إنزل دف يا ولد ( حوار بشكاوي ) - الصفحة 2

قائمة بأسماء الأعضاء المهشتقين في هالموضوع :
اكتب أسماء الأعضاء اللي ودك تهشتقهم في هالموضوع وافصل بين يوزراتهم بفاصلة زي كذا : فالكم طيب، منجطل بالطاية، فارس، رماد انثى All Friends

1-2-2011, 12:12 AM

مشاركة رقم المشاركة : 11

مضيع بيتهم

قاضي الضياع

مضيع بيتهم غير متواجد حالياً

الأوسمة

رد: إنزل دف يا ولد ( حوار بشكاوي )

الحوار :

هل تتوقعون إن العامل اللي عبا الطيارة كان يكلّم أهله في بنجلادش و هو يعبي و لا انتبه الا و الخزان فايض؟

حسب حنكتي ودهائي في مجال الطيران والاسهم وكرة القدم يتضح لي ان سواق الطيارة يوم وقف عند المحطه قال للهندي فل وراح للبقالة يشري فصفص وحطب ومويه يعني الهندي ماغلط بالبنزين.

هل الطيّار غبي يوم ينزل الركاب ، بدال ما يطلب لي و يشفط شوي من البنزين في برميل ؟

بالعكس الطيار قام بالشي الصواب الا وهو خل بنزينك الابيض ليومك الاسود وماتوقع انه راحت عليه ذا الحركة ماتدري عن الدنيا يمكن تصادف ويكون معه بالطيارة حدى هالرؤساء ويكون مطرود من ديرته وبيضطر يدور فيه بشوارع السماء الين يلقى له مزبن

لو كنت من ضمن الركاب ... بتنزل علطول و إلا بتستقعد لهم ؟

لا طبعاً مانيب نازل الين اعرف من اللي معهم واسطه وركبوا بدون تذكرة عشان اروح عندهم واقول والله مانزلت الا عشانك ياطويل العمر لو غيرك والله مانزل .. عشان بعدين اروح اودي له ملفي واقول تذكر يوم انزل من الطيارة عشانك يالله وظفني

لو كنت في هالطيارة هل بتخاف إن الطيارة ما تطير و إلا تصقع في أقرب عمارة ... خاصة إذا كان الدب اللي جنبك من ضمن اللي عيوا ينزلون ؟

اذا الله اراد ورحت معهم طبعاً ابروح لم الكاشات اللي معهم واسطه وركبوا بدون تذاكر واحضن واحد منهم واقول ابموت بدالك ابموت بدالك عشان لو مامتنا اعطيهم ملفي واذكرهم باللي سويته لهم بالطياره واقولهم وظفوني

و هل لو كانت الحادثة عندنا بيعطون تعويض 1250 ريال و إلا يكتفون بعصير سنتوب حار مع سندويتش بايت

لو كانت السالفه عندنا اول شي مهب مشاورينك بيفتحون الزحاليق حقت الطوارئ ويزحلقون اقرب ثلاثين واحد وبيشغل ويمشي السواق .. وبالنسبه للتعويض اتوقع بيخلون المويه بدال ماهي بخمس ريال بتصير باربع ريال وكل شوي بيجون عندك وبيقولون ترانا خفضنا لكم عشانا نقدر عملائنا وبيغثونك بالتخفيض

و أخيراً .... ما رأيك في مقولة ( الرخيص مخيس ) ؟

مقوله غير صحيحة اطلاقاً اذا كان الشي الرخيص استخدام تمشية امور مثل هالطيارة اتوقع تذكرته بخمس ريال ولذلك اروح بخمس ريال واخلي الف ريال سهره ازين ولا !؟

وشكراً لي ولكم على اتاحة الفرصه

4-2-2011, 3:25 PM

مشاركة رقم المشاركة : 12

بيتهوفن

معزب الكوكتيل

بيتهوفن غير متواجد حالياً

الأوسمة

رد: إنزل دف يا ولد ( حوار بشكاوي )

مسا الخير يافالكم
تدري اليوم صاحي مع صبح الله هما المسلمين اللي وراهم شايب من سمع صوت عصفور والا ديك يأذن
تلاقيه يتعوذ من ابليس ويلعن خير الحرمه اللي ماقومته قبل لا يأذن الديك مايدري إن الحين الساعة ماجت على 3 ومايدري أن الطيور موب زي زمان تغرد وتأذن مع مطلع الشمس كل شيء تغير على هالايام قلبوها سهر الليل صار عندهم نهار والنهار مثله .. السالفة وأنا أخوك أبي أعرف ليه شياب هالايام لا شافوك داخل البيت الساعه 12 بالليل تلاقيه مسوي محاضره توعويه بأضرار السهر والفرفرة وما تسببه من خساير .. إلخ

واليوم يافالكم هب علينا في الملحق شايب من الجيل القديم وماصحيت منه الا بصوت مشعاب
يضرب في الجدران والبيبان كود تصلي الفجر وتخاويه فرفره لحلقة الخضار ويشتري من كل صنف كرتون مع انه قبل شوي يتكلم عن السهر والخساير

من كبر بيتنا يافالكم ماتلاقيه غير
سته أرواح 2 منهم يرجعون للجيل القديم و2 يرجعون للجيل المعاصر و2 للجيل الجديد

