ياليل النكبه
وش قاعد تقول ياقطرب .. الصراحة ماينفع اللي قاعد يصير .. بصفتي مشرف وصوتي يوصل للادارة .. أطالب مايقبلون
بأي عضو يسجل بالضياع إلا ويجيب تقرير طبي من اي مستشفى حكومي يثبت جنسه ..
ياخي الادمي ذا موب قطرب .. إلا والله هو قطرب .. < سلامات
وش ذا الحكي وش ذا الانوثه اللي تقوطر من شنبك ههههههههههههههههههههههههههههههههههههههههههههه
ياخي والله هالحكي السنع ذا ما يجيبه إلا اللي جدته تكلفت برضاعته كل يوم حليب خرفان عوضاً عن النيدو وعن امه.. أعترف ياقطرب مابه شيء قول اي شيء نصدقك انك عايش في بيت كله عجايز
لا إله اله الله تف عليك ياعندك مخزون تراثي نادر أعتقد إنك آخر إنسان تملك ذا المخزون
اقتباس:
- وش رأيكن يا بنات وأخص بالذكر منجطل وخويطر بالزينة ذي ؟ وهل تحسون إن له فايدة بهالوقت في ظل سطوة ماك وشنيل على أدوات الزينة والتجميل أو لأ ؟
ارى فيما تراه أنت ايها النائم .. أن الحُب يصنع المعجزات .. والله لو يقعد شهر ماتروش انه وينهو عندها .. وحتى هي لو تلبس خيشه رز عنده بيشوفها جنة تمشي على الأرض مهوب مثل رجال هالجيل استغفر الله من طاح الريموت بيده وقلب بهالقنوآت الا وهو امطلع ستمية ألف عيب فيها وناسي نفسه انه كله حفريات من راسه لرجلينه
بسم الله ماشاء الله وش هالرد اللي أطول وأسنع من الموضوع ، الصراخحة متوقع تسحبين لكنتس خالفتي توقعاتي ، وسددتي لي رد قاضي سقطت على إثره على أيقونة الرد ، بالنسبة ياعزيزتي لأثر القنوات على المجتمعات فهو يأثر على الرجلة كما يؤثر على المرأة فكما الرجل يقلب أيضاً المرأة تقلب وتطلع عيوب وتنسى هالسفوط اللي به ، القضية لها آثار رجعية عديدة ونقاط الإختلاف متفرقة .
اقتباس:
اي نعم لازلت صامله ارجع نوبتن ثانيه بس الله يغربل هالمشط اللي عجزت لا القاه بـ بيتنا شكله أمي امغبيته بالصندقه اللي عنده مع ديرماته .. طبعاً فيه شي مقدس عند أميمتي الآ وهو " الكيلي " والكيلي هذا يقوم بمقام كريم الاساس بس قالوا انه يسبب سرطان الجلد واتركته منذو زمن ليس بالبعيد
المشط مدري أنتي تقسطين اللي شكله جاي كنه حكاكة الظهر اللي بالصدليات ؟ طبعاً مع فارق الحجم والطول ، وإلا المشط البلاستك اللي يفرق به الشعر ، تسانهن ذولي علمين أنزل صورهن لأني متسكيل أصور الحين ، أما الكيلي فصدقيني مافيه شيء ولا ثبت عليه أي شيء حتى الآن ، حسب ماوصلني من أمي منيرة ، وهي تسلم على أمتس وتقول العطي من هالكريم وبييضي خشتس وماعليتس ، وتضيف إن سبب هالإشاعة هي ظهور المساحيق الجديدة وعشان يأكدون إنتشاره لازم يضربون الخصوم المخضرمين مثل الكيلي ,
اقتباس:
ورغم التطورات في عصر المخملية الا انه تبقى خلاقينا تدوم وتدوم وتدوم
هذا سلمك الله يسمى "البخنق " وأكيد مهوب غريب عليك لكن يلبس بالمناسبات الكبيرة مثل عروس الأوليين والطقطقه وجلسة الزيران ويعتبر من الخلاقين الثريه التي لازالن العجز يتلحفن به بـ جانب " الهامه " الي تلبس على الرأس تحلف من ثقله تسنك امقعد قدر فوق راسك وترقص به
