ينصر دينك يابتوله .. عشت اجمل لحظات يومي مع الصور .. منطقتكم جميله جدا وانتم ناس طيبون .. كم تمنيت ان تذكري اسم الوادي وإن امكن ذكر الطرق التي تؤدي له وايها اقصر مع الاحداثيات ومواقع محطات التزود بالوقود و ... امزح فقط اسم الوادي وانا سأعثر عليه .. لا اخفيك انا اخطط لرحله الى الباحه ثم ابها وصبيا وسيكون من الممتع ان اشرب الشاي في نفس الوادي الذي تشرف بك سيدتي
^ ^ وين يجي السمك معه بس ؟ .. الظاهر مافيها إلا ( دغاليب ) من النوع الكبير .. عاد كأني أتخيلكم ترمون الصناره في وسط البركه يقالكم بتصيدون سمك الحين وآخرتها يطلع لكم دغلوب
وشو الدغلوب!؟.. والله ماعرفته
^ ^ هنا قمة استمتاعي في الكشتات
^ ^ هالصورتين بطرانه صراحه .. تحس إنه معدل عليها بالفوتوشوب من حلاوتها
^ ^ ماتلاحظين إن كل هالمعالم اللي في المجسم موجودة في الرياض ؟ .. كان طيب حطوا شيء من عبق وتراث الباحه موب أحسن إنهم يكشخون بمعالم ديرة ثانيه
خخخخخخخخ لا ومعالم مشوهه الصراحه كل ماأشوفها أضحك ..كشخوا بمعالمنا بس بتجسيد مو رسم << يعنني فاهمه خخخخ
أما الصورتين الأخيرات فهي سر صحة شياب الجنوب ماشاء الله .. فياغرا الجنوب
ماشاء الله .. موضوع جميل واعجبني أكثر التنوع في الصور يعطيك العافيه .. تم التقييم
ألف شكـــــــر لتواجدك وتقييمك ... سرني وجود الطقم الأحمر كثييييييير وشجعني << تهورت الضياع عمار بوجود امثالكم<< مكانها مضبوط ياجماعه
اقتباس:
المشاركة الأصلية كتبت بواسطة بيتهوفن وينك ياخته وش ذ الغياب .. من قبيلي وانا في حراك .. . كل ذ المده لأجل تنزلين تيه الصور ياحسفس حسفاه > زرم خخخخخخخ
لو فلحتي في هاك الركيب واشتلتي الحطب كان أبرك لك من نخشة قعور الطلح > زرم للمره الثانية
يانافدا البديه من هي بديته أشوف البشارة في موضوعك ماشاء الله اخضرت الديرة أنا في العمل لا رجعت. البيت باهبدك شوي في تيااك الصور
أنا اشهد انك كما مرزح البيت لا وعدتي توفين الوعد
تم تثبيت الموضوع + نسخة الى حثلة الصفوة
اللي فهم من ردي شيء يرفع ايده
بدايةً..أحيي جنى الورد وأشكرك على ردك
نجي لـــ..بيتهوفن ..
يمرحبن بك ياايخه..مرحبن هيل وعداد السيل ..وشتالهروج الله يصلحك تيه مايعرفها الا نِحنْ..<< وش رايك بالتشكيل بس
وين الركيب خلينا تيه الدلايل للي سبقنا الله المستعان
لا الصدق ان الديره باقي ماجاها ذاك الخضار اللي يحبه قلبك هذي بس أمطار الصيف بس لسى الربيع ولشتا ماشفته
اقتباس:
المشاركة الأصلية كتبت بواسطة منجطل بالطاية
يا حيا الله بتوله .. انا من شفت عنوان الموضوع جاء ببالي احد شيئين يا ان الموضوع بالكوكتيل وهالشي احتماله ضعيف .. وتوقعت ان الموضوع بالتشليح وهالشي اللي جاء ببالي اكثر شي .. لكن يوم شفت كاتب الموضوع بتوله توقعت مكانه بالصفوة << وش موقفه ذا يسب والا يمدح
وش اقول بس موضوعتس نقدر نسميه موضوع منعش تدخل تحس انك تشوف بعارين كبر السيارة .. وبرضو بنفس الوقت تشم ريحة سرقة خصوصا اذا كنت داخل قبل يقيم الصلاة وداخل بسرعة تشوف وتطيح باخر الموضوع على كم صورة كل وحده احلى من الثانية وتحك راسك تحاول تقنعه ان المصور وهالابداع كله من بتوله مع ان مافي امل تقتنع ان بتوله يجي من وراها تصوير صح وكانك تشوف مسلسل تركي وفجاة طلعت وحده تكرونيه تمثل معهم هنا تستغرب غصب .. نفس الكلام ينطبق على الصور شلون بتوله تعرف تصور اصلا من متى تعرف تمسك كام وهي نص الصور اللي بموضوعه مايلات
