هرطقات 1 - منتديات الضياع

قائمة بأسماء الأعضاء المهشتقين في هالموضوع :
اكتب أسماء الأعضاء اللي ودك تهشتقهم في هالموضوع وافصل بين يوزراتهم بفاصلة زي كذا : فالكم طيب، منجطل بالطاية، فارس، رماد انثى All Friends

23-6-2011, 2:37 PM

مشاركة رقم المشاركة : 1

الضب الانتحاري

ضايع إكه

الضب الانتحاري غير متواجد حالياً

هرطقات 1

بسم الله الرحمن الرحيم ،،

أول شيء لحد يشره علي أو على الموضوع لأني اكتبه من الجوال ،، ثانيا وهم الاهم

هذه قراتي الشخصيه في الأوضاع الجسمانيه والماليه والفكريه لبوتقة العالم العربي والإسلامي ومحدش يسالني أنا بقول ايه لأن أنا مش عارف اللي أنا أقوله ،،

لكن من خلال النظر في العالم ككل نستنتج ان المرأة مأخذه كل شيء والرجل مكروف وماكل تبن كبر رأس منجطل ،،

يعني مثلا ،، العالم كله يطالب بحقوق المرأة وازعجو آمنا بالمرأة كن العالم مافيه إلا هالمراه من ان اقتصاد المراه الخليجيه لحالها أقوى من اقتصاد أمريكا بكبرها ،، أجل أخر إحصائيه تقول ان الخليجيات ينفقون 100 مليون على الموضه كل شهر ،، على الموضه بس ،، يعني غير السواقين والمقاضي والعزايم وحركة هذا بنت فلان شايفته علي قبل 6 شهور ،،

أزعجوا آمنا وقالوا لازم نساوي المراه بالرجل ،، ياعمي انت وأياه أي مساوة باللهي عليك ،، لحظه لحظه ،، غمضوا عيونكم وتخيلوا مره تسوق باص ههههههه وإلا تخيلوها بوسط عماره تهاوش باكستانيه ما عرفوا يركون كوع ريحه وإلا ما عرفوا يبلظون ،، وإلا تخيلو وجه حرمة وباكستاني يقول لها روخي ،، أنا وهو أنا إذا قالها لي قمطت

،، وإلا تخيلوا حرمة توقف عند مقصف

،، وإلا حرمه تسوق دركتل وإلا شايله كريك ومسحاة

. وإلا تخيلوا حرمة تشد أبيض وتشتغل كداده

(( هذي يترجمها لكم طاحس

)) ياعمييي طييييير قال مساواة قال ،،

واليومين هدي هابين بسالفة قيادة المرأة ،، تخيلوا يا جماعه حرمة توها متعديه الزديه رايحه لمزرعة عمها بالمجمعه وطلع لها بغير. ،، تتوقعون ؤش بتسوي ؟ وإلا تخيلوا حرمة ماسكه طريق مكة القديم ،، هذا كله كوم وصورتها بساهر كؤووم ثاني

،، والا تخيلوا وحده ماسكينها باليوم الوطني ومركبينها الباص مع طاحس ؤواحد على شاكلته ،، ياشيخ والله ما تطلع من الباص

،،

بعدين ياخي المرأة هي الشي الوحيد اللي ممكن يكسب ملايين بدون ما يتعلم ولا يتوظف ولا يسوي شيء ،، وأتوقع ان الدشير فاهمين

،،

بعدين على طارئ طاحس والبدو ،، صدق ياخي ؤش سالفة البدو والمحاوره ،!!؟ إلى متى كل ما اجتمع 12 بدوي صفو صفين وبدو يصافقون ويناقزون تقل مهبل ،، ترا صدق ميب حاله ،، ان مريت جنب اليخت لقيتهم صافين وان مريت بالبر لقيتهم صافين وان مريت بخرخير لقيتهم صافين ،، مير مرة فتحت درجي أباخذ شراب (( جوارب ياجحلط مؤب عرق

)) لقيتهم صافين ،، ولا قهرني إلا واحد قزم ملعون صير ألقاه معهم كلهم وبفمه منقاش واللي يقهرك صدق ان محد مستمتع بحياته كثرهم ،، تلقاه عاطل لا شهاده ولا دوام ويكد على تكسي ومع ذلك يبيع ناقه بـ 20 مليون ويعيش عليها عمره ،،

إلا على طارئ العشرين مليون ،، خوينا راعي الاستراحه ما يحس ان سعره شين وهو زيه زي الناقه

،،مير حتى الناقه ما بصمتها الهيئه

،،

موضوع ثالث يطرح نفسه ،، الخطوط الجويه العربيه السعوديه ((صوت موسيقى حزينه ،، وشيخ مصري من دوليك اللي يجون بالعزا

))

إييييه يا الخطوط ،، وش أقول ووش أخلي ؟ بغض النظر عن المضيفات المقاشع * ،، ونفوسهن الخايسه ،، والاكل اللي مدري ؤش يبئ ،، والطيارات ذات التهويه الخاريجه ،، تحس أنها هايلوكسات ميب طيارات

طبعا هذا كله إذا لقيت حجز ،، تتفاجاء بقوانين غريبه ياخي ،،

يعني أنا مستعد أمشي سالفة الطياره اللي مربوطه بسيم * (( ترا ميب ذبه يا عيال والله أني شايفها بعيني

