منتديات الضياع
| جديد الضياع | إستعادة كلمة المرور | تفعيل العضوية | كود تفعيل العضوية | |
انعكاس القطرات (الكاتـب : عين الداب - الردود : 0 - )           »          دفتر فارغ . (الكاتـب : البندري - آخر مشاركة : عت&عت - الردود : 1 - )           »          نداء إلي حجرف ,, (الكاتـب : .,عايش حياته,. - آخر مشاركة : حجرف - الردود : 1 - )           »          برود كاست (الكاتـب : فلاويه - الردود : 61 - )           »          صديق الطفوله (الكاتـب : أم ريالين - آخر مشاركة : نسيان - الردود : 2 - )           »          تجريد ((عزل لوني)) (الكاتـب : مـورفين ™ - آخر مشاركة : أم ريالين - الردود : 7 - )           »          ياقلب لا تطرد من النـاس مقفـي : ) (الكاتـب : محمد المزيني - آخر مشاركة : رغم ـالآلم عِ ــندي ـآملْ - الردود : 5 - )           »          smile (الكاتـب : برستيج - الردود : 2 - )           »          احيا بقربك وبفراقك وفاتي (الكاتـب : أحمد السكران - الردود : 10 - )           »          وش عيارتك وانت صغير (الكاتـب : طهر المشاعر - آخر مشاركة : .,عايش حياته,. - الردود : 32 - )

 
مركز التحميل مجلة الضياع تولبار الضياع سكربت الضياع المجموعة البريدية بحث سريع
العودة   منتديات الضياع > المنتديات العامة > الــبــشـــكـــه
تحديث الصفحة نكبة ورا نكبة [ فعاليّة تخيّل] !
احصل على ختم عمدة الضياع صفحة الضياع في الفيس بوك اتبعنا في تويتر صفحة الضياع على قوقل بلس قناة الضياع في اليوتيوب قروب الضياع في الفلكر تطبيق الضياع للآيفون اشترك في خدمة الخلاصات ليصلك جديد الضياع
التسجيل مشاركات اليوم
 


قائمة بأسماء الأعضاء المهشتقين في هالموضوع :

شجرة الإعجاب5إعجاب
  • 1 أضيفت بواسطة عزبة البشكه
  • 1 أضيفت بواسطة مضيع بيتهم
  • 1 أضيفت بواسطة طاحس
  • 1 أضيفت بواسطة 3abed
  • 1 أضيفت بواسطة رماد انثى

إضافة رد
 
نشر الموضوع أدوات الموضوع انواع عرض الموضوع
قديم 9-8-2011, 10:00 PM   مشاركة   رقم المشاركة : 1








عزبة البشكه مهوب سهلعزبة البشكه مهوب سهل

عزبة البشكه غير متواجد حالياً

افتراضي  نكبة ورا نكبة [ فعاليّة تخيّل] !
* العنوان : نكبة ورا نكبة .. ( السفر للخارج )

* الأبطال :
مفلح : انسان كمخة بكل ما تعنيه الكلمة من معنى .. باختصار هو رمز من رمز الدباشة في العالم الحالي
دغيمان : انسان لا يعرف عن المدينة الا اسمها .. من يوم طلع وهو بمزرعة ابوه يستنشق رائحة الغنم ويكحل عينيه بمنظر الساقي والنخل
لؤي : انسان لو تنفخ عليه صاح ثلاث ايام .. تربى ببيت مطنوخ لدرجة ينام وجمبه دبدوب .. باختصار شديد لا شفته يمشي تصورة وتنزل المقطع باليوتيوب وتكتب العنوان برميل يمشي بالعربي دب << من يقول بلش وهو يشرح


* النهاية : مفلح ينكبهم نكبة غير متوقعة في باريس ليضطروا يشرون عود ويفرشون قدامهم شماغ عشان كل من مر جدع عليهم هللة

* الردود: تنتهي القصة عند الرد العاشر



* الــقــصـــة:
من يتخيل بيوم من الايام هؤلاء الثلاثة المتناقضين يلتقون .. او من كان يتوقع انه بيكون فيه عيش وملح بينهم ويسافرون بعد وكما عرف عندنا بالامثال تبي تعرف خويك ركبه سيارة وخله يمسك بك خط
شائت الاقدار ان يلتقي هالثلاثة .. وبعد مضي سنة من الصداقة قرر لؤي ولاول مرة انه يعزمهم بالبيت .. حاول مفلح ودغيمان يعرفون وش السبب ورا هالعزيمة فرد عليهم لؤي انتو تعالوا يا حلوين العزيمة فيها سبرايز صعبة اقولكم
قام مفلح بيجلد لؤي لكن دغيمان مسكه وجلس يهديه يقوله يابن الحلال سبرايز مب لحم خنزير صدقني سبرايز شكله ذبايح المطانيخ هذا جزاء الرجال يعزمنا وتقوم بتجلده

حان وقت العزيمة ويوم وصلوا القصر ناظر مفلح دغيمان وسأله هالحين ذا كله لهم والا متقاطين مع الحارة وكل واحد ساكن بغرفة هو وعائلته .. رد عليه دغيمان وهو يقهقه على دباشة مفلح ثم فجأة سكت وقال تصدق مادري
طقوا الجرس وخرج عليهم جوهر ليقول لهم مباشرة عمي لؤي يحتريكم بالمجلس .. دخلوا القصر ودغيمان كان يمشي بخطوات بطيئة خلف مفلح اللي كان يسولف ويقول شفت كلامي صح مب معقوله كل هالبيت عشان عائلة وحده شف حتى المجلس متقاطين به احس في رجاجيل واجد والا ما كان ذبح لنا سبرايز .. كان مفلح ينتظر اي رد لكن تفاجئ يوم التفت الا يشوف دغيمان راقي احد نخل الزينة عند المدخل ويهاوش جوهر يقوله يا مال المصع الحين نخله طول قريح ولا واحدن منهم فيه خير لقّحه .. مفلح يصوت من بعيد يا دغيمان انزل يرحم والدينك هماي قلت لك البيت متقاطين فيه اكثر من عائلة خلاص اكلوا التمر كله ما عاد باقي طلع والا انا متاكد جوهر يلقح كلش مب عاد نخل

