مطلوب مُذيعات ..! - منتديات الضياع

قائمة بأسماء الأعضاء المهشتقين في هالموضوع :
اكتب أسماء الأعضاء اللي ودك تهشتقهم في هالموضوع وافصل بين يوزراتهم بفاصلة زي كذا : فالكم طيب، منجطل بالطاية، فارس، رماد انثى All Friends

29-5-2011, 4:50 PM

مشاركة رقم المشاركة : 1

الساعه

دقت ساعة الزحف

الساعه غير متواجد حالياً

الأوسمة

مطلوب مُذيعات ..!

،

في الأستديو
المدير اللبناني "طوني" : يا أهلا وسهلا بحبايبي الصبايا والشباب اللي عم بتابعونا من قناة الضياع كوم .. بعد أيام من التدريب والجهد اللي أخد من وئات الطلاب هلاّ بدنا نبلش اختبار القبول لبرنامج "المزيعه المتألقه" .. عنّا أول مُتقدمه المزيعه المتدربه "الساعه" ..تصفيق .. "الساعه" يامرحبا فيكي بدك تخبرينا عن شو راح تتكلمي أزا بدك .
المذيعه المتدربه "الساعه" : يا هلا "طوني" كنت مجهزه مقدمه طول خشمك بس عقب ما سمعت هرجك نسيت وش انا جايتن له .. فخلنا نبدنا لا اجيب العيد قدام الكاميرا .
المدير اللبناني "طوني" : يادلي يا "الساعه" يادلي .. خدي راحتك .. لك أنا اللي رحت حشوة ورق عنب من شفت زولك تسلمي إلي ..
قطع عليهم أبو "الساعه" اللي واقف بالكواليس وهو يقول : وش تقول يا "طوني" << فنظرت إلى "طوني" قائله : أحمد ربك أن أبوي أصقه والا تسان راجع لأهلك حشوه ورق عنب بحئ وحئيئ .. "طوني" يبلع ريقه بصعوبه ثم يعدل الكرفته قائلا : خلونا نبلش تقرير الآنسه "الساعه" .. تتحول الكاميرا إلى الشاشه المعروض عليها التقرير ..

"الساعه" في إجتماع أهلها : السلام عليكم .. اليوم راح أتقابل مع أشخاص مختلفين فكرياً وعمرياً ونسألهم بعدة مواضيع ونشوف أرأئهم .. خلوكم معاي <<

فاصل ..

"الساعه" رجعنا لكم مع "جدتي العزيزه" أهلاً جدتي من المؤكد أنك سمعتي عن "قيادة المرأه للسياره" وسالفه "منال الشريف" فما رأيك ؟
<< جدتي مغمضه عينيها تنتظر مني إتمام السؤال حتى أنفجرت قائله : وش هالخزي اللي عشت فيه أخر عمري ، أجل تبوننا نسوق ونجيب الغاز اليا منه خلص ، والا تمرن أم الجيران بدتسنه وعلى أقرب مقهى بدال ماهي تجيني ونتقهوى ونتقطف تميرات من نخلتي ونعلف كراث ونحش ، وأشوف بنياتي يتواعدن لهن بطعس بالطرفيه وهاتك تسحيب جنوط بدال ماهن يتواعدن ببيتي كل خميس ويتلاشى أجتماع الخميس ، والا هالبني المراهقات كل يوم وهي طالعتن لنا بسالفه من ترهيم وغيار وسواليفن مالهن به !.. عطيناهن دبابات وماسلمنا تبي أمسكهن سياره عز الله كمل الحواق ، طيب ياللي تحس أن المرأه مظلومه ولاهيب مأخذتن كل حقه بالدنيا الفانيه ، الأم هي اللي تحمل وتولد وترضع وش تبي تسوي هنا !.. لا يكون تبي تركّب للأب أرحام صناعيه !.. وسنة يحمل هو والسنه الثانيه هي !.. أكيد تبي تقول لا .. لأني خابرتك ماتبي الأ التبرج والسفور والا مهوب صيدك حقوق ، وأنتي يا "منال" أقضبي أرضتس وخلتس مرتن سنعه وش هاللي يحرضونتس وتطيعينهم بهيمه أنتي الله يثبتنا بعقولنا ، مير أسمعين لو تسوين النون ومالايعلمون ماحناب أمسكين بناتنا ولا سياكل ، وماحناب مسّلمين بناتنا وظايف عيالنا (تقترب وتشد الكاميرا إليها فتقول مُمططه شفتيها :مـــا حــنـــاااب

نوازن الكاميرا ونهدأها أنا والمصور بعد كمية الروعه التي حصلت عليها من مسكت جدتي
ترجع الكاميرا للأستديو على "طوني" فينظر إلي نظرات المُعجب ويقول : تؤبريني على هيك سؤال وهيك مقابله .. ثم يُحول نظراته إلى الكاميرا فيقول : خلونا نشوف المقابلات البائيات بعد ما صحلوا الكاميرا المسكينه .. فتنتقل الأعين إلى الشاشه مره أخرى ..
"الساعه" مُمسكه بالمايك : ولكم باك .. رجعنا لكم مع أبوي الغالي : يبه وش رأيك باللي صاير للأمم العربيه والتدهور الأقتصادي اللي حاصل ببيتنا هالايام ؟
<< أبي وهو يعدل الياقه والمرزام ثم يُنزل يديه ليُمسك جيوبه المليانه فراغ ويتنحنح قائلاً : أولاً وش رأيتس فيني أمزح أمزح يابنيتي ، حال الأمم العربيه نشكيه لله هو الحكيم الخبير والا حنّا ماعندنا الا حتسي ولو فلان سوى كذا كان ماصار اللي صار ولو علان مادخل الحمّام والمشاهدين بكرامه تسان ماوصلت الأمور لهلحد ، يارجّل عفواً يابنيتي طفحنا حتسي لا يودي ولا يجيب ، كل اللي نقدر عليه أننا ندعي لأخواننا المسلمين أن الله يهدي سرهم ويجّمع شتاتهم ويستر علينا من العدوى منهم << يبه أنتم معهم والا عليهم .. أما التدهور الأقتصادي الحاصل في بيتي هو بيني وبينتس ناوين أخت لي على المغرب أحقق التحالف بيننا وبينهم << أنظر إلى أبي فأسئله بفهاوه :وكيف تبي تحقق التحالف !..

