الجوله الأصلاحيه - الصفحة 2

قائمة بأسماء الأعضاء المهشتقين في هالموضوع :
اكتب أسماء الأعضاء اللي ودك تهشتقهم في هالموضوع وافصل بين يوزراتهم بفاصلة زي كذا : فالكم طيب، منجطل بالطاية، فارس، رماد انثى All Friends

30-4-2011, 10:47 AM

مشاركة رقم المشاركة : 11

شخباري

سنعه وشقرديه

شخباري غير متواجد حالياً

الأوسمة

رد: الجوله الأصلاحيه

ههههههههههههههههههههههههههههههههههههههههههههههههههههههههههه
الساعه الله يرجتس يالمهبوله

ياحبي لتس ايه نبي تسذا مو عتعت المخنز اللي كل ماندخل
البشكه نشم ريحة فطايس ؟

والله يالساعه من يوم قريت حبتس للزفلت وتصويرك للموقف
دريت ان عندك كمية عياره جميله

لكن اعذريني تراي كمخه نفس اللي فوقي كنت اقرى اسمتس
علوش

لكن قبل كل شي .. لحظه ياعتعت

لحظه يامنجطل

لحظه ياطاحس

مبلطه حبيبتي انا

لبى قلبها

ولبى عريضة المنكبين

<<وش وضعتس انتي

شوفي يالساعه صحيح ان مبلطه غاديه تقل غساله بس ناقصها لي

وصحيح انها مكربنه لاتنفست يطلع من خشمها دخان اسود تقل شكمان تريله

لكن تنحب فديت روح الحميه فيها

وقبل كل شي بعد تراي من اليوم احاول اقتبس لين طفشت وهنق استيعابي

فاحمدي ربتس على النسخ
واللصق

في الصباح دخلت "مبلطه" على غرفتي عن طريق النافذه التي أصبحت باب مع مرور "مبلطه" عبرها .. لأن من الخطر أن يراها أهلي عندي .. لقولهم بإنها ليست كالبشريه .. دخلت علي بهجوم فطاحت بلكه من حافه الجدار .. رصيت أسناني وقلت لها بحذر : على هوينتس يا"مبلطه" خفي على الجدار خف عقلتس ، تخيلي لو أحد من أهلي قايم وسمع هالصوت همن دخل علي وشافتس وش موقفتس .. ردت علي بمزاج رايق على غير العاده : تسألينن عن موقفي أتوقع ابصرخ وأقول (لااااا كشفتوني ، عدّو من جديد يالغشاشيين) .. بعدين الله و أكبر يا"الساعه" من تهابين أبوتس اللي يدخل من تحت الباب مايرده الا كرشته والا تسان تلقينه الحين باسط معنا هالقزم .. والا أمتس اللي لو تحاول من اليوم إلى يوم الدين مادخلت من عند الباب من طوله .. والا اخوتس على طاري أخوتس أتمنى تكشفون عليه هو اللي فيه "ضعف نظر والا عما!" أجل هكا اليوم يدخل علينا ويقول :"الساعه" عندتس أحد ؟! وتقولين له : هاه لاا ..."أنتي بتكملين وترجينه مايقول ل أحد إني عندتس على بالتس أنه شايفن الحين" وهو من الخبه قال : طيب ، أنزلي العشاء .. وطلع .. وأنا واقفه بجنبتس كبر الايحه هههه ولا شافن ، لدرجة أول مره احس أني وذفه ولا أنشاف .. ياشيخه روقينا .. على فكره ترآ اليوم أباخذتس لجوله على هالعالم التعبانه ، نبي نشوف وش عند الخلق من مشاكل ونحاول نحلّه ، وش رايتس ؟ .. إيه ما عندي مانع إن كانتس تبي تفرجين بس تحلين مشاكلهم ، أسمحي لي رحله موفقه بدوني .. لا لا ما عليتس موب صاير الا اللي يرضيتس قومي تولمي بس

ههههههههههههههههههههههههههههههههههههههههههه
تدريين يالخبله ليش مايرضون يخلونها معتس اتوقع انهم شاكين انها رجال

وماهو اي رجال ..
رجال مكبوت جماحه عشان كذا صار ماينعرف وش جنسه وشو تصنيفه

فديت قلب مبلطه الزاحفه

الحين يالساعه وراتس ساكته على التسفيل ؟ ياخي
مدافعه عن القزم وامتس الفرعونيه الطويله

