به وموسوعه بحد ذاتها ماشاء الله عليك

.. شغل جبار ومجهود خراااافي لأبعد الحدود

.. اعتبره شخصياً أضخم وأشمل موضوع تقني مر في تاريخ الضياع

.. موضوع يسطر بماء الذهب الخالص لإنه موضوع عليه القيمة فكرة وشرح وصور وتصاميم وفيديو وصوت

.. أهنيك عليه وعلى عقليتك الجباره وإبداعك ماشاء الله تبارك الله

يعطيك ألف ألف عافيه ياهنو .. تمنيت إني ماكّي عشان أجرب هالشرح لكن الأير جاي في الطريق إن شاء الله ومالنا غنى عن الويندوز طبعاً

.. مردي أكيد لهالموضوع الله لايحرمنا منه ولامن راعيه

.. لإنه بكل بساطه مرجع وموسوعة لي ولحقين الويندوز اللي طفوا بالماك وابلشوا به

الله يعطيك العافيه ومشكوره على هالشغل المتعوب عليه من قلب

.. إعجاب وتقييم على كثر ردودك ولاتوفيك حقك وتستاهلين أكثر

.. انتي ياشيخه تستاهلين من يعطيك العجراء الذهبيه حقته موب بس يرفع لك العجراء

دوك

يسعدني أقول في هاللحظة المميزه

(يناظر التاريخ والوقت

) :

الموضوع مثبت + نسخة للصفوة + نسخة للتاريخ

ترا يمكن ارجع ارد مرة ثانيه لإني ماش ماأحس إني فضفضت عن خقتي صح

علي بن عمران معجب بهذه المشاركة .

توقيع فارس :

صفحة 2 من 2

مواقع النشر (المفضلة)

الكلمات الدلالية (Tags)

parallels

« Nik Software 2011 ، الحاصل على أفضل فلتر لمعالجة الصور .. | رحلة شتوية من قمم الألـب الثلجيـة إلى قعر البحيرات النيوزلنديـة <<-10°C »

الذين يشاهدون محتوى الموضوع الآن : 1 ( الأعضاء 0 والزوار 1)

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الساعة الآن بتوقيت الرياض : 9:36 AM

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25