"الساعه" تتلفت بحثاً عن شخص فاضي ..
"أخي العزيز"الكئيب بعد خسارة الهلال : أهلاً أخي حول ميولك الرياضي ما رأيك في حكايه الهلال الأخير خخ ؟
ينظر إليّ بقهر ثم أرى عدست العين تقول لي :هيلب مي ، بليزعطيني لستك لا يغرقني أخوك البزر بدموعه
"الساعه" أعذرونا يا مُشاهدين فأحياناً الدموع أصدق من الكلام .. أن جيتو للصدق لو أنه تكلم كان لخيته بكف يعلمه أن كل شي مكتوب لأني أدري أنه يبي يبثرن بسالفة :لو أن ال... مهوب الكابتن تسان صكيناهم ب5 يارجال أركد بس وخل روحك رياضيه ، هه شف النصر مهزومين ب4 ولاسفلوا بلاعبينهم ويحمدون الله ويشكرونه هو صدق هالكلام ماقاله رئيسنا بس اللي بالقلب تفضحه العين

، ويكفي أنهم مازالوا بالساحه الرياضيه لأني أبضم بالعشرين لو واصلكم اللي وصلهم تسان عزّلتوا ههههه.. والآن أستطيع الأكمال برواقه لرؤيتي دموع أخي لأول مره وأختفاء أضراسه هل تحسب أن مرماكم سيظل نظيف << ماتلاحظين أنتس سألتي وجاوبتي بنفس الوقت

"الساعه" أمي الغاليه : أخبرين عن وضعك وأنتي تطبخين عَشَا وغدا والشغاله أين دورها في المطبخ مادُمتي تفعلين كل ذا ؟<< مُداخله أخويه في محاوله رد أعتبار فيقول (وأنتي وين دورتس بالبيت؟)
أولاً أهنيتس يابنيتي على تحقيق حلمتس في مسكة المايك بس تراه مايطّلع صوت لأنتس ماضغطتي الحبه "الساعه وخدودها محمره فشله من طوني والمشاهدين وتضغظ الحبه".. ثانياً أمسي على طوني كلوني لأني أحسه من عايلة جورج كلوني والسبب هو الشبه والغلا واحد << أبوي يتنحنح من خلفها يقول :أثقلي ترا ماللعنز الا تيسه .. ثالثاً << يمه ليتس تخلصينن وتجاوبين هالمره على السؤال .. ترد أمي وهي تلعق المايك من قوة ماهي مقربته يم أثمها وتقول :إيه تقولين الشغاله ماتطبخ هذا لأني ما أحب يدخل في جوف أبو عيالي وعيالي شي من إيديها تدرين أن مافيه أحد يحرص على صحه شخص مايعرفه ولا يهمه والدليل المطاعم ، لذلك بما أني مازلت نشيطه وحلوه وكل عيال الحواري حاولوا يعرسون علي قبل أبوتس بس هذا المكتوب << شكلنا دخلنا "مخرج" وغيرنا الطريق لذلك ننهي الحوار بسلام قبل ماتطلع فضايح الولاده وكيفية حدوثه قبل وبعد

"الساعه"إلى هنا أكون خلصت تقريري .. علشان مايطيح وجهي زياده وعلشان ما أطيح من عيون طوني والسبب تقرير تافه
ثانكس للكل .. صووووتوا لي <<

تنتقل الكاميرا للأستديو على طوني وهو يصفق بحماس قائلاً :برافو برافو ، لك شو أسئله شو لباقه شو أناقه برافر يا"الساعه" .. طوني يدور بكرسيه لقدام الكاميرا ويقول : هلا بدكو تبلشو تصويت ل"المزيعه المتدربه الساعه" .. وبغمزه يقولي :أنا من ناحيتي توب ون ..
سلاآآم

توقيع الساعه :

29-5-2011, 10:43 PM

مشاركة رقم المشاركة : 2

الساعه

دقت ساعة الزحف

الساعه غير متواجد حالياً

الأوسمة

رد: مطلوب مُذيعات ..!

،

الفائز من يضحك أخيراً ..
روحي من الفرح طايره .. أنا الأن بين الأرض والسماء لأيتجرأ أحدكم على التفكير أني بطائره << من له خلق يسافر والهواء والجو غبار إختبارات .. سبب ذلك هو نتيجه النصر

"نصري" نتيجته 3 - 2 على الأتحاد
أصيح أو أضحك أو أرجم من كان يستهزأ ب"نصري"بفنيلة ريان بلال ليشتم عرق النصر الأصلي
لو كنتم بجوار بيتنا لوصلكم من حلف أبي مايملى كروشكم .. حيث أن بيتنا قلب نصراوي نابض
فليبارككم الله .. ولتنتهي المبارأه بفوز النصر إن شاء الله .. وأن ما فازوا فيكفي من الأنجاز ماوصلوا إليه "3 على الأتحاد" يخرجون بتعادل والا بنتيجه مقاربه .. أهون من الخروج بهدف

توقيع الساعه :

30-5-2011, 3:38 PM

مشاركة رقم المشاركة : 3

منجطل بالطاية

مراقب مارج

منجطل بالطاية غير متواجد حالياً

الأوسمة

رد: مطلوب مُذيعات ..!