)) ومستعد أمشي لحم الحمير والضفادع اللي يوكلونا إياه ،، ومستعد أجلس سنه لين القى حجز ،، ومستعد أمشي المضيفات اللي أحلاهن كنها ركبة عتعت وهي معرقه لكن أني أوصل للبوابه وقاص البوردنق وخالص ،، ويرجعوني عشاني لابس برمودا وإلا شورت لا هنا لازم نؤقف شوي وأسأل سؤال مهم جدا ،، من الحشاش اللي يحط هالقوانين

؟ ،، والله جد يا جماعه ،، انت ؤش دخلك إروح ببرمودا وإلا إروح بجينز وإلا إروح مفصخ

،، ترا عاااادي بعد اسبوعين يخلون محد يدخل المطار إلا بالزي الرسمي

،، بعدين ياخي إلى متى تختار كرسيك بدون ما تدري من جنبك ،، افرض جلست وطلع جنبي واحد ما أطيقه وإلا واحد أنا متدين منه ومصرفه ،، وإلا هندي صنانه* يطيح بعير ،، المفروض قبل تختار كرسيك تقدر تشوف اللي جنبك وتعرف عمره وهل هي مرتبطه وإلا لا

مع أنها ما تفرق عندي بس فيه ناس تفرق

،، بعدين حركة الستاره اللي بين السياحيه ورجال الأعمال من اللي مخترعها تكفون ،، يعني بالله هل إذا سكرتوا الستاره أبتحمس وأبي آعرف ؤش تسوون هناك واروح أحجز سياحي

،، بالعكس يادلوخ كذا ماتفرق ،، إلا جيبوا مضيفات أوربيات ،، ولبسوهن قصير ،، وأنا اظمن لكم يجئ الحجز على رجال الأعمال أكثر من السياحيه بدال التفرقه هدي

على طارئ التفرقه ،، يا أخوان ؤش يحس فيه هاني شاكر ؟ ،، ليه كل أغانيه حزينه وهو يأمسيكين حب وحده صدق وهي لعبت عليه ،، يعني يا كلب الأولى والثانيه والثالثه لعبوا عليك خلاص لا عاد تحب ياخي

،، والله واضحه ما يبئ لها مطوع* ،، لكن ان تقلب جو العالم بيض* يا أبو شاكر هذي شف لك غيرها الله يرحم والديك ،، بعدين بالله ؤش لاقين فيك عشان يحبونك ،، لا جسم زي الناس ،، لا خدود زي الناس ،، وآخرها خربتها وغنيت إرهابي ياخبل

،، والله لو يدري أوباما عن هـ الأغنيه ان يخلي خدودك لحم تسلاب يا أبو مصير

،،

موضوع آخر يا أخوان ،، شبابنا والموضه ،، خاصه من انتشار تي شيرتات وقمصان بولو بكثره (( طاحس انتم تسمونها فنايل أبو حصان

)) ،، يعني من جد هل شبابنا متوقعين أننا مصدقين ان التي شيرتات اللي عليهم أصليه ،، وهل هم متوقعين أننا ما ندري أنها من الشعله وإلا الحله

؟ ،، يعني يا جحلوطي انت وأياه أقل شيء قصقص الخيوط اللي طالعه عشان نشك أنها تقليد نخب أول لأننا متأكدين انك ماراح تشتري أصلي

،، أصلا الشاب السعودي لو يجئ معه 500 ريال على طول أما يصلح سيارته وإلا يروح للبحرين

،، لا واللي يدبل التسبد صدق ،، طائحين بالسكيني الله يحوم كبودهم ،، تلقى الواحد فخوذه مليانه وأشياء أخرى كلها سفطات ولابس سكيني لا وبوكسر فسفوري لماع

(( منجطل هدي أشياء أكبر من فهمك لا تحاول تفهم

،، ولاتخاف منيب أسبك

))

أخيرا وليس آخرا يا أخوان ،، سؤال المليون ،، السؤال الذي أعجز علماء العالم قبل حميرهم

،، واللي يجاوب عليه أنا مستعد أعطيه اللي يبئ لو اضطريت أبيع شرفي

،،

مادام الخطوط السعوديه تمنع التدخين في طياراتها ،، أجل ليه حاطه طفايات

!!؟؟

معاني الكلمات :
مقاشع : جمع مقشع ؤتعني الشي القبيح

سيم : معلاق الملابس بعد المعالجة اليدويه

صنانه : الصنان هو الرائحه الكريه الصادره من تحت الأبط

(( كاني إشوف البنات يقولون يييييع ))

مايبي لها مطوع : أي لا تحتاج أي شخص ذكي

جو العالم بيض : كلمة قصمنجيه ويقصد بها ان الوضع غير جيد

ختاما ،، أتمنى محد يسألني عن ما كتب أعلاه لأني أنا ما أدري ؤشؤ ولا أدري ؤش أحس وأنا أكتبه ،،

انتهت ،،

توقيع الضب الانتحاري :

و اشرح لها ..

BB PIN : ask me

آخر تعديل عت&عت يوم 27-6-2011 في 12:36 AM.