دخلوا للمجلس وشافوا كبره ومفلح شهق اما دغيمان سأل سؤال برئ وقال ياخي شاك اني جالس بصالة مطار
بدون مقدمات او حتى ترحيب يرمي لؤي التذاكر بالطاولة قدامهم وهو يقول يله يا حلوين جهزوا شناطكم بعد بكرا بنسافر باريس .. يله الحين اطلعوا لا يجي ابوي ويشوفني قاعد معكم
سأل مفلح بكل براءة ياخي مالك داعي جايين على لحم بطوننا من أمس ما ذقنا شي متحمسين ودنا نذوق السبرايز .. قال لؤي طيب واللي ع الطاولة هذا سبرايز واحلى سبرايز يا مقرف من وين يحصل تذاكر لباريس
قام دغيمان وهو معه سلاحة الزبيرية يهاوش ويقول : يمال القطع الحين هذي مراجلكم تعزمون الرجال على سبرايز واخرتها ورقتين تبينا ناكلهن

جاء جوهر ليفصل النزاع والوعد عقب يومين لانطلاق الرحلة لباريس


قبل تبدون دقيقة يرحم والدينكم << فيس العزبة وهو يرجف عضو متعلق بالرد الثاني بيحجز
1- النهاية يا جماعة ركزوا على النهاية نبي آخر رد يختم على النهاية مضبوط
2- اللي ابثرونا بخيالهم بالقصة اللي فاتت يتفرجون على خيال الباقين
3- اللي يحجز يعدل رده ويكمل القصة بنفس رد الحجز ما نبي فهاوة تكفون تقطعت يدين منجطل وهو يحذف ردودكم << يا دبشي بعد
4- تذكروا تراكم بالبشكة
5- وش تحترون يله احجزوا وادهروا
فارس معجب بهذه المشاركة .

توقيع عزبة البشكه :

عندك استفسار عن البشكه؟! .. عندك اقتراح للبشكه؟! ..
عندك فكرة فعالية؟! .. عندك شي ودك تقوله؟! ..

راسلني على هالرابط ..

http://www.alzya3.com/vb/private.php?do=newpm&u=2229

    رد مع اقتباس
قديم 9-8-2011, 10:27 PM   مشاركة   رقم المشاركة : 2

مضيع بيتهم
قاضي الضياع

 
الصورة الرمزية مضيع بيتهم













مضيع بيتهم مامثلوووهمضيع بيتهم مامثلوووهمضيع بيتهم مامثلوووهمضيع بيتهم مامثلوووهمضيع بيتهم مامثلوووهمضيع بيتهم مامثلوووهمضيع بيتهم مامثلوووهمضيع بيتهم مامثلوووهمضيع بيتهم مامثلوووهمضيع بيتهم مامثلوووهمضيع بيتهم مامثلوووه

مضيع بيتهم غير متواجد حالياً

الأوسمة
وسام شكر - فعاليه  تخيل - البشكه

افتراضي  رد: نكبة ورا نكبة [ فعاليّة تخيّل] !
.. (( انتهى السبرايز وكلن راح لبيتهم عقب ما استوعبوا ان السالفه سفره .. بس باقي اقناع الاهل ))

[ المكان - بيت مفلح ]

مفلح : يبااااااااااااااااااااه .. انت يالشاااااااايب
ابوه : وحطبة(ن) تشلخ راسك .. وراك تزاعق
مفلح : ياخي وينك ادورك مالقيتك
ابوه : ياخي ؟! .. ماتبي اهمزك بعد ولا اجيب لك توت ؟!
مفلح : لا يارجال استرح بس .. ابقولك شي بحكم الابوه اللي بينا والسنين اللي عشناها مع بعض .
[ نعله مقاس 45 فرده يمين تمشي 120 كم بالساعة بالجبهه ]
ابوه : وش ذا الحتسي يالحمار قم قامت عصبك .. شف امك تبي جرجير وبقدونس قم حسبي الله عليك من ولد.
مفلح : طيب اسمع يابو الشباب ..
[ نعله مقاس 45 فرده يسار تمشي 220 كم بالساعة بالجبهه ]
ابوه : ياهالسلقه متى بتصير رجال وتكلم ابوك مثل الاوادم تعبت وانا اعلمك اني انا ابوك وهذي امك .. انا ماقول غير حسبي الله على اللي صدمك يومك صغير يالفاهي .. اخلص وش تبي ورح جب الاغراض .
مفلح : طيب يابو مفلح (( زين كذا )) انا بكرا ان شاء الله ابطلع انا والعيال كشته
ابوه : كشته بهالقيض ؟
مفلح : لا كشته لبريس وش يودينا للقيض ؟
ابوه : لا حول ولا قوة الا بالله وذا البريس وينهي فيه ؟
مفلح : والله اني مدري بس الظاهر انها ورا حول العاذرية لان الدخول هناك لازم ورقه .
ابوه : ماخبرنا برّان يدخلونه بورق .. وين الورقه معك هي ؟
مفلح : ايه يبه شفها.
ابوه : اشوف [ يطلع النظاره التلسكوب من المخبا ويناظر الورقه ولا يدري وش هي من لحية] .. وش ذا الورقة اول مره اشوفها .. اقول الظاهر ان ذي فاتورة محل ولاعبن عليكم رفيدزكم ولا انها تذكرة ملاهي .
مفلح : ياخي وش عرفك انت يالشايب انت حدك هالزولية المنطولة في الحوش وزمزمية القهوة اللي ماتوقف .. الدنيا تطورت الحين والبّران مايدخلونها الا باوراق.
ابوه : ايه ميخالف رح للي تبي .. بس الحين اطمر رح لمحل الخضرة جب الاغراض اللي تبيها امك.
مفلح : خلاص يالله نشوفك على خير.


[ وبكذا انتهت سالفة الاستئذان للشاب اللطيف مفلح واصبح جاهزاً للسفرة ]
فارس معجب بهذه المشاركة .

توقيع مضيع بيتهم :

عزيزي العضو :
أي رد خارج أرجاء المحكمة يعتبر رد العضو مضيع بيتهم .. لحد يبلشني يقول انت قاضي وتقول كذا .. اذا عندك احتجاج ارفع علي قضية عادي ترا اكلبش نفسي لعيونك ياحياتي
آخر تعديل مضيع بيتهم يوم 9-8-2011 في 11:05 PM.
    رد مع اقتباس
قديم 10-8-2011, 12:59 AM   مشاركة   رقم المشاركة : 3
طاحس
من كباريّة الضياع










طاحس مامثلوووهطاحس مامثلوووهطاحس مامثلوووهطاحس مامثلوووهطاحس مامثلوووهطاحس مامثلوووهطاحس مامثلوووهطاحس مامثلوووهطاحس مامثلوووهطاحس مامثلوووهطاحس مامثلوووه

طاحس غير متواجد حالياً

الأوسمة
وسام شكر - فعاليه  تخيل - البشكه

افتراضي  رد: نكبة ورا نكبة [ فعاليّة تخيّل] !
,


نرجع للاحداث للسنة الماضية ..