ههههههههههههههههههههههههههههههههههههههههههههههههههههههههههههههههههههههـ

انا منوّل اقول هالبنت به عقل شوي

.. دقيقة دقيقة بسالتس سؤال .. يقرب لتس شمروخ؟

ماش فصلاتس هذي مب بعيدة عن فصلة شمروخ اللي يقدم شكوى عشان فعالية

.. يابنت انا كنت اتوقع انه مهما فصل الانسان يبقى فيه سلك مشبوك ويصير عاقل شوي بس انتي منفصلة كل اسلاكتس

.. مابقى سلك شابك الا سلك المنطق

.. عاد وشو سلك المنطق ذا اعلمتس انا وشو

.. ماشاء الله عليتس عيّارة باسلوب منطقي

.. قولي شلون ؟!

.. الصدز اني ما ادري بس جاء ببالي كلمة منطق احسه تركب عليتس

بعدين تعالي

.. وين مبلطه ولهت عليه لبا خراطيش تسبده

.. ضاق صدري وانكمش يوم دخلت موضوع ولقيت طوني ولا لقيت مبلطة

.. ضاق صدري من قلب يوم شفت طوني وجاء ببالي نيشان وهو يقول ابشر بذيك اللهجة اللي تخليك تفكر تغتال اهلك انك صرت سعودي وفيه ناس يقلدوننا ويقولون ابشر

.. ما اقول الا فاقدين مبلطة لبى هي بس

وش رايتس نروح للاقتباسات

اقتباس:

وأشوف بنياتي يتواعدن لهن بطعس بالطرفيه وهاتك تسحيب جنوط بدال ماهن يتواعدن ببيتي كل خميس ويتلاشى أجتماع الخميس ، والا هالبني المراهقات كل يوم وهي طالعتن لنا بسالفه من ترهيم وغيار وسواليفن مالهن به

ههههههههههههههههههههههههههههههههههههههههههههههههههههههـ بالصمييييييم .. هذولي ما يخالف لا يجيتس المايعات نلقاهن باتسر لابسات طيحني

.. عاد اتوقع عقب السواقة بتنقلب الامور وبيصير فيه قضايا تحرش من الجنس الناعم على الضب

.. عاد ودتس باتسر سوير وجهير مقبوض عليه بام حزم بالمانعية بعد ان اكتشفوهم خاطفات حدث ومدري وشسمه ايه

.. انا بس بثبت لتس ان الدنيا بتغير ليتس داريه عن بدال جدتس ومقابلتن مب اصرف

اقتباس:

أما التدهور الأقتصادي الحاصل في بيتي هو بيني وبينتس ناوين أخت لي على المغرب أحقق التحالف بيننا وبينهم

هههههههههههههههههههههههههههههههههههههههههههههـ منتهي هالشايب << يمون

يابنت الحلال ابوتس من كلامه حسيت انه سياسي محنك .. حسيت ان الرجال عنده افكار ومشاريع استراتيجية ممكن تغير وضع العالم العربي 180 درجة بس انتم خلوه يروح للمغرب ولا تنشبون بحلقه

<< فيس ابوتس وهو يصفق بعنف من بعيد ويقول بعدي يا ولدي

اقتباس:

هه شف النصر مهزومين ب4 ولاسفلوا بلاعبينهم ويحمدون الله ويشكرونه هو صدق هالكلام ماقاله رئيسنا بس اللي بالقلب تفضحه العين

ههههههههههههههههههههههههههههههههههههههههههههههههههههههـ انا اغبط هالجمهور على الحب اللي فيهم

.. يابنت الحلال انا كرهت الهلال عقب ما طلع

.. صدز جمهور جمل مافي امل يتاثر

اقتباس:

أولاً أهنيتس يابنيتي على تحقيق حلمتس في مسكة المايك بس تراه مايطّلع صوت لأنتس ماضغطتي الحبه "الساعه وخدودها محمره فشله من طوني والمشاهدين وتضغظ الحبه"..

هههههههههههههههههههههههههههههههههههههههههههـ واااااااااوتس مشهد فهاوة ذكرن بشي سويته امس

.. هذا يا طويلة العمر والسلامه (مسك خط بيسولف) امس مداوم على موتري وانا ساكن بنفس الجامعة

.. الوكاد يوم طلعت من الدوام مير اركب الباص وارجع للسكن

.. جت الساعة 1 بالليل حسيت اني بحاجة أكل واطلع ادور موتري ما لقيته مير افطن اني ناسيه بالمواقف عند دوامي

.. عقبه تأكدت ان مختوم على جبهتي مفهي

.. لذلك لا تستحين ولا تحمر خدودتس اذا فهيتي ترا اي انسان فاهي ممكن يسوي انجاز ويصير مراقب مثلي

اقتباس:

لذلك بما أني مازلت نشيطه وحلوه وكل عيال الحواري حاولوا يعرسون علي قبل أبوتس بس هذا المكتوب << شكلنا دخلنا "مخرج" وغيرنا الطريق لذلك ننهي الحوار بسلام قبل ماتطلع فضايح الولاده وكيفية حدوثه قبل وبعد

هههههههههههههههههههههههههههههههههههههـ هين الحريم ما ودتس تفتحين لهن موضوع يشطحن بالسواليف لين ينشطب راسك