كانت قدم "مبلطه" مُمتده في تحت العتبه الأولى مما أدى إلى سقوطه .. نظرت إليه بإستحقار وهي تقول :يا قوي أحمد بكلمه تطير له وهالمسيكينه بكلمه تطيّر خدها ، حاول أن ينهض لكن "مبلطه" رفسته من بطنه وأكملت: ماله داعي تكلف وتشرح لها الموضوع بحذفيره "ابروح مع طريق .. وابوقف عند إشارة .." لو قلت لها طالع ابخلص شغله وراجع ، ما اخذت من وقتك وملكة رضاها .. حاول النهوض لكي يلكمها ويُسكتها لكن "مبلطه" تداركت حركته ورفسته من بطنه حتى سقط مرةً أخرى وأضنه يأس ، دخلت "مبلطه" لزوجته المنهاره فرفستها هي الآخرى وقالت :هذا اللي قدرتي عليه ! سيناريو كل صباح هذا حاولي تغيرينه أعتزي بنفستس لو مره بإمكانتس تخليه يجي لمتس لو أنتي نايمه ويقول لتس وين بيروح ، مير ماش مهنا سنع ، حاولت هي النهوض بشموخ ، فرفستها "مبلطه" من بطنها قاله :كلكم تسذا حقن !

هههههههههههههههههههههههههههههههههههههههههههههههههههههههه
يلعن بليسك يامبلطه مشهد المرافس هذا ولا مشهد بمسلسل لوست الشهير ؟

يابعد عمري يامبلطه ارفسيني ارفسيني تكفين ابغى لو رفسه من رجلتس

تعجبيني يعني مهما كان تحسين ان فيك هرمونات انثويه ؟ وانك ترجعين لجنس النثى بلحظه من اللحظات

ودافعتي عن المرأه المغتصبه كرامتها من قبل الرجل الحقير ؟

معليش يا"عمي"ماشفتك لكن الصدق انك أنت اللي ماشي غلط .. مشى من دون تعليق وعيانه لم ترتفع .. عصبت "مبلطه" ولفته عليها قاله :وين يبو ! اقولك انت ماشي غلط تأسف قبل ماأذبحك بمكانك .. رفع رأسه مبتسم وهو يقول :طيب الصلخ وين بيكون هاهاها! ok هدي واسمعي هذي يقولتس [مطيري قام نص الليل على صراخ الجيران طلع قال وش فيه.؟ قالو في تسمم في خزانات المياه رجع بيته سألته زوجته وشفيه.؟ قال مافي شي إشربي مويه ونامي] هاهاها قويه صح !.. الله يمصلك يالشايب أجل ماسك لي بلاك بيري وتنكت علي أنت المفروض تمسك وايت بيري ، يالمراهق أستح من الله وخلقه أجل أحفادك وش ماسكين دامها خاربه مع الجد ، بكرا اشوفك ماشي بسيكل ولابس طيحني انتي ولحيتك أقول أستح وأحلقها كأنك بتبتل على هالحال المُؤسف ياحيف والله على جد بهالشكل لو أنت جدي كان اشتكيتك لحقوق الأنسان وقلت لهم يبدلونك ، صراحه ودي أطلع حرتي فيك بس محلوفً علي ما المس بزران

ه

هههههههههههههههههههههههههههههههههههههههههههههههههههههههههههه
ياهي ذبه ملعونة جدف ..

ذبه تخلي كل سامج ينطم ويبطل يصدر سماجات تحمض تسبود العالم

لكن يامبلطه ياقلبي ماتحبين البي بي علميني عشان ابطل مااشتريه ؟

انتي بس امري
وانا انفذ

بس قولي ابغى وانا اقول حاظر <<<اعوذ بالله مني

اما بالنسبه لاخوتس ياالساعه .. اتوقع انه شايف .. وعارف .. مبلطه .. لكن واضح انه قامط العافيه ؟

اتحداه يجي يقولها وش تسوين هنا ..