يمكن نستغرب كيف ممكن يجتمع هالثلاثي ويتخاوون وخصوصا لؤي المطنوخ ودغيمان اللي ما عمره طلع من الديرة الا يوم كان بحدى هالصيفيات بعد ما خلص ثالث متوسط راح مع خالن له للمدينة بيطلع بطاقة احوال لان خاله كان مرشح نفسه للانتخابات وجالس يجمع اصوات .. المهم انه ما طول بالرياض جلس يومين طلع فيها البطاقة ورجع للديرة بسرعة عشان يرجع يشتغل بمزرعة ابوه ويرعى الحلال .. دغيمان في هاك اليومين اللي جلسها جاز له الوضع بالرياض وقرر يشد حيله بدرساته عشان يجيب معدل زين يخليه يدرس بجامعة الملك سعود ويترك حياة الديرة والبداوة ويعيش بالمدينة .. وفعلا خلص دراسته وانقبل في الجامعة وجا سكن مع عيال عمه في استراحة في النسيم ثم ما جاز له الوضع واخذ له شقة لحاله ومن الجامعة طبعا تعرف على الشلة الموقرة الانفة الذكر

عشان كذا دغيمان ما واجه صعوبة كبيرة في انه يقرر يسافر مع لؤي ومفلح لباريس .. هو معلم اهله انه بياخذ ترم صيفي يعني اموره متيسرة ويمديه يطلع لا من شاف ولا مندري !!


الرحلة كانت يوم خميس من الرياض الى دبي ومن دبي لباريس .. لؤي متفق مع الشباب ذاك اليوم ما يجونه البيت لانه بيبلش بسياراتهم ومالها داعي يوقفونها قدام القصر كانو متفقين يطلع مع السواق ويمر العيال ويتجهون للمطار وفعلا لؤي بالسيارة واقف عند باب بيت فليح .. وفي الجهة المقابلة فليح في نقاش مع امه ( يقولون والعهدة على الراوي انها ماخذة شهادة الكفائة وايضا لها علاقات كثيرة مع حريم الحارة وتحب تدخل بالتفاصيل عشان كذا فاهمة الكفت وحركات الشباب كلها ) تقوله ترا مشيتها على ابوك انك كاشت ورا العاذرية وانت شاري كل هالملابس ومحمل كل هالشناط .. اذا ابوك بنقالي تضحك عليه لا تسوقها علي وانا امك قولي بس البحرين ولا سوريا ؟ يحاول يقنعها انه صادق لكن بائت كل محاولاته بالفشل عشان كذا اضطر يقول لها انه طالع لماليزيا يشوف الاوضاع لانه على مشارف زواج ويبي يشوف الاسعار هناك .. طبعا انا قلت امه فاهمة الكفت بس هذا ما يمنع انها بقرة ومشت عليها هالنصبة

ركب فليح واتجه السواق الى شقة دغيمان ولقوه في مدخل الحارة متحمس ابو الشباب ويحلفون انه مخلص شنطته من قبل لا يشتري الاغراض وطاق له هاك البدلة كنها بدلة جندي في الجيش في الدورة عبارة عن سروال اخضر وفنيلة حمرا ضاحك عليه لؤي قايله انك تصير كيوت لا لبستها ولا راح يعرف احد انك ولد فلان ثم يعلم ابوك عليك المهم انهم شقلوه وتم التوجه للمطار ..



مبطي ما كتبت + جتني شغلة ومضطر اطلع .. كملوها انتم
فارس معجب بهذه المشاركة .

آخر تعديل طاحس يوم 10-8-2011 في 1:36 AM.
    رد مع اقتباس
قديم 10-8-2011, 8:29 PM   مشاركة   رقم المشاركة : 4
3abed
ضايع من قلب

 
الصورة الرمزية 3abed












3abed مامثلوووه3abed مامثلوووه3abed مامثلوووه3abed مامثلوووه3abed مامثلوووه3abed مامثلوووه3abed مامثلوووه3abed مامثلوووه3abed مامثلوووه3abed مامثلوووه3abed مامثلوووه

3abed غير متواجد حالياً

الأوسمة
وسام شكر - فعاليه  تخيل - البشكه

افتراضي  رد: نكبة ورا نكبة [ فعاليّة تخيّل] !
اقتباس:
اقتباس:
المشاركة الأصلية كتبت بواسطة ع‘ـبُوٍْدَ مشاهدة المشاركة
محجوز محووز ( أشوف مريم هنا وأخاف تسبقني ) دقيقتين وبنزل ما بدلوي
في لحظة سير السيارة إلى المطار..دغيمان على يمين أباط الدب لؤي ومفلح على يساره محتضنينه كنوع من الشكر على مابدر من صنيع جميله إتجاههم ومستكنين على أغنية عرآب البادية "رابح صقر" فإشتد التنكس والتنزيل داخل السيارة ..مع العلم أن لؤي كان مخالف لمنهجهم الغنائي لكن سرعان ماتغير وضعه إلى -معاهم معاهم عليهم عليهم-..وكان الذي يرى السيارة من الخارج يلاحظ إهتزاز شديد وقد يخطر في باله أن مثل هذي المناظر هي عبارة عن ولد نعمة وبنت مبزوطة عمالين يعملو الفاحشة من وراء "تظليلة نوافذ السيارة" .. لانامت أعين مسيئين الظن..كل مافي الأمر إثنين من فصيلة البدائية للكائنات البشرية أتتهم فرصة العمر على يد المدعو "لؤي"لزيارة العالم الثاني من وجه الكرة الأرضية ومعبرين عن فرحتهم الممتثلة بالرقص والتنكس والدح..مرت دقائق معدودة بفرح وسرور تامين يتبعهما أشجان رآبح ثم عزازي ..في هذي الأثناء إستشعر الجميع بصوت قبيح..(طاع طاع طاع طراع راع راع ) ..قبل إنقضاء الصوت مارس مفلح ودغيمان لغة حوار الأعين :