23-6-2011, 2:58 PM

مشاركة رقم المشاركة : 2

مضيع بيتهم

قاضي الضياع

مضيع بيتهم غير متواجد حالياً

الأوسمة

رد: هرطقات 1

خخخخخخخخخخخخخخخخخخخخ اقول ياشين الفقدة على الظهريه

نتطرق لاول موضوع الا وهو حقوق المرأه ..
انا بصراحة مثلك مادري وش الحقوق اللي يبونه .. ولكن اتمنى يطبقون النظام الغربي وكل واحد مسؤول عن نفسه عشان تعرف المرأه حقوقها صدق .. يحسبون العيشه هنا مثل هناك لا ساقت الساعه 12 الظهر بدون مكيف وماع وجهه وصار كنه كرشه بتعرف انه كانت بنعمه .. ولا اذا تحمست وطقت الزين بتروح لعرس وبنشر الكفر على الدائري .. طبعاً ست الاف واحد بيوقف يساعد الحرمه المسكينه على الرغم من ان واحد ملحط واقف قبل منفجره سيارته ومقطوعه يده ورجله تدودل من الدريشه ومحد وقف له

ياصديقي الانتحاري انت الظاهر ماشفت الوجه الاخر من الحرمه .. فيه حريم ماتفرق بينه وبين خوانه الا بالشباصه .. فيه حريم المفروض مايسمون حريم لان الاسم المفروض يطلق للانثى والفئه المعنية لاتربطهم اي صلة قرابه مع المسمى ولذلك انا ماستغرب حرمة بجراف ولا حرمه واقفتن بمحطه معه سطحه تحتري احد يتعطل ..

ونديور لاخوانا الاعراب .. والصفه حقتهم بصراحه انا مادري وش المتعه بذا الموضوع ناس صافين ويزاعقون عندنا بالجنوب دايم يسوون ذا الحركات بقصور الافراح متى تدري انهم بدو العرضه حقتهم .!؟
اذا شفت الحمام يدور فوق القصر .. من كثر الصفقه والهوهوه كنهم يحومون حمام .. والظاهره هذي ماتوقع انها بتنتهي للاسف

وبالنسبه لطيارات الخطوط السعودية الله يحلل الهايلوكس على الاقل الهلي تقدر ترا به طعس بس طياراتهم يالله تمشي على المزفلت .. ولامنك ركبت الصبح الله لا يوريك الفول حقهم اللهم لك الحمد والشكر .. ودك تجيب معك فطورك بحافظه ولا تصوم اصرف من اكلهم .. وعلى فكره انا اشك ان الاكل اللي يحطونه لحم بشري واتوقع ان مضيفاتهم اللي تكبر تذبح وتقدم للمسافرين لان اللحم مهب فيه طعم مكياج <--- قال وش دراك انه كذبه ؟!

وهاني شاكر مانيب اعرف اغانيه ولا قد سمعته بس تسني قريت ان بنته توفت بمرض السرطان الله يغفر له ويرحمه

وآخر الحتسي فنايل ابو حصان وابو تمساح طالما انه متواجده بسعر ارخص ليه مايشترونه عاد من زين اللي بيلبسونه عشانهم .. لا جو يفتح النفس ولا اماكن تفتح النفس وشوله يخسرون فلوسهم على شي مايستاهل .. انا اقترح ان الواحد مايشتري شي يفتح النفس وغالي الا اذا جا يسافر ولا رجع من السفره يحرق الملابس

الله يعطيك العافيه على الموضوع اللي عيا يخلص

توقيع مضيع بيتهم :

عزيزي العضو :

أي رد خارج أرجاء المحكمة يعتبر رد العضو مضيع بيتهم .. لحد يبلشني يقول انت قاضي وتقول كذا .. اذا عندك احتجاج ارفع علي قضية عادي ترا اكلبش نفسي لعيونك ياحياتي

26-6-2011, 3:57 AM

مشاركة رقم المشاركة : 3

طاحس

من كباريّة الضياع

طاحس غير متواجد حالياً

الأوسمة

رد: هرطقات 1

يالله حي الضب .. يا هلا بالزحف والعيارة في مكانها .. انت يا صديقي تراك لعبت في قوانين الفيزياء ولخبطت ابحاث العلماء وبديت تنفي بعض النظريات اللي يسوونها علماء الفيزياء سواء اللي في العصور القديمة او حتى الحاليين وهم يملكون هالكم الكبير من الاجهزة والتقنيات اللي تقلل نسبة اخطائهم لكن انت فعلا ضربت بنظرياتهم وخسفت بها نسبة تحت وبديت تخلينا نشك انهم شلة دشير متجمعين في استراحة ويسوقونها فوق روسنا بنظرياتهم الخاثرة اللي من جنبها .. بتقولي افا انا مسوي كل هذا طيب ليه ؟؟؟؟ ياخي ما يحتاج ليه انا اول مرة بحياتي اشوف خال ووجهه منوّر

كل هذا عشان اقولك تراك نورت المكان ولا عاد تحرمنا هالنور بس ياليت الله لا يهينك اذا بتجي طل من بعيد ولا تقرب تكفى لان فيه ناس يضربون المثل بريحة الخياس بريحة قطو ميت ولا بسطار جندي بسلاح الحدود لكن انا اشوف ريحتك اكبر مضرب مثل للخياس عشان كذا خلك بعيد حبك يزيد

اسمحلي اوجه هالرد مهوب لك لاني صراحة متوقع منك اكثر من هالسوالف والهرطقات على قولك بس اكثر شي لفت نظري هو واحد من اثنين .. يا ان ازرار جوالك كبيرة ولا اصابعك صغار