وإن قلت يا يبه ترى كثير وترى أبوي شرى طماط أمس يرد عليك الشايب كل تبن ذا لجاركم اللي عمركم ماتواصلونه ماتستحون عل وجهيكم

مايدري إن الزمن تغير ومعد صار تواصل بالجيران زي زمان
وإن علمته بالسالفة يرد عليك بكل تبن مرة أخرى

المصيبه إن الشايب ذا مخلي ابوي نايم ومتهنى بنومه وكارف عمري ولاعن تسبدي على أساس إن جيلنا يبغاله جلاده وكرف أبن سته وستين حيوان موب كلب

السموحه يا فالكم من دخلت موضوعك لقيت فيه راحه نفسيه خلتني أطلع هالحره اللي بصدري

بعد الاعتذار والتقدير لشخصك الكريم نرجع لموضوعك الجميل وحبيت أشارك من باب التواصل الاجتماعي وإتمنى أن تكون مشاركتي مرضاة للشايب اللي قبل شوي يوصي بحق الجار

هل تتوقعون إن العامل اللي عبا الطيارة كان يكلّم أهله في بنجلادش و هو يعبي و لا انتبه الا و الخزان فايض؟

العامل مايلقي عليه الملام وبريء كل البراءة إذا كان من وراه هالاتصال شايب يسفل فيه ويلومه بسبب إن العامل مامر الاستراحه ولا سقى الزريعات ولا غنيماته

وإن كان الشايب اللي هنيا ما اتصل عليه فخلي في بالك الشايب الثاني اللي في بنقلاديش اللي محتريه أخر الشهر لاعن تسبده بسبب إنه تأخر في تحويل راتبه

هل الطيّار غبي يوم ينزل الركاب ، بدال ما يطلب لي و يشفط شوي من البنزين في برميل ؟

والله لو إني كنت معاهم كان جبت له فكره الـ لي يشفط البنزين مع إنه ياخذ وقت لكنه مفيد تلاقي بعض الشياب مايقدر يصبر كل ذا الوقت فتلاقيه يسبسب لاعن خير الي جاب الكابتن وعلى اللي اخترع الطيارة وعلى الحكومه اللي موفرة الطيارة

ويتمتم بكلمات غير مفهومه همن ينزل من الطيارة من دون مقاومة

لو كنت من ضمن الركاب ... بتنزل علطول و إلا بتستقعد لهم ؟

أذكر الشايب يقول ياولدي لا تتنازل عن حقك بسهوله والا ترى يقعدون يشمتون فيك ليل نهار
فمن منطلق نصيحه الشايب بستقعد لهم

بهونها واقلبها مزح مع الدب اقعد انغز فيه لان النغزه تخليه يتناقز وإن تناقز يخف حمل الطيارة
وبالذات يجيها عزم ترتفع عن الارض وتطير مخ عبقري خخخخ

و هل لو كانت الحادثة عندنا بيعطون تعويض 1250 ريال و إلا يكتفون بعصير سنتوب حار مع سندويتش بايت

البقاء لله
وأنا أخوك إذا ما لطعوك في الصاله لين ما تقول خلاص حلال عليكم مابي لا تذاكر ولا سفر ولا أبي تعويض

و أخيراً .... ما رأيك في مقولة ( الرخيص مخيس ) ؟

مقوله صحيحه 100 % بشهادة الجيل القديم

7-4-2011, 4:42 AM

مشاركة رقم المشاركة : 13

الضب الانتحاري

ضايع إكه

الضب الانتحاري غير متواجد حالياً

رد: إنزل دف يا ولد ( حوار بشكاوي )

هل تتوقعون إن العامل اللي عبا الطيارة كان يكلّم أهله في بنجلادش و هو يعبي و لا انتبه الا و الخزان فايض؟

السبب معروف .. الخزانات الالكترونيه الجديده .. اول العامل يسحب اليد ويثبت هاك الحديده ولا قرب من الفل قالت الحديده بصوت شجي يطرب القلب العليل .. تك

اما الحين مافيه حدايد ولا فيه شي وكل شي ارقام قسم بالله اذا وقفت اعبي احس اني ماسك اله حاسبه

هل الطيّار غبي يوم ينزل الركاب ، بدال ما يطلب لي و يشفط شوي من البنزين في برميل ؟

لعلي اتفق مع اخي وحبيبي مضيع بيتهم في هذه النقطه

لو كنت من ضمن الركاب ... بتنزل علطول و إلا بتستقعد لهم ؟

فالكم قد سمعت بالمثل اللي يقول خلك حقنه ؟

و هل لو كانت الحادثة عندنا بيعطون تعويض 1250 ريال و إلا يكتفون بعصير سنتوب حار مع سندويتش بايت

لو انها عندنا كان انت دفعت 1250 بدل وزن

توقيع الضب الانتحاري :

و اشرح لها ..

BB PIN : ask me

صفحة 2 من 2

مواقع النشر (المفضلة)

الكلمات الدلالية (Tags)

حوار بشكاوي

« حزب في مهب ّ الريح .. (الرؤية + المطالب ) | حملة ( كفاية!) فالبشكة .. إخوانّا المباحس يفسحو شويّ لأخونّا العيّارين! »

الذين يشاهدون محتوى الموضوع الآن : 1 ( الأعضاء 0 والزوار 1)

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الساعة الآن بتوقيت الرياض : 8:25 AM

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25