مفلح :لاتناظرني قسم بالله إن هالصوت لم يصدر بتاتاً البت من عندي
دغيمان: وأنا والله ماهو يمي ودليلي على ذلك إني مافطرت لا عدس ولا فول ولم أتبعهم بحليب النياق

إجتمعت أعين الأثنين على لؤي منهالين عليه بالرفس والضرب والشتائم..لؤي بعد أن فلت من قبضتهم وذلك بحركة مباغتة منه سآعدته على إنتفاضهم وتلحيمهم مع نوافذ السيارة : يآجماعة الخير ناظروا وجهي وتمعنوا فيه ..أيوحي لكم بأني راعي هالسوالف ؟ ، بالإضافة ان العطر اللي أستخدمه كل صباح مضاد لهذي العادة النتنة يعني لو زطيتها ماحدن درى عني ..عجباً لكم كيف تحكمون يالأعرابي إنت وياه
(تفاصيل الأحداث المذكورة من بداية ال "طاع طاع راع " إلى نهاية كلمة الأعرابي دارت في غضون أقل من الدقيقة )

دغيمان ومفلح حسب مايرونه لم يتقبى سوا السواق..( صوت ال طراع طاع طاع ..في تفاغم مستمر مع إنبعاث رائحة عطرت خشوم السلنتح )
هم "دغيمان" بلعن والد والدين "السواق "لكن "مفلح" كان له بالمرصاد
إذ أردف قائلاً : تأمن بالله يادغيمان هالريحة دخلت مزاجي ولا ودي إنها تنقطع وماهيب غريبة علي ،
وبصراحة مادري هي جايتنا من السواق ولا السيارة نفسها كل اللي أعرفه إن لي مع هالريحة ذكريات حلوة ومرة بنفس الحين ،
لم يدم حديث مفلح طويلاً حتى تدارك الجميع وقوف السيارة تدريجياً على جنب
إرتجلوا جميعهم على الفور

مفلح : هماني قلت لك يادغيم عمر أمها حاسة الشم ماخانتني ولا راح تخوني..سقا الله أيام الهجولة والتفحيط ومسكة الخطوط وعسى الله ينسيني حوادثها

السواق : لا حول ولا قوة إلا بالله ( إيس هازا ) أثنين كفر فقع في سمسم وقت وفي سمسم طريق (وهو يناظر لؤي الدب )
رمضان إيجي ..رمضان روه .. مافي فرك ، جسم هوا هوا وكرشة هي هي

( دغيمان واقف على ناصية الطريق رافعاً يده على أمل أن يقف لموزين ينقلهم إلى المطار قبل فوات أوان إقلاع الطائرة )

هذا الرد برعاية حملة مظاهرات البثرين الذين لهم توجهات بصدد تخريب هذي الفعالية
فارس معجب بهذه المشاركة .

توقيع 3abed :

they act like they the smart
and we act like we the dope




    رد مع اقتباس
قديم 10-8-2011, 10:29 PM   مشاركة   رقم المشاركة : 5

منجطل بالطاية
مراقب مارج

 
الصورة الرمزية منجطل بالطاية












منجطل بالطاية مامثلوووهمنجطل بالطاية مامثلوووهمنجطل بالطاية مامثلوووهمنجطل بالطاية مامثلوووهمنجطل بالطاية مامثلوووهمنجطل بالطاية مامثلوووهمنجطل بالطاية مامثلوووهمنجطل بالطاية مامثلوووهمنجطل بالطاية مامثلوووهمنجطل بالطاية مامثلوووهمنجطل بالطاية مامثلوووه

منجطل بالطاية غير متواجد حالياً

الأوسمة
المركز الثالث - فعالية الضياع قوت تالنت

افتراضي  رد: نكبة ورا نكبة [ فعاليّة تخيّل] !
ما زال دغيمان واقف على ناصية الطريق يأشر للعالم كود احد ياقف ويرحمهم .. وقفت عندهم اكسنت وكان صاحب الاكسنت من سكان النسيم اللي لو ترفع طاقيته بتتعجب وانت تشوف قبايل القمل تسري وتشتغل بكل جد واخلاص .. قال دغيمان الحق وانا اخوك طيارتنا بتمشي وموترنا متعطل .. ناظره راعي الاكسنت وقاله ياخوي وش متعطل كله كفرين غيرهم وكمّل دربك .. رد عليه دغيمان يا خوي خل الكفرين على جمب انت شمّيت الريحة صدقني وانا متاكد ان السالفة فيها تخبيط مكينه .. قاله خلاص تم يلّه انقزوا

ركب دغيمان قدام وجاء مفلح يحاول جاهداً يركب البرميل لؤي .. جابوه على جمب على قدام ماش الموتر ضيق عليه .. مفلح بكل عصبية يقول لدغيمان انزل خلن اركب هالبرميل الشرهه علينا اللي اخذناه معنا وقصينا له تذاكر معنا مب وجه سفر ( يقلع ام البجاحة جحدوه ) .. بكل بجاحة منقطعة النظير مفلح ودغيمان يقلعون المرتبه قدام ويركبون هاني يعني صارت الاكسنت بدون رديف فقط برميل جالس ورا ومدد الى الطبلون .. راعي السيارة يولع زقارته بكل هدوء وفاجئه دغيمان بسؤال ياخي انت مالك دم ليش ما زعلت .. التفت عليه بالتفاته ملؤها الزحف ليقول ياخي بقريح الموتر زارفينه بنحضر تفحيط وارميه باي مكان حتى لو بيدي ما رميته باي مكان لاني حاقد على راعيه اذا معكم مكان بالطيارة خذوها معكم .. مفلح وبكل لعانة وخبث بيض الله وجهك عز الله انك رجال تنحط على الجرح يبرى وش رايك تغير اسمك لؤي وتخاوينا بدل هالبرميل ( وما زال مسلسل البجاحة مستمر والجحده مستمره )

