PaintBall .. على أرض الواقع ! تحريضية على الجهاد !

قائمة بأسماء الأعضاء المهشتقين في هالموضوع :
اكتب أسماء الأعضاء اللي ودك تهشتقهم في هالموضوع وافصل بين يوزراتهم بفاصلة زي كذا : فالكم طيب، منجطل بالطاية، فارس، رماد انثى All Friends

10-9-2011, 11:32 AM

مشاركة رقم المشاركة : 1

خـيـال

مصمم محترف

خـيـال غير متواجد حالياً

PaintBall .. على أرض الواقع ! تحريضية على الجهاد !

السلام عليكم ورحمة الله وبركاته

زمان عن الضياع وعنكم .. اشتقنا

وأجحدوا العنوان لأنه مجرد لفت إنتباه وإلا الإنسان المفروض ما يجيب طاري جهاد على لسانه حتى لو هو يمزح

فضفضة :

دائماً ما أتناقش مع ناس من أهل الشرقية أو الغربية نقاش حاد فيه من عنصرية الإنتماء الشيء الكثير
ودائماً وجه المقارنة يكون في السؤال : لو كنت شاب أعزب وتبي تطلع " تفلها " وين بتروح ؟
يقولون حنا عندنا البحر والكورنيش وأقولهم عندنا ممشى الملك عبدالله والثمامه

حتى إن أهل جده يقولون شارع التحلية حقنا أفضل منكم وفيه " مزز " أحلى من " مززكم "

الصراحة إني أبلش وأحول النقاش عن الأسواق والمطاعم وإنها في الرياض أفضل من غيرها
وبحكم الإنتماء ما أقدر أعترف بـ حقيقة إن الشرقية والغربية أفضل من الرياض ( قدّامهم ) وإنتم أخبر

الحقيقة المرّة إنهم صادقين ، الرياض وش فيها ؟
ختّمنا ملاحق بيوت بعض ! ختّمنا جسر المعلّق وحنا نجيب فرشتنا ونجلس على " حصى " وحتى إنارة ما فيه ! ختّمنا ممشى الملك عبدالله وتقطعت رجلينا وإنا نحومي !
عطونا بحر لو بالكذب تكفون ؟ عطونا كورنيش ؟ عطونا جلسات حلوه ؟ عطونا مجمعات شبابية تفتح النفس ؟
عطونا شي إذا جا أحد يزورني أوديه له وأقول شف هذي الرياض ! هذي عاصمة السعودية !
إلا موب كن الموضوع قلب صياح ؟

زبدة الموضوع :

لعلمكم ترا الفضفضة لا تمتّ للزبدة بصلة

PaintBall
بينت بول

مشروع جديد وشركة عالمية تفتتح فرعها في الرياض وتحديداً في الثمامة ، شبابية ومهوب للعزاب فقط حتى المتزوجين يقدرون يدخلونها

عبارة عن لعبة ( حرب ) على أرض الواقع ، تتكون من فريقين كل فريق فيه عدد معيّن إنت تحدده
كل واحد يعطونه لبس وسلاح ، وفيه أربع حقول ( غابة / شوارع / هوائيات / نسيت وش الأخيرة )
وتحدد قبل ما تدخل اللعبة شرط الخروج من عندك يعني يكون الهدف " الرأس " مثلاً ويصير إذا أحد لزخك برصاصة على راسك تطلع برا

الرصاص المستخدم عبارة عن " بويه " مدري كيف الصراحه

بس إنه ممنوع تطلق من مسافة أقل من 5 أمتار !
اللعبة حماس صراحة وتحس فيها مرجله

فيديو عن اللعبة :

بعض الصور من اللعبة

لقطة الختام :

الوصف بالزبط : الدوار الي بعد مقهى الدانة يمين .. تمشي تقريبا 800 متر يجيك على اليسار

موقع الشركة :

1st

توقيع خـيـال :

لك ضلوعي يا نصر ( عرش ) .. واجلس يا ( ملك ) ..

Twitter - AskMe - Flickr

10-9-2011, 2:07 PM

مشاركة رقم المشاركة : 2

قطرب

كـلامـه على مـتـمـه

قطرب غير متواجد حالياً

الأوسمة

رد: PaintBall .. على أرض الواقع ! تحريضية على الجهاد !

