إنزل دف يا ولد ( حوار بشكاوي )

قائمة بأسماء الأعضاء المهشتقين في هالموضوع :
اكتب أسماء الأعضاء اللي ودك تهشتقهم في هالموضوع وافصل بين يوزراتهم بفاصلة زي كذا : فالكم طيب، منجطل بالطاية، فارس، رماد انثى All Friends

28-1-2011, 5:33 PM

مشاركة رقم المشاركة : 1

فالكم طيب

مستشـار الضيـاع

فالكم طيب غير متواجد حالياً

الأوسمة

إنزل دف يا ولد ( حوار بشكاوي )

إنزل دف يا ولد ( حوار بشكاوي )

عدنا و العود أحمد

بحوار بشكاوي جديد ، شوفوا هالطيارة ...

هذي طيارة ايزي جت ، طيران اقتصادي في بريطانيا يعني كوّيس و رخّيص ، شايفين شيء خطأ في الطيارة؟

لا تتعبون نظركم لأن ماراح تشوفون شيء ، مع إن فيه شيء خلا الطيار يقول لبعض الركاب الله لا يهينكم انزلو علشان نقدر نطير

في البداية طلب من الركاب من خلال مكبر الصوت : نبي37 راكب ينزلون

أحد العيارين التفت للي جنبه و قال له : وش عنده الكابتن ... يبينا ننزل ندف

طبعاً بعضهم زلايب و نزلو علطول و عددهم 6 من الزلايب و فيه مشكلجيه عيو ينزلون و لا بالشرطة

اتوقع إن الشرطة يوم جو ينزّلون الركاب اختارو الدببة

ايه صح نسيت أقول لكم وش السبب إن الطيار يبي ينزل بعض الركاب قبل لا يطير ، السبب بسيط ... الطيارة ماراح تقدر تطير بسبب الوزن الزايد ، مهوب بسبب الركاب لكن بسبب البنزين

الدلخ اللي معبي الطيارة بنزين عباها فل

بزيادة عشرة طن عن المفروض و يوم ركبوا الركاب اكتشف الطيار ان الوزن زايد

نزلو 37 راكب بالقوة

لكن أبشركم اعتذروا منهم و عطوا كل واحد مبلغ 250 يورو ( 1250 ريال ) كتعويض و تطييب خاطر

الحوار :

هل تتوقعون إن العامل اللي عبا الطيارة كان يكلّم أهله في بنجلادش و هو يعبي و لا انتبه الا و الخزان فايض؟

هل الطيّار غبي يوم ينزل الركاب ، بدال ما يطلب لي و يشفط شوي من البنزين في برميل ؟

لو كنت من ضمن الركاب ... بتنزل علطول و إلا بتستقعد لهم ؟

لو كنت في هالطيارة هل بتخاف إن الطيارة ما تطير و إلا تصقع في أقرب عمارة ... خاصة إذا كان الدب اللي جنبك من ضمن اللي عيوا ينزلون ؟

و هل لو كانت الحادثة عندنا بيعطون تعويض 1250 ريال و إلا يكتفون بعصير سنتوب حار مع سندويتش بايت

و أخيراً .... ما رأيك في مقولة ( الرخيص مخيس ) ؟

انطلقوا ... و لكن تذكروا إننا في البشكة فلا تأخذوا الموضوع بجدية

توقيع فالكم طيب :

28-1-2011, 5:54 PM

مشاركة رقم المشاركة : 2

نسيان

مشرفه سابقه

نسيان غير متواجد حالياً

الأوسمة

رد: إنزل دف يا ولد ( حوار بشكاوي )

أولييييييييي

أول شئ يآهلآ واللهٌ
ثاني شئ موضوعكُ جآز لي الصرآحـهٌ فكرت بعمق بالطيآره

أول شئ أكتشفته أن الجناحين قصيره هههههههههههههههههههههاي والله جد دققو...
وحقتُ المكينهُ اليسآر الأورنج قلت كبير بيزيد الوزنُ ههههههههههههههههايُ
نجي للآجوبهٌ ,,,

هل تتوقعون إن العامل اللي عبا الطيارة كان يكلّم أهله في بنجلادش و هو يعبي و لا انتبه الا و الخزان فايض؟