وصلوا المطار بالسلامة ونزل مفلح يركض بياخذ عربية عشان يشيلون العفش .. رجع ومعه العربية لكن فجأة مالقى الاكسنت بمكانها .. يدور يمين يسار ولا فيه اي اثر للموتر .. فجأة سمع صوت صراخ عند احد البوابات التفت ليفاجئ بـ دغيمان نازل ويدف الاكسنت بيد ويؤشر باليد الثانية لمفلح ويصوت له من بعيد مب لازم عربية قلت ناخذ هالبصوة تصير عربية لعفشنا وللبرميل اللي معنا .. مفلح ما قصر جاء يركض يدف مع دغيمان داخل المطار الين دخلوا العفش وبكل صعوبة نزلوا هاني .. حينما جاء الوقت لدخول الصالات وقفوا عند جهاز الكشف ودخل مفلح وبعده لؤي اللي نشب بالنص .. دغيمان من ورا يدف ومفلح يجر من قدام وقلعوا معهم جهاز الكشف .. قام العسكري يهاوش يا ورع خربت حلال الحكومة .. رد عليه مفلح يا مستر مضيف انتم الغلطانين ما تخيلتوا بيوم ان فيه براميل ممكن تتحرك وتسافر .. العسكري يا ورع منهو المستر المضيف .. يلتفت مفلح على لؤي ويقوله يلعن بليسك وهقتن معه هماك موصينا قبل من تشوفون واحد لابس بدلة بالمطار وبالطيارة سمّوه مضيف .. دغيمان مسك الضابط وقاله يابن الحلال الرجال عنده دراهم والا وش نفخه وصار برميل الوكاد ابوه مستعد مب بس يعطيكم ميزانية جهاز جديد ان بغيتوا يعطيكم ميزانية مطار جديد كامل بس يقول نبي منكم تعطونا التكلفة الصحيحة شغل نص القروش بالمخبات ما نبيه .. قال الضابط تم << صار ملك مب ضابط

ركبوا الطيارة وطبعاً ما قصروا الخطوط موفرين الخمس الكراسي بالنص كلهن لـ لؤي لانهم اعتذروا وقالوا ما تكفيك مقاعد الدرجة الاولى .. طارت الطائرة ووقعت بمطار باريس وكانت حصيلة الرحلة كالتالي:
- اختفى دغيمان فترة من الزمن ليكتشفوا انه داخل كبينة الطائرة يسولف مع الطيار ويساله بكم المزارع هناك بباريس وهل طاح عندهم التمر والا توّه يبي له شوي
- مفلح صادوه بالمطبخ يسوي شاهي
- هبطوا هبوط اضطراري بتركيا عشان هاني كان يبي الحمام وحمام الطيار ما يكفي

توقيع منجطل بالطاية :

كثيرة هي عقبات الدنيا كما كثرة تحويلات الرياض
كل ما عليك تبحث عن درب آخر وتواصل حياتك
----------------
آخر تعديل منجطل بالطاية يوم 10-8-2011 في 11:02 PM.
    رد مع اقتباس
قديم 13-8-2011, 8:53 AM   مشاركة   رقم المشاركة : 6

ساندي
إداريه متقاعده

 
الصورة الرمزية ساندي












ساندي مامثلوووهساندي مامثلوووهساندي مامثلوووهساندي مامثلوووهساندي مامثلوووهساندي مامثلوووهساندي مامثلوووهساندي مامثلوووهساندي مامثلوووهساندي مامثلوووهساندي مامثلوووه

ساندي غير متواجد حالياً

الأوسمة
وسام شكر - فعاليه  تخيل - البشكه

افتراضي  رد: نكبة ورا نكبة [ فعاليّة تخيّل] !

.
.

أثناء هبوط الطائرة أصيب لؤي بالدوار والغثيان حتى ضاق تنفسه وسقط مغمياً عليه .. راحت الموظفة واركضت له تحاول اتصحيه كف يمين وكف يسار ولكن لامٌجيب .. ! صوتت للموظف الثاني اللي معها وقالت له : Please bring water you Jameel ..
مفلح اللي كان بالمطبخ فز من مكانه وقام يخبص ووألطعه ابريق الشاهي .. يقطع جوتس ياشيخه من وين اطلعت لنا ذي تقولي ياجميل ! ( مفلح اللي كان يناظر نفسه بقزازة الطيارة العاكسه )
:: اي بعذرها يحق لي تقولي جميل والا فيه أحد يشوف البدله الصفراء المنقطه بأسود ولا يخق ! صحيح اني أسمر طالعن على جدتي صِليحه ! و سروالي إمحبب من كثر ماأمي تغسله وتفرك به البلاط كل يوم لمين انشق مع الركبه بس هذي ميزة السُمر مايبين الشق !
هذا غير ان فنيلتي العريانه اللي امطلعه عصاقيلي كافيه ان البنات يدحدرن من تحتي ( مفلح يناظر نفسه بإعجاب وينفش شعر يدينه ) اييييييه وش عليك ياأبو اسميره اليوم يقولون لك جميل وبكرى يقولون لك يا وسيم ! وأصير صديق الممثله بريس هييب هيبللن هينون يالييييل وش اسمها ذا الرخمه ! المهم أكيد بنلقاها ببريس دام اسمها بريس ماعلينا قوه بس !

الموظفه عصبت : Jameellllllllllll
مفلح : جايتس جاااااايتس .. ويغني ( عجييب أمرتس عجيييب ترررليي ) .. ركض لها مفلح وطلع لها ولقى الموظفه على وشك انها تعطي لؤي تنفس صناعي !!!!!

مفلح وهو يتخطى الركاب اللي يحاولون ينزلون من الطيارة .. ويوم لقى نفسه عالق بين اثنين كل واحد عرضه عرض باب القراش ...... ماوالله تعطين هالتسلب تنفس صناعي وانا موجود !
وبحركه خطافية يرشق الشاهي الحار بوجه لؤي اللي قام من وقتها مفزوع ويلعن ويشتم الموظفة ..
قالت له الموظفه :: شتب شتب الشرهه عليك اللي كنت بنقذك من الموت جعلك بنار جهنم الحمراء والله لعلم عليك القسيس يوم الأحد <- بعد الترجمه

( دغيمان اللي كان يناظر المشهد على آخر الوقت من بعيد وهو يسفط ورقة عنوان المزرعه اللي أخذها من الطيار )
هرول لم لؤي واصفقه كف لين صار وجهه وجه تقل خبز تميس مصبوخٍ بدافور !
:: تتحرش ببنات الناس ياحمار .! شفت نفسك غني علينا ومعك قروش قلت بسوي اللي أبيه ! وشوله تفتح وجه هالمُره ياقليل الحيا قدام الرياجيل ؟! ماملت عينك شغالتكم أم افنسه اللي بداركم جاين هنا اتنغز ببنات الخلق .. خلنا بس نرجع للسعوديه ان ماا خليتك ترعى بعاريننا وورعاننا وشمسٍ تصبخ قدامك وقفاك ماأكون رجال تُوحي أنت ! .. هنعنبو هالفره غادي تقل تيسٍ صاطي على شبك غنمنا !