لكن مدري ليه احس بينه وبين مبلطه قصة حب

الساعه

يافديتس وسعتس صدورنا .. الصراحه عياره .. باصلاح مدري وش لون قايله

لا يسعني الا ان اقول تقبلي ردي الماصل

اللي من مصالته غطى على سماجة عتعت

ودشارة منجطل

وحقارة طاحس

يعطيتس العافيه

توقيع شخباري :

النت عندي يكح ! نظام طفو البرودباند وارجعو شغلوه ؟

30-4-2011, 6:38 PM

مشاركة رقم المشاركة : 12

الساعه

دقت ساعة الزحف

الساعه غير متواجد حالياً

الأوسمة

رد: الجوله الأصلاحيه

،
من أمس و"مبلطه" مسطله عند الشاشه وتسعبل .. أنا في البدايه أخبره تحط وتسفل با"الزواج البريطاني للأمير ويليام وكيت"ومن زود المسخره عقب صلاة الفجر مانامت تقول :نبي نشوف وش عنده السنجاب زودً بيحطه في عرسه ، أجل لو أدخل إستراحة عزابيه والا إستراحة مطاوعه السالفه وحده "زواج ويليام بكيت"الله يمصلهم فشلونا تقل أول مره يشوفون سنجاب يعرس على مومياء متحركه .. بدأ الزواج وكانت قدام الشاشه مُباشره حاجبه الرؤيه عن راعين الشاشه هالبجيحه .. وأبوي المسكين يقول :وخروا الدولاب عن وجيهنا خلونا نشوف وين وصلوا <<واضح ابوي يحتري شي .. أما "مبلطه"نازله بصالتنا لان ماعندنا شاشه الا في الصاله وقالبه روحها دولاب .. مشت على اهلي .. وهي إلى يومكم مارقت لغرفتي اللي يدخل علينا يقول بيرحلون منزلين دولابهم بصالتهم .. كل الزواج ما أعجبه بس عقب "القُبله" وهي موب لم الدنيا .. لذلك ابستغل غيبتها اللي اتوقع تبي تطول إلى ماتطمن أنهم جابوا عيال وأستقروا بحايتهم ولا أحد نضلهم .. وأنا فاتحه مُذكراتها اللي تكتبها في جهازي لقيت لها سالفه مع أبوها وأمها .. لعلها تجبر عدم مقدرتي على الرد لسببين الأول :إن "مبلطه"موب معي لاتحسبون أني لهدرجه ما أستغني عنه لا بالعكس بس لأنه ماسكه علي شي وحالفه تكتبه هنا إذا رديت وهي موب عندي .. والثاني :أن عندي إختبارات كل هالأيام .. إليكم السالفه :

"مصائب قوماً عند قوماً فوائد" ف أبي بعدما كان يبثرنا بوجع ضروسه الذي يُعيقه عن تلبيه حاجات أسرته بدوره رب اُسره ناجح و عملي ويسعى ليعيش ابناه .. فيقول بأسف : ي بنيتي ما اقدر اوديتس ضرسي مستلج و لا اقدر ادوس فرامل << لاقينا يبه تهك عليناأجل تدوس فرامل "فرامل يمين والا يسار بعد ! .. إستشارت عليه أمي البريئه بقولها : رح عالجه بتبتل على هالحاله يعني ! .. قال أبي بترفيع لنيل ما يريده قالاً : صح جبتيه من بكرا ابحجز لسوريا علشان أعالجه هناك يمدحون دكاترتهم .. أستطردت أمي بقولها : وشوله العنوه قدامنا مستوصف الحي ، بعدين أم جيران أختى"سفهه" ، سوريه جايه تعالج هنا دليل أن ماعندهم دكاتره .. قال أبي بخيبه : تقولين اختس"سفهه".. آخ ليتي داعسه يوم أنزلكم للأستراحه وأريوس وهي وراي ، أجل أحد يوقف يسلم بالشارع تقل لا دخلتوا مانتب متشاوفين من كثر الحضور ماتسن بالعشاء يقلط معكم الحارس من قلكم ، ماأقول الا الله يفرجه وتلحقين أختس"صفحه الله يرحمه"ليت أمتس ماجابت الا هي وباقي الليالي مسقيةً أبوتس هستوب ونايمين بركاده .. الآن أبي ما عاد يجيب طاري سوريا ولا عادت ضروسه توجعه .. مدري هو ذال من أمي والا من بشار الأسد !