سويت كل شي عشان اقدر اشوف الصورة صح .. ميّلت رقبتي وميلت اللابتوب بس ماش عجزت استوعب الصورة .. فيه شي غلط بس مدري وين
لا شفت هالقدر كاني شايف ابو نواس يفز قلبي غصب .. سبحان الله شلون الناس تعيش بدون الكاتم شلون احد يقدر يطبخ او حتى يفكر يكشت وهو ما معه كاتم
ريش يا ظالمه ريش .. وش قصدتس لازم ترجعين بنا لرمضان وفضيحة الريش
أهني اخوتس على التصوير .. الصراحة ابداع بس لو يكبر الصور شوي لانهن صايرات كانهن صورة واحد بيقدم على الاحوال من صغرهن
الله كيك << لا واضح يعرف وشو الاكل
بالنهاية احب اشكرتس على هالموضوع اللي اطول ما فيه مقدمته .. اشكرتس على موضوع نصه راح آهات .. وتقبلي ردي بصدر رحب والا تدرين احمدي ربتس اني رديت عليتس وتم التقييم
بالنسبه للصور ..يأخي لك شخص وضعه ومزاجه في التصوير أنت مثلا تصور تصوير أنبطاحي مافيه بتويريه
وأنا جبت أحترافيه جديده اللي هي الميول والتنكس <
ماعليك ترا الصور كذا ولا كذا نفسها مثل كلمة توت من الأول ومن الأخير نفسها << مثل شطحاتك لاتستغرب
,,
الريش يابو الريش .والله تصدق نسيت راح من بالي ..جنت على نفسها أم الريش <
لكن خلاص سامحناك <
نجي للصور اللي عجبتك ترا هي كبيره بس انا صغرتها ما أحبها كبيره كذا أحلى
ياخي حلاة الموضوع بالهذره بس مشكلتي ما أقدر أتفنن قد فنك فيها وفي مقدماتك..تدري عاد ذليت امي بالرد..يأخي ان عارفه ان الريش جابك وأنت ماشوف الطريق ..
شكرا على تقييمك وعلى ردك بس لآعاد تذل
ينصر دينك يابتوله .. عشت اجمل لحظات يومي مع الصور .. منطقتكم جميله جدا وانتم ناس طيبون .. كم تمنيت ان تذكري اسم الوادي وإن امكن ذكر الطرق التي تؤدي له وايها اقصر مع الاحداثيات ومواقع محطات التزود بالوقود و ... امزح فقط اسم الوادي وانا سأعثر عليه .. لا اخفيك انا اخطط لرحله الى الباحه ثم ابها وصبيا وسيكون من الممتع ان اشرب الشاي في نفس الوادي الذي تشرف بك سيدتي
أهلن ياباشا..أزيك ..
يافتى الطرقات المؤديه لاتعلم بها محدثتك المصونه < لا أمزح ..
بقول أسم الوادي بتقييم ولاتعلم أحد <<خخخخ
بس ترا طوووويل ولازم تاخذ واحد له خبره عشان ماتضيع بعدين تلتهمك الذئاب يارجل ويحك< تحمست
أي والله جاده بعدين اكون سبب في موتك لاسمح الله<
شكرا لذوقك وإطراك للمنطقه وأهلها ..تنورها قريب أن شالله وبتعجبك..
تعال دايم بس دخيل روحك لاتتكلم بهالفصحى احس انك عباس بن فرناس <<
36إعجاب 
9-10-2011, 12:40 AM
.. الظاهر مافيها إلا ( دغاليب ) من النوع الكبير 
<< يعنني فاهمه خخخخ
..وشتالهروج الله يصلحك تيه مايعرفها الا نِحنْ..<< وش رايك بالتشكيل بس 
.. وبرضو بنفس الوقت تشم ريحة سرقة خصوصا اذا كنت داخل قبل يقيم الصلاة وداخل بسرعة تشوف وتطيح باخر الموضوع على كم صورة كل وحده احلى من الثانية وتحك راسك تحاول تقنعه ان المصور وهالابداع كله من بتوله مع ان مافي امل تقتنع ان بتوله يجي من وراها تصوير صح وكانك تشوف مسلسل تركي وفجاة طلعت وحده تكرونيه تمثل معهم هنا تستغرب غصب 
.. وش قصدتس لازم ترجعين بنا لرمضان وفضيحة الريش 
العرض العادي
