مس طخمه
مدري ليش إذا قريت إسمك أقراه [ مس كمخه ]
مدري أحس [ طخمه ] ماتناسب مع الصوره مايناسب إلا [ كمخه وهالأشياء من الحكي الزين ]

أنصحك بـ [ إقنور ] لكل الكلام اللي فوق ..
أشكرك على التواجد في موضوعي .. وتشريفه بهالطله الجميله
وبخصوص يومك .. صدقيني مهما كان قليل النشاط فيه بيكون [ أريح ] من يومي المتعب .
قسم كان يوم متعب وكنت ملززززم أخلص كل هذيك الأشغال في هذاك اليوم ..

بخصوص اللي يناظرني صدقيني كنت حاط عيني بعينه وصورته أكثر من صوره بس نزلت هذي لحالها

نورتِ الموضوع آنستي ..

،،،

رفرف [ وعلى قولة نسيان رفيف ] مدري وش فيهم بعض الأعضاء مايعرفون يقرون مدري وشلون صارت رفرف [ رفيف ] فرق بين السما والأرض

أشكرك على التواجد المضيء داخل الصفحه هذي
وترى النمساوي ماعزمني لحالي بس أنا راعي محل .. رحت قبل الناس وصورت السفره ثمن قلطوا
ماله داعي أصور وأخوياي موجودين ثمن تشوفون المآسي في التعامل مع الطاوله والملاعق والشوك
وحفاظاً على الذوق العامّ تم التصوير قبل دخول شلة الشقه [ أخوياي اللي معزومين معي ] ..
وبخصوص زاجل .. تراني مادخلت داخل وصورت كل شي هذا الجزء بس حق البضايع اللي جايه من الدمام
لو دخلت داخل قسم إن تشوفين المزبله والحوسه صدز
أشكرك على التواجد مره ثانيه ..

نورتِ الموضوع آنستي ..

،،،

مضيع بيتهم
أنواع المواهب تختفي خلف هذا النك
أنا من أشد المعجبين بتصويرك في الماكرو ماشاء الله تبارك الله
تسلم يمينك على هالإبداعات ..
وبخصوص العدسه الله يعطيك خيرها ويكفيك شرها
يبدو لي إني بديت أصرف النظر عنها في الفتره القريبه القادمه
لأني بأشتري 7D

وبخصوص الترايبود
هذا manfrotto 055xprob
سعره عند أحمد عبدالواحد 775 بدون راس
أنا شريته بـ 500 بدون راس
طلبته من واحد جايب كميه من برى
وأعجبني سعره وشريته
وأخذت الراس manfrotto 322rc2
بـ 300 ويباع في المحلات بـ 450
0 ريآل حقت التوصيل على زاجل
لأن صاحبها في الخبر ..
الصدز أنصحك في هالترايبود لو كنت تبي ثبات وإنت تصور
يتحمل إلى وزن 9 كيلو ..
وأشكرك على مرورك وتواجدك فيذا ..

نوَّرت سيدي ..

،،،

رمااااااد
وش هالحيوانات في موضوعك ؟
حرام عليتس تدرين إني من أكبر محاربي الحيوانات الأليفه وتحطين لي موضوع كله حيوانات
بساسه وأرانب ومدري وش بعد
وبعدين وش هالحتس إنبراش ما إنبراش ..
أنا نزلت الموضوع وأعتقد إنه عاجب سارونه لاتشيشينها علي

بخصوص الإضاءه .. تراني أصور تصوير خاص تسان تبين أصور خشيشتــتس وأعدل عليها وأخليتس حلوه عشان تنشرينها بين
الخطابات وتنخطبين
وإذا تستحين مني ترى إختي تصور بعد مستعده تصورتس وتعدل صورتــتس بس لازم تدفعين بدل [ خوف ] إضافه للسعر الأساسي للتصوير
الله يسعد قلبتس تسانتس تخلينا نضحتس عليتس وماتقولين شي <

وبعدين يومنتس تقولين إن النمساوي عازمك لحالك .. بالله عليتس إنتي في عقلك !!!
معقوله أنا وهو لحالنا وكل هالدهره ؟
راجعي ردي لـ رفرف وتعرفين < ماله خلق يعيد الحتسي

مشكوره كتير كتير ع التواجد والمرور فيذا

نورتِ آنستي ..

،،،

البندري ..

أشكر لتس مرورتس يامبدعه
وترى اليوم إذا صار زحمه يسبب صداع يحسسك بإن راسك أكبر من مساحة الرياض
صدقيني وإسأليني .. دايم بعد الأيام اللي أمسك فيها مشاوير كثير [ مثل هذا اليوم ] ينتهي اليوم وراسي بينفجر من الصداع

الترايبود اللي عاجبك جاوبت عليه في كلامي مع مضيع ..

أشكر لك مرورك مره ثانيه ..

نورتِ الموضوع آنستي ..

،،،

نوره ..

حتى أنا ألحين إنهلكت وأنا أرد ع الردود
[ الإضاءه ] ماإستفدت منها أنا بالرياض وهي في البيت ما أشوفها إلا يوم في الأسبوع ومايمديني أشتغل عليها
أكون دايم مشغول في الحوطه <
بس هذاك اليوم عشان المسابقه وإلى اليوم وهي مضيقه على إختي في غرفتها

أشكرك على مرورك ع الموضوع ..
وتراك نورتِ الموضوع آنستي ..

...

أعتذر على التأخير في الرد ع الجميع
لكم مني كل الإحترام والموده ..
تـ ح ـيتي ..