(صوت مضيفة تقول )
:: "سيداتي سادتي المسافرين على متن الطائرة نحوى مطار اورلي ORLY بباريس يرجى منكم اخلاء الطائره والنزول بمطار تركيا لحين اصلاح الخلل )


.
.


توقيع ساندي :



تم التوقيع :: ܔܓ܏ܛ
آخر تعديل ساندي يوم 13-8-2011 في 10:31 AM.
    رد مع اقتباس
قديم 14-8-2011, 10:34 PM   مشاركة   رقم المشاركة : 7
الساعه
دقت ساعة الزحف









الساعه مامثلوووهالساعه مامثلوووهالساعه مامثلوووهالساعه مامثلوووهالساعه مامثلوووهالساعه مامثلوووهالساعه مامثلوووهالساعه مامثلوووهالساعه مامثلوووهالساعه مامثلوووهالساعه مامثلوووه

الساعه غير متواجد حالياً

الأوسمة
وسام شكر - فعاليه  تخيل - البشكه

افتراضي  رد: نكبة ورا نكبة [ فعاليّة تخيّل] !
،



نزلوا على مطار تركيا .. لؤي وهو يعدل جنزه وبوكسره البينك ويقول : مو مشكله ، نطق عصفورين بحجر أدخل الحمّام وأشوف خويتي سوزكا
مفلح : هذي خويه والا قاروره وسكي ! ، يارجّال أمش أحجز لنا غرفه نريّح فيها قبل
دغيمان : وجع !! ، يعني لاغاب القط العب يا فار ، تبي تحجزون غرفه تنامون فيها جميع يالشواذ ، خلك من هالسربوت يال لؤي وخذ لنا بيت كل واحد له غرفه ويكون له حوش لأني أحب النفاه ولا أواطن الحشره والصكصكه
لؤي : طيب ياحبايبي أستنوني هينا أبخلص لي مكالمه مع الوالد وراجع
دغيمان يتمتم "أيه هين مكالمه في المراحض" : أيه خذ راحتك ، قبل ماتفجر الديناميت بذا
طلع لؤي وكملوا طريقهم لبيت أهل لؤي اللي شاريه الأبو بحكم أن تركيا حذفت حصاة وجوها عليل والسعوديين نادر ماتشوفهم .. كان بيت بوسط مزرعه ليا دخلتها تقول "جنة الدنيا" أما إذا كنت من نمونه دغيمان ومفلح تقول "بالله متى أستشهدنا ؟! علشان ندخل الجنه بدون حساب"
لؤي : يالله شباب أنا رايح أنام ، البيت بيتكم خذوا راحتكم ، قود نايت
دغيمان : أجل إذا فتحنا الدريشه نبي نستأذن ، رح رح وأرفق على السرير
دخل لؤي غرفته وترك الدرعى ترعى في بيتهم على باله أنه مخاوي شنبات مادرى أنه مخاوي سلق
جلس مفلح بالصاله وفتح الشاشه طلعت له فوكس موفز ويتعنقط بدغيمان يقول له : تدري أني أخاف من البواريد أحس أن الصتمه تبي تطلع علي وتضربني على قلبي ثم أموت وحتى التبويس وقلة الحيا جتني فوبيا منها إذا قرب أثنين من بعض تطلع لي أمي مزنه من بينهم وهي تتوعد وتقول "يالفاهر ، ماوالله تعرس على عمشاء وهذي علومك يالمخزي" تخبر يوم أنك معي بالملحق منسجمين مع الفليم ومطفين النور من قوة الحماس يوم جت ذيك اللقطه والا اللي يشلعني من علباي ويصبّخ بي الجدران تسنه كاكا يمزع الكوره على بالي أنه سكني بس يوم سمعتها تتوعد وتحذف علّي من الكلمات اللطيفه دريت أنها أمي مزنه .. علشان كذا أبغض ذا القناة بغض المسلم لليهودي .. وأنت تعرف قناتي اللي أحبها حطها لي يحبني لك
دغيمان : صجيتنا بذا النيكلودين مايزي الدكتور المصري اللي مبثر أمنا بالمحاضرات الخارجه على النص
حط دغيمان لمفلح القناة وجلس بالمطبخ وهو يقول : آخ بس هالحزه في الديره أنا قاعدن أتقهوى وأقدع من الضميد والبرحي ، ما أقول الا ياحيف على عقلي يوم أنه يطاوع ذا الكبش لؤي
دق جرس البيت .. قام دغيمان وقال : مين ؟! << بيت أبوك يابو ؟!
: أنا سوزكا
فتح الباب : هلا .. أنتي قاروره قصدي خوية لؤي ؟
: أسم الله عليك ، هيّ أنا بشحما ولحما
: وشلحتها !.. صد وهو يكمّل : وش ذا اللبس الله لايؤخذنا بتس
عقدت سوزكا حواجبها وهي تقول : شوووو ؟ لك بعد عن طريئي وينو لؤي ؟!
صك دغيمان الباب وسبقها للصاله وهو يقول : وش دعوى يا قشطه التاج الحمرا لهدرجه حاقرتن طولي وعرضي وتدورين على لؤي !!
سوزكا تلتفت لمفلح وتقوله : حبيبي ناديلي لؤي
مفلح وهو مسبل عييونه : حبيبتس ما أقول الا الله يحبتس وملائكته وخلقه الا سبونج بوب لأنه البطل بكل الحلقات وكلن يحبه ولد الكلب ، هالحين فشقه أنادي لتس لؤي وهذا وجهي أن ما جاتس يركض ولحقه السرير والكومدينه من الخقه ، دقايق قلبوو
صرخ مفلح وهو واقف عند باب غرفة لؤي : لؤؤؤؤؤؤؤؤؤي
فز دغيمان وسازوكا : وش فيك ؟!!
مفلح : لؤي مات
شهقت سازوكا .. وقال دغيمان : هه ذا يموت شفه يحرك يده ، وأنتي يالهبلا المزيونه تحبين هالجيفه اللي لو جاء خطب أختي رديته ولحّقته الكنبه اللي قاعد عليها لأنها تبي تفرز فطريات ، من جلسته عليها دقيقتين تلوثت وماعاد لها سنع ، وأبقلب باب بيتنا جدار وأكتب عليه " ماعندنا بنات للزواج " وتعنس أختي والسبب تفكيره فيها
سوزكا : يبعت لك حمى يالجحودي ، أجل أشكال اللي تحب ، لامظهر ولامخبر
: وش عرفتس فيني ؟! اللي ماتعرفينه فيني أني طيب وشاعر و رومنسي وأقدر الحياة الزوجيه
: وشو الي في كل هيك صفات ؟ عندك شركه ؟! عندك بيت ؟! عندك بخشيش !!
: أهاا ، طيب توكلي على الله قبل وأمسكي الباب لا أمسكتس الدريشه ذا الحين لأن صدز حامت تسبدي منتس يالعصلا ، أن ماطلعت خلال ثانيه أبضطر أسفطتس وأحطتس بكيس الزباله وأرقى بتس للسطح وأجدعتس منه حتى يكتبون بالجريده "غراب نتفوه عيال الحرام وألقى بنفسه من عماره على بُعد 30 متر عن الأرض حشيه أن يلقى رفاقه بدون ريش"
طلعت سازوكا وهي تشاهق وتبتسي بتسوه تقطع القلب .. عقبها بساعه صحى لؤي من النوم وطلع وهو لابس ومتكشخ ويقول لمفلح ودغيمان : يالله شباب رحلتنا لباريس تبي تستأنف بعد ساعه
تولموا الصالعاليك ودزو لمطار تركيا مستعدين لرحله باريس