وكل الاثنين ياخي عجزت ابلعها اعترف بس من اللي كاتب الموضوع هههههههههههههه كل هالموضوع وكاتبه بجوال اجل لو قررت طال عمرك تتنازل وتمسك اللابتوب عشان تكتب لنا موضوع الظاهر بتطق اصبع لروايات دان براون

يلعن ابو الفضاوة اللي بتخلي رجل اعمال وواحد مشغول ما يقدر يمر على المنتدى مثلك يتنازل ويكتب موضوع بالجوال .. الظاهر انك كنت بدائرة حكومية وماخذ لك رقم ولاطعينك ولا خاش بزحمة خريص وقلت خلني استغل وقتي الثمين واعطيهم شوي من عصارة خبرتي بالحياة .. اي عصارة خبرة بالله وانت نص حياتك قاضيها بالحاير بتهمة سرقة اسطوانات والنص الثاني في حواري جنوب الرياض تبيع عرق .. اي خبرة وانت ما قد مسكت شهادة بحياتك بسبب انك انطردت من المدرسة وانت برابع ابتدائي اتهموك انك جالس تقردن ولد المرشد الطلابي وتراوده عن نفسه

وش شهاداتك بالله يبو خبرة وانت حتى شهادة تطعيم من مستشفى الشميسي عيو يعطونك لانهم شاكين هل انت انسان صدق ولا مخلوق فضائي جاي يستهبل

ما تلاحظ اني شطحت واجد ورحت اذب عليك وسحبت عالموضوع ؟؟ ولا صح اثرك ما تلاحظ ولا تعرف تلاحظ لان ما عندك شهادات هاهاها .. يا رجال اسحب على هرطقاتي اللي احسن من هرطقاتك وتعال خلنا نعلق على هرطقاتك عشان اثبت لك ان هرطقاتي احسن منها < واضح ان الكلمة جايزتن له

الا على فكرة ما تلاحظ ان موضوعك المفروض يروح للكوكتيل .. ياخي احسك تناقش مواضيع مهمة وحرام قسم بالله هالكلام يصير في قسم ماسكه عتعت ههههههههه وخل عتعت على جنب ياخي ودي ارد على المواضيع اللي قاعد تتكلم عنها واعطيك من عصارة خبرتي بهالمواضيع واذا تبي عصارات ثانية انا جاهز بس انت اشر بس

لكن ياخي ماش لا من دخلت هالقسم لازم انزل مخي عند الباب ومابي ادخل بهالمواضيع عشان ما نوصل لامور لا تحمد عقباها لان شطحاتي ممكن توديك انت وموضوعك والقسم وحتى المنتدى بكبره ورا الشمس

خلنا بس نعلق على بعض ذباتك وكود نطلع سالمين ..

اقتباس:

بعدين ياخي المرأة هي الشي الوحيد اللي ممكن يكسب ملايين بدون ما يتعلم ولا يتوظف ولا يسوي شيء ،، وأتوقع ان الدشير فاهمين

هههههههههههههههههههههههههههههههههههههه لا يخوي محد فهم اشرح ووضح اكثر

مدري محسسني انك مشفر كلامك ومحد بيفهم ذبتك الخايسة ذي

الله يلعن تشفيرك هالجملة لو اقولها لاخوي بالابتدائي بيفهم ويقعد يغمز لي ويناظر بالشغالة ههههههههههههههه

اقتباس:

ان مريت جنب اليخت لقيتهم صافين وان مريت بالبر لقيتهم صافين وان مريت بخرخير لقيتهم صافين ،، مير مرة فتحت درجي أباخذ شراب (( جوارب ياجحلط مؤب عرق

)) لقيتهم صافين عيال الكلب

ضحكة ضحكة يا عيال

اجل جوارب هههههههههههههههههه ما يمزح الخال والله وش هالالفاظ يا وصخ من ورانا من وين تعلمتها

على طاري البدو واليخت خل المحاورة وهالخرابيط على جنب بس صدق ياخي والله قهر تدفع ستين الف على قصر عشان ليلة وحدة واخر شي تحط العرس برا القصر هههههههههههههههه يلعن ام البطرة يا شيخ هذا غير المدري كم الف اللي بتحطها انت يالمعرس على الشعار والصفوف واخر شي تمشي بعد العشا ولا تشوف شي منها

مهوب من زينها وانها ما تتفوت بس قسم بالله الواحد يحسسك انه يحط الوليد بين اباطه وهيلمة وهياط مهوب صاحي وهو نص المهر من بنك التسليف وجيب اللكزس اللي جاي عليه مستاجره له خويه الحضري هدية زواج ( طبعا قلت جيب لكزس لانه معروف كشخة البدو اللي يطق جيب لكزس هذا يتعبرونه كنه صاك له اربع ابراج في لوس انجلوس

)

اقتباس:

وأنا اظمن لكم يجئ الحجز على رجال الأعمال أكثر من السياحيه بدال التفرقه هدي

اقتباس:

واليومين هدي هابين بسالفة قيادة المرأة

هههههههههههههههههههههههههههههههههههههههههههههههههههههههههههههههههههههه
هههههههههههههههههههههههههههههههههههههههههههههههههههههههههههههههههه
هههههههههههههههههههههههههههههههههههههههههههههههههههههههههههههههههه
عيد عيد عيد بالله .. اليومين وش ؟؟؟؟؟؟؟ ههههههههههههههههههههههههههههههههه لا تجي تصرف الحين وتقول اكتب من جوال يلعن ام الخطا اللي بيتكرر مرتين بنفس الكلمة

