الاحتيال الجديد .. [ فعاليّة تخيّل] ! - الصفحة 2

قائمة بأسماء الأعضاء المهشتقين في هالموضوع :
اكتب أسماء الأعضاء اللي ودك تهشتقهم في هالموضوع وافصل بين يوزراتهم بفاصلة زي كذا : فالكم طيب، منجطل بالطاية، فارس، رماد انثى All Friends

6-8-2011, 10:46 PM

مشاركة رقم المشاركة : 11

الساعه

دقت ساعة الزحف

الساعه غير متواجد حالياً

الأوسمة

رد: الاحتيال الجديد .. [ فعاليّة تخيّل] !

اقتباس:

تخلخلت ظروووسك ان شاء لله تراي لسه انسسسه قولي مدام

هههههههههههه أليمه ، ممكن سوال للبنت اللي عايشه جوها مع اليمني وهو يقولتس "خاله" على بالتس أنه يبي يذكرتس لخطابه إذا فهمّتيه أنتس آنسه .. قّضي غرضتس وتوكلي ولو أنتي "خاله والا مرة أبو" السعر واحد

ههههههههههههههه الكل هنا أبداع وخيالات تصفط خيالي على جنب ، بس أني أتحوقرص أبي أنزل نهايتي << من حط عندها كيبورد ذي

،
هديل تناظر الضابط وهي تبوسم وتمغيد قدامه ، وهو جاب العيد بالدوله فتح باب السجن وطلعوا المسجونين بس ما أنحاش الا البنقاليه والا عيال الديره وقفوا يأدون واجبهم كأي شاب داشر يشوف بنت خصوصاً إذا كانت البنت راهيه ومتفخه

، وبدوا من الكلمات المعسوله لتحذيف الرقم لين تجرأو وبدوا تنغيز وتلميس و << مابقى الا يطبون

.. أستوعب الضابط وصرخ بأنفعال والكل فزع حتى الأوراق اللي على طاولته لجأت لحضن هديل تستنجد : خييير ياجحش أنت وياه ! ياتوكلوا على الله يا أرجعوا لغرفتكم << وييين يابو ببيتك تهش عيالك من غرفتك

وبحركه سريعه ضم الضابط هديل وقال لها وهو يلهث : بسسرعه خلينا نتعرف على بعض أكثر لأن نظامي نظام اللحيه الغانمه توماس وهو يقول : (لدي الكثير من الأعمال ، والحياة قصيره ، يجب أن أعجل بالأنتهاء منها )
قالت هديل مدافعه كأي فتاة تدافع عن شرفها : أيشش شكلوو ؟! تبيني ؟ طق باب بيتنا "فيس مطنقر" ناس ماعندها ذوق (قالتها هالجمله وهي لافه ناصيةً الباب) فمسك الضابط يدها ولفها عليها لين طقت والظاهر أنها أنملعت وقال : أرجوتس خلينا حلوين بدون زراج
طارت عيون هديل زي ماتطير عيون توم إذا شاف جيري وقالت : تبي تأخذني متعه يا رافضي !!! هذي اللي ماهقيتها والله ! وعرس ماهوب على شرع الله ورسوله مانيب معرسه ، والحين أترك يدي قبل ما أطق فوق رأسك سامري يا ( قاطعها الضابط وهو يقول : هدووووش أفهميني ولاتقّطعين قلبي أكثر "فيس خانقته العبره" أنا أبيك مسيار يا حبي
هنا أبتسمت هديل بحيا وقالت : أهاا كذا ، أتفقنا
حجزوا على أول رحله لماليزيا وراحوا لكوفي المتزوجين السعوديين

ذاك اللي كل من سافر ماليزيا شهر عسل شخمط فخشبة الكوفي ورجع .. حتى هديل والضابط جربوع كتبوا فيه وأرجعوا

وذاك اليوم طفشت هديل وقالت لجربوع : أبرجع أشتغل ، زهقت من القعده
رد عليها وهو يتثاوب "توه راجع من مناوبه" : وين تشتغلين ؟
قالت وهي تضحك بسخريه : أبد أشتغل مرشده سياحيه بالنماص خخخ ، يعني من بوهتي وين تشغلني ؟!
قال وهو يتمقل بملامحها : أمممم ماتوصل "راعيه بسطه بالحرم لأنك بيضاء ، بس نقدر نقول بملاهي !
: قربت ، أنا أشتغل طقاقه
: أقول أها بس هذي اللي ما طار طيرها ، أقول خلينا نرقد وتعالي أشتغلي علي