أبصملكٌ بالعشرهٌ أن أليُ وسطُ رآسـهُ (درج ) مهوب عقلٌ

هل الطيّار غبي يوم ينزل الركاب ، بدال ما يطلب لي و يشفط شوي من البنزين في برميل ؟

بهذي صدقت. على مآقآل المثل ثور(ن) أنببببببببببببببببببببطٌ

لو كنت من ضمن الركاب ... بتنزل علطول و إلا بتستقعد لهم ؟
أول شئ ماراح أنزل من بآب المهآيطُ ومـنٌ بآب ٌ أنهمُ يعدوني تعويض بأستقعد لين اطلع من خشمهمُ

الصرآحه إيييييييه وبشششششدهـٌ آخآف تبوش علينا ولآ شئ ماتسوى حيآتي غآليه

والدوب بآرجفه وانزل انا عآيزززه أعيشششش

و هل لو كانت الحادثة عندنا بيعطون تعويض 1250 ريال و إلا يكتفون بعصير سنتوب حار مع سندويتش بايت

حتى السآندويشتُ طـآل عمررركٌ ماهقيتُ يمدونـهآ ....

و أخيراً .... ما رأيك في مقولة ( الرخيص مخيس ) ؟

مقوله صآدقه بجدددددُ

آبو الطيبٌ موضوعَ خفيف لطيفٌ جميل قدددددنُ

بيض الله وجهكُ
دوك >

توقيع نسيان :

يقول الشيخ المغامسي حفظه الله:هذاالدعاء يُشترى بماء العينين:
[اللهم إن في تدبيرك مايغني عن الحيل,
وفي كرمك ماهو فوق الأمل وفي حلمك مايسد الخلل,
وفي عفوك مايمحو الزلل ,اللهم فبقوة تدبيرك وعظيم عفوك وسعة حلمك وفيض كرمك
اسالك ان تدبرني بأحسن التدابير
و تلطف بي وتنجيني مما يخيفني ويهمني,
اللهم لاأضام وأنت حسبي, ولاأفتقر و أنت ربي
فأصلح لي شاني كله
ولاتكلني إلى نفسي طرفة عين ولاحول ولاقوة الا بك )
*نصيحتي ضعوه مع اذكاركم و رددوه مع اذكار الصباح والمساء

28-1-2011, 7:30 PM

مشاركة رقم المشاركة : 3

جودي

مصممة الضياع

جودي غير متواجد حالياً

الأوسمة

رد: إنزل دف يا ولد ( حوار بشكاوي )

هلا ولله بأبو الطيب

..
يآرجآل خل عنك سواليف هالطيآرات الخاثرة ولا من جدكم أنتم محبوسين في مآصورة على أرتفآع 560 قدم

؟ لا وقدم أمريكي هاللي يجيك كل وآحدن مقآس رجله 60

..
مير الله يخلّي لنا هالسيآرات وهالبآصات اللي وش زينها منها تسآفر ومنا تجلس لك في هالطعوس ونشم هوآ والدلّة القهوة وعلوم الرجآل الغانمة

قسم أنها أزين مليوون مرة من الحبسة بطيآرة وانت متكّي الشيطآن فوق رآسك ويذكّرك باللذي مضى

من حوآقك أيام الدشارة وكم مرتن نمت عن صلاة الفجر

وحآلتك حالة ومصحفك بأيد وحصن المسلم بأيد الثانية تقرى لثنين وأنت تصلي السنّة بوقت وآحد من قوة القمطة

..
مير خن نروح لاسألتك أحس أني شطحت

< تحسين

اقتباس:

هل تتوقعون إن العامل اللي عبا الطيارة كان يكلّم أهله في بنجلادش و هو يعبي و لا انتبه الا و الخزان فايض؟

لا ولله على ذا الغلطة يكلّم خويّته هالدآشر

ولا وآحد يكلم أهله يفهي لهالدرجة قسم بلله ما تجي غير على زلابتن درج

., أحس هالرجآل يوم يكلمون أهلهم يسمعون كلمة كلمتين همن يزلبون أم السالفة وتلاقيه ساكت يهوجس ولا رجع للبيت ياكل كبر راسه من هوآش لأنه مآ جآب من المقاضي غير الخبز

..
لا ذا علومة سنعة مشاء الله دآمه معبي الطبلون لفوق الله أعلم وش كانوا يسولفون فيه

اقتباس:

هل الطيّار غبي يوم ينزل الركاب ، بدال ما يطلب لي و يشفط شوي من البنزين في برميل ؟

عآد جآك اللي أدلخ منه

.. أكيد السواق كان سوداني وتعيجز يقوم

< أجل سواق

؟؟

اقتباس:

شف هو أنا ما أحبذ ركوب الطيآرات بس لا دفعت وركبت مهوب مقومني من مكآني إلا المطآر المكآن اللي بنقلع له ولا قبري

..
عآد مخّي تجآري وأخلاقي عالية ولله الحمد ولا أنا طيّآر يكرشني

؟؟ هزلت ولله , مآ بقت الا هي

.. ورا ما هو يقوم و يا كل تبن كبر راسه

< أعصابتس ولاعاد تتحمسين

..
وبنسبى للتفخ اللي جنبي أغريه بـ 50 ريآل يروح يكشخ فيها بهاك المطيفيح وزرطه وينقلع منيب قايمة مابي مابي

؟!

اقتباس:

و هل لو كانت الحادثة عندنا بيعطون تعويض 1250 ريال و إلا يكتفون بعصير سنتوب حار مع سندويتش بايتو أخيراً ....

ولله لو عطوني فلوس أقوم

< الله من الشفاحة والحضرمة اللي فيتس

..
لا ولله برمي صمونهم وعصيرهم بوجههم وبقعد مكاني وأبن أمه يقومني

< يآشين اللي مستقوي وهو من جنبها

[QUOTE]ما رأيك في مقولة ( الرخيص مخيس ) ؟[/QUOTE]
مهوب على كلّ شيّ

28-1-2011, 7:40 PM

مشاركة رقم المشاركة : 4

غير الناس

سنعه وشقرديه

غير الناس غير متواجد حالياً

رد: إنزل دف يا ولد ( حوار بشكاوي )

من شاف لون الطيارة ما رجا من وراها خير ..

هل تتوقعون إن العامل اللي عبا الطيارة كان يكلّم أهله في بنجلادش و هو يعبي و لا انتبه الا و الخزان فايض؟

لا أتوقع انه كذاب قايل لهم عنده خبره بتعبية بنزين الطيارات و هو حدّه خبره في محطات الدريس .. و كانت هذي اللي فوق أول ضحاياه ..

هل الطيّار غبي يوم ينزل الركاب ، بدال ما يطلب لي و يشفط شوي من البنزين في برميل ؟

أولاً : الأفكار البسيطة ما تجي الا من الناس البسيطة .. يعني ما أتوقع طيار ممكن يفكر فيها ..

ثانياً : وش ذا الحيل اللي بيطلع كمية بنزين تعادل وزن 37 راكب ؟

لو كنت من ضمن الركاب ... بتنزل علطول و إلا بتستقعد لهم ؟

لا والله بنزل على طول أنا زلابه مره .. و أحب اعيش دور الضحية ..

لو كنت بالطيارة و نزلوا منها 37 راكب بصير خلاص مطمئنة و على ثقة ان الطيارة صارت خفيفة ..

و هل لو كانت الحادثة عندنا بيعطون تعويض 1250 ريال و إلا يكتفون بعصير سنتوب حار مع سندويتش بايت

والله لو يجيك سنتوب أحمد ربك و حب يدك وجه و قفى ..

و أخيراً .... ما رأيك في مقولة ( الرخيص مخيس ) ؟

أنا كل يوم اكتشف أن الأولين سبقونا إلى خبرات عظيمة برغم تغير الزمن و الظروف لازالت قابله للتطبيق ..

أبو الطيب .. شكراً مره ..

28-1-2011, 8:39 PM

مشاركة رقم المشاركة : 5

فلاويه

مصمم فلته

فلاويه غير متواجد حالياً

رد: إنزل دف يا ولد ( حوار بشكاوي )

ما هقيت بريطانيا كذا بس اشوا خفت الغبنه اللي فيني كنت احسب بس احنا اللي عندنا مواصير
اثاري عندا وعندهم خير

اقتباس:

هل تتوقعون إن العامل اللي عبا الطيارة كان يكلّم أهله في بنجلادش و هو يعبي و لا انتبه الا و الخزان فايض؟

انا بذهانتي وحنكتي
توصلت لعدة احتمالات
الاحتمال الاول انه يبي ينتقم شكله رافع ضغطه الكابتن قال بينه وبين نفسه حرام بالله لانكبه هو وطيارته
الاحتمال الثاني

اقتباس:

اللي معبي الطيارة بنزين عباها فل

بزيادة عشرة طن عن المفروض و يوم ركبوا الركاب اكتشف الطيار ان الوزن زايد

في هذي الحاله تتفرع الاحتمالات الي فرعين ايضا
الاحتمال الاول
عباه فل عشان قصده اذا صاروا في نص الطريق وخلص البنزين ما يتوهقون لان فيه فايض
الاحتمال الثاني
يبغى يوصل لهم معلومه يقول وش الدلاخه مكبرين التانكي وانتم بتعبون نصه خلني اعبيه عشان يصغرونه عشان اريح راسي احط اللي الين يطق

اقتباس:

هل الطيّار غبي يوم ينزل الركاب ، بدال ما يطلب لي و يشفط شوي من البنزين في برميل ؟

شكل به نوم زي اللي تكتب الرد والتفكير ما به تفكير او الاحتمال الثاني زي ما تفضلت اختنا لينا ان راسه مكتوب ورقه هنا عقل

اقتباس:

لو كنت من ضمن الركاب ... بتنزل علطول و إلا بتستقعد لهم ؟

اتوقع عالنيه بنزل ادف الين تنتع الطياره <<<شقرديه وراعية فزعه

اقتباس:

اتوقع في هذي الحاله ما راح ادري عن الطياره هي في الجو او عالارض ما تحركت
لاني مشغووله ملاقطه مع هالدب

انا ادف وينكسر ظهري عشان حظرته ما يبي يتزحزح من مكانه

اقتباس:

و هل لو كانت الحادثة عندنا بيعطون تعويض 1250 ريال و إلا يكتفون بعصير سنتوب حار مع سندويتش بايت

اتوقع لو عند ربعنا بيحطون العله فينا وينزلونا كلنا ويتفلون بوجهنا يقولون خربتوا مواصيرنا ادفعوا غرامه ماليه وقدرها 1500<<تعرفون الطمع والسرقه والا المفروض ندفع 1250

اقتباس:

و أخيراً .... ما رأيك في مقولة ( الرخيص مخيس )

لا مو صحيحه لان فيه اشياء في ابو ريالين يحبها قلبك

28-1-2011, 9:08 PM

مشاركة رقم المشاركة : 6

منجطل بالطاية

مراقب مارج

منجطل بالطاية غير متواجد حالياً

الأوسمة

رد: إنزل دف يا ولد ( حوار بشكاوي )

اصبر اصبر خلن ادقق زين .. تبي الصدز انصدمت

.. لينا تقول ان جنحانه قصار بس صدقن لينا تعاني من قصر نظر واحس انه تلبس نظارات العجز ذيك اللي من كبرهن تقل عدسات

.. انا من أول ما دريت انه تنام وجمبه غرشة فيها وانا غاسلن ايدي دريت انه تحط طقم ظروسه بالغرشة قبل النوم

.. مير خلنا من لينا مدري وراي متفلّت عليه

.. ياخي وش هالجرأة بالمصورين

.. أنا شاري الطيارة وخابركم يالسعوديين ما تعطون خير وحاولت اكتم على الخبر بس ما توقعت بيجي واحد بيتبيثر وبيصوّر طيارتي

.. هين المشكلة مب هنا المشكلة صدز ان الحين وصلكم علم ان عندي طيارة عاد ما استبعد بكرا عتعت يجي ومعه طاحس جايبين عزبتهم ووراهم أبو نواس معه حطب يقولون امش خلنا نروح نكشت بطيارتك

<< وش ترجون من طعوس حتى بالطيارة ودهم يكشتون

اقتباس:

هل تتوقعون إن العامل اللي عبا الطيارة كان يكلّم أهله في بنجلادش و هو يعبي و لا انتبه الا و الخزان فايض؟

ياخي انا دايم اقول التقنية ما خلّت شي وانا اشوف محطات الدريس اذا قلت لوه عشرين نغز بالآلة وهي تعبي عشرين الحاله

.. بس صدق من قال الحاجة ام الاختراع

.. اكيد عقب ما فهّى البنقالي وهو يعبي الطيارة وتسبب بنزول الزلايب من الطيارة اخترعوا هالاختراع

اقتباس:

هل الطيّار غبي يوم ينزل الركاب ، بدال ما يطلب لي و يشفط شوي من البنزين في برميل ؟

الظاهر السالفة ببريطانيا صح ولا لا ؟؟ .. طيب بالنسبة لي ما عمري شفت ادلخ من البريطانيين

.. مافيه امل يفكر خلاص يمشي على نظام واحد لو يصير أي خلل بسيط يتوهق وتطلع شطحات غبية بالافكار مثل خوينا الطيار يوم ينزل الركاب

.. عاد تذكرت مدرس بريطاني درسن انقلش من زود الفهاوة اللي فيه يجيب ساعتين وحده عشان يحسب الوقت مضبوط ووحده عشان التأخر واللي يتاخر سبع دقايق يطرده

.. أنا ودي ادري وش الحكمة من الساعتين !!

اقتباس:

لو كنت من ضمن الركاب ... بتنزل علطول و إلا بتستقعد لهم ؟

أما بنزل هههههههههههههههههههههههههههههـ والله قوية بحقي يقولون نزل الزلابة

.. لا والله بنشب بحلوقهم لو يقولون مافي امل تطير الرحلة الا اذا نزلت بقول عمره ما طارت

اقتباس:

تبي الصدز يابو الطيب .. بالنسبة لي قلبي ميت ما اعرف اخاف من الطيارة

.. بس صدز لو ودهم ينزلون ينزلون المبزرة اللي يصجونك بصياحهم

اقتباس:

و هل لو كانت الحادثة عندنا بيعطون تعويض 1250 ريال و إلا يكتفون بعصير سنتوب حار مع سندويتش بايت

أي تعويض يا جدي .. موب جاينا الا تبن بوجيهنا

.. تدري وش اللي يقهر انك تهدد وتقول بشتكي يقول ابد خذ راحتك ولو تبي مساعدة عشان الشكوى ترانا حاضرين

اقتباس:

و أخيراً .... ما رأيك في مقولة ( الرخيص مخيس ) ؟

لا يابو الطيب .. مب كل رخيص مخيس .. طيب ما سمعت بمقولة رخيّص وكويّس

يعطيك العافية يا جدي

.. التقييم وصلك قبل ياصل الرد

<< كاني ذليته بالتقييم

توقيع منجطل بالطاية :

كثيرة هي عقبات الدنيا كما كثرة تحويلات الرياض

كل ما عليك تبحث عن درب آخر وتواصل حياتك

----------------

28-1-2011, 10:12 PM

مشاركة رقم المشاركة : 7

أغنية

ضايعه من قلب

أغنية غير متواجد حالياً

الأوسمة

رد: إنزل دف يا ولد ( حوار بشكاوي )

من اول نظرة لي للطيارة وانا ماحبيتها ماش يابو الطيب مادحدرت بزوري اجل لونها بردقاني تجيب المرض

اقتباس:

هل تتوقعون إن العامل اللي عبا الطيارة كان يكلّم أهله في بنجلادش و هو يعبي و لا انتبه الا و الخزان فايض؟

لا والله ياعوينتي يمكنه كان مهوجس ومشتاق لأهله بعد ماشاف السيول بجدة تذكر سيول بنجلادش واغراضهم وهي تطفح بالسيل وزاده الحنييين من بعد جدة بإعتبار أن كلنا بالهواء سواء

اقتباس:

هل الطيّار غبي يوم ينزل الركاب ، بدال ما يطلب لي و يشفط شوي من البنزين في برميل ؟

هو الغباء شبعان منه ولاكان مفسر عن كمومه وحاذفن كرفتته ومسرب شوي من البنزين بمساعدة المضيفات

اقتباس:

لو كنت من ضمن الركاب ... بتنزل علطول و إلا بتستقعد لهم ؟

بستقعد للطيّار لو اثبت عمري بمسامير ع الكرسي واطل عليه من الدريشه واشوف وش اخرتها مع هالجميل ذا

اقتباس:

احس الطيارة بتنتع وكذا بس بتطيير هالبردقانيه <<تسنها بدت ادحدر بحلقي

اقتباس:

و هل لو كانت الحادثة عندنا بيعطون تعويض 1250 ريال و إلا يكتفون بعصير سنتوب حار مع سندويتش بايت

زين إن عطوك سنتوب حار وسندويتش مدود إلا بيخلونك تدربي دميجتك عائد للوطن بلا مأوى مكسور الجناح ووجهك مائل للبردقاني تمام كما لون جناحات تلك البردقانيه

اقتباس:

و أخيراً .... ما رأيك في مقولة ( الرخيص مخيس ) ؟

معاك مليون بالمية دع الرخص واطنخ حتى لو جيبك مطففففر وبيجيك رزقك

ابو الطيب دووك

29-1-2011, 1:55 PM

مشاركة رقم المشاركة : 8

شخباري

سنعه وشقرديه

شخباري غير متواجد حالياً

الأوسمة

رد: إنزل دف يا ولد ( حوار بشكاوي )

يالله حيوه

صباح القايله

الصراحه حوار خطيرر يدل على ان لافرق بين الغرب والشرق الاوسط

فالجميع تجمعهم الدلاخه

هل تتوقعون إن العامل اللي عبا الطيارة كان يكلّم أهله في بنجلادش و هو يعبي و لا انتبه الا و الخزان فايض؟

لا والله اتوقع كان يكلم سعودي مخرفنه طول السنه

وفي هذا اليوم من السنه كشف عن مااهيته

اي انه ليس سوى سعودي رجليه ممشقه

والسعودي كان يقهره يقوله انتا كرووووووووووووف

والهندي انغبن على 20 ريال ويقوله كلام ماجن

عاد السعوديين مايووفرون حتى العشرات

هل الطيّار غبي يوم ينزل الركاب ، بدال ما يطلب لي و يشفط شوي من البنزين في برميل ؟

انا اتفق مع الشيخ منجطل بالطاوة

بمسالة الغباء لان الدكتورة اللي جت عندنا تلبس لبس الهودج

تحاسب
انهاا بصحراء

صحيح انها بمنطقه نائيه

بس نعنبو بليسها المصريات اللي يلبسن فراوي اكشخ منهاا }شطحه

بس مايمنع انهم ناس تقدر التقنيه اكثر من البشر

عشان تسذا سوا تسذا

لو كنت من ضمن الركاب ... بتنزل علطول و إلا بتستقعد لهم ؟

لا اكيد ماارااح انزل

لاني من بنات البشوت }على تبن

فيقوولون لي قرري طال عمرتس ويا سمووتس

}} يازين الترفيع

وعلى هالاسااس انا اختار من ينزللون ومن يخللون

لو كنت في هالطيارة هل بتخاف إن الطيارة ما تطير و إلا تصقع في أقرب عمارة ... خاصة إذا كان الدب اللي جنبك من ضمن اللي عيوا ينزلون ؟
مو انا قايله اني من بنات البشوت

فما رااح اخااف رااح تكون جنبي هيلكوبتر نافخه مسبح عشان لاصار شي اطبح على المسبح }} تاثير افلام كرتون

والدب

انا قلتلهم يخلونه عشاان اتمدد واحط رجولي عليه }}} حقيره

و هل لو كانت الحادثة عندنا بيعطون تعويض 1250 ريال و إلا يكتفون بعصير سنتوب حار مع سندويتش بايت
ياشيخ انا اقولك بيعطونا دبلهم

وزد على تسذاا تفااال

و أخيراً .... ما رأيك في مقولة ( الرخيص مخيس ) ؟

لا طبعاا اختللف مععاك يارجال الغالي يرخصلي

}} اسم محل عندنا
والله ان الرخيص به بركه
ياخي انا مثلا اشتريت جزمه 100 ريال يوم رحت للجامعه ثاني يوم لقيت مااي فريند كاشخه زيهاا 10 اريل فقط
يوم اعطيهاا العلم }} القهووه ياولد

هااه ولا تقولي يامظحااكه بالله ماتنغبن وتقرر تشتري رخيص

ياخي حواار ممتع وشيق

شكراا لك وجااري التقييم

توقيع شخباري :

النت عندي يكح ! نظام طفو البرودباند وارجعو شغلوه ؟

29-1-2011, 9:04 PM

مشاركة رقم المشاركة : 9

ريما

توه ضايع

ريما غير متواجد حالياً

رد: إنزل دف يا ولد ( حوار بشكاوي )

هل تتوقعون إن العامل اللي عبا الطيارة كان يكلّم أهله في بنجلادش و هو يعبي و لا انتبه الا و الخزان فايض؟
لا أتوقع انه كان مجهز خطة للانتقام قال أعبي الخزان ولامن شاف ولامن درى