والله الظاهر الجداوية اللي مشبكها لك ثلاث سنين وعلى بالك تحبها وهي ما تجيك الا كل صبح تقول صباح الخير حبيبي ثم تروح لخويها المطنوخ وتسحب عليك الظاهر انها مسوية شغل مهوب صاحي لدرجة انك بديت تحتك باللهجة عشان تخق معك

انا بس ودي اشوفك وانت تقولها ودي اتخيل وجهك وانت جالس تقلب فمك عشان بس تنطق هالكلمة صح لو تبيني احلف انك لو تحاول تقولها بيصيبك شلل نصفي بوجهك وصدقني لو يسمعك واحد طرش تقولها بيجيك يقول ايه انا اصلي اندونيسي ولا اعرف عربي بس يرحم امك لا تحط ولا كلمة تربط بينا

انت ما تدري وش كتبت وانا مدري وش رديت .. يالله الوجه من الوجه ابيض ونشوفك في مواضيع عيارية جاية ان شاء الله مهيب زي الهرطقات هدي

يعطيك العافية

26-6-2011, 4:44 AM

مشاركة رقم المشاركة : 4

عت&عت

من كباريه الضياع

عت&عت غير متواجد حالياً

الأوسمة

رد: هرطقات 1

^^
طاحس الرجال بيعلمنا أن معه آيفون مالك داعي

هرطقات أجل
يلعن أم الفقدة الخايسة يا ضب وش شارب بالله ؟!! والله الظاهر أنك تكتب وأنت تلحس أباط الأفغاني اللي مخليك أبوك تاقف عنده في الظهرية

أو أنك مولع فزنوبة وجالس تستنشق بكل قوة وضمير وتكتب، الوكاد حالتك صعبة ياخي

يلعن أم الشطحات اللي في كل ديرة ماخليت شي إلا نفسك مسوي طالع منها يا ظلال أفلاطون

يالضب

بعض الكتّاب لا كتب الله معطيه أنه يخليك تطلع اللي في صدرك وتريح كبدك من أشياء كثيرة بكتابته واذا خلصت له موضوع تجلس تدور أغراضك وعفشك تلقى المركة فديرة والجوال حاذفه وتلقاك شايل اللابتوب وضارب لك خط من الحماس هذا أنت يالضب لكنك أنت غيييييييييييييييير ، أنت حقير وتعطيها فالوجه وحمار ياخي حاول تشفّر يمين يسار هههههههههههههههههههههههههههههههه
بس ايه ايه يا خلفهم والله على الجرح وكلام صراحة أكبر منك

تعال نتقبقس ونشكي لبعض (فيس مصارية يبكون ويخمون بعض ) :

اقتباس:

الأوضاع الجسمانيه

تصدق خريطة العالم الأسلامي صارت فوق بعض فراسي وقمت أشوف السعودية تستخدم قطر في وضع جسماني مخل مع أيران
ولا دوقي ستايل

اقتباس:

أجل أخر إحصائيه تقول ان الخليجيات ينفقون 100 مليون على الموضه كل شهر ،، على الموضه بس ،، يعني غير السواقين والمقاضي والعزايم وحركة هذا بنت فلان شايفته علي قبل 6 شهور ،،

تدري المشكلة وين ؟!! 100 مليون على وش على أوزان تتعدى الرقم ذا سلام سلام

غير سالفة شايفينه علي تجيك تمحط في فستان أربع ولا خمسة آلاف

،، وعشان تسيطر على الكرشة

تقعد تكتم اوم نفسها وتشفط بطنها جوا وطول العرس ما تتكلم كلمة وأول ماتركب السيارة وتبدا تسولف وتنزل الكرشة ينقطع الفستان
هههههههههههههههههههههههههههههههههههههههههههههههههههه ثمن تشتري واحدن جديد
وبالنسبة للسواقة أنا ضدك ياخي

لأن أم الدداسن والمواتر الخرندع ماهوب سايقين ولا حتى الطبقة المتوسطة حقين الفانات اللي مدري وش تبي اللي بيسوقون يا طويل العمر راعيات البانوراما واللاكزس ويجونك اللبنانيات

بأكس فايف وتجيك بعد شفّتها طقم مع الموتر الأحمر

المهم أنك بتقعد تستمتع بخريص من النظيم إلين الجسر المعلق وتفره فاليوم مرتين ما عندك مشاكل،،بعدين ترى ربعنا يا قصمان يا بدو ولا سمحوا بقيادة المرأة والله لا يجودونهم فالبيوت ولا يآخذون لميوزنات أم ست بيبان ويركبونهم في المرتبة الست طعش عشان ما تقرب يم الطارة أبد أبد

اقتباس:

بعدين على طارئ طاحس والبدو ،، صدق ياخي ؤش سالفة البدو والمحاوره ،!!؟ إلى متى كل ما اجتمع 12 بدوي صفو صفين وبدو يصافقون ويناقزون تقل مهبل ،، ترا صدق ميب حاله ،، ان مريت جنب اليخت لقيتهم صافين وان مريت بالبر لقيتهم صافين وان مريت بخرخير لقيتهم صافين ،، مير مرة فتحت درجي أباخذ شراب (( جوارب ياجحلط مؤب عرق )) لقيتهم صافين عيال الكلب ،، ولا قهرني إلا واحد قزم ملعون صير ألقاه معهم كلهم وبفمه منقاش واللي يقهرك صدق ان محد مستمتع بحياته كثرهم ،، تلقاه عاطل لا شهاده ولا دوام ويكد على تكسي ومع ذلك يبيع ناقه بـ 20 مليون ويعيش عليها عمره ،،