هديل ما أعجبها الكلام .. ومن بكرا دقت على معيض .. رد معيض بصوت يأس : من معي ؟!
: أنا هديل
: هديلي أنا تعبان وينك ؟
: تبغاني يامعيض ؟
: باللي هو به أبيك ، أنتي وينك بس ؟
: أممم أقولك بس على طريقك تجيب لي كونكت بخمس ميه على حسابك
: لك ، ولو تبين أدخّل أصابعي بدل الكونكت وتشتغلين على طاقتي ماعندي مانع

<< قامت أمه تلوسبه بالملاس على هالذبه

<< ههههههههههههههه هذي هي السماجه اللي أبثرتكم بها ، باللهي كنسلوا العضويه علشان تأدب هالماصله

توقيع الساعه :

9-8-2011, 4:46 AM

مشاركة رقم المشاركة : 12

مضيع بيتهم

قاضي الضياع

مضيع بيتهم غير متواجد حالياً

الأوسمة

رد: الاحتيال الجديد .. [ فعاليّة تخيّل] !

الحين هل الفعاليه خلصت كذا ؟
ولا فيه قصه ثانيه وونخترع مره ثانيه ..

ان كان فيه قصة ثانيه اقترح على المسؤولين انهم يخلون القصة تطول شوي ويكون احقية العضو للرد مرتين غير متتاليتين .. عشان القصة تكون طويله شوي

توقيع مضيع بيتهم :

عزيزي العضو :

أي رد خارج أرجاء المحكمة يعتبر رد العضو مضيع بيتهم .. لحد يبلشني يقول انت قاضي وتقول كذا .. اذا عندك احتجاج ارفع علي قضية عادي ترا اكلبش نفسي لعيونك ياحياتي

9-8-2011, 11:06 AM

مشاركة رقم المشاركة : 13

قطرب

كـلامـه على مـتـمـه

قطرب غير متواجد حالياً

الأوسمة

رد: الاحتيال الجديد .. [ فعاليّة تخيّل] !

^

وكلامك على متمة ، وياليت بعد ماتصير خميس وجمعة عشان يمدي الواحد يشارك

توقيع قطرب :

واشوف الودّ فـي عيونك ولكن ... يردّ الودّ خوفٍ فيــــــــك منّي !

9-8-2011, 5:18 PM

مشاركة رقم المشاركة : 14

منجطل بالطاية

مراقب مارج

منجطل بالطاية غير متواجد حالياً

الأوسمة

رد: الاحتيال الجديد .. [ فعاليّة تخيّل] !

اقتباس:

الحين هل الفعاليه خلصت كذا ؟
ولا فيه قصه ثانيه وونخترع مره ثانيه ..

هذي القصة قضت بتنزل قصة بكرا الفجر ان شاء الله .. لاننا قلنا كل خمس ايام قصة جديدة

اقتباس:

ان كان فيه قصة ثانيه اقترح على المسؤولين انهم يخلون القصة تطول شوي ويكون احقية العضو للرد مرتين غير متتاليتين .. عشان القصة تكون طويله شوي

من ناحية الطول بنطوله ان شاء الله لكن المشاركة مرتين كذا بتاخذ فرصتين همن غيرك يجلس يتفرج وهو ايده تحكه

.. فيه شي استجد بالقصة الجديدة بتشوفونه ان شاء الله

توقيع منجطل بالطاية :

كثيرة هي عقبات الدنيا كما كثرة تحويلات الرياض

كل ما عليك تبحث عن درب آخر وتواصل حياتك

----------------

9-8-2011, 5:18 PM

مشاركة رقم المشاركة : 15

منجطل بالطاية

مراقب مارج

منجطل بالطاية غير متواجد حالياً

الأوسمة

رد: الاحتيال الجديد .. [ فعاليّة تخيّل] !

قطرب .. طال عمرك عطنا التواريخ اللي تصير بهن فاضي وابشر

توقيع منجطل بالطاية :

كثيرة هي عقبات الدنيا كما كثرة تحويلات الرياض

كل ما عليك تبحث عن درب آخر وتواصل حياتك

----------------

صفحة 2 من 2

مواقع النشر (المفضلة)

« حـــب ضــــايــــع .! | تـخـيّـل .. [ فعالية البشكة ] !! »

الذين يشاهدون محتوى الموضوع الآن : 1 ( الأعضاء 0 والزوار 1)

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الساعة الآن بتوقيت الرياض : 8:48 AM

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25