ظنتي أن هالسالفه ماعوضت ، الا زادت الطين بله

.. الله يفشلتس يا"مبلطه" بليله عرستس

2-5-2011, 10:27 AM

مشاركة رقم المشاركة : 13

الساعه

دقت ساعة الزحف

الساعه غير متواجد حالياً

الأوسمة

رد: الجوله الأصلاحيه

،أستعادت "مبلطه" وعيها وصعدت إلي مهروله عندما وصلت إلى باب غرفتي وقفت لان أبي غرد خلفها بقوله :هو !! "الساعه" .. فخرجت من غرفتي وأنصدمت من وجود مبلطه مع أبي .. رديت على ابي بذهول : سم ! .. قال :ليش رقيتّي الدولاب ثقيل عليتس يابنيتي .. قلت له :لا لا ماعليك يكفي أني أبوك رح نم وانا اتصرف فيه << من قو الربكه .. ذهب أبي فإذا بأمي تقول لي :هو ! الساعه ليش رقيتّي الدولاب ثقيل عليتس يابنيتي .. قلت له :لا لا ماعليتس يكفي أني أمتس روحي نامي وانا اتصرف فيه .. ذهبت أمي خلف أبي .. وقلت ل"مبلطه" :أدخلي بسرعه لايكون صدقتي أني أبشيلتس! .. ردت علي قاله :لا بس اصبري يمكن أخوتس يجي بعد ! عاد أخوتس خابرتن بثارته .. دخلنا حتى قالت "مبلطه" آخ يا"الساعه" مدري وشلون سووها قدام الخلق كذا ، أستغفر الله لو حاطين عندهم سرير ما عاقت معهم تسان فلووها ، ابتسمت وسرحت في نرجسيه مُلقيه برأسها على الجدار .. فناديتها خشية عودة الحاله لها وأتأخر على الرد .. لم تُجب .. ثانيه ولم تُجب .. في الثالثه قلت خليهم ينفعونتس أبرد على "طاحس و شخباري" هه لاتقولين ماقلت لتس .. أستدرت قاصده المكتب لفتح الاب فأذا بهاجالسه لاأعلم من اين مرت .. حتى ظننت أنها من مصاصين الدماء .. فتحته وهي تقرأ الردود مُبتسمه وتتمتم :يووه ياخزياه لهم يومين العتب عليتس يالساعه .. نظرت لها هامتاً بالكلام .. فإذا بها تسكتن قاله :يالله يالله خلينا نرد ...

،
طاحس

اقتباس:

الله يعطيك الف عافية يالساعة على هالموضوع اللي كلمة بطل قليلة بحقه , بس عندي ملاحظة بسيطة خبرك حنا شعب يحب يبدا بذكر العيوب قبل الاشياء الايجايبة

والله مهوب انتقاد بقدر ما هو استفسار .. هل الموضوع قصير وكتبتيه وواحد يلحقك وحالف عليك الا تخلصين بسرعة ولا ان اسلوبك التشويقي والاستدراج الغير طبيعي في حبك القصة خلانا نشوفه قصير ؟؟؟ في كلا الحالتين ما اخفي ان كل حرف بالموضوع شدني اقرا اللي بعده وما دريت الا اني طاب في رد عتعت السامج ههههههههه ( عتعت من كثر حقدي عليك احس اني غيران منك بشي .. وش انت مسوي بس من وراي علمني

)

الله يعافيك .. ما أخفي عليكم قصر الموضوع كان بسبب العجله عافكم الله منها .. جت معي الفكره فحبيت اطرحها هنا .. اسبوع وأنا كل يوم أكتب حرف في القصه .. مايمديني أسترسل الا أكون"دايخه ، أبطلع ، مشغوله" لذلك قلت لو خليتها أبحذفها والعن الساعه اللي فكرت فيها .. فتوكلت على الله وغمضت عيوني و"اعتمد المشاركه"كنت ابشوف وجهات النظر .. ولا اخفي اني تحسفت يوم شفت الدعوه كذا .. قلت يستاهلون أكثر من أسبوع وتفريغ وتعب ..
،

اقتباس:

قبل ما ننزل ونفصفص الموضوع سوا بقولك على شغلة , في ردي الاول ما ذكرت اسمك بس اكتفيت بقول "صاحبة الموضوع".. اولا اعتذر وثانيا اقولك لاني الصراحة ما عرفت اقرا اسمك لان خبرك ثقافتي الانجليزية ما تساعد

يوم قريت الموضوع استنتجت اسمك وبديت اطابق الاسم اللي استنتجته مع حروف يوزرك وبالفعل اكتشفت ان يوزرك هو "الساعة"