آخر تعديل الساعه يوم 14-8-2011 في 11:54 PM.
    رد مع اقتباس
قديم 15-8-2011, 12:40 AM   مشاركة   رقم المشاركة : 8

DANA
من كباريه الضياع

 
الصورة الرمزية DANA













DANA مامثلوووهDANA مامثلوووهDANA مامثلوووهDANA مامثلوووهDANA مامثلوووهDANA مامثلوووهDANA مامثلوووهDANA مامثلوووهDANA مامثلوووهDANA مامثلوووهDANA مامثلوووه

DANA غير متواجد حالياً

الأوسمة
وسام شكر - فعاليه  تخيل - البشكه

افتراضي  رد: نكبة ورا نكبة [ فعاليّة تخيّل] !
توجهوا الثلاثي الغبي الي مطار تركيا وفي المطار كان حالة دغيمان وفليح صعيبه كل مامرت وحده قعدوا يتمقلون بها الين تلف وتروح وتنلف رقابهم معها وكل واحد يتنهد ويقول يالله الجنه بينما لؤي كان طالب 10 نقانق وقاعدن يزحر فيها لين يجي موعد الرحله ،انتبه دغيمان لؤي وهو يشفط في قوطي الببسي الثاني وقوطي الببسي الاول مرمي جنبه ويشوف كمية هالكتشب الي يحطه على ذا النقانق ويلتهمها ،

ناظر دغيمان فليح وحط ايده على كتفه وقاله انا احبك يافليح بس مدري متى كانت اللحظه المناسبه الي اقولها لك وتوقع ان هذا وقتها ،بدا فليح يوخر يد دغيمان ويناظر نظرات شك ويقوله :حسبي الله عليك خربتها من تالي !!هذا وحنا مابعد نوصل باريس اجل لوصلنا هناك وش بتسوي بتعرس علي!!نعنبوا دراك شفت البنات مايعطونك وجه فيذا وقمت تتخيلين سوزكا الله ياخذ ذا القرعه !!

دغيمان يتفل على فليح وهي حايمه تسبده: ياخي مهبول انت!!قسم بالله لو مافي انثى على وجه الارض اني اتجه للاناث الحيوانات ولا افكر فيك يااوصخ مخلوقات الارض،تعال بالله اخمك احس ان المنيه قربت يارفيدزي بالله ناظر لؤي شارب 3 قواطي ببسي وياكل في ذا القنقن ولله انه بيفجر الطياره اليوم بيفنخ غاز بيتفاعل مع وقود الطايره وبتنفجر وصيتي لك يافليح ارسل رساله لاهلنا قولهم ااننا بافغانستان نجاهد عشان يدعون لنا وحنا ميتيتن مهوب يدعون علينا ،فليح يناظر لؤي بسرعه وهو ياكل وراح يكمل الطلب ويطلب بببسي عائلي مع وجبة سبايسي، ويقوم ويتشقلب في الجو ويستند على برطمه لاداء حركه بهلاونيه لكي يضرب لؤي على وجهه بزبيرته المصون وصفعة صفعة ادت الى ارتجاج خدود لؤي 16 مره بثانيه لدرجة تحولت خدوده الي طبقات ،مسك فليح قميص لؤي وقاله نعنبوا دراك انت ماتستحي مايهمك حياة الابرياء الي معك !!ماتحاسب نفسك انت !!!! لؤي وهو لايزال مندهش ويعيد ترتيب خدوده:ولله احيانا احاسب واحيان قطه !

فليح وهو وده يتفل بس تحسف على سعابيله في ذاالمروح:قسم بالله لو ماتروح الحين الحمام اننا نقعد بتركيا ونواعد سوزكا ،طس لابارك الله فيك لؤي وهو قامط :ياخي لجل العين تكرررم خنافر

((ركبوا الثلاثي الغبي الى الطياره المتجهه الى باريس ))

دغيمان:اقول يافليح هالحين اذا رحنا باريس وشلون نحاتسيهم !!
فليح:وشوله تحتسي اصلا خلك اطرم ووتمقل واقعد ابلع وتفرج على مناظرهم الخلابه
دغيمان:طيب افرض يافليح اني مثلا جاتني حساسية بخشمي وابي اروح الدختر شلون اروح لازم احتسي ياخي
فليح:اجل تجيك حساسية بخشمك!!ليه قالولك عندهم سموم الرياض اللهم ياكافي عشان تجيك حساسيه بخشمك!همن لاجتك حساسيه صدز تتوقع ابوديك دختورهم يعالجك!!ولله لو اني شارب سوزكا اقصد ولله لو اني سكران قسم ان الدختور يرتاع من ذا الخشم الي كننه كمثرى فاسده والعياذ بالله ،وانهم يقطعون خشمك ويحنطونه عندهم بالمتحف ويكتبون تحته ( باقيا ديناصور لم يتحلل ياللهول ))،،الا اقولك ماشفت لؤي وراه مختفي!!