نشبت مع ذا الحضري يا طاحس

عاالنقطة ذي بيجيك طحينية ويرد أنا مالي دخل

أنا آخر زواج حضرته قبل سنة وموهق أهلي في أخواني ومريح راسي حنا عروسنا تقل عزا

، يلعن أم الطرب عند الحجز ياشيخ خل ربعنا يجيبون مزمار واشتقنا وأورج

ومن عندي والله لأحضر كل عروس ربعنا حتى اللي فالديرة اللي ما عمري طبيتها

ولا خلونا مثل الأشوام دبكة وشغل عدل رغم أني كرهتها عقب الجحلط اللي يجون يستعرضون بربع فالكورنيش ويشغل دبكة مسرع ويرقص وهو عاضن ثوبه ههههههههههه

اقتباس:

إلا على طارئ العشرين مليون ،، خوينا راعي الاستراحه ما يحس ان سعره شين وهو زيه زي الناقه ،،مير حتى الناقه ما بصمتها الهيئه ،،

اقتباس:

يعني أنا مستعد أمشي سالفة الطياره اللي مربوطه بسيم * (( ترا ميب ذبه يا عيال والله أني شايفها بعيني )) ومستعد أمشي لحم الحمير والضفادع اللي يوكلونا إياه ،، ومستعد أجلس سنه لين القى حجز ،، ومستعد أمشي المضيفات اللي أحلاهن كنها ركبة عتعت وهي معرقه لكن أني أوصل للبوابه وقاص البوردنق وخالص ،، ويرجعوني عشاني لابس برمودا وإلا شورت لا هنا لازم نؤقف شوي وأسأل سؤال مهم جدا ،، من الحشاش اللي يحط هالقوانين ؟ ،، والله جد يا جماعه ،، انت ؤش دخلك إروح ببرمودا وإلا إروح بجينز وإلا إروح مفصخ ،، ترا عاااادي بعد اسبوعين يخلون محد يدخل المطار إلا بالزي الرسمي ،، بعدين ياخي إلى متى تختار كرسيك بدون ما تدري من جنبك ،، افرض جلست وطلع جنبي واحد ما أطيقه وإلا واحد أنا متدين منه ومصرفه ،، وإلا هندي صنانه* يطيح بعير ،، المفروض قبل تختار كرسيك تقدر تشوف اللي جنبك وتعرف عمره وهل هي مرتبطه وإلا لا مع أنها ما تفرق عندي بس فيه ناس تفرق ،، بعدين حركة الستاره اللي بين السياحيه ورجال الأعمال من اللي مخترعها تكفون ،، يعني بالله هل إذا سكرتوا الستاره أبتحمس وأبي آعرف ؤش تسوون هناك واروح أحجز سياحي ،، بالعكس يادلوخ كذا ماتفرق ،، إلا جيبوا مضيفات أوربيات ،، ولبسوهن قصير ،، وأنا اظمن لكم يجئ الحجز على رجال الأعمال أكثر من السياحيه بدال التفرقه هدي

هههههههههههههههههههههههههههههههههههههههههههههههههههههههههههههههههههههههههه
هههههههههههههههههههههههههههههههههههههههههههههههههههههههههههههههههههه
ههههههههههههههههههههههههههههههههههههههههههههههههههههههههههههههههههههههههه
هههههههههههههههههههههههههههههههههههههههههههههههههههههههههههههههههههههههه
ههههههههههههههههههههههههههههههههههههههههههههههههههههههههههههه
ههههههههههههههههههههههههههههههههههههههههههههههههههههههههههههههههههه
بسيم بسيم يا نّصاب

؟!! متكي فددسن جدك وضاحكن عليك أبوك قايلك طيارة

هذي تمشيها على طاحس ومنجطل يمكن

بعدين تعال وين الخطوط اللي تعلمك مين تجلس جنبه

يالبيه بس

ياشيخ من روعة المنظر قمت أتخيل منى امارشا وهي جنبي ،،تراها صدق مشكلة خصوصا لا جا جنبك واحد فخذه أكبر من مقعد الدرجة الأولى وتجلس جنبه محشور جنب الدريشة واذا جا يتحرك يصقعك بكوعه اللي تقل كوع حمام ولا جاك شيخ شيعي متبخر بصنان عبدة وكل شوي ينقزك واحد عشان يسلم عليه : تريد شي سيدي ويقعد يبوس يده وهو ريحة أباطه الخايسة عاد أقول للعيال أتوقع مزيل العرق عندهم حرام ههههههههههه << كلها مواقف صايرتن لي

اقتباس:

موضوع آخر يا أخوان ،، شبابنا والموضه ،، خاصه من انتشار تي شيرتات وقمصان بولو بكثره (( طاحس انتم تسمونها فنايل أبو حصان )) ،، يعني من جد هل شبابنا متوقعين أننا مصدقين ان التي شيرتات اللي عليهم أصليه ،، وهل هم متوقعين أننا ما ندري أنها من الشعله وإلا الحله ؟ ،، يعني يا جحلوطي انت وأياه أقل شيء قصقص الخيوط اللي طالعه عشان نشك أنها تقليد نخب أول لأننا متأكدين انك ماراح تشتري أصلي ،، أصلا الشاب السعودي لو يجئ معه 500 ريال على طول أما يصلح سيارته وإلا يروح للبحرين ،، لا واللي يدبل التسبد صدق ،، طائحين بالسكيني الله يحوم كبودهم ،، تلقى الواحد فخوذه مليانه وأشياء أخرى كلها سفطات ولابس سكيني لا وبوكسر فسفوري لماع (( منجطل هدي أشياء أكبر من فهمك لا تحاول تفهم ،، ولاتخاف منيب أسبك ))

تبي كبدك تطلع وتتفل في وجهك صدز

لا رحت للراشد وجاك واحد بسكيني أحمر وزبيرية مغبرة ههههههههههه واصبعه الدب مورم وأسود وجسمه مبقع من الشمس

ولا جاك بجنز القطفان (الفرنسي اللي يجي كبير من تحت ) وفنيلة الهلال هههههههههههههههه
طبعا أنا وأنت غير يالضب صح ؟؟!!

حنا مانعرف الشعلة ولا شارع الوزير ولا الهرم حتى حنا نقضي من جيوردانو مدري وش اسمه وأرماني شي يجي من أيطاليا ولا مانبيه

الموضوع مثبت ومكانه فووووووووق لين تجي هرطقات 2 رغم أني داري أنك بتسحب

توقيع عت&عت :

آخر تعديل عت&عت يوم 26-6-2011 في 11:48 AM.

26-6-2011, 4:57 AM

مشاركة رقم المشاركة : 5

عت&عت

من كباريه الضياع

عت&عت غير متواجد حالياً

الأوسمة

رد: هرطقات 1

ايه صح هرطقات 2 اكتبه بالكمبيوتر

نبي موضوع يسولفون فيه بزارن بزرانا حتى اذا تبينا نرسلك شيفاز مع لبنانية تكتب عنك نرسلك ما عندك أي مشكلة

أهم شي لا يتأخر علينا

توقيع عت&عت :

26-6-2011, 11:25 PM

مشاركة رقم المشاركة : 6

بيتهوفن

معزب الكوكتيل

بيتهوفن غير متواجد حالياً

الأوسمة

رد: هرطقات 1

اقتباس:

حنا البدو
حنا بداوتنا الأصل
بالقمة حنّا مو أقل
حنّا بداوتنا تراث
من جيل لي جيل انتقل
حنا معاني ساميه
نروي السيوف الضامية
نرد المنايا ما نهاب
لو هي سعاير حاميه
حنّا بدو
حنّا البداوة عيدنا
ما ناكل إلا صيدنا
ما نعيش عالة مجتمع
نموت .. ما نمد أيدنا

آخر تعديل عت&عت يوم 27-6-2011 في 12:31 AM.

27-6-2011, 12:30 AM

مشاركة رقم المشاركة : 7

عت&عت

من كباريه الضياع

عت&عت غير متواجد حالياً

الأوسمة

رد: هرطقات 1

خويطر ترى عدلت ردك ووسّع صدرك ولا تآخذ أي شي جد تراك فالبشكة والبساط أحمدي

توقيع عت&عت :

2-7-2011, 7:15 AM

مشاركة رقم المشاركة : 8

شخباري

سنعه وشقرديه

شخباري غير متواجد حالياً

الأوسمة

رد: هرطقات 1

هههههههههههههههههههههههههههههههههههههههههههههههههههههههههههههههههه
ههههههههههههههههههههههههههههههههههههههههههههههههههههههههههههههههههههه
ياشيخ جعلك بالجنه < اتحدى احد من يوم انولدت دعى لك كذا

والله قافلتن معي من الزكمه

وانا اخطم هنا وافككها ظحكات ..
الا صحيح الى متى من يرشح احد بالبيت الا ننصرع كلنا وراه حركه بايخه والله

قسم بالله خشمي صاير تقول اصبع منجطل الصغير ههههههه

< كني شطحت
على طاري الشطحات وش جوك تفقد الظهر ياخي

خليني اوسع صدري بالاقتباسات بس

اقتباس:

مش عارف اللي أنا أقوله

معليش ياطاحس يعني مسكت معك على هدي ومانتبهت ل مش عارف ههههههههههههههههه
احسك وانت تقولها ترفع غرتك عن وجهك يابو شورت

اقتباس:

بعدين ياخي المرأة هي الشي الوحيد اللي ممكن يكسب ملايين بدون ما يتعلم ولا يتوظف ولا يسوي شيء ،، وأتوقع ان الدشير فاهمين
،،

معليش مره ثانيه مافهمت ههههههههههه

مانبي نسوق الله يلعنكم خلاص

بس لا تقفلونها معنا ياخي قسم بالله قبل تنزل للمسيار تحس ان بك بتسوه كبر امس واليوم من زود مالحمار اللي مودينا مقفلها معنا

بس عندي احساس اننا بنسوق ياراعيات الهايلوكس والشاص

اقتباس:

إلا على طارئ العشرين مليون ،، خوينا راعي الاستراحه ما يحس ان سعره شين وهو زيه زي الناقه ،،مير حتى الناقه ما بصمتها الهيئه