زاد إمن أغلب عجزنا مالهن رقبة وظهورهن محدودبه من هالبنخق ، بعدين وش هالاسم الشين ذا ، مدري وراه محس إن أصولة نجدية أحسه موضوه جايه من الشرق والا الغرب وصارت عندنا
اقتباس:
وهذا قميص " روز " أكيد انك خقيت على قميصي الفوشي ماله داعي اتسعبل وأخربها معك وامد لك رجلي عشان أوريك سروالي العتيق " يتميز هذا الروز بالبروده المنتعشه ماتحس بنفسك الا والهواء يضرب بك يمين ويسار من زود ماهو يهبب فيك يالله من فضلك
قميص الروز من كثر المدح اللي اسمعه ، مرات ودي البسه واتنفه ، طبعاً هالقميص أسطورة بتظل الأجيال تتناقله جيل بعد جيل ، سمعت أحسن مكان ينلبس فيه مكه لانه حاره والمشي به كثير فهو من وسائل التبريد المتبعه عند بعض الحريم هناك
اقتباس:
" الشامبو الحمر " وليس الأحمر , يستخدم عقب الحنه بس مهوب مباشره لا عقبه بيوم مثل ماوصفته أم محمد
اهم ميزه فيه يزيل الترسبات الدهنية على جلدة الراس ويقضي على القشر بالاضافه انه ينفش الشعر قصدي يكثره وعليه ريحة تطرد الروح من زينوه
هالشامبو تسد شربه حدى عيال عمي يوم حنا بزران يحسبه توت ، طبعاً ماشربه إلا بعد ماوقهناو وبعناه عليه بريالين .
اقتباس:
" دهن العود " طبعاً القديمين كانوا يستخدمون " المرش " بس دهن العود كان أكثر اللي يستخدمونه هم العجز المتمدنات واللي يجخن ويبزقن بارواحهن بدورية جيران الحاره
بجانبه " علك لامي " واللي يساعد على طلاقة اللسان والكلام الزين والمعسول وهو احد الاسباب اللي ساعدت أم محمد في ترويج منتجاته
هالعلك ذا لا أكلته المرة وقعدتي تشوفينه تحسبيه قاعدة تجتر ، طبعاً علك مر وشين ويسكر السنون ، يستخدمونه من باب الغنج أول .
اقتباس:
ايه وشكرا على مشاركتي التي زادت بالموضوع فوائدٍ جما , بارك الله بي
.
.
العفو والصراحة لولا مشاركاتك بالموضوع كان بسطنا بالجردة نحرج عليه .
[/COLOR]
ياليل النكبه
وش قاعد تقول ياقطرب .. الصراحة ماينفع اللي قاعد يصير .. بصفتي مشرف وصوتي يوصل للادارة .. أطالب مايقبلون
بأي عضو يسجل بالضياع إلا ويجيب تقرير طبي من اي مستشفى حكومي يثبت جنسه ..
والله بهالزمن ذا يابيتهوفن زمان ، بعض الإثباتات مب كافية ، عادي تشوف رجال مب رجال وبنت مب بنت وهكذا يعني ، لكن مايمنع نفعل السبب ولكل قاعدة شواذ
اقتباس:
ياخي الادمي ذا موب قطرب .. إلا والله هو قطرب .. < سلامات
وش ذا الحكي وش ذا الانوثه اللي تقوطر من شنبك ههههههههههههههههههههههههههههههههههههههههههههه
ياخي والله هالحكي السنع ذا ما يجيبه إلا اللي جدته تكلفت برضاعته كل يوم حليب خرفان عوضاً عن النيدو وعن امه.. أعترف ياقطرب مابه شيء قول اي شيء نصدقك انك عايش في بيت كله عجايز
لا إله اله الله تف عليك ياعندك مخزون تراثي نادر أعتقد إنك آخر إنسان تملك ذا المخزون
باقي الغشوة والبعيثران الله يشل ابليسك .. قل آمين
تقييم + بعيثران + ورق حنه تشكيلات 2011
الإنسان ابن بيئته ومجتمعه ، واللي ينكر ماضيه مافيه خير لمستقبله ، بالنسبة للأنوثة اللي تقوطر من ، فمافيه أي نقطة أنوثة عندي ، حتى الجمال الرجولي محروم منه ، لكن هذي ثقافة ومن باب الشيء بالشيء يذكر <- .