مير تعالي .. وين اصوت لنمبر ون

مدري وش اقول .. مبدعة انتي الابداع كله .. مهستره انتي الهستره كله .. مصلحة اجتماعية اتوقع بتنافسين فوزية الدريع ياعيوني

.. فعلاً تخلين الواحد يقرا يقرا يقرا ما تدرين الا وهو طاب على الاستديو التحليلي حق مباراة النصر وترقى فوق تتاكد انت بالنادي والا البشكة

.. حتى اشوف المستوى يتطور كتابة بعد كتابة لدرجة الاخراج تغير وكبرتي الخط وصرتي تحطين كم فيس

.. استمر فانتي مستقبل زاهر بالبشكة واتوقع اخراجتس بيتطور زيادة لدرجة يمكن تاخذين جائزة اول موضوع بالبشكة مع خلفية

تم التقييم

ايه صح بما ان معزبنا لاهي بين الحاسبات والكتب والدفاتر

فنيابة عنه اقول مثبت ونسخة للصفوة بعد اكتمال الردود

توقيع منجطل بالطاية :

كثيرة هي عقبات الدنيا كما كثرة تحويلات الرياض

كل ما عليك تبحث عن درب آخر وتواصل حياتك

----------------

31-5-2011, 8:39 PM

مشاركة رقم المشاركة : 4

الساعه

دقت ساعة الزحف

الساعه غير متواجد حالياً

الأوسمة

رد: مطلوب مُذيعات ..!

،

نامت "الساعه" تلك الليله وما زالت فكرة "قيادة السياره" تلعب في رأسها "أكس أو" مره مع والآخرى ضد .. أو دعوني أكون صادقه بشأنها .. هي مع القياده دائماً لكنها قمطت العافيه عندما سمعت رأي جدتها .. فعلى قولتها : ماينفع الوحده توّهق عمرها ، خاصة لاصارت عائلتها قصيميه ، و أن جزموا على هالقرار فأخر مُنفذ له عائلتي المصون وأن قالوا يبي يسمّحون بخاطري ولا يبون يحسسوني بالنقص عطوني السياره ربع ثانيه الا شوي أسوق فيها وأنا مغلمده بكنابل وماسكه الطاره بأصبع موب إحتراف إلا بسبة العبايه الكنبليه هههههه .. وهي في خوض التفكير مع تلميس خصلات من شعرها أو بالأحرى تفكيك العقد الموجوده فيه نامت ..

اليوم الخميس والعائله مُجتمعه لعيون الجده فقط .. كانت "الساعه بجانب أمها وتلعن الصغار مع الكبار .. فيأتي أبن أختها المعاندي ويدخل في وسط الصينيه رغبة في دحي جيوبه بما لذ وطاب .. والآبن الآخر وصل صوته لمؤذن المسجد مما جعل المؤذن يسكت 5 دقايق توقعاً منه أن نار اليمن ظهرت والناس نفسي نفسي فجحدوه ولم يُخبروه لكنه صوت أبن أخت الساعه الذي يهذري بطلاسم ليست مفهومه وأمه تُخيره من جميع الأنواع لقولها وهي تمسك بالشي :تبي هذا ؟ طيب هذا ؟ وهي لا تعلم مايريد بالضبط .. أما أبنة أخيها الدلوعه تصرخ بسبب الصارور الممسك به أبن عمتها الأخر وهو بين مد وجزر تخويفاً وترهيب .. فقامت الساعه وقالت ببرود : الله يدحر الساعه اللي أعرستوا فيها وخلّفتوا جيل فارغ الا من الأزعاج .. وهي هامه في الصعود لغرفتها قابلت زوجة أخيها ممسكه بسروال أصفر ومهروله خلف أبنها الراكض لعباً فتتمتم الساعه ب:الله يرحم أيام الملاس والعجره اللي كانوا يخلوني أقضي حاجتي مافصخت السروال من الروعه بعدها يصلاني الملاس :ليش وصخّتي السروال .. أحترت بمزاجكم

..!

وصلت الغرفه .. فتحت الشاشه لتُصادف الأخبار فكان المذيع يقرأ أهم الأنباء ومُستهلها الخبر التالي :
في بياناً صدر في يوم أمس تاريخ 1423/0/9 هـ ، أعلنت الجهات المختصه بالقرار الآتي : "من هذا اليوم السماح لجميع نساء المملكه العربيه السعوديه بقيادة السياره برخصه ومن تخلف عن ذلك من أولياء امورهن ستقام عليها عقوبه أدنها التعزير" (المذيع :هذا وقد بلّغت ..!

تشقلبت الساعه رغبة في إستيعاب الخبر .. حتى تعدلت وقالت بخبث : جدتي والله أنتس برئيه أجل بناتس يتوعدان مع بعض .. أبشري ياجده باللي يعلمتس فنون المواعده ههههههه

لبست الساعه بنطلون أخيها عندما كان يدرس في التقنيه وفنيلة أبيها التي طالما أستعملتها في مسح الزجاج ولبست نظارات ولد عمها التي أخذتها من مركى المجلس الذي في يوماً ما دخلته هي والبنات عندما خرجوا الرجال للصلاة .. فنزلت واضعه سماعات الجوال في اُذنيها وتُدندن معه .. فأتى الحرام جميعاً

مرت من عند أبيها وصوّتت له :يابوو تراي طلعت .. سحبت المفتاح وخبطت بالباب معلنه الخروج .. دخلت السياره فأذا بأبن جيرانهم "السلّم" يلوح لها بيده قائلاً :ماودتس بخّوي !.. فشخطوا على البيت والحياء معاً