<< لا والله ما يحتاج تقولين وش هالذكاء يلعن شكلك

هذي ثاني حركه تسويها بي وبا"مبلطه" لذلك ال500 تبي تتضاعف وتصير 1500 والله يعوضك خير .. ويزيدك تدهور بالانجليزي ويزيدنا تعويض منك
،

اقتباس:

تقول ام كلثوم (حب ايه اللي انتا قاي تؤول عليه) اسمحي لي يا كوكب الشرق احرف بمقولتك شوي واقول ( انوثة ايه اللي انتي جياة تؤولي عليها )

والله يالساعة ما بقى الا تقولين وتخفف شنبها عند حلاق سوري في اخر الحارة

معليش بس انتي لاحظتي ان العيال قبلي منجطل وعتعت رايحين وطي مع مبلطة وانا نفس الشي يعني ترانا من جمهورها فما نرضى عليها تواجه هالذب والانتقاص من انوثتها بهالشكل عشان كذا نطالب باعتذار رسمي لمبلطة

ولا ترا بنمسح بك البلاط < اعصابك يالحبيب

تقول مبلطه :مايحتاج ياالحبيب تأخذك العزه بالأثم .. بأسم أنك تدافع عنّ .. أنا والساعه كاتبين الموضوع سوا يعني معجبني الوضع .. لاتحاول تزعزع العلاقه << البنت من زمان ماتضاربت مع أحد قصدي ماضربت أحد
،

اقتباس:

بس قوية ترا ما بهالدنيا ثور الا انت واشكالك يعني وش قصدك اي واحد يدخن ثور

تراك تسبين الحين نص الشعب فاطلب منك للمرة الثانية تقدمين اعتذارك الرسمي لجميع اخواننا المدخنين الاعزاء

< مسكت على الاعتذارات لا تشرهين

تقول مبلطه : وتدعي أنك من جمهوري .. أسمح لي بس أنت خارج الفانز .. لأنك إذا كنت من الجمهور إحتمال أصير من حظك في المستقبل فأنا أبي اللي يعيني على الهدايه ما أبي واحد إذا قلت له :تاكتن ضيقه الصدر يضيق صدري زياده بزعم أنه يخفف علي ويمد لي سيجاره ويقول :ترآ الدنيا ماتستاهلش .. للمعلوميه ترانا نعيش الدنيا بتفاهته علشان نحصّل الآخره << مبلطه شايشه لا توقف بوجهه بمثل هالأمور
،

اقتباس:

ايه ايه تكفون تولجو هالشايب خلوه يستحي على دمه انا ما رافع ضغطي بهالحياة الا هالبلاك بيري وخاصة لا طاح بيد بزر وسوا في امها مشبك نص بنات الرياض

انا مدري من ضاحك عليهم وقايل لهم انكم تملكون اكبر كمية خفة دم بالشرق الاوسط يا ان فيه سماجة يطقون اصبع لعتعت <<

أجل صديقة أمي معها بلاك بيري .. وصديق أخوي اللي بالابتدائي معه .. تخيل عاد يكلمون بعض وهي تقوله :هاااايو .. ويرد عليها :هلا بالقمر هلا ، لاتسألييني ويني فيه كل ذيك الفتره لأني بلش أقنع أهلي أني ماراح أعرس الحين ، ولهيت عن تفعيل الخدمه <<وهو أبوه حالفاً مايفعلها له الا إذا سمّع قرآن للأستاذ .. وتقوله :ياقلبوو الله يكون بعونك على هالأهل الهمجيين اللي همهم العرس << وهي توها خانقه ولدها بسالفه العرس ... الخ .. وتصير بالبلاك هي ليدي وهو زكرت .. فيه أكثر من كذا مسخره يا عالم !
،

اقتباس:

وانا صراحة انسان اخاف على برستيجي الداشر مابي اكون مصلح اجتماعي اخر عمري هههههههه عشان كذا اقولك خلي الشعب يفلها دخان وشراب وبلاك بيري ترا الدنيا فانية واثنين في اربع ثمانية < طلعت حركات النظيم

تقول مبلطه :يعني ماينفع بكم يالدشير .. مع أني أستحقر اللي يسوون حركات مراهقين .. بس الزمن يفرض .. عطني ال BIN بتاعك و وشو نوع الدخان بلا في شكلك
،

اقتباس:

الساعة
والله لياقتي الكتابية في الايام اللي راحت لك عليها والكل ملاحظ لكن موضوعك ذا اجبرني اكتب رد واحاول اعطيه حقه مع اني داري اني شوهت الموضوع بهالردين لكن احب اقولك طرار ويتشرط احمدي ربك عطيتك وجه

تقول مبلطه :ليش شايف خويتي قاضبه عباتها وباسطه قدام مسجدكم قال أيش قال طراره هه .. وتراي ما أرضى عليها المنّه لذلك إسحب ردك <<لأنها متأكده إن خاصيه التعديل راحت عليك
،

اقتباس:

يعطيك الف مليون عافية على هالطرح

وواصلي تكفين حتى لو بردود ولو تبين اكلم الادارة واقردنهم يسوون لك مدونة ما عندي مانع (على اساس المدونات بفلوس الحين انت وعرضك البايخ

) بس اهم شي لا تحرمينا تواجدك وعيارتك اللي افتقدناها خاصة بالجنس الناعم لاني مقتنع ان كل البنات سامجات ومابي اقولك اني غيرت هالراي صراحة هههههههههههه لا زلت اقول هالشي لكن وجودك انتي اعتبره استثناء كنا محتاجين تواجده

[/QUOTE]

الله يعافيك ..
تقول مبلطه وهي رافعه ايدها بوجهك :أقطع وأخس ياطارق العلي فرع الضياع .. وش عند جنسك من علوم يوم أنك تبز بهم .. سكتنا يوم قلتوا أننا ماندل المطبخ ولا نعرف نسوي تبوله و ورق عنب .. بس تجينا تقول سامجات ما والله وصلنا مفهوم السماجه الا من جنس الضبان لاشكل ولامضمون الله يرزقنا الصبر والحلم عليكم

شرفتني و ماعليك من مبلطه أحياناً تفقد أعصابها وتقول الأشياء المكبوته بقلوب البنات << على أساس أنتس كحلتيه

2-5-2011, 10:44 AM

مشاركة رقم المشاركة : 14

الساعه

دقت ساعة الزحف

الساعه غير متواجد حالياً

الأوسمة

رد: الجوله الأصلاحيه

أهلاً أهلاً مابغيتي تنورين الصفحه يابنت

اقتباس:

علوش

هههههههه يالليل ذا الأسم .. أتوقع أني ابغيره بس أشك أنكم تحاولون تهجون الحروف .. <<مبلطه : معليش يا الساعه بس تراتس فاشله بكل شي حتى أختيارتس للأسم يعني يكفي أنه سقيم كاتبته بالانجليزي الله يجبر باللي علمتس الحروف الانجليزيه لانه عقد العالم بسبتس .. أنتي ماينفع الا تنامين لا تعلّمين شي .
،

اقتباس:

لكن قبل كل شي .. لحظه ياعتعت

لحظه يامنجطل

لحظه ياطاحس

مبلطه حبيبتي انا

لبى قلبها

ولبى عريضة المنكبين

<<وش وضعتس انتي

على هوينكم .. لاتماسكون شوش على شي مايسوى .. اولاً مبلطه موب شي صغير يعني تقاسموه يبي يكفيكم ويزيد واللي يزيد نعطيه الزوار <<"مبلطه" لحمه انا توزعينن ياحقيره .. ثانياً الشرع حلل أربع وأنتم على قد الشرع << "مبلطه" وش زود زهره تعرس على 5 مير أنا اهون
،

اقتباس:

شوفي يالساعه صحيح ان مبلطه غاديه تقل غساله بس ناقصها لي

وصحيح انها مكربنه لاتنفست يطلع من خشمها دخان اسود تقل شكمان تريله

لكن تنحب فديت روح الحميه فيها

ههههههههههههههههههههههههههههههههه قسم بالله جبتيه .. ياعيني عليتس يا "شخباري" أطلق ذبه سمعته بحق مبلطه .. خلاص انا ابسميه الغساله هههههه
،

اقتباس:

ههههههههههههههههههههههههههههههههههههههههههه
تدريين يالخبله ليش مايرضون يخلونها معتس اتوقع انهم شاكين انها رجال

وماهو اي رجال ..
رجال مكبوت جماحه عشان كذا صار ماينعرف وش جنسه وشو تصنيفه

فديت قلب مبلطه الزاحفه

الحين يالساعه وراتس ساكته على التسفيل ؟ ياخي
مدافعه عن القزم وامتس الفرعونيه الطويله