هل الطيّار غبي يوم ينزل الركاب ، بدال ما يطلب لي و يشفط شوي من البنزين في برميل ؟
لاأتوقع انه شايل هم ينتظر اليين يفضون عشر أطنان

فقال انزل الركاب أسهل مو ضاره شي
لو كنت من ضمن الركاب ... بتنزل علطول و إلا بتستقعد لهم ؟

عن نفسي لا بستقعد لهم بمدد رجولي وأقول اذا اتفقتوا قوموني

بس انزل يحللمون معني للحين مااستمتعت بشبابي بس عنااد
لو كنت في هالطيارة هل بتخاف إن الطيارة ما تطير و إلا تصقع في أقرب عمارة ... خاصة إذا كان الدب اللي جنبك من ضمن اللي عيوا ينزلون ؟
أكيد بخاااف أصلا شكلها كنها لعبه مو طياارة

من يوم شفت اللون البرتقالي وأنا غاسله يدي
و هل لو كانت الحادثة عندنا بيعطون تعويض 1250 ريال و إلا يكتفون بعصير سنتوب حار مع سندويتش بايت
لا احمد ربك لو عطووك سنتوب

و أخيراً .... ما رأيك في مقولة ( الرخيص مخيس ) ؟

مشكور أخوي ع الموضوع يعطيك ربي العافيه

29-1-2011, 11:53 PM

مشاركة رقم المشاركة : 10

يا حبني لك

яemәmвer мә
معزبة الكراسة

يا حبني لك غير متواجد حالياً

الأوسمة

المركز الأول - فعاليه الحكواتي الرمضانيه

رد: إنزل دف يا ولد ( حوار بشكاوي )

:: ::

يعطيك العافيه ياجدّي ..

ياخي سبحان الله مبين من شكل الطياره السياحي انها لذوي الدخل المحدود خخخخ

هل تتوقعون إن العامل اللي عبا الطيارة كان يكلّم أهله في بنجلادش و هو يعبي و لا انتبه الا و الخزان فايض؟

لا اتوقع انه واحد جديد توه متوظف

هل الطيّار غبي يوم ينزل الركاب ، بدال ما يطلب لي و يشفط شوي من البنزين في برميل ؟

وش عرفك بتنكنولوجيا الطيارات

اكيد انه مايمديه يشفط وكذا مو معقول بيكون غبي لذا الحد

لو كنت من ضمن الركاب ... بتنزل علطول و إلا بتستقعد لهم ؟

لا ماراح أنزل ليه انا بالذات يعني بأرد بثقه و أقول وش زودهم اصلا انا وزني بـ خف الريشه

لو كنت في هالطيارة هل بتخاف إن الطيارة ما تطير و إلا تصقع في أقرب عمارة ... خاصة إذا كان الدب اللي جنبك من ضمن اللي عيوا ينزلون

لا ما أخاف استمتع بالرحله و يمكن يكسرون خاطري اللي نزلوهم بس على خفيف خخخخخخ

هل لو كانت الحادثة عندنا بيعطون تعويض 1250 ريال و إلا يكتفون بعصير سنتوب حار مع سندويتش بايت

عندنا بيقولون انزل و كل تراب مو لفظي معنوي

أخيراً .... ما رأيك في مقولة ( الرخيص مخيس ) ؟

مقوله خاطئه لإن أحيانا في اشياء رخيصه بس جودتها عاليه

قواك الله

:: ::

توقيع يا حبني لك :

:: ::

حسبنا الله سـ يُأتينا من فضله إنا إليه راغبون
حسبنا الله سـ يُأتينا من فضله إنا إليه راغبون
حسبنا الله سـ يُأتينا من فضله إنا إليه راغبون

صفحة 1 من 2

مواقع النشر (المفضلة)

الكلمات الدلالية (Tags)

حوار بشكاوي

« حزب في مهب ّ الريح .. (الرؤية + المطالب ) | حملة ( كفاية!) فالبشكة .. إخوانّا المباحس يفسحو شويّ لأخونّا العيّارين! »

الذين يشاهدون محتوى الموضوع الآن : 1 ( الأعضاء 0 والزوار 1)

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الساعة الآن بتوقيت الرياض : 8:28 AM

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25