فأقترح "السلّم" أن يتقهوون على معسل فراوله في مقهى على خط الرياض .. وصلوا المقهى فنزلت الساعه بتشجيع من "السلّم" وجلسوا على طاوله فطلب لهم المعسل فتقهووا وهي كل 5 دقايق تنادي :محمد تعال حرك الجمر ينعن أوم المزاج الكويس .. حتى فرغ الطعم وطلبت أخر .. طفش "السلّم" وسحبها معه للسياره وساق عنها فظلت تردد :زكرت يا"السلّم" زكرت .. مشوا نصف الطريق حتى سحب "السلّم" الفرامل بقوه مما أدى إلى سقوط الساعه عليه عندها أنتهى الأيمان عنده بدل ماكان ضعيف الايمان .. وأصبح طبلون الشهوه فُل .. فرفعها وأقترب منها حتى أنه تعدى الثلاجه من غير شعور وأقترب أكثر حتى تلامسا عندها سطع نور على السياره أثار خوف "السلّم" ورجع إلى مكانه بسرعه ورجليه من طولها مازالت في مقعد الساعه تددودل ..

أستيقظت الساعه من نومها فزعه وهي لامه لحافها على جسدها وتتعوذ من الشيطان ومن تنفيذ القرار .. فرفعت رأسها إلى الشاشه المفتوحه من ليلة أمس .. وصادفت الأخبار أيضاً وكان الخبر التالي مُستهلها << معجبتني الكلمه

إليكم الخبر :لم يتبقى شي ما أستبحناه لذلك تمت المشاوره في أمر "تقدّم الفتاة للشاب وخطبته على سُنة الله ورسوله من قِبلها ودفع المهر أيضاً" وعلى الشاب "السؤال عنها في المساجد وسؤال الجيران وشراء الجهاز وأمور العرس من ملابس نوم وثياب عزايم" ..

،
رجاءً لا أحد يشكك بجنسي ولا بعقليتي هههههههه ..مانيب زعله ولا عندي مشاعر علشان تجرحونها هههه بس أخاف أصدق كلامكم والدليل أمس يقولون وش أسمك أقول "سعد" يقولون وين تدرسين أقول "بشهار" .. هذا وأنا كل ما سجلت دخول أروح المشغل أسوي ميك أب وتسريحه وأدخل بفستان ولا أدخل الأ مفعول الشراب رايح بس يمكن الريحه يبقى منها شوي

توقيع الساعه :

آخر تعديل الساعه يوم 1-6-2011 في 4:41 AM.

31-5-2011, 10:12 PM

مشاركة رقم المشاركة : 5

Tami

من كباريه الضياع

Tami غير متواجد حالياً

الأوسمة

رد: مطلوب مُذيعات ..!

^

ههههههههههههههههههههههههههههههههههههههههههههههههه

وين عت عت يحجب الموضوع ؟؟
كل هذا تأثير أختبارات

5-6-2011, 12:36 AM

مشاركة رقم المشاركة : 6

الساعه

دقت ساعة الزحف

الساعه غير متواجد حالياً

الأوسمة

رد: مطلوب مُذيعات ..!

،

أهلاً منجطل بالطايه

اقتباس:

انا منوّل اقول هالبنت به عقل شوي

مهلاً يارجل هل انت مادح أم ذام في شخصي الكريم .! على العموم سأعتبره إطراء أطلق من مية رد صريح بالمدح .. وسأذكرك عند إحدى الخطّابات لكن أرسل لي صوره لوجهك وهو مطلي بالميك أب .. وأن لم نُجدي نفعاً من وجهك ستضطر لكتابة موضوع تمدحني فيه بلطف ورقه على وعسى تخقق فتاة تُريد إكمال نصف دينها لتأتي لخطبتك ولتكونوا أسرة وليفتح الله على قلبك بالحب والمجون << هكذا يتداعى المنفصلين مع بعضهم

اقتباس:

.. دقيقة دقيقة بسالتس سؤال .. يقرب لتس شمروخ؟

كلامك يعني أن اللون الأحمر يلبق لي .. إذا فلتطلي يوزري به << تفهم على كيفه

اقتباس:

ماش فصلاتس هذي مب بعيدة عن فصلة شمروخ اللي يقدم شكوى عشان فعالية

.. يابنت انا كنت اتوقع انه مهما فصل الانسان يبقى فيه سلك مشبوك ويصير عاقل شوي بس انتي منفصلة كل اسلاكتس

.. مابقى سلك شابك الا سلك المنطق

.. عاد وشو سلك المنطق ذا اعلمتس انا وشو

.. ماشاء الله عليتس عيّارة باسلوب منطقي

.. قولي شلون ؟!

.. الصدز اني ما ادري بس جاء ببالي كلمة منطق احسه تركب عليتس

شي جميل بأن تكون أسلاكي مفصوله .. لو هي شابكه كان جايني ألتماس .. بس الله يستر من اللي تقول عنه المنطق يمدين أفصله << تستلكع

اقتباس:

بعدين تعالي

.. وين مبلطه ولهت عليه لبا خراطيش تسبده

.. ضاق صدري وانكمش يوم دخلت موضوع ولقيت طوني ولا لقيت مبلطة

.. ما اقول الا فاقدين مبلطة لبى هي بس

هل تعلم أين هي أنها تتجهّز لحلقه أبشررر .. نعم أنها هي تلك الوجه الحسن والقوام الرشيق << وش جاب القرد للورد
في الواقع أن طوني لطيف وذوق وكلامه عسل وعندي إحساس أنه يشتغل عن زوجته في البيت ويطبخ عنها وفوق هذا كله رومنسي .. باللهي وش في مبلطه من هالصفات اللي تجذب .. دعنا من العنف ولو لفتره وجيزه لاحقين شر

