من العايدين .. من الفايزين!! استفتاء البشكة .. تصويت أنتم نجومه - الصفحة 2

قائمة بأسماء الأعضاء المهشتقين في هالموضوع :
اكتب أسماء الأعضاء اللي ودك تهشتقهم في هالموضوع وافصل بين يوزراتهم بفاصلة زي كذا : فالكم طيب، منجطل بالطاية، فارس، رماد انثى All Friends

6-9-2010, 3:01 AM

مشاركة رقم المشاركة : 11

حجرف

شـاعـر

حجرف غير متواجد حالياً

رد: من العايدين .. من الفايزين!! استفتاء البشكة .. تصويت أنتم نجومه

الخيار الثالث

توقيع حجرف :

bb pin : 290801DE

6-9-2010, 3:43 AM

مشاركة رقم المشاركة : 12

ملآمح !

سنعه وشقرديه

ملآمح ! غير متواجد حالياً

رد: من العايدين .. من الفايزين!! استفتاء البشكة .. تصويت أنتم نجومه

؛
الله يتقبّل منّا ومنكم

.
انآ اصوّت لـ :
4- اختفى معنى العيد هذي الأيام

بس برضو
5- ما زال للعيد طعم

وكل عام وانتم بخير قبل الزحمة

توقيع ملآمح ! :

.
.

استغفر الله واتوب اليه

6-9-2010, 5:42 AM

مشاركة رقم المشاركة : 13

طاحس

من كباريّة الضياع

طاحس غير متواجد حالياً

الأوسمة

رد: من العايدين .. من الفايزين!! استفتاء البشكة .. تصويت أنتم نجومه

والله العيد مثل ماهو بس الناس تغيرت !! العيد الحين صار مثله مثل اي يوم بالسنة

اللهم الفرق انك تسلم على اخوانك الصبح

قبل يمكن كانت حلاوة العيد اننا كنا صغار
ونفرح بالعيد عشان العيديات اللي تجي سواء حلاو فلوس او حتى تفرح لانك بتلبس ثوب جديد
وانت طول عمرك متعود عالوصاخة

الواحد صار يواصل للساعة 8 بعد ما يعيد على اهله
يرجع ينام لليل ثم يصحى وتبدا الهجولة ومطارد الفعاليات واخر شي يروح يومه في الشوارع
لان كل شي عوايل

اذا مرة مرة غيرنا جو رحنا عند الاستاد وتفرجنا على الالعاب النارية !

منجطل على تبن

6-9-2010, 5:58 AM

مشاركة رقم المشاركة : 14

منجطل بالطاية

مراقب مارج

منجطل بالطاية غير متواجد حالياً

الأوسمة

رد: من العايدين .. من الفايزين!! استفتاء البشكة .. تصويت أنتم نجومه

بشكوشي يا بعد معاليق تسبدي

.. يا جعلي ما اذوق يومك يا ***

.. بصراحة أقولك آسف لاني المفروض قبل أكتب أي استفتاء أرسلك على الخاص واشاورك طال عمرك وش الخيار اللي يناسبك عشان أحطه

.. ياخي فعلاً الحوطي يبقى طول عمره حوطي

.. ياخي ما تشوفن حاط تعدد الخيارات يعني تقدر تختار اكثر من اختيار بوقت واحد لاني داري ان الواحد بيصير عنده تضارب بالمشاعر تجاه العيد

وانت عندك هذي الحالة ولا انت من النوع اللي يقرا طرف الموضوع ويطب محيفرة ويرد على عماها

.. ياخي اقرا اخر شي ملاحظة هامة كاتبن لك ان فيه تعدد بالتصويت

.. مرة ثانية أكرر أسفي يا قلبي إني ما شاورتك

.. عاد تصدق ما يستقعد لي الا انت

.. ما عمري نزلت استفتاء الا تستقعد لي .. عموماً الشرهة علي اللي أحط استفتاء وفيه ناس مثلك لازم أجي أشاورهم طال عمرهم

.. مقفل

<< خربت الاخلاق

يا حبي يا بشكش .. بصراحة انه ليضيق صدري ان الاستفتاء ما جاز لك وهالشي يحز بخاطري ويخلين أعيد النظر بالاستفتاءات الماضية واقول بنفسي وراه ما اعيدهن واحوق امهن خلن أقهره شوي

.. عموماً يسعدني النقد الهادف البناء .. أشكرك جزيل الشكر

<< كنت ناوي العن خيرك بس عشان التقييم هونت

العيد وما أدراك مالعيد .. وين عيد منول يوم كان خالي ياخذ طرطعان الجيران بحكم انه بالدفاع المدني ويعطينا وحنا بكل بجاحