المكان: أحد أروقة لندن << وش رايكم بـ أروقة الزمان: الساعة 10 مساء وقبل منتصف الليل بساعتين الأبطال في ذلك الرواق : دحيم و منجطل
هناك على ذلك الجدار يجلس احد الملحطين في هذه الحياة ومعه عودة ليدندن فيه ويقضي وقت فراغه في نفس الرواق دائماً يمر رجل مطنوخ يدعى منجطل بحيث يمر في ذلك الرواق الساعة الثامنة وهو خالي اليدين ويمر مرة أخرى من ذلك الرواق مرة أخرى الساعة 12 ومعه أقل شي 3 بنات من الفئة الشقراء وعلبة موية من نوع نوفا مليئة بالعرق << بلندن ولا بغيره ما فيه غير العرق
في أحد الأيام إحدى الفتيات حقدت على منجطل ودست له الكافور في كوب الشاي قبل ان يذهب الى البار فلما دخل البار لم يستطع أن يقاوم الوضع وأحس بغرابة الموقف بأنه لم يعد ذلك الفحل منجطل فخرج من البار الساعة 10 مساء وقبل منتصف الليل بساعتين
وهو عائدُ إلى منزله خالي اليدين لأول مرة انتبه الى ذلك الملحط اللي يجلس على الجدار وهو يستمع إلى دندنة عوده ويغني بصوت مبحوح فيه من الحزن كما لو امتلئت الاروقة من الدموع << لا يهمكم التعبير ترا كل ذا عشان أروقة كان ذلك الملحط يغني ويقول
من رحلتي جفني ما يغفى أبد .. بس أقلب حزني فيني أو أعد كم مضى من ليييييييييييل من قلتي وداااااع .. كم مضى من ليييييييل من قلتي وداااااااااع
تمتم بهذه الاغنية واجهش بالبكاء شدّ هذا المنظر منجطل ليقترب من الرجل ويقول له بكل ازدراء وش عنده خالد عبدالرحمن جالسن على الرواق رد عليه دحيم بصوت ممزوج بالالم أقول على تراب بتجلس أعلمك وش السالفة ولا ضف وجهك لآخر الرواق وأنت راجع مثل عادتك محمل بنات لأول مرة يستحي منجطل اللي وجهه مغسول بمرق ولا عمره استحى فقال له الشكوى لله أنزل نفسي وأجلس مع الملحطين أمثالك بادر دحيم بالحديث وهو يقول اييييييييييه يا راعي البنات انا واحد زليت وحبيت وحده وأكلت تبن أو تقدر تقول إني حبيت وأنا كلي ثقة إن حظي زين قاطعه منجطل وهو يقول الحين يالملحط أنا أول مرة أشوف عود بوتر واحد وين الباقي رد عليه دحيم وقاله أقول قم انزلع الشرهة علي اللي أشكي لك الحال رد منجطل بكل عنجهية ملحطين آخر زمن يتطاولون على عمانهم .. المهم بتقولي السالفة ولا اروح أشوف شغلي وأدور لي لو بنت وحده تعوض هالليلة المشؤومة قاله دحيم انت مشكلتك تصدق علطول أمزح يخوي اقعد واسمع سالفتي
أنا إنسان قدر الله علي وطلعت على هالدنيا مثل باقي البزارين طالع وأنا أصيح قطع منجطل كلامه بكل تسذب وهو يقول هذا انتم يالملحطين أما حنا المطانيخ نطلع ونشرّه عشرات على البزارين اللي حولنا وحنا نضحك قام دحيم وهو يتمتم ويقول أبو اللي علمك التسذب يا حيوان .. ياخي ما قلنا لك لا تسذب بس بشي معقول .. أجل تشرّه عشرات منتب عاقل يالوليد تدارك منجطل حجم التسذبة وقاله امزح معك يله اقعد وكمل يقول دحيم .. إني انولدت وعلى كلام الوالدة الله يرحمه ان فيه وحده جمبه طعسه شهباء لو تكشف وجهه للرجال كان تغطوا عنه من الروعة الزبدة ان هذي ولدت بنفس اللحظة وطلع على الدنيا روحين لكن يختلفون بالجسد والجمال مثل ما تشوف انا اشباهي تركية بحكم ان جدة ابوي تركية أما الطعس اللي انولد معي فهو أقل وصف ممكن تقوله انه كشبارة أو تقدر تقول زفلت مقشوع المهم طلعنا من المستشفى وبعد ما بديت اميز وصار عمري 6 سنين تقريباً انصدمت بواقعي المر وصارت أمي طعسه وأبوي ما اشوفه الا مرتين بالشهر واذا شفته ما اسمع الا سواليف عن الحلال والمزاين يعني انسان أشباهه تركية يكون ولد لأسرة أقل ما يقال عنهم ان كأنك تشوف حفريات الرياض باجازة صيفية .. يعني تخيل تسلب طفولتي مع أشباه أوادم اللي كانوا يطلعونن بالشارع وأنا حافي << بيعلمكم ان اشباهه تركية ولا في اي اشباه سعودية أو صفات سعودية
المهم دخلت المدرسة وكان فيه واحد منبوذ بالفصل موب عشان اخلاقه بالعكس أخلاقه أطلق من أي طفل سعودي يبحث عن الحرش والمضاربات كان منبوذ عشان وجهه اللي أعتبره عقوبة فاذا بغيت تعذب واحد حط قدامه ذاك الوجه صدقن ما يرده الا مستشفى الصحة النفسية وأنا برضو كنت منبوذ على اساس اني صايرن مثل أبوي ولا عندي سواليف الا عن الحلال والمزاين وهالامور تخوّف على عيال البلايتيشن التقيت بصاحب الوجه المنبوذ وكونت معه صداقه وكان اسمه عزيز وقوت علاقتنا اكثر بحكم ان مافيه احد يعطينا وجه لذلك مافيه اي تخريب استمرت هذه الصداقة لتصل الى الحارة وبعدها الى المنزل ومن هنا تبدا المأساة
كنت أنا وعزيز نمارس هوايتنا ونضغط على أهلينا عشان يعطون كل واحد منا 4 ريال ليصبح المجموع 8 ونشتري طبق بيض << الله يالدنيا طبق البيض كان بـ 8 والحين بـ 12 الفائدة من طبق البيض انه ما فيه أي هندي يمر إلا لازم ننتفه ببيضه بس أهم شي يكون بسيكل عشان نضمن الهجة ولا يقدر يلحقنا .. في أحد الأيام كنت أنا وعزيز وطبق البيض بيننا جالسين على عتبة باب بيت عزيز مرت دينه وبكل دباشه وكماخه من عزيز نتف الدينه ببيضه وقفت الدينه وحنا ما هجينا على اساس اننا واقفين عند باب البيت وباب البيت مفتوح نزل ذلك الافغاني الجثة اللي يوم نزل غطى الشمس من كبره (سلكوا هماه ) وانا واقف بكل ثقة احتريه يقرب عشان ادخل بيت عزيز .. يقترب الافغاني صاحب الجثة الكبيرة ويقترب ويقترب وانا احتريه يقرب يوم ما صار بيني وبينه الا مسافة قليلة جداً التفت الى عزيز ولا لقيته التفت الى الباب وراي ولقيته مصكوك يقلع أم الوصاخة يا عزيز يابن الكلب انت اللي تجدع البيض وتدخل وتصك الباب وانا اللي آكله مع هالافغاني اقترب الأفغاني حتى بديت أحس إن الدنيا صارت ليل لان ما فيه أي نور (على أساس إنه مغطي الشمس ) سأل الأفغاني وهو زعلان أنتا يرمي بيض .. أنا بكل بسالة ودفاعاً عن خويي عزيز ايه وش عندك هذه آخر كلمات نطقت بها قبل أن أصحى بالمستشفى وأمي الطعسه جمبي تواسيني وتقولي أبوك يعتذر ما يقدر يجي أحد النياق مرضت وتبي واحد يقعد عندها ويراعيها يقلع ابليس العائلة الابو يطارد ناقة مريضة وولده مجلود من أفغاني على ذمة تقرير الشرطة مع ني اتوقع ان القضية أكبر من أنه جلد طوووووووووووط
خرجت من المستشفى وأنا ناوي اني العن جدف عزيز وأذوقه ما ذقته من الافغاني طقيت على بابهم وطلع لي أبوه وتفاجئت شلون هالبياض والوسامة يطلع منه ذاك المقشع اللي اسمه عزيز أنا بكل أدب واحترام وين ولدك ابن الكلب .. قالي ابوه اذكر الله يالجعري قبل اسوي بك مثل الافغاني ادخل البيت واناديه لك
دخلت البيت لاقابل تلك الحسناء التي لم ترى عيني مثلها قط .. عشقتها من أول نظرة .. جمال آخااااااااااذ وعيون أطلق من أطلق عيون ناقة عندنا (تفكيره الطعس ) وقوام ممشوق انتفض قلبي لما رأيتها فهيت وفهيت وفهيت وانا أتأمل فيها وهي تقول لي وش تبي بعزيز قلت له أبيتس أنتي ياقلبي والله ياخذ عزيز ما أبيه ضحكت وقالت اقول شف دحيم فوق بغرفته وخل عنك هالكلام يالبزر (بعذره تقول بزر واحد بثاني ابتدائي ويقول هالهرج ) طلعت من البيت وانا كارهن الدنيا وفكرت بالانتحار حتى عزيز ما شفته من زود الغلقة .. شلون حبيبة قلبي تقولي بزر .. مرت الأيام والسنين وأنا أكتب القصائد وأدون ما يمليه علي قلبي كله عشقاً بتلك المزيونة حتى انعمت بصيرتي وبديت أشوف الناقة كانها المعشوقة .. المصيبة العظمى اني ما لقيت فرصة أتعرف عليه أكثر وأعرف أقل شي اسمه
بعدما كبرت وأصبحت رجال وصار صوتي كنداسة ددسن مفقوعة فاجئت أمي بقولي لها يمه تراي صرت رجال وودي أعرس فقالت هي بدورها كفو والله وانا امك وأبشر باللي تدور لك وحده تشبه لي قمت بكل غضب وانا أقول أنتي شايفتن وجهتس يوم انتس تقولين تشبه لي نعنبوا ابليستس ما احطتس زبالة وانتي تقولين تشبه لي الغريب في الامر انها ما طقت لي خبر ولم تجرحها كلماتي .. أخبرت أمي السالفة وقلت له اني احب وحده ببيت عزيز << قلوب من هنا الى بيت عزيز صح ان امي لعنت خيري بس بالاخير تفهمت الوضع وقالت خلاص نخطب لك ونشوف وش يصير
ذهبت انا وأمي بدون أبوي اللي ما يحتاج أقول جالسن عند الحلال وجاحدنا وكنت كاشخ بالعقال والشماغ والثوب الاصفر اللي كمومه يابسه بحكم اني استخدم الكموم بديل للمناديل في حال حدوث أي تهريب من الأنف سألني والد عزيز ياوليدي آمرنا وش بغيت قلت انا وكلي فحولة .. والله يا عمي جاين أطلب ايد بنتكم المصون قالي وعيونه طايره .. أي بنت يا ولدي ما عندي الا عزيز الا اذا كنت تقصد جاي تخطب عزيز << أبو الانحراف اللي كذا أنا وعيوني طايره طيب هذيك اللي قالت لي بزر واللي مستعد أبقى طول عمري بزر بس تبادلن شعور الحب .. قالي يا وليدي ما عندي ولا بنت أنا قمت وبكل غضب دخلت على الحريم أبشوف حبي الضايع اللي بيحرمونن منه والقاه جالسه جمب أمي وأنا اللي أخق وتضيع علومي
وتدمع عيوني وأقول بكل حزن شفتي وشلون بيفرقوننا ولا يبوننا نتزوج هي طارت عيونه وقالت من أنت أنا زاد صياحي وأقول بكلمات متقطعه أنا بزرتس يا خلف أمي هالقشعة وأبوي اللي الظاهر انه متزوج ناقه قامت البنت تصيح وقالت يا بعد مقاليق تسبدي أنت برب شوي بس << تأثير الكمبيوتر على حياتنا
ورقت فوق وأنا أصيح وأقول
التفت لي واسمع دعاي لك يا هيه .. ترى عادك بتشبع من البعد وتواجه
ردت علي وهي ترقى ضف وجهك يا بزر بعده جاني أبو عزيز وتوطى ببطني وطلعت وأنا أجر أذيال الهزيمة وأقول بنفسي هذا الحب لازم أقدم تضحيات وأحاول مرة ثانية جاني خبر ان أم عزيز بالمستشفى والسبب انه عقب ما درت اني خاطبن منهم شربت كلوركس بهدف الانتحار بس ما ماتت
رحت انا وأمي هالقشعة نؤدي واجب الزيارة وقلت لأمي لازم أدخل وأشوف أم عزيز لانه اعبره مثلتس وأنا بقلبي أقول أها بس يالقشعة لا تصدقين داخل لعيون معشوقتي كود ألقاه وأعبر ما بداخلي بعد فشل الخطبة وأقوله وراتس جحدتين عقب ما قلتي برب حتى ما خليتي لي فرصة أقول تيت
دخلت وانصدمت من اللي شفته .. شفت حبي وحياتي مرقد على السرير وأنا اللي انعمي وبدون شعور أركض واطب بحضنه وأقول ياجعله فيني ولا فيك .. تكفين لات تروحين وتخلين بزرتس فتحت عيونه بصعوبة وهو تقول دحيم يا بعد تسبدي يا تعبي ويا ضناي أنا بكل براءة مصحوبة بالدباشة أصير ضناتس وبزرتس بس وافقي وخلينا نتزوج قالت لي يا حمار أنا أمك الأصلية ولا عرفتك إلا يوم جيت تخطبن حسيت بالامومة ولا تتوقع ان عزيز هالاشهب يصير ولدي أنا وكلي ذهول وشلون .. ردت علي وهي تلفظ انفاسها الاخيرة أكيد فيه ممرضة بدلت بينك وبين عزيز وأنت ولدي وأنا متأكدة هذه آخر كلماتها قبل أن تفارق الحياة أنا ما صدقت من الصدمة وجلست أعاتب نفسي وأقول يلعن ام القهر يوم حبيت وبغيت اتزوج تصير زوجتي هي أمي أجل بعذره تنتحر يوم اكتشفت ان عزيز يصير ولد أمي هالمروحة وولد أبوي راعي المزاين لكن ما أقول إلا لو ان امي ما درت كان أحسن عشان تعيش واتمتع بجماله وأتزوج حبي الأول والأخير << يلعن ابليس السربته خلاص مافي أمل يقتنع بعدها قررت الهجرة إلى لندن لأبتعد عن عالمي المشؤوم وأتمتع بحياة بعيدة عن الحلال والمزاين
ايييييييييييييييييييييييييييييييييه يا منجطل هذي قصتي المقتصة << دحيم يعرف فدغة حياتي صار به سواليف واجده بس هذا اللي سبب لي أزمة نفسية وخلان أشتري عود شاريه من يمني لاعبن علي .. صح ان ما به الا وتر واحد بس يؤدي الغرض اللي هو تلحين كلماتي اللي كتبتهن بمعشوقتي اللي ما انكتب لي نصيب معه وصارت امي عاد الحين الساعة 1 والظاهر اني طولت عليك يا منجطل والا لا؟؟ لم يرد منجطل .. قال دحيم يابن الحلال لا تنصدم وتصيح موب انا أول واحد يحب أمه وناوي يتزوجه بسبب تبديل مبزرة ما زال منجطل ساكت .. التفت دحيم على منجطل ولقاه غاط في سبات عميق وبعدها قام دحيم وقال لا أبو من يجلس معك ويعلمك سالفته بهالرواق مير لو إني بنت راجعتن معك من البار كان ما نمت يا وصخ
الزبدة كل واحد يتأكد من رقم الشاص عشان ما يحب أمه بالغلط مثل خوينا دحيم ويناظر يمين ويسار قبل يخطم الرواق
يا رب إني أولي منجطل من زمان عن مواضيعك ’ ب غض النظر عن كل الي فوق
اقتباس:
وأبوي اللي الظاهر انه متزوج ناقه
ههههههههههههههههههههههههههههههههههههههههههههههههههههههههههههههه طاعوشش عجزت آسكت يوم قريته ! هذي الجملة لحالة لأني ببالي وانا اقرا اقول لا يصير متزوج الحلال مير ألقاك كاتبه ! على طول طلعت براسي تعجبة كبيرة من ان كلامك طابق سواليفي الداخلية وعجزت اسكت من الضحك , أما خويك حق الرواق وصفك الشنيع لحالته المريرة أدمت قلبي ونتفته ارباَ ارباَ ل درجة بغيت اطلع قلبي من اعماقووه وأعطيه فداا ولا يوم يغني ويجهش ب البكاء مزقت قلبي يا شيخ نهايتك مثل وجهك تنخج القلب نخج رحمته حسيت ودي اعطيه وتر ثاني <
, تعااال والله إنك إنسان فاضي تدقق بأشياء معينة
اقتباس:
وعلبة موية من نوع نوفا
وش معنى < ام الفضاوه الي تعيشينه تصدق إني من شدة الفضاوة حطيت ف بالي ان المكان ب لندن وان ما له دخل مثل ما هي حركاتك وإيقالي ب اقفطك الحين بس فشلتن يا مال الأفغاني الي يطرحك مرتن ثانية إلا على طاريه يوم تنفقش البيضه عليه الحين انت وإياه من جدكم تشترون بيض عشان تفقشون !! يخي لو جايبين لكم حصاته ولاه ميت , بيض !! يقالكم فلم كرتون < نفسية البنت إلا بتحجر لك
وبعدين تعال < على باله تحجير جديد وراك تتمغرر عليه ب شكل مغروري متمغرر وراك تحطم ذاك الكيان المتحطم < تجرب شعور الفدوغ المتفدغ تذله بعزيمته لك يا ويلك من الله تخليه ياكل تبن ويقولك السالفة ويشكي لك الحال لا وبالنهايه وعقب التمغرر يلقاك نايم انا لو منه مب بس اقوم واروح إلا اقوم واتوطا ببطنك
ب النهايه اهنيك على طرريقة حبكك للأحداث التي ابهرتني ب حق مخي ما يجمع كذا المفروض يحطونك بهذاك المتحف الي به تصميمك ما شاء الله لو اني دارية ذاكرت الظا والظتا إلا صح عمركم شفتوا تصميم ب متحف ب فرسنا < وما زالت تحاول انه تحجر لك
طاعوشش عجزت آسكت يوم قريته ! هذي الجملة لحالة لأني ببالي وانا اقرا اقول لا يصير متزوج الحلال
مير ألقاك كاتبه ! على طول طلعت براسي تعجبة كبيرة من ان كلامك طابق سواليفي الداخلية وعجزت اسكت من الضحك
يسلموووووووووووووو << أحاول أتخيل يوم إني قايله
بالنسبة للتطابق الكلامي أو الانشائي أو حتى الشكلي يعود إلى شي واحد أساسي وهو دباشتس اللي مصدقة ان فيه انسان متزوج ناقة .. أنا ما انكر ان هالحوادث ممكن تحصل بس في الغالب تكون من ناس اصحاب الجنسية الباكستانية حينما ينعمي بس تبقى حالات قليلة تنعد على الاصابع << هذا اللي شطح
اقتباس:
أما خويك حق الرواق وصفك الشنيع لحالته المريرة أدمت قلبي ونتفته ارباَ ارباَ ل درجة بغيت اطلع قلبي من اعماقووه
اقتباس:
وأعطيه فداا ولا يوم يغني ويجهش ب البكاء مزقت قلبي يا شيخ
نهايتك مثل وجهك تنخج القلب نخج رحمته حسيت ودي اعطيه وتر ثاني <
لا ارجوتس لا تفكرين تعطينه قلبتس لاني خايفن عليه يكون ضحية ومثلتس عارفة أنا إنسان ما ارجع للبيت الا معي بنت فتخيلي دحيم بقلب بنت عاد ماله داعي يرجع للبيت معي أنواع الشبهه
ومن ناحية الوتر وشوله تخسرين عمرتس على واحدن مثله عطيه مغّاط ويخب عليه بعد
اقتباس:
وش معنى < ام الفضاوه الي تعيشينه
اقتباس:
تصدق إني من شدة الفضاوة حطيت ف بالي ان المكان ب لندن وان ما له دخل مثل ما هي حركاتك
وإيقالي ب اقفطك الحين بس فشلتن يا مال الأفغاني الي يطرحك مرتن ثانية
الاهتمام بالتفاصيل هذا هو شعاري بالحياة .. لماذا نهتم برؤوس الاقلام ونجحد التفاصيل .. متى ما اهتمينا برؤوس الاقلام سندخل رواق لا ينتهي لذلك نصيحة مني "اهتمي بالتفاصيل لتبقي في الرواق ولا تهج بتس خارج الرواق فتحدث الكارثة والمأساة " << عاد شوفي من اللي ناصحتس
بالمناسبة أدعي علي بايديتس ورجليتس بس تكفين لا تدعين علي بالافغاني اللي يطرحن لان هالشي يمس أشياء كثيرة تتعدى الجلد بمراحل
اقتباس:
إلا على طاريه يوم تنفقش البيضه عليه الحين انت وإياه من جدكم تشترون بيض عشان تفقشون !!
اقتباس:
يخي لو جايبين لكم حصاته ولاه ميت , بيض !! يقالكم فلم كرتون < نفسية البنت إلا بتحجر لك
ههههههههههههههههههههـ قنصوعة اقسم بالله قلبت الجملة وقريته عشر مرات أبدور مكان التحجير ما لقيته .. بالنسبة للبيض ذكرته عشان ابين ارتفاع الاسعار وان البيض كان رخيص بس ان شاء الله اذا كتبت مرة ثانية راح اتجنب هالخطا واقول حصاة موب عشانتس لا والله .. عشان البيض صار غالي ولا أي واحد يقدر يشتريه عشان ينتف أفغاني
اقتباس:
وبعدين تعال < على باله تحجير جديد
اقتباس:
وراك تتمغرر عليه ب شكل مغروري متمغرر وراك تحطم ذاك الكيان المتحطم < تجرب شعور الفدوغ المتفدغ
بلاتس ما جربتي شعور الغرور المتمغرر << الله يخس ابليستس يا فدغة .. اختس ملعقة تصير مثلتس نبلعه بس دحيم وش دخله
اقتباس:
تذله بعزيمته لك يا ويلك من الله تخليه ياكل تبن ويقولك السالفة ويشكي لك الحال لا وبالنهايه وعقب التمغرر يلقاك نايم
اقتباس:
انا لو منه مب بس اقوم واروح إلا اقوم واتوطا ببطنك
هل تتوقعين له وجه يتوطى ببطني عقب الافغاني .. عاد وش أسوي أنا قلت قبل اني مطنوخ وهذي الطبقية اللي يقولونه لان صعب تنزل مقامك لواحد ملحط واذا حصل ونزلت لمقامه لازم تذله وهذي سياستي في الايام القادمة بأطبقه بالمنتدى بحكم اني مراقب اذا نزلت لمستوى الاعضاء بشوف نفسي عليكم << بيكرشونك قبل لا تفكر
اقتباس:
ب النهايه اهنيك على طرريقة حبكك للأحداث التي ابهرتني ب حق
اقتباس:
مخي ما يجمع كذا المفروض يحطونك بهذاك المتحف الي به تصميمك ما شاء الله لو اني دارية ذاكرت الظا والظتا
إلا صح عمركم شفتوا تصميم ب متحف ب فرسنا < وما زالت تحاول انه تحجر لك
هههههههههههههههههههههههههههههههـ أنتي مشكلتك ثقافتك ضحلة << اذا عرفتي تقولين ضحلة تعالي حجري لي لكل شي له متحف ومثل ما قلت ان تصاميمي منب مخليهن يروحن ضحية اهمال من الحكومة لاني عرضت عليهم وكرشون فقلت لازم يكون لي متحف خاص بفرنسا يعرض موهبة التصميم عندي .. عاد بيني وبينتس ما رحت لفرنسا اسالهم الى الحين لاني متوقع انهم بيكرشونن مع سجن شهرين عشان ما أفكر مرة ثانية أنشر خنبقة فوتوشوب
أشكرتس على ردتس وتقييمتس المتقيم << الله يخس ابليستس يا فدغة
شطحة غبية .. بحكم إني مراقب وناوي أطبق سياسة التمغرر ترى توقيعتس ما جاز لي غيريه << أبو من حطك مراقب يا كلب
هلا هلا يالله حيّه جطييّل وين الناس اللي جادعتن موضوعه ومخليتنا تسذاتا هاجرينه ذا الحجر >
ع العموم لعد تبطي مرتن اخرى يافتى القُدس > تدخل معي بـ مُظاهرات حمآ آ آ آ آ ..... طوط
اقتباس:
المكان: أحد أروقة لندن << وش رايكم بـ أروقة
روآق والا خيمه هه هه هه > ياسمجتس
اقتباس:
الزمان: الساعة 10 مساء وقبل منتصف الليل بساعتين الأبطال في ذلك الرواق : دحيم و منجطل
يعني يقالك بتكحلها ترى 10 ونص الليل مامن فرق
تدري بـ من ذكرتني بـ هالطريقه .. شاعر وان ما خاب ظني بـ هو نايف الرشيدي .. قبل كم من نُسخه نزّل كم صفحه كذا بـ المجلّه .. الاسلوب فُل اوبشن
اقتباس:
هناك على ذلك الجدار يجلس احد الملحطين في هذه الحياة ومعه عودة ليدندن فيه ويقضي وقت فراغه
يآآآآآه يا انّك جبتها ع الجرح قبل كانت امنيتي بالحياة الكبيره اني اسمع عود شخص ملحّط ع قولك ياخي احسّه شي ثآآآآآآني > ابد ما دخلت جو الزبده الله عفا عني ولله الحمد والمنّه معد ابي اسمع ولاش عفا الله عمّا سلَف من مُنكرات كان عندي مُلجد مسميته .. الله يعيذنا من بليس كلما جيت بفتحه شفت اسمه همّن هونت لين شوي شوي وحذفته الله الله فـ التوبَه
اقتباس:
دائماً يمر رجل مطنوخ يدعى منجطل بحيث يمر في ذلك الرواق الساعة الثامنة وهو خالي اليدين ويمر مرة أخرى من ذلك الرواق مرة أخرى الساعة 12 ومعه أقل شي 3 بنات من الفئة الشقراء وعلبة موية من نوع نوفا مليئة بالعرق
يالله لا تخسف بنا يارب الله لا يعاقبنا .. وش ذا المنكر وش ذا السو > شوي وتلطم خدّها ياخي ع هوا وش ذا ع الاقل خل تفكيرك نضيف وقل من النوع الاجود ياكالتي عشان ينظفون دويرتك بما انّك مطنوخ >
اقتباس:
في أحد الأيام إحدى الفتيات حقدت على منجطل ودست له الكافور في كوب الشاي قبل ان يذهب الى البار فلما دخل البار لم يستطع أن يقاوم الوضع وأحس بغرابة الموقف بأنه لم يعد ذلك الفحل منجطل فخرج من البار الساعة 10 مساء وقبل منتصف الليل بساعتين
هههههههههههههههههههههههههههههههههههههههههههههههههههههه ذكرتني بـ سكن الجامعه
اقتباس:
لأول مرة يستحي منجطل اللي وجهه مغسول بمرق ولا عمره استحى فقال له الشكوى لله أنزل نفسي وأجلس مع الملحطين أمثالك
من يقول انّه زبدها بـ وجهك
اقتباس:
الفائدة من طبق البيض انه ما فيه أي هندي يمر إلا لازم ننتفه ببيضه بس أهم شي يكون بسيكل عشان نضمن الهجة ولا يقدر يلحقنا
هههههههههههههههههههههههههههههههههههههه طيب واللي يحلتون بيض من سطح بيتهم ع بيت جيرانهم اللي قدّامهم
اقتباس:
خرجت من المستشفى وأنا ناوي
اقتباس:
ههههههههههههههههههههه ع خرجت ذي توقعت انّك قلبت فجأه حجازي
اقتباس:
دخلت البيت لاقابل تلك الحسناء التي لم ترى عيني مثلها قط .. عشقتها من أول نظرة .. جمال آخااااااااااذ وعيون أطلق من أطلق عيون ناقة عندنا (تفكيره الطعس ) وقوام ممشوق انتفض قلبي لما رأيتها فهيت وفهيت وفهيت وانا أتأمل فيها وهي تقول لي وش تبي بعزيز
هههههههههههههههههههههه يقطع ابو الخربطه توّه بزر ابو ثمان سنين مابعد طاحن ضروسه يهرج هالهرج ياشيخ لوّه انا كان قلت اقول اعقب واخس وتقلّع لـ تصير مذبحه بذا > داخلتن نادي الرياضه للقوام الممشوق باين من اسمه انّه تلفيق
اقتباس:
أنا قمت وبكل غضب دخلت على الحريم أبشوف حبي الضايع اللي بيحرمونن منه
هههههههههههههههههه من قوات الوجه والله اجل دخلت عند الحريم يالاربد
اقتباس:
أنا بكل براءة مصحوبة بالدباشة أصير ضناتس وبزرتس بس وافقي وخلينا نتزوج
................. ههههههههههههههههههه وش ذا يرحم والديك وش ذا هذي براءه
اقتباس:
بعدها قررت الهجرة إلى لندن لأبتعد عن عالمي المشؤوم وأتمتع بحياة بعيدة عن الحلال والمزاين
طيب ابوه هو ابوه اللي عنده بل وحلال ومخاوي شمّا
اقتباس:
عاد الحين الساعة 1 والظاهر اني طولت عليك يا منجطل والا لا؟؟
ايه بالحيل والدليل ما عمرّه جرّب نوم الليل هالسربوت
اقتباس:
الزبدة كل واحد يتأكد من رقم الشاص عشان ما يحب أمه بالغلط مثل خوينا دحيم ويناظر يمين ويسار قبل يخطم الرواق
حقيقة قصة مأساوية حزينة ما انكر اني تأثرت فيها لدرجة ان دموعي طاحت من عيني .. اهنيك يامنجطل انت مبدع انت الإبداع تجسد على هيأتك يا ابو الإبداع انت فعلاً مبدع << راضعة من مصرية
أنا قمت وبكل غضب دخلت على الحريم أبشوف حبي الضايع اللي بيحرمونن منه والقاه جالسه جمب أمي وأنا اللي أخق وتضيع علومي
هههههههههههههههههههههههههههههه معليه بس قووووووية والله لو صدق لا تلاقي العقال على ظهرك .. اجل الدنيا سايبة تدور البيت بعذر انك معصب ؟ ياشيخ طيير ترانا بالسعودية
اقتباس:
وبدون شعور أركض واطب بحضنه وأقول ياجعله فيني ولا فيك
لقطة اباحية استغفر الله استغفر الله ياالله لا تغضب علينا
بحيث يمر في ذلك الرواق الساعة الثامنة وهو خالي اليدين ويمر مرة أخرى من ذلك الرواق مرة أخرى الساعة 12 ومعه أقل شي 3 بنات من الفئة الشقراء وعلبة موية من نوع نوفا مليئة بالعرق << بلندن ولا بغيره ما فيه غير العرق
أفااا بنات وشرآب وحركآت نص كم ماتوقعتها منك ماتحت السواهي دواهي < عاشت جو .. أنت لاتطلع من الريآض أبد كان هذي عمايلك
اقتباس:
لأول مرة يستحي منجطل اللي وجهه مغسول بمرق ولا عمره استحى
أنت تستحي معقول روقنا بالله قال أستحي قال <
اقتباس:
قامت البنت تصيح وقالت يا بعد مقاليق تسبدي أنت برب شوي بس << تأثير الكمبيوتر على حياتنا
الله يقطع بليسك حلووه ههههههههههههههههه
اقتباس:
(بعذره تقول بزر واحد بثاني ابتدائي ويقول هالهرج )
والله ماأردى منك إلا هالدحيم أجل يخق من يومه في ثاني أبتدائي ياخي وش هالدجه اللي تعرفونها
اقتباس:
قالت لي يا حمار أنا أمك الأصلية ولا عرفتك إلا يوم جيت تخطبن حسيت بالامومة ولا تتوقع ان عزيز هالاشهب يصير ولدي
وش هالأنقلاب اللي صار في الأحداث عقب الحب والتغزل تصير أمه مالك داعي حرقت القصه يوم تحمست
وأخيراً ماأستفدته من قصتك : كم قال الراوي في هذه القصة كلمة رواق ؟
والله قصة أليمه أمتعتنا منجطل لك مني + تقييم
.
توقيع LavendeR :
.
قُـلْ للذي أَحصى السنينَ مفاخراً . . ياصاحِ ليسَ السرُ في السنواتِ
لكنـهُ في الـمَرء كيفَ يعيشُها . . في يقـظـةٍ , أَم في عـميقِ سُبَـاتِ
تصدق لي أكثر من يوم كل ماأمشي في أسياب الضياع أشوف لمبة البشكه مولعه عاد أقول في نفسي وقتها الله يهديه منجطل قايل له أكثر من مرة لاتنسى ياأبو سليمان تطفي معك اللمبات حقت البشكه وأنت طالع منها ،، ترى محنب فاضين نسدد فواتير كهرب تكسر ظهورنا زي دايم عاد هالمرة قلت خلني أدخل أشوف من هاللي ملزق شطرطون على زر اللمبه وناوين يخسرنا لكن يوم داخلت شفت الزر أووف قلت طيب أجل هالنور من وين جاي ؟ طلع كل هالنور اللي أشوفه من يومين نابع من هالموضوع المجرم شكلك مركب كشافات في الرواق
صراحه قريت الموضوع ولاقدرت أقاوم استمتاعي بالقصة الخاثره واطلقت ضحكات تمزع منها بطني من قوة الضحك تمزع موب صاحي لدرجة إني أطلع من الموضوع ثم أدخله مرة ثانيه وأقرأ القصة من جديد وكأني اسمع نكتة لأول مرة وخذها جولة ضحك مرة ثانيه ،، ببساطه منسم مرجوج منتهي مصرقع عيّااااااااار نمبر ون بس لو تترك عنك الرواق صرت بخير
عيني عليك بارده مبرده يابعد مشاخيل قلبي إشعاع ساخر من هالموضوع نور أرجاء البشكه لدرجة إن اللي يشوف البشكه من برى يحسبه القمر من قوة النور ماشاء الله وأنا متأكد لو دخل ماراح يحصل إلا وجهك هو القمر بعينه ياقمر ياعسل أنت قلمك عيار بالفطرة ولو يواصل على هالنهج بيكون له مستقبل ذو شأن في عالم العياره وتشع مواضيعك نوراً من قوة الهبال والصرقعه والحواق اللي فيها ويمكن لو تطورت شوي وصار النور أقوى يمكن يحطون وجهك كشافات ملعب
الصدز ماأدري وش اقتبس ووش أخلي علمونا في الغرب إننا مانقتبس إلا الشيء المشكوك في صحته وأنا صراحه مافيه شيء في قصتك أشك فيه معاذ الله مصدقك ياأبو سليـMـان في كل كلمة قلتها ،، ومن يجرؤ أصلاً على تكذيبك ياذو الوجه الساطع ؟
لكن أبقتبس عشان بس أسلط الضوء على بعض الجمل اللي من جد ماتطلع إلا من فم واحد راضع هو والعياره سوى جمل تدل على إن فيه تنسيم في مخ هالقصمنجي
هيا بنا
اقتباس:
المكان:أحد أروقة لندن << وش رايكم بـ أروقة
وش أروقته أنت بعد ؟؟ داخل مكتب ههههههههههه ،، ماعمرك رحت لندن أنت ؟! المفروض البندري بحكم إنها مشبره لندن شبر شبر ماشاء الله عليها توقفك عند حدك وماتخليك تغلط على لندن يوم تشبهها بالمكتب اللي مافيه إلا طاوله وكرسي دوار ماأخفيك إني خمعه مثلك ماأعرف عن لندن شيء لكن شيء بديهي معروف حتى للي ماعمره سمع بلندن أبد لو تسأله لندن فيها أروقة بيرد رد ينم إعن إستحقار شديد لك ويقول لك بكل غرور ( ياشين القراوى لاتكلموا عن لندن ) وأنت ترد عليك وتسأله طيب وش فيها ،، بيرد عليك مرة ثانيه ويقول : لندن مافيها إلا (( أزقة )) << صارت منفوحة ماهيب لندن
لذلك ياليت ياأبو أروقه أنت تعدل على موضوعك وتبدل كلمة أروقة بكلمة أزقة وتحط بدل الرواق زقاق ،، تراك تتكلم عن لندن مهيب حيا الله
اقتباس:
في نفس الرواق دائماً يمر رجل مطنوخ يدعى منجطل بحيث يمر في ذلك الرواق الساعة الثامنة وهو خالي اليدين ويمر مرة أخرى من ذلك الرواق مرة أخرى الساعة 12 ومعه أقل شي 3 بنات من الفئة الشقراء وعلبة موية من نوع نوفا مليئة بالعرق << بلندن ولا بغيره ما فيه غير العرق
ههههههههههههههههههههههههه خل العرق على جنب لإن واضح إنك مالك شفّ عليه بدليل إنك تبي واحد بس ،، لكن خلنا في البنات هههههههههههههههههههه ثلاث يالظالم وكلهن شقر بعد ههههههههههههه على الأقل اطلب وحده شقراء للي خبري خبرك وثنتين موب شرط شقر اخذ وحده زنجيه والثانيه صينيه عشان بس يسوون لك مساج ههههههههه لكن أما تاخذ معاك ثلاث شقر هذي والله ماطرت على بال حتى الفحول أمثالي أبي أعرف كم معك واحد أنت ؟!
اقتباس:
وهو عائدُ إلى منزله خالي اليدين لأول مرة انتبه الى ذلك الملحط اللي يجلس على الجدار وهو يستمع إلى دندنة عوده ويغني بصوت مبحوح فيه من الحزن كما لو امتلئت الاروقة من الدموع << لا يهمكم التعبير ترا كل ذا عشان أروقة
اقتباس:
كان ذلك الملحط يغني ويقول
من رحلتي جفني ما يغفى أبد .. بس أقلب حزني فيني أو أعد
كم مضى من ليييييييييييل من قلتي وداااااع .. كم مضى من ليييييييل من قلتي وداااااااااع
تمتم بهذه الاغنية واجهش بالبكاء
موب عاقل دحيم شمّا مالك داعي صراحه كان عزمتني أجي أحضر معك هالحفله الحزينه وندندن سوى ويمكن نجهش بالبكاء سوى بعد ماعندك مشكلة الصدز عاد فيه أحد يحصل له حفله مجانيه لنصير شما في رواق (قصدي زقاق) في لندن ويقول لا << ناوين على ثلاث شقر وبس ولاطق خبر لخويك ابو شما وعوده المصدي
اقتباس:
أما الطعس اللي انولد معي فهو أقل وصف ممكن تقوله انه كشبارة أو تقدر تقول زفلت مقشوع
ههههههههههههههههههههههه وش هالكلمه الغريبه أول مرة اسمع بها والله إنكم يالقصمان تخترعون كلمات ماأدري وين تطلعونهن وش كشبارته أنت بعد جعلهم يكشبرونك وسط حفرة تبعد عن الخبراء ستين كيلو لهجتكم والبروننسيشن حقتكم نبلعها لكن تفكون فكونا من مصطلحاتكم الشاطحه اللي ماتنبلع ياأبو كشباره
اقتباس:
أنا زاد صياحي وأقول بكلمات متقطعه أنا بزرتس يا خلف أمي هالقشعة وأبوي اللي الظاهر انه متزوج ناقه
في الصميم حقت الناقه ههههههههههههههههه ذبة ماتطلع إلا من واحد يعرف يذب صح واحد الذب عنده مثل شربه المويه يذب ذبه في مجلس بدون قصد ماتلقى إلا كل اللي في المجلس فاقعينها ضحك على ذبته لله درك ياأسد البشكه
عاد خلاص يامنجطل كل تبن ترى عطيتك وجه إلى متى وأنا امدحك وارفع بك مانيب فاضي لك وراي حلال ومزاين خلني أروح اتفقدهن يكفي اللي اقتبسته وعلقت عليه وإن ماكفاك عاد طق براسك الجدار ماوراي إلا أنت وموضوعك المخيس اللي كله رواق في رواق << قلب عليه
الصراحه إننا مبطين عن مواضيع من هالنمونه ،، مواضيع توسع الصدر وتشرح الخاطر وتبسطك وتونسك وتبعد عند الهم والغم يعطيك العافيه يامنجطل ويسعدك مثل ماسعدتنا بهالقصة الزاحفه وامتعتنا معك يابطل أضحك الله سنك كل أبو دايم
بما إن هالموضع يتساهل التثبيت والصفوة بكل جداره ولإني في نفس الوقت مبطي ماثبت مواضيع في البشكه ومشتااااق لذلك اسمح لي اثبت هالموضوع العياري البن كلب << مايعرف يمدح ،، وانسخه للصفوة مع نسخة للبندري عشان ترفع عليك شكوى في بلدية لندن بحجة إمتهان وإحتقار مدينة لندن العريقة بكلمة مثل كلمة ( الرواق ) حقتك ،، والوعد قدام القاضي يامروق ياأبو كشباره
هلا هلا يالله حيّه جطييّل وين الناس اللي جادعتن موضوعه ومخليتنا تسذاتا هاجرينه ذا الحجر >
ع العموم لعد تبطي مرتن اخرى يافتى القُدس > تدخل معي بـ مُظاهرات حمآ آ آ آ آ ..... طوط
حياتس الله يا رماد .. عاد ركزي معي بالله وشوفي اللي بالأحمر .. يرحم والدينتس ما أبي مشاكل دحيم بيلعن خيري لو يشوف كلامتس لانه بيشك اني منزل صورة حبيبته اللي هي أمه مع القصة همن وش يفكن منه .. والله لو أهج ان يطارد وراي رواق رواق الييييييييين يطلعن .. تكفين عدلي الجملة لاني واثق انتس تخاطبين أنثى بس موب قصدتس أم دحيم وأيضاً تخاطبين أنثى ليست أنا
<< لا يهمتس هالكلام كله تشتيت ذهن عن هرجتس الـ طووووووووووووووط لا تعدمينا .. ما له داعي بكرا نلقى المنتدى بكبره مكلبش
اقتباس:
روآق والا خيمه هه هه هه > ياسمجتس
خيمة ولا ماطور ها ها ها << حمار مالغ ولا يعرف يملغ بعد
اقتباس:
يعني يقالك بتكحلها ترى 10 ونص الليل مامن فرق
تدري بـ من ذكرتني بـ هالطريقه .. شاعر وان ما خاب ظني بـ هو نايف الرشيدي .. قبل كم من نُسخه نزّل كم صفحه كذا بـ المجلّه .. الاسلوب فُل اوبشن
هاه .. مغيره نايف الرشيدي .. الله يصلحتس هذا متتلمذ على يدي وطلعته لساحة الفن ورعيت موهبته الين طلع على الدنيا .. بس ابن اللذينا ورا ما قال لي انه بيألف كتاب على طريقتي
اقتباس:
يآآآآآه يا انّك جبتها ع الجرح قبل كانت امنيتي بالحياة الكبيره اني اسمع عود شخص ملحّط ع قولك ياخي احسّه شي ثآآآآآآني > ابد ما دخلت جو الزبده الله عفا عني ولله الحمد والمنّه معد ابي اسمع ولاش عفا الله عمّا سلَف من مُنكرات كان عندي مُلجد مسميته .. الله يعيذنا من بليس كلما جيت بفتحه شفت اسمه همّن هونت لين شوي شوي وحذفته الله الله فـ التوبَه
هههههههههههههههههههههههههههههههههههههههههههههههههههههههههههههههههههههههههههههههههههههههه ههـ أقسم بالله لو أسمي مجلد تسذا أفرمت الكمبيوتر موب أهون أفتحه بس .. ايه بس خلي عنتس لو سامعتن عود دحيم كان نبلش بتس من صياحتس موب عشان الحزن لا سمح الله .. من الضحك عشان كماخته ودباشته وهو يدندن اللي اذا سمعته تشك انك تسمع عود ولا واحد يحوس بمغّاط
اقتباس:
يالله لا تخسف بنا يارب الله لا يعاقبنا .. وش ذا المنكر وش ذا السو > شوي وتلطم خدّها ياخي ع هوا وش ذا ع الاقل خل تفكيرك نضيف وقل من النوع الاجود ياكالتي عشان ينظفون دويرتك بما انّك مطنوخ >
ايييييييييييييييييييييييه جت الهيئة يا عيال .. يا بنت الحلال أنتم ناظروا النصف الممتلئ من الكأس .. صح انتس فهمتي ليش يطلعون معي بس ولو انتس فهمتيه وانتي شاكه بالوضع مع اني متأكد ان كلكم ياللي قريتوا الموضوع فاهمين غلط .. مثل ما قالت عجيزنا جايبهم عشان ينظفون بيتي لا يروح بالكم بعيد وانتي بعد لا تلطمين
اقتباس:
هههههههههههههههههههههههههههههههههههههههههههههههههههههه ذكرتني بـ سكن الجامعه
وش سكن جامعته .. تكفين يا جدتي لاني حالياً أشك بأمور الكافور وانا ساكنن بالجامعة .. أولاه قولي غيره لا تخلينن باتسر ادخل على مدير الجامعه واشربه قارورة كافور واقوله ذق اللي نذوقه يابن اللذينا .. برب عطار << خلاص جزم بس احتروا بكرا خبر بـ سبق طالب يتهور ويسقي مدير الجامعة كافور
اقتباس:
من يقول انّه زبدها بـ وجهك
يا عجيزنا من يقول كلامتس صحيح .. ناظري النصف الممتلئ من الكأس .. هو قاله عقب من باب الميانة
اقتباس:
هههههههههههههههههههههههههههههههههههههه طيب واللي يحلتون بيض من سطح بيتهم ع بيت جيرانهم اللي قدّامهم
اييييييييييييييييييييييييييه .. وانا أقول وش بتس تطرين فتى القدس وحماس وطوووووووووط أثر منول شاركتي بالانتفاضة بس ضد جيرانكم وباستخدام اداة العن اللي هي البيض .. ما يخالف هذولا عجزنا وشيباننا تلقى ماضيهم أسود من اللعانة واذا استلعنت جلدوك والمصيبة وهم يجلدونك يقولون لو انك طالعن علي كان ما شفنا منك هالبلاي .. أقول طيييييييييييير لو اني طالعن عليك والله ما يسلم من أحد
اقتباس:
ههههههههههههههههههههه ع خرجت ذي توقعت انّك قلبت فجأه حجازي
هههههههههههههههههههههههههـ لا والله موب حجازي .. السالفة ومابه ان عندي سلك لغة عربية فصحى والمشكلة اني مغيره اكثر من مرة عند بنقالي ولا يربطه زين لذلك مع الرجة يطلع من مكانه ويلتمس مع العامي وخرجت هذي أنا متأكد انه طلعت عقب الالتماس
اقتباس:
هههههههههههههههههههههه يقطع ابو الخربطه توّه بزر ابو ثمان سنين مابعد طاحن ضروسه يهرج هالهرج ياشيخ لوّه انا كان قلت اقول اعقب واخس وتقلّع لـ تصير مذبحه بذا > داخلتن نادي الرياضه للقوام الممشوق باين من اسمه انّه تلفيق
ههههههههههههههههههههههههههههههههههـ يا حليلكم هاللي ما طاحت ظروسهم حنا نخاف منهم .. انتبهي ترا البزران يحفظون الاشكال يعني عادي عقب عشرين سنة تلقين أخوتس يوصف شكل بنت خالتس
اقتباس:
هههههههههههههههههه من قوات الوجه والله اجل دخلت عند الحريم يالاربد
تسمع يادحيم يالاربد << على اساس انه موب انا اللي داخلن عندهم وتلومينه بعد .. هذا الحب يخلي الواحد يقدم التضحيات ولنا في يحيى خير مثال << يا شيخ افلقن اذا كنت تعرف وشو مسلسل يحيى
اقتباس:
................. ههههههههههههههههههه وش ذا يرحم والديك وش ذا هذي براءه
ههههههههههههههههههههههههـ عاد يا رماد حظتس جاء اللي ادبش منتس .. شفتي شلون وأنا كل يوم أقنعتس وأقول بيجي يوم بتشوفين من هو أدبش منتس .. عاد افرحي يا عجيزنا على اخر أيامتس طلع بوه واحدن ادبش منتس مع اني متاكد لو نصبر شوي بنهون وبنرجع لقب ووسام الدباشة لتس
اقتباس:
طيب ابوه هو ابوه اللي عنده بل وحلال ومخاوي شمّا
ايه هو أبوه .. شوفوا يا ناس نموذج لعجوز درجة أولى لازم تسأل عن القرابة ووشلون يقربون لبعض موب عيالنا منتالي لو تسأله عن عيال عمه يمكن ما يعرفهم
اقتباس:
ايه بالحيل والدليل ما عمرّه جرّب نوم الليل هالسربوت
بعذره ما جرب نوم الليل .. وش ترجين من واحد يجيب الشغالات الشقر ويكنسون البيت يعني أنواع ازعاج المكانس ما يقدر ينام << يا كلب داخل على منتدى بنقالية .. أجل ازعاج مكنسه
منجطل يالاربد تقلّع ماهنا تقييم ولا حتّى رد المرّه الاخرى > ودّها تجرّب الكروت اللي تحتك صفر وحمر
وشو اللي مشفر .. السالفة واضحة واحد حب وحده وطلعت أمه فيها شي والبنات الشقر شغالات ابيهن ينظفن البيت على قولتس يعني موضوع عائلي مافيه أي شي .. وأتوقع لو تعرض القصة ويمثلونه بتطلع بأي قناة تلفزيونة وما استبعد تكون بالمجد بس يا ليت تكون الأم ريم عبدالله
وأبد لا تمنين علي واقفتن على تقييمتس << التسلب ما قال هالكلام الا عقب ما حط التقييم بمخباته
وش اللي تفضفضين .. موب هنا روحي ببلكونتس فضفضي .. عاد وش دعوة اذا ما احتويناتس بالبشكة وين نحتويتس .. ألف شكر على ردتس اللي كله تسفيل وشبعت من الهوا من كثر ما أكلته .. أيضاً ألف شكر لتقييمتس اللي من غير نفس
هلآآآ منجطل وش عنده توم كروز أجل 3 شقروآت ., ومن اي شركه أثاث تعاقدت معه وجبتهن ., من الاثاث الجديد والا الاثاث المستعمل ههههههه بس خبرك لندن ماتهيت ولاتسربت الا اثاث مستعمل .. ومع هذا راضي يالصتيمه ؟ والا اهم شي عندك الشقآر والبياض تحس انه نظيفه ., بس تهقى القمله اللي بشعورهن مثلنا سودا ؟ والا قملتهم شقرااااء هههههههههه سؤال حيرن الصراحه وانا بعمق التفكير بالشعر الاشقر ..
أنا اخبر يوم كنت صغيره وبي قمل كانت امي تحني شعري بالحناء ويطلعن الصيبان لونهن أحمر .. تتوقع يرجع اصلهن للهنود الحُمر ؟ يعني غاشيننآ بالجنسيه ؟ يسوونهآ ربعنا
موب تسني نسيت موضوعك ياابو اروقه وكله بسبب الشقر ليت من جاب العود حق دحيم ولخمه بخشتك وخلى هالوتر الوآحد ينشب بخشمك ويتدودل ..عشآن تعرف وشلون تروح للبار وتسكر وتنكر هنآك .. هذي ثمرة تربيتنآ لك يالداشر ( أبو منجطل وهو مشمّر سرواله السنه لاقصى حلقه )
22-9-2010, 4:20 AM
حـــب ضــــايــــع .! 
رد: حـــب ضــــايــــع .! 
<< وش رايكم بـ أروقة 
.. ياخي ما قلنا لك لا تسذب بس بشي معقول .. أجل تشرّه عشرات منتب عاقل يالوليد 
(على أساس إنه مغطي الشمس 
.. مرت الأيام والسنين وأنا أكتب القصائد وأدون ما يمليه علي قلبي كله عشقاً بتلك المزيونة حتى انعمت بصيرتي وبديت أشوف الناقة كانها المعشوقة 
< ام الفضاوه الي تعيشينه 
> 
> تدخل معي بـ مُظاهرات حمآ آ آ آ آ ..... طوط 
عفا الله عمّا سلَف من مُنكرات 
> 
العرض العادي