هذه مشروع من شهر 2 وأنا ومضيع بنروح له ، بس الظاهر المخطط الكبير طاح عليه جدار

، أحسن مافيه هاللعبة إن حول الرمال

، تطلب منهم وتلعب مايمدي تخلص إلا الطلب والم

.

عاد سمعت إن فيه فرع ثاني حول الإنتر مدري أحس جربه أو لا ؟ وهالرصاصة تعور لو جت فيك ؟

على فكرة ترى يمدي البنات يروحون

وشكراً .

توقيع قطرب :

واشوف الودّ فـي عيونك ولكن ... يردّ الودّ خوفٍ فيــــــــك منّي !

10-9-2011, 2:43 PM

مشاركة رقم المشاركة : 3

بتولة

ضايعة من قلب

بتولة غير متواجد حالياً

الأوسمة

رد: PaintBall .. على أرض الواقع ! تحريضية على الجهاد !

أهلن أهلن << مسويه أعرف الكل << فيس أخضر << عجز سوداني بحت
المهم احس اللعبه حلوه للشباب اما البنات يووووووه مشوار أذا طاحت بقوة بتجلس تبكي << ياربي والله احتاج الفيسات كثيييير
والبنات أخاف يقلبونها جلسات ومسايير وقهاوي وحلا ...الفكره حلوة لو يحطون لها فروع عندنا <<تبطييييين
عشان التماسيح اللي عندنا في البيت ينفسون عدنا ونقدر نطلع عاد مو من كثر الأماكن...

توقيع بتولة :

تكفن شوقي بصدري عسى مثواهـ ..] ~ الجنه

10-9-2011, 6:57 PM

مشاركة رقم المشاركة : 4

مضيع بيتهم

قاضي الضياع

مضيع بيتهم غير متواجد حالياً

الأوسمة

رد: PaintBall .. على أرض الواقع ! تحريضية على الجهاد !

بتولة عندكم الاصل .. مافيه عائلة ماعندهم رشاشات وبنادق بالباحة ولا جا عرس بدا طلق النار اللي يشوف السماء يقول اكيد مداهمه او حرب اهلية مادروا انه احتفاء بواحد بيتزوج

...

ياراعي الموضوع الفكرة من زمان براسي .. ولكن التطبيق مشكلة عندنا .. لكن ان شاء الله لا برد الجو بنروح له عشان تصير الطلقه توجع بالبرد

اقتباس:

الوصف بالزبط : الدوار الي بعد مقهى الدانة يمين .. تمشي تقريبا 800 متر يجيك على اليسار

خخخخخخخخخخخخخخخخخخخخخخخخخ على الصورة ناقص اسهم ويصير كروكي للمحل خاصة ان الدوار واضح

الله يعطيك العافيه وماقصرت على الموضوع

توقيع مضيع بيتهم :

عزيزي العضو :

أي رد خارج أرجاء المحكمة يعتبر رد العضو مضيع بيتهم .. لحد يبلشني يقول انت قاضي وتقول كذا .. اذا عندك احتجاج ارفع علي قضية عادي ترا اكلبش نفسي لعيونك ياحياتي

10-9-2011, 7:54 PM

مشاركة رقم المشاركة : 5

بتولة

ضايعة من قلب

بتولة غير متواجد حالياً

الأوسمة

رد: PaintBall .. على أرض الواقع ! تحريضية على الجهاد !

معليش ياصاحب الموضوع..لازم أنوّه على صاحب المعالي القاضي

<<فيس أخضر خخخ

اقتباس:

صح لسانك بس تدري هذي الحركه حصري للشيبان دون الشباب مستحيييل الآ نادراً ان الشاب هو اللي يطلق النار في الزواج طبعا هذا عندنا مادري عن القبايل الثانيه في باحتنا

؟!! بس ياااهو رعب

أنا قصدت اللعبه للشباب ولا الشيبان منتهين من زمان..

.
طيب وحنا يالبنات!! مالنا شي يرفهه عن أنفسنا المكبوته !!