اقتباس:

هههههههههههههههههههههههههههههههههههههههههههههـ منتهي هالشايب << يمون

<< فيس ابوتس وهو يصفق بعنف من بعيد ويقول بعدي يا ولدي

أنا لست ممن يكبت على رغبات الآخرين لكن عندما يوافق على سفرتنا أنا وأمي العزيزه التي بعدما علمت بسفرة أبي .. رق قلبي عليها وأقنعتها "بمعنى أخر شيشتها" بأن نذهب للأردن .. فأنا أرى في عائلتي صفات سياسيه تخدم في تحقيق التحالف أو كما قال أبي <<

اقتباس:

ههههههههههههههههههههههههههههههههههههههههههههههههههههههـ انا اغبط هالجمهور على الحب اللي فيهم

.. يابنت الحلال انا كرهت الهلال عقب ما طلع

.. صدز جمهور جمل مافي امل يتاثر

وهذا سر خسائر النصر المُتتاليه لأنهم خابرين وراهم جمهور مايكل ولايمل جمهور مُتفائل وبكل مبارأه يهايط بخشوع ويشجع من قلب .. ولا أخفي جانب التعصب الذي لا يقبل بالاستسلام << جهاد مهوب تشجيع

اقتباس:

هههههههههههههههههههههههههههههههههههههههههههـ واااااااااوتس مشهد فهاوة ذكرن بشي سويته امس

.. هذا يا طويلة العمر والسلامه (مسك خط بيسولف) امس مداوم على موتري وانا ساكن بنفس الجامعة

.. الوكاد يوم طلعت من الدوام مير اركب الباص وارجع للسكن

.. جت الساعة 1 بالليل حسيت اني بحاجة أكل واطلع ادور موتري ما لقيته مير افطن اني ناسيه بالمواقف عند دوامي

.. عقبه تأكدت ان مختوم على جبهتي مفهي

.. لذلك لا تستحين ولا تحمر خدودتس اذا فهيتي ترا اي انسان فاهي ممكن يسوي انجاز ويصير مراقب مثلي

ههههههههههه
إذاً فليسترح العدو من تدبير الخطط للهجوم على العرب .. فلو لاقيلتهم بساحه القتال أظنك تبي تمسكهم على جنب وتتكي على براد شاهي وسواليف << قسم مدري وش دخّله هههه
أنت تلّمح للون الأحمر صح ؟ من خلال نظرتكم الثاقبه تحس أن هالمنصب يصلح لي ! ترى ماعندي مانع << وش هالبلشه

اقتباس:

مير تعالي .. وين اصوت لنمبر ون

تحت اليوزر فيه عباره "ضايع جاز له الوضع" وهو مايُسمى ب"الرتبه" أكتب فيها "نمبر ون"
وحبذا لو شملتني بتكريم أو ماشابهه لو " شخص سامـ ج أو أطلقهم << هههههههه شطحت الثقه

اقتباس:

.. حتى اشوف المستوى يتطور كتابة بعد كتابة لدرجة الاخراج تغير وكبرتي الخط وصرتي تحطين كم فيس

شاكره لك جُرعه المُجامله .. بالنسبه لي ما أشوف الا قوة دحدره مع شوية فقده .. أما بالنسبه للخط والفيسات ههههههههه فهذا أعتبره تراجع وليس تطور لأن التطور يعني السرعه والتنسيق يأخذ من الوقت ماشاء << الله وأكبر يالتنسيق عاد ههههههههه .. المغزى هو إيصال الفكره والفائده وليس التنسيق والتلوين وحركات دفاتر أبتدائي << قولي العجز عافكم الله بس لاتتهورين وتقولين فائده وفكره يرحم أمتس

اقتباس:

ايه صح بما ان معزبنا لاهي بين الحاسبات والكتب والدفاتر

فنيابة عنه اقول مثبت ونسخة للصفوة بعد اكتمال الردود[/CENTER]

[/QUOTE]
ناوي يوزّع علينا المقسوم ! .. ثبت الله عقلك وكملك بأحسن صوره .. فأنا مُمتنه للتثبيت وإني لاأظنه أكثر من حقي .

توقيع الساعه :

24-6-2011, 3:29 AM

مشاركة رقم المشاركة : 7

الساعه

دقت ساعة الزحف

الساعه غير متواجد حالياً

الأوسمة

رد: مطلوب مُذيعات ..!

،
دقت القاضيه مطرقتها مُعلنه بدأ الجلسه .. ثم قالت : آنسه الساعه أدلي بدلوك
أنهض مُتجهه إلى طاولة القاضيه والبشت الأسود ترفرف جوانبه ، أضع أوراقي على الطاوله وأقول : أهلاً بالقاضيه ذات الشعر المفلفل وكأنك قاضي أوربي وأهلاً بالحضور ، بما أننا بالبشكه وكلنا يذب على الثاني بأريحيه فأنا أعتذر عن إشغالكم في قضيتي ضد المُشككه "مس تامي" فأنا سأغلق الملف وأسمحوا لي بتصوير فيديو لها يُبين أنوثتي ، وشكراً أيتها القاضيه الجميله وأسمحي لي أيضاً بإستعارة باروكتك للحفل التنكري المُقام في بيت جدتي !