تقول الغساله :أجل أول شي تشككين خويتي بجنسي همن تقولين يالباه .. متناقضه أنتي ومُتذبذبه نفسياً ويبي لتس دكتور بيطريه
أنا :عادي تسفيلتس على قلبي زي العسل زيدي زيدي .. وبعدين أنا تحسبينن ملوسنه زي الأخت اللي فوقي !
،

اقتباس:

هههههههههههههههههههههههههههههههههههههههههههههههههههههههه
يلعن بليسك يامبلطه مشهد المرافس هذا ولا مشهد بمسلسل لوست الشهير ؟

يابعد عمري يامبلطه ارفسيني ارفسيني تكفين ابغى لو رفسه من رجلتس

تعجبيني يعني مهما كان تحسين ان فيك هرمونات انثويه ؟ وانك ترجعين لجنس النثى بلحظه من اللحظات

ودافعتي عن المرأه المغتصبه كرامتها من قبل الرجل الحقير ؟

أنتي اللي ذبي وسفلي فيني .. بس أعرضي مشهدي لمخرج الملسلسل أغديه يعجبه المشهد ويخلين أمثل لو بدور غوريلا سكران يتطايح على اللي حوله همن يجي "سوير

" يبي يشوف وش سالفتي وأطيح عليه بحجه أني سكرانه وأخذه وأطير أنا وياه وأرجعه لديرته وهو طبعاً بما أنه رجالاً شهم بيكون ممنون لي وبيعرس علي بعدين أتحول من غوريلا إلى فتاة لطيفه وجميله كسندريلا بالضبط .. وخلي كيت تشبع من جاك
،

اقتباس:

اما بالنسبه لاخوتس ياالساعه .. اتوقع انه شايف .. وعارف .. مبلطه .. لكن واضح انه قامط العافيه ؟

اتحداه يجي يقولها وش تسوين هنا ..

لكن مدري ليه احس بينه وبين مبلطه قصة حب

جايز ليش لا .. خصوصاً أنه مره جاء يقولي حلمه يقول :تذكرين صديقتس ذيك الكبيره اللي أبوي وأمي فرقوكم من بعض .. أمي وأبوي قااسين .. تخيلي تجيني بالحلم وأقوم مفزوع واقرأ وردي وأنفث عن يميني وأشوفها بس صدق من قال خارقه << عاد مدري هو عازمها بتالي هالليول ويموه لي والا الولد صادق !
وهي هالأيام تسمعني أغنيه أروى "خلونا خلونا" << حتى ذوقها خايس .. توقعينها تلمح !
،

اقتباس:

الساعه

يافديتس وسعتي صدورنا .. الصراحه عياره .. باصلاح مدري وش لون قايله

لا يسعني الا ان اقول تقبلي ردي الماصل

اللي من مصالته غطى على سماجة عتعت

ودشارة منجطل

وحقارة طاحس

يعطيتس العافيه

[/QUOTE]

الله يوسع صدرتس بذكره .. شفتي تقولين "مدري وشلون قايله" يعني مطاريس وحواق مجمعتها مبلطه وبازتن بها هنا ياوسع وجهها ذا الآدميه
شرفتيني والله .. أي مصاله يرحم والديتس كل هالعسل اللي يقوطر من حتسيتس وتقولين مصاله أجل وش أقول عن قصتي !

2-5-2011, 10:50 AM

مشاركة رقم المشاركة : 15

الساعه

دقت ساعة الزحف

الساعه غير متواجد حالياً

الأوسمة

رد: الجوله الأصلاحيه

،
ههههههههههههه يلعن أم الجو اللي تعيشينه يا "الساعه"
أجل ردودك أكثر من ردود الأعضاء .. اللي يدخل يحسبتس فاتحه مدونه

^ أقول لايكثر .. وأحب أشكر كل اللي قيمني وأقوله نردها لك بالأفراح وإن كانك تبيني أردها لك الحين .. كم تدفع ؟! << شغل زيود يا هانم

صفحة 2 من 2

مواقع النشر (المفضلة)

« Humanity against the robots | وليام : معكم سَلَف يالربع ؟!! ( حوار بشكاوي) »

الذين يشاهدون محتوى الموضوع الآن : 1 ( الأعضاء 0 والزوار 1)

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الساعة الآن بتوقيت الرياض : 8:34 AM

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25