مشكورة على الرد والمشاركة والله يجزاك خير ، يعطيك العافية .
اقتباس:
المشاركة الأصلية كتبت بواسطة جنى الورد ماشاءالله
قلت غلطان بالقسم وانا قاعده اقرأ
التشويق كان حاضر ماحبيت انزل ل اخر الصفحه عشان اشوف الموضوع الحقيقي
الحقيقه كنت مبدع بالاسلوب
الحنا فوائدها كثير ورغم بعدنا عنها فتره من الزمن
بس رجعنا لها لانها طبيعيه وماتضرنا
بس العنوان شيء ثاني انا قلت طبخه جديده اسمها خاينه
بالتوفيق قطرب و ب انتظار المزيد
مشكور أو مشكورة على الرد والمشاركة ، معليش ماقدرت أحدد جنسك لأنك بسطر لاعب بالضمائر مرة مذكرة ومره مؤنثة ، عا العموم الحنا يكفي إنه طبيبعي وبدون كيماويات ، حنا كل حياتنا كيمائيات مواد صناعية ، وعلى قولة المثل قديمك نديمك لو جديدك أغناك ، أما العنوان فعلى قولة المثل القرى نص القدعنه ، الله يعطيك العافية أياً كنت ، وماقصرت .
أحم أحم .. السلام عليكم حبي اقول موضوع وعجيب و سرد اعجب والاعجب من الاثنين أن صاحب الرواية من فصيلة تماسيح الاولين منقضر ونادر الوجود ( الترجمة : ديناصور معتق )
وتكملة القصة كالآتي : و نفذت ام سليمان كلام جارتها أم محمد حنا حنا ديرم ديرم زنقه زنقه و حين انتهت و اكتملت اناقتها فإذا بأبو سليمان وقد ارسله القدر الامحق الى حجرتها بحثاً عن سرواله السنه . فقال لها : يامرة وين سورالي السنه الجديد, مو اعدن اخواي بالاستراحة تأخرت عليهم. فجاوبته وهي تلعب بجديلها و تسبل له عيناها المكحولتان: هاه , ما سمع وش تقول أقرب يا بعد حيي وميتي << تستهبل تراها سامعته الوصخة فرد عليها سريعاً وهو يقترب دون ان ينبه لشكلها الجديد: و صمخ ما تسمعينن من الصبح وش أقول .. وفجأة يلتفت إليها ناوياً أن يصمخها بذا الكف عشان تعرف تصيمخ , فلم يصدق ما رأت عيناه فبدأ يناديها : أم سليمان ,, أم سليمان ,, هذا أنتي !!!!! فتتننهد الوصخة و تبتسم و ترد: سم يا بعد روحي أيه أنا أم سليمان ما عرفتن << ترمش ترمش ترمش لزم الإغراء ,, فإذا بها تسمع ضحكات هستيره و تمطط عيونها زين لتتأكد مما ترى انه أبو سليمان يتربعص على الارض ضاحكاً وتكاد رأتيه و قلبه يتوقفان عن العمل من شدة الضحك و القهقهه و تغرق عيناه بالدموع و يتوقف من حين لآخر ليتعوذ من ابليس و يكحكح فجهاز الضحك عنده مغبر << من زمان ماضحك الادمي . وبعد أن أستجع قواه ومن الكركره و الضحك و الكحكحه << عقب ابو نص ساعه ساعه قال لها أبو سلمان : وش أنتي عامله بعمرتس يامره , وش هاللي بوجهتس ,, مشي افمتس بالاء وش هالريح ,, عمن يعميتس وش أنتي مغبره بدنياتس وش ها لقرون وش ها لثوب ماهو اليوم الجنادرية باقي عليه أشهرين ,, لاحووول ولا قوة ,, و استحى على وجتس هاذا كبرتس و تخربطين بهالخرابيط ,,