أهلاً مس تامي .. ابأخذتس برحله لأغراضي أتمنى أنتس تصدقيني وإذا ما صدقتي راح أضطر أرسل لتس صورتي بالمطبخ ومتبرقعه لعيونتس .. خلينا نبدأ .. طبعاً لا تسوين قافطتني وتقولين أول دليل الشنب ! لأني أبقولتس : وريني بني آدم ماله شنب بس لاتجيبين آسيويين محرومين من الشعر نعنبو بليسهم حتى مسامات مافيه ، بس هو واضح علشاني مبطيه ماشلته تعرفين الواحد يلهى لو ماعنده شي .. طيب خليني أفتح لتس دولابي وإذا شفتي فيه تنوره قصدي ثوب أبيض والا غتره تراها موب لي

.. شوفي هه كل هالفوشي والأحمر والألوان الزاهيه لمين ! طبعاً لايهمتس تي شيرت بولو لأن الجنسين يلبسونه وقميص النصر رقم 9 هذا من أيام الصبا أحلف لتس الحين مانيب ألبسه بس علشان خاطر شي يحبونه البنات أسمه "الذكريات" .. هذي غرفتي مُرتبه "الساعه توزي الشغاله لاتطلع بالكاميرا عقب مانظفت" ونظيفه وكل شي كامل الله يكملني بعقلي .. هذي التسريحه أوه معليش هذا الديو اللي فوقها تو دخل اخوي وحطه على تسريحتي عقب ما قلت له أبسوي تقرير لغرفتي ممكن تطلع والا توزى تحت السرير فطلع وقال خلي هالتقرير برعايه "ديوأوي ألبك" .. والا أنا ما أشرب الا هلستون وأأكل كت كات .. وهذا المعلاق لايهمك "سروال السنه والفنيله" لانها سبير للبيجامه يعني ما البسها الا بالنوم .. هاه عسا صدقتي وإذا ما صدّقتي فهو نقصن بتس مهوب بي لأن الشكه ذبحتن كل يوم أسأل أمي : أنا وشو يمه !

يعني ما أدري وش الداعي أني أتنكر بفستان وردي والا شباصه حمراء لو كان أصلي ولد ، لأني إذا كنت ولد أبختار "ذكر" وأبصور لكم سيارتي وأصور صدقاي وأسترحتنا بعد ، وأتميلح بتقييمتس وأبحط صورتي بالرمزيه مره مشخص والثانيه لابس شورت بالمسبح ، وأشبّك كل البنات هنا وهناك ثم أروح للمسجد أقيم بدل المؤذن اللي لاهي مع زوجته << ولو فيك خير

اقتباس:

المشاركة الأصلية كتبت بواسطة Ms.Tami

^

ههههههههههههههههههههههههههههههههههههههههههههههههه

وين عت عت يحجب الموضوع ؟؟
كل هذا تأثير أختبارات

أول ما قريت ردتس عصبت عاد أنا إذا عصبت من مصلحتس أبعدي عن طريقي .. شكلتس خفتي << هههههه وش رايتس بالهيبه .. قلت : تباً وش هالمجتمع اللي مايرعى المواهب ويعطيها جرعت علف "مدح" هالحين غنكم تسقونها وتشرون لها علف وسوق العلف صاير تسنه سوق الأسهم مره نازل ومره طالع وأنت معه لخاطر غنكم وهن مابصدورهن حليب ولا بروسهن مخ تجاري يعّوض خساير العلف .. وحنّا يالمخلوقات الضعيفه ما تسكتوننا ولا بكلمه واااااو صدقين لو كتبتي واااااو تسان خقيت وكتبت مُعلقه فيتس مير ما أقول الا جنت على نفسها براقش .. يوم انتس تردين ولا ترفعين بي << طيب مافي مجال تعتبرونا غنم

تدرين انتس كسرتي خاطر الموضوع وأنكبت الفايده اللي فيه وأختلط مظهره مع جوهره ، تخيلي أحد يقولتس : أسمحي لنا لكن أنتي منفيه ودوري لتس على ديره تضفتس وأتركي أمتس ولمي أغراضتس وتيسري موقفتس بذيك اللحظه نفس موقف موضوعي يوم قرأ ردتس اللي لو انتس مرسلته تقييم أنفع لي من أنتس تبتزين موضوعي علناً وتخلين الكل يتشمت .. ولاهيب بعيده يجي هاللي ناديتيه ويحجبه ويحجب راعيته وأهلها والله يستر مايتحمس ويحجب الشبكه العنكبوتيه كلها أخبره قوي

خلي عنتس اللي فوق يا"مس" تكفيني ضحكتس ياجعلها دوم يارب .. ودوم شرفيني

توقيع الساعه :

5-7-2011, 12:54 PM

مشاركة رقم المشاركة : 8

الساعه

دقت ساعة الزحف

الساعه غير متواجد حالياً

الأوسمة

رد: مطلوب مُذيعات ..!