،،
ههههههههههههههههههههههههههههههههههههههههههههههههههههههههههههههههه قسم بالله ياالذبه ملعونة جدف الله

اقتباس:

ويرجعوني عشاني لابس برمودا وإلا شورت لا هنا لازم نؤقف شوي وأسأل سؤال مهم جدا

ههههههههههههههههههههههههههههههههههههههههههههه معليش مره ثالثه يعني اكيد النظام ذا طلع من شافو ركبتك

يلعن اوم البجاحه يلعن اوم الثقه خللك على الزي الرسمي ياشيخ ؟؟

الا عاد صحيح ياخي ودك تعرف من تركب جنبه

يعني الحركه الوصخه اللي يسوونها لمدة نص ساعه
وينسقون حرمه جنب جرمه ورجال جنب رجال ؟

وش دخلكم ياخي وش بيسوي لي الرجال والطياره مليانه خلونا مثل الاجانب ياخي

نبي نتناقش ونتبادل ثقافات ؟ مهوب اقعد جنب حرمه مااعرفها وطول الرحله ةهي مسنتره بوجهي قسم بالله من زود الحيا ماارمش شكيت بنفس ياجماعه

وكله كوم ولا كانت الرحله كلهم مطعسه كوم ؟ يعني بالله من تركبون وانتم تسلمون على بعض سلامات ؟
لدرجة ان الكابتن تقفل معه يجي لمهم يقول يالله مشينا ياعيال

ولا الفطور الصبح

والرحله كلها هنادوه وباكستانيه قسم بالله تغييب ذهني يجيك من قوه الريحه
عاد بعد تاثير الفول ما تدري من وين الريحه بالظبط ؟

اقتباس:

يا أخوان ؤش يحس فيه هاني شاكر ؟

يقطع ابو جو الجداويات ياشيخ

اقتباس:

شيرتات وقمصان بولو بكثره (( طاحس انتم تسمونها فنايل أبو حصان

انا مش عارفه فين المشكله هدي ؟

اذا كانت نفس الشكل وبسعر ارخص وين المشكله احسن واحسنين

خل البلايز ودقق بالسكيني قسم بالله يعزل العودام الخلفيه ويخلي شكلها مدري وش يبي

اخيراا هرطقااات مهبووووله بنكهة الفقده الشهيره الخاصه بك

والله ياني استمتعت ومعليش انا مش عارفه وش خنبقت خصوصا مع الزكمه فتلقى الرد كله حومة كبد

الظب يمال العافيه

آخر تعديل شخباري يوم 2-7-2011 في 8:40 AM.

7-7-2011, 5:46 AM

مشاركة رقم المشاركة : 9

الضب الانتحاري

ضايع إكه

الضب الانتحاري غير متواجد حالياً

رد: هرطقات 1

رد شاطف ياعيال وابرجع لكم اول ما تفك

.. خويطر وانا اخوك ترا الموضوع سعة صدر موب تقليل من قيمة احد والا تنقيص من قدره .. وآسفين كانا زعلناك والله يحللك *

توقيع الضب الانتحاري :

و اشرح لها ..

BB PIN : ask me

آخر تعديل الضب الانتحاري يوم 7-7-2011 في 5:53 AM.

12-8-2011, 8:54 AM

مشاركة رقم المشاركة : 10

الضب الانتحاري

ضايع إكه

الضب الانتحاري غير متواجد حالياً

رد: هرطقات 1

ياعيال تدرون وش مشكلتي .. طبعا غير اني انسان مزيون واقطر ملح والبنات يلاحقوني وين مارحت

ياخي ما عندي اي مشكله اكتب موضوع رجلي (( مقاس 47 )) بس اذا جيت ارد اتوهق واكل تبن بعدين اتذكر اني صايم واخلي التبن الى عقب المغرب

انا جاي اوضح لكم نقطه يا اصحاب التفكير الشين .. ياخي الى متى انتم كذا .. الى متى تعيشون في هذا التخلف والجهل .. ناظروا احمد الشقيري يا همجي انت واياه

اقتباس:

هههههههههههههههههههههههههههههههههههههه لا يخوي محد فهم اشرح ووضح اكثر

مدري محسسني انك مشفر كلامك ومحد بيفهم ذبتك الخايسة ذي

الله يلعن تشفيرك هالجملة لو اقولها لاخوي بالابتدائي بيفهم ويقعد يغمز لي ويناظر بالشغالة ههههههههههههههه

اقتباس:

معليش مره ثانيه مافهمت ههههههههههه

وش هالتفكير السيء العكر

.. انتم ظلمتوني .. انا كان قصدي انها تعرس ورجلها يصرف عليها

بعدين يا طاحس يا حشره وش اللي عارفن لي جداويه .. يا خي انا تخبرني حدي شغالات ويالله اقوى بعد

.

شكرا يا جماعه من دباديب قلبي .. لا تشرهون ما اعرف ارد .. وعت عت هرطقات الثاني جاي جاي .. بس اصبر شويات خلنا نعيد ويصير خير

توقيع الضب الانتحاري :

و اشرح لها ..

BB PIN : ask me

صفحة 1 من 2

مواقع النشر (المفضلة)

« ( من نكون ! ) | عــــيــــال الـــحــــارة ...!!! »

الذين يشاهدون محتوى الموضوع الآن : 1 ( الأعضاء 0 والزوار 1)

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الساعة الآن بتوقيت الرياض : 8:39 AM

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25