أركضت لم الحمام أم سليمان و هي تبتسي وتبتسي و تبتسي << ياعيني أنتي و أقبلت على المغسلة تفرك وجهها بالصابون و تنثر جدائلها بكت بحرقة شديدة حتى أوشك قلبها أن يتوقف أو بالفعل قد توقف ,,, و ظهر لها قلب جديد ,, عقل جديد وخرجت من ذالك الحمام عاقدتن عزمها على التغيير.. فقد حان وقت الثوره
وفي صباح اليوم التالي قدمت أوراقها لمواصلة تعليمها الجامعي ,, فوجدت أن المشوار طويل فهونت << مامعها الا رابع ابتدائي فعودت على جارتها أم محمد و جلدتها لين عضت الارض على خطتها الفاشلة ,, ثم تصالحتا على الفور و أحتضنى بعضهما تبكيان و دارت الايام وجرح الزمن و القرار الاخير << المسكه
مالكم بالطويلة << و منذ ذلك اليوم أصبحت أم سليمان ناشطة اجتماعية في حقوق المرأة في النهار وقصت ام سليمان شعره وصارت تلبس بدل وأصبحت في الليل عجزه مارج << بوية مادري مانه وأصبحت تماشي الحجز عشن تأرقل و تشيش معهم و تتناول المسكرات << ماللحجز دخل بهاذي و ألقت بالماضي خلفها و نسيت أبو أبو سليمان وقبل ان تنسى وولده سليمان زوجتوه وشرت له جمس ملكي ونستوه عقبه
وأسست هي و أم محمد العديد من الجمعيات الخيرية الربحية و فتحوا العديد من المشاغل النسائية << على نظام جويل و فتحو كمين أبو عيادات تجمل وكم محل ابو ريالين وتجرو العرب << الاخير هي مصدر ثروتهن وأصبحن ما يستحن ولا يهمهن أحد .. وقد انتشر لهن مقطع بلوتوث وهن يتتنن بأحد مقاهي بيروت وهي فاقده و تغني ( لابو سليمان لابو الحب لابوك لابو جده ) << ترا هي اللي كاتبتها
3إعجاب 
20-9-2011, 7:04 AM
مهوب مثل رجال هالجيل استغفر الله من طاح الريموت بيده وقلب بهالقنوآت الا وهو امطلع ستمية ألف عيب فيها وناسي نفسه انه كله حفريات من راسه لرجلينه 
بـ جانب " الهامه " الي تلبس على الرأس تحلف من ثقله تسنك امقعد قدر فوق راسك وترقص به
.
ماحبيت انزل ل اخر الصفحه عشان اشوف الموضوع الحقيقي 
، أما العنوان فعلى قولة المثل القرى نص القدعنه 
فإذا بأبو سليمان وقد ارسله القدر الامحق الى حجرتها بحثاً عن سرواله السنه . 
مو اعدن اخواي بالاستراحة تأخرت عليهم.
<< تستهبل تراها سامعته الوصخة
<< ياعيني أنتي 
<< مامعها الا رابع ابتدائي
و جلدتها لين عضت الارض على خطتها الفاشلة ,, ثم تصالحتا على الفور و أحتضنى بعضهما تبكيان
و تتناول المسكرات << ماللحجز دخل بهاذي 
ونستوه عقبه
العرض العادي