،

أهلاً بمن أتحف موضوعي .. مستر "منجطل بالطايه" و المس "تامي"
اليوم لن أقص عليكم حكاية ليلى والذئب .. اليوم مودنا غير .. اليوم سأشتكي « فيس منجطل يتسحب وأنا أتله من فنيلته وأقول : وين يابو الشباب ؟!.. وفيس "تامي" وهي تنيوم يقال أنها نعسانه وأنا اللي أكب عليها جركل موية زمزم وأرقعها بقولي : عن العين وأنا أختك « المراد أن اللي ردوا علي بحلو بي ههههههههه
أنا اليوم أبشكي أبفضفض بليز لسن تو مي "فيس يبتس" .. باللهي وش رأيكم بالمهارات اللغويه والدور الحزين .. ودكم من يرشحني لبطولة التايتنك « ههههههه ينعن جوي على هالشطحه أجل التاتنك مره وحده
تخيلوا يا أصدقاء الصفحه تخيلوا معي عدم المسوأة والأجحاف بحق بطوننا .. عندكم أمي مثلاً .. إذا سافر أبوي ، كشت أو عنده داوم ليلي .. المراد أنه مهوب معنا على العشاء .. وش تسوي أمي ؟! تفل كمومها عقب ما كانت مصفطتها قرامتن وسناعه عند دادي « أطلق أنجليزي أتحدى أحد يواجه أبوه ويقول له بوجهه "دادي" طبعاً أنا داخله ضمن التحدي ههههههه .. نرجع لموضوعنا اللي أقول فيه :يمه لاتحسسينا بالنقص الغذائي أو أننا تسلاب متى ماتعشوا الآوادم كبوا عليهم الفايض
ما علينا
أنا يا أصدقائي أبي جواب يفك حيره هالسوال .. (ليش شوارع السعوديه كلها شجر مسويه نفسها شوارع لبنان مثلاً ؟) .. أتمنى من البلديه تخفف من الزرع اللي مامنه الا الحساسيه .. خوذوا رأيي هالمره وخلونا نتميز بالصحاري علشان إذا جاء سفير أجنبي يتبوهر فيه شي غريب يخليه يسلم علشان يسجد شكر لله ويقول :الحمدلله الذي عافنا مما أبتلاهم به .. يمكن أني أضيق عليكم وتبي تقولون لي وين نحط مياه المجاري والأنهار البشريه أبقولكم :شربوها الشعب إيقالكم حاشميننا يوم أنكم تسقونها الشجر ترانا كاشفينكم واللي تحطونه بقوارير المرض اللي مسمينها "قوارير الصحه" كثروا أنتاجها وأنحلت المشكله

وأخيراً أختم فضفضتي بسالفة ذاك الشهم اللي يعشم الضعوف بأنه يبي يزورهم بمسكنهم البالي المهتري .. وتم شهر ماشافوا زول أحد .. من يوم ما وعدهم وهم زابنيين بمسكانهم .. المشكله هو ما قال إذا شفت حواق مانيب جاي لا لا بس قالي لاتحركين جايك جايك يعني السالفه ناشبه بحلقه « هههههههههه إيقالك تموهين أنتي ووجهك

،
والآن شكراً لكم يا أصدقائي .. بما أنكم أصدقائي وسمعتوا أسراري «أمحق أسرار يا علي بابا .. من يعزمني اليوم على عشاء أبو عنده مناوابه

توقيع الساعه :

6-7-2011, 1:31 AM

مشاركة رقم المشاركة : 9

عت&عت

من كباريه الضياع

عت&عت غير متواجد حالياً

الأوسمة

رد: مطلوب مُذيعات ..!

اقتباس:

هههههههههههههههههههههههههههههههههههههههههههههههههههههههههههههههههههههه
هههههههههههههههههههههههههههههههههههههههههههههههههههههههههههههههههههه
أنتي مواضيعك يبي لها فقدّة خاصة .. ولاحظي أني قلت مواضيع لأن كل رد يبي له موضوع مثبت فوق ....

أما أنا فلن أحكي لك قصة الذيب الأمعط اللي دق عالدجاج الباب وطلعوا الدجاج ملاعين جد وطقطقوا عليه لين تمنى أنه القطو اللي مقطوع ذيله بحارتهم

لكن عوضا عن ذلك اسمحيلي أن أقص لك عن شاب أشهب يدعى شهيبان لطالما قتلت فيه بروتكولات البدو وسامته الأفتراضية ، كان الوحيد الذي يلبس جنز في حارتهم

تعرّض لأتهام صريح في ذكوريته فقرر هجر الأناقة والكشخة ومعجون الأسنان للثياب البالية و لشماغ البسّاام بصمة 3 والسبحة

.
بعد شوط التميلح الطويل هذا

تنعطف القصة منعطفا خطيرا : هناك بجانب أكثر الأماكن سكونا وحياة فالرياض -طريق خريص - ساقت به الحظوظ القشرا يا الساعة بأن يدرس نيفا من عمره مع الزولة والسودانية سكّان الناصرية والكراج

غريبة تلك البقعة التى تدعى مدرسة ياساعة بالفعل غريبة وكأنها لم تأخذ من خريص سوى لقطة هليكوبترية من السماء السادسة حيث ترى الملائكة زحمة خريص مواقف سيارات لا تتحرك أبداً ..في هذه البقعة وأن (صقعتها) عشرين ساعة ، فالنوم يعود ليدب في عروقك من جديد بمجرد أن تتبدا لك مبانيها بين تلك الشوارع الضيّقة ، وكأن جدرانها الوردية (بالله ياوزارة التعليم ليه ثانوية عيال وحاطينها وردي بالله هههههههههههههههه ) وكأنها تشربت كل النوم اللي فعيون السودانية اللي يدرسون فيها وهم كثر على فكرة .. وكتلك المباني تشربت أنا هذه العادة البغيضة
وها أنا سحبت عليك ..فلاجديد .. لكن اغفري للعرق السوداني والكسل .. فلا عذر لي !!

لتعرفي أني سأعود لكل كلمة في موضوعك الذهبي هذا لكن بعد تتويجك في موضوع كان يدور تحت ظل بيروقراطية أبو نواس وأبشرك تم على خير

توقيع عت&عت :

مواقع النشر (المفضلة)

« فيولا و سبستيان<<شكسبير متكي بداخل | ترقيّات البشكة ..! »

الذين يشاهدون محتوى الموضوع الآن : 1 ( الأعضاء 0 والزوار 1)

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الساعة الآن بتوقيت الرياض : 8:36 AM

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25