هاكم المايك كملوا

آخر تعديل DANA يوم 15-8-2011 في 1:58 AM.
    رد مع اقتباس
قديم 24-8-2011, 12:18 AM   مشاركة   رقم المشاركة : 9

رماد انثى
وجه المدفع
عمدة الضياع

 
الصورة الرمزية رماد انثى













رماد انثى مامثلوووهرماد انثى مامثلوووهرماد انثى مامثلوووهرماد انثى مامثلوووهرماد انثى مامثلوووهرماد انثى مامثلوووهرماد انثى مامثلوووهرماد انثى مامثلوووهرماد انثى مامثلوووهرماد انثى مامثلوووهرماد انثى مامثلوووه

رماد انثى غير متواجد حالياً

الأوسمة
وسام شكر - فعاليه تكنو الضياع

افتراضي  رد: نكبة ورا نكبة [ فعاليّة تخيّل] !

محجوز يالربع

............

بينما فليح مدّهر بالسب والشتم في خشم ابودغمه تفاجئ بشيء على يده كنه يتملصق قرب
يده يشمه الا ويشوف شيء يتمشى مع هالسائل النُخامي الشفاف ، فتح افمه من قو الخقة : الللللله
ياخذهم من تسلابة حتى المطر عندهم من قوته جاي كثيف ومافيه ريحة طين شفت يبودغيم شفت
رفع راسه الا ويشوف خشة دغيمان مصطبله عليها الذبان وهو خبر خير مايدري عن هالسعابيل اللي
تخرخر ورازن اصبعه قدام وعيونه مغوردزه ، ناظر فليّح للمكان اللي يشر له دغيمان وهو يشهق
ويلتفت على دغيمان ويصطره بكف : يالخبل يالدرج صحصح لا تفضحنا ياحقييير صك افمك ونزل راسك ياكلب ..
دغيمان : انت اللي ياكلب ليش تعلّمه لو يدري لؤي قسم بالله مايخلي بك مغز ابره صاحي
انت ناوي تعدمنا ياحقير ، هه شف من الحين اقولك والله ما ارجع لين اذوق من عسلهم اللي مطير مخوخهم
فليح وهو قامط ويرجف : على تراب ياكلب وين اللي يقول تعال معنا بس وازهلها كلش علي ، انت خابرني كمخة
دغيمان : وين لؤي بس هو اللي بيطلعنا من ذا الورطة ، رجال سنايدي وفاهم
فليح غص بريقه من الروعه : لا يبن الحلال لايدري ، قسم بالله مايخلي ارقابنا على اجسامنا
دغيمان : خلاص اجل اسمع نتلطم لين ناصل ومحدن داري
( عند لؤي )
لؤي : يبن الحلال انا قايل لكم ابي مرتبة اكس اكس لارج تجيبون لي ميديم ليه ؟
كابتن الطيارة : اعذرنا طويل العمر مادرينا ان فيه ناس ممكن تشيل اثقال وهي بالطيارة
لؤي : تنكت انت والا تبيني اضح .... / انقطع كلامه يوم سمع دغيمان يحوس بالطيارة وهو يصوّت
: لؤؤؤؤي يا لؤؤؤؤي يالخوييي اببببككك يالبعير وينك
لؤي : هينا هينا تعال هذاني اشوف غبرتك
دغيمان : الححححق يخوي الححححق والله ياطيحنا فليح الكلب بمطب مامنه فكه
لؤي وهو يغمز : وشو بس عسى ماتحرش بام عيون ، الحقير والله اني داري من يوم شفت
عيونه مره غرب مره شمال وترجع تنكس عليها
دغيمان : وشو ام عيون بعد انت تعال تعال
( كت .. نرجع لفليح القامط )
فليح منزل راسه عند يدينه ومغير يحرك اصابعه : استغفر الله استغفر الله استغفر الله ، وجعلنا
من بين ايديهم سداً ومن خلفهم سداً فأغشيناهم فهم لا يبصرون ، يارب ينعمي عني يارب
اصلاً ذا وش فهمه بهالطيارات .. لا ورايح نفس الديرة ياشين هالحظ شينااااه
( بالجانب الآخر رجل ثمانيني ، حدب قاعد على احدى المراتب بعد ان فصخ صروال السنة الطويل
وقعد بالمقوصر ! وش زوده عن اللي قدامه لابس شورت )

اعلنت الطائرة انها بتقلع على وصول دغيمان ولؤي لفليح تجهزوا في أماكنهم وكل واحد قلبه
بصراوله من القمطة ، إلا لؤي كانت المضيفة تربط له الحزام بما انه من ذوي الاحتياجات الخاصة

قومهم من نومهم صوت تغريد المضيفة ليتبين للجميع بأنهم الآن على أرض باريس
سينعم دغيمان بالارتواء من عسلهم ، كما سيحضى فليّح بفرصة ليتعلم كلمة لطالما حلم بها
فارس معجب بهذه المشاركة .

توقيع رماد انثى :



* اللهم إغفر لأموات المسلمين وإرحمهم وإجعل الجنّة داراً ومُستقراً لهم .
آخر تعديل رماد انثى يوم 24-8-2011 في 2:32 AM.
    رد مع اقتباس
قديم 16-9-2011, 9:39 AM   مشاركة   رقم المشاركة : 10
ملف شقراء
مشرف سابق

 
الصورة الرمزية ملف شقراء













ملف شقراء مامثلوووهملف شقراء مامثلوووهملف شقراء مامثلوووهملف شقراء مامثلوووهملف شقراء مامثلوووهملف شقراء مامثلوووهملف شقراء مامثلوووهملف شقراء مامثلوووهملف شقراء مامثلوووهملف شقراء مامثلوووهملف شقراء مامثلوووه

ملف شقراء غير متواجد حالياً

افتراضي  رد: نكبة ورا نكبة [ فعاليّة تخيّل] !
أنا بحجز وإن شاء الله برجع .. بس بقرا الردود قبل ..
أن مر يومين ما رديت أحذفوا ردي مع كامل أسفي ..

** سؤال هل أقدر أغير بالنهاية ؟! ..
لأن أنتم نوعاً ما كتبتوها يعني مالها فايده قفلتي !

توقيع ملف شقراء :

BB pin: 273C6672
كن
كما ( أنت ) !!
    رد مع اقتباس
إضافة رد

مواقع النشر (المفضلة)


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع


الساعة الآن بتوقيت الرياض : 8:53 AM

SEO by vBSEO

Powered by vBulletin®, Copyright ©2000 - 2011, Jelsoft Enterprises Ltd

جميع الحقوق محفوظة لمنتديات الضياع ® 2007 - 2011 ©

المواضيع والردود اللي تنكتب فيذا لا تمثل رأي الضياع بل تمثل خنبقة كاتبها