توقيع بتولة :

تكفن شوقي بصدري عسى مثواهـ ..] ~ الجنه

10-9-2011, 8:18 PM

مشاركة رقم المشاركة : 6

محمد المزيني

فوتوغرافي محترف

محمد المزيني غير متواجد حالياً

رد: PaintBall .. على أرض الواقع ! تحريضية على الجهاد !

ملحق - استراحة - الشقة < واتسبدية بس : (

والله يآ هي لعبة الصرآحة *
كل مآ خططت اروح ما القى احد : /
لكن يبي لك قروب الظاهر عشان تاخذون لكم مرحلة لحالكم وتنآتفون #
احلى شئ انها بويه يعني لو تجي بدميجتك اوم الفشيله ههههههههههههههههههههه

شكرآ على الطرح خيال
وماقصرت امتعتنا بالصور والفيديو
: )

10-9-2011, 9:25 PM

مشاركة رقم المشاركة : 7

فارس

مـراقـب عـام

فارس غير متواجد حالياً

الأوسمة

رد: PaintBall .. على أرض الواقع ! تحريضية على الجهاد !

وعليكم السلام ورحمه الله .. يالله إني تحيي خيال ياهلا ومسهلا

.. منورنا ياكابتن

هههههههههههههههههههههههههههههههههه
شف الدعايات المغريه يامنجطل شف الناس اللي تعرف تجيب مقفى وتحطه إعلان موب مثلك جايب لي مقفى جوال نوكيا يقالك بتغرينا الحين أنت ووجهك << لاتصدق بس

ماشاء الله ياخيال عطيتنا صور ومقطع فيديو وشرحت لنا اللعبه ماباقي إلا تعطينا الأسعار ههههه .. على طاري الأسعار ترا دخلت على موقع الشركه وماش موقعهم غامض شوي كله كلام نظري مافيه معلومات عن اللعبه نفسها ! .. فلو عندك معلومات عن الأسعار أقل شيء ياليت تسدحها لنا لاهنت

اذكر دخلت لعبه تشبه لها تقريباً بس ذيك كانت بالليزر وميزتها تجيبك من بعد عشرين متر ويحطون على راسك خوذه فيها لمبه اذا لزخوك بطلقه ليزر يتوقف رشاشك مدة دقيقتين تصير فيها مقيد فيها مالك إلا تزبن في حفره لين تخلص هالمده ثم ترجع تطامر وراهم من جديد .. لكن واضح إن البينت بول تنفع للكبار أكثر فيها حماس ورصاص وبويه ههههه

يعطيك العافيه خيال

.. موضوع يدل على إنه فيه مشاريع ترفيهيه حلوه قاعده تصير في الرياض وشيء يبشر بالخير

.. وأهنيك صراحه على العنوان الجذاب اللي جابني على وجهي أنا وحقين التويتر

.. بس ليتك معدل وكاتب ( تحريضيه على العنف ) وإلا ؟؟ موب أحسن كذا ؟ .. لإن من وجهة نظري فيه فرق بين العنف والجهاد

برايفت يالعالمي

: ترا صار عندنا نصراويين في الضياع للأسف

: ( مضيع بيتهم - الساعه - قطرب ) يعني تجهز المناقر بيكون على أشده هالسنه

توقيع فارس :

11-9-2011, 1:15 AM

مشاركة رقم المشاركة : 8

طاحس

من كباريّة الضياع

طاحس غير متواجد حالياً

الأوسمة

رد: PaintBall .. على أرض الواقع ! تحريضية على الجهاد !

هي صراحة مجنوووونة اللعبة بس المفروض يحطون لوحة عند الباب ( للمطانيخ فقط )

لان مالها داعي نضيع وقت وندخل ونسال ونتحمس مع اللعبة ثم اذا جا السؤال المهم .. بكم طيب الشخص ؟ نديور مع دربنا خخخخ

ابو نواس خلك بس على ساعة بلياردو بخمسطعش وتخب علينا انا واياك

خيال ياخي احبك ( قلوب )

11-9-2011, 12:55 PM

مشاركة رقم المشاركة : 9

منجطل بالطاية

مراقب مارج

منجطل بالطاية غير متواجد حالياً

الأوسمة

رد: PaintBall .. على أرض الواقع ! تحريضية على الجهاد !

خيال عن اذنك شوي برد على هالمارج قبل

اقتباس:

شف الدعايات المغريه يامنجطل شف الناس اللي تعرف تجيب مقفى وتحطه إعلان موب مثلك جايب لي مقفى جوال نوكيا يقالك بتغرينا الحين أنت ووجهك << لاتصدق بس

أي دعايات مغرية يرحم أمك

.. الصراحة يوم قال فيه متزوجين تمنيت هالصورة تكون ملقوطة من قسم العوائل مب واحد من اشباه طاحس والا عتعت

.. يعني صدقن لو اشوف هالصورة وانا آكل أقل شي بتنسد نفسي

.. قال ايش قال اغراء يرحم امك ركز احس انه وشسمه متعرفط من جوا هههههههههههههه

نرجع لخيال

.. الصراحة العنوان جابن على وجهي لدرجة اني بحذف الموضوع على عماها مب ناقصين ينحجب المنتدى عشان تخطيط ارهابي

.. ينحجب عشان +18 ما يخالف بس ينحجب بسبب ارهاب قهر بصراحه

.. بس يوم دخلت وشفت الاغراء هونت (فيس يناظر أبو نواس ويقول الله يحوم تسبدك) .. هو صحيح انا معك الرياض مافيها شي بس على فكرة حتى الشرقية مافيها شي اذا انتم تجتمعون بالملحق انا اقولك العيال ما يطلعون من الغرفة

.. اذا كنت مالي خلقهم قلت يله امشوا نطلع للبحر نشوي نطبخ اي شي

.. بس يبقى الحال من بعضه ويا قلب لا تحزن

الصراحة اللعبة تهيّض ومب شينة العب على اخوي واقوله امش خلنا نروح

.. لان وضعي مثل طاحس ان رحت مع طفارى مثلي بنسال بكم واخرته نديور لكن ما يمنع امعط اخوي وكم واحد معه وانا ادخل اضحك واستانس وهم اللي يضبطونن لذلك ما عليك من السعر مب لازم تعلمهم انا اذا رحت هناك اعلمهم

يمال العافية يا خيال وتم التقييم وعقبال ما اشوفك هناك واصبغ دميجتك

توقيع منجطل بالطاية :

كثيرة هي عقبات الدنيا كما كثرة تحويلات الرياض

كل ما عليك تبحث عن درب آخر وتواصل حياتك

----------------

11-9-2011, 2:57 PM

مشاركة رقم المشاركة : 10

بيتهوفن

معزب الكوكتيل

بيتهوفن غير متواجد حالياً

الأوسمة

رد: PaintBall .. على أرض الواقع ! تحريضية على الجهاد !

< يقالي يكشخ

هاللعبه لعبتها مرة واحد بحياتي إثناء تواجدي في بريطانيا بالتحديد في ايستوود - نوتنجهام لزيارة اختي قبل ثلاث سنوات مضت

صراحه كنا ثلاثه فقط .. ومن دخلنا المركز كان في تنظيم لاربعه قروبات .. عشرة أفراد لكل قروب وكل قروب لون مختلف ..وكل قروب يقضي على قروب آخر يتأهل ويدخل مضمار جديد أكثر صعوبه ...

http://www.paintballgames.co.uk/
هذا موقعهم للي بيسافر برى وحب يجرب .. عندهم فروع كثيره .. حتى في ديار بو نواس

الزبده .. اعتقد اللي بالرياض توه جديد ومو بنفس الامكانيات اللي شفتها بالخارج .. على الاقل ما عندهم قنابل يدويه ولا الغام ارضيه

اللي بيسأل هل فزت بها اللعبه .. الصراحه لا

شوفوا الخوذه اللي معي بها طلقه .. بعد 19 ثانيه من صافره البدايه

وطلعوني برا احتري دوري

الله يعطيك العافيه يالخيال ... عاد لا تنسى تسوي لنا تقرير عن التجربه ومن هالحكي .. قواك الله

صفحة 1 من 2

مواقع النشر (المفضلة)

« عاجل - قرارات ملكية جديدة | ودارُنا ستنتظر .. صغيرتي ستنتظر | تهاني العيد + ترقيات + شات »

الذين يشاهدون محتوى الموضوع الآن : 1 ( الأعضاء 0 والزوار 1)

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الساعة الآن بتوقيت الرياض : 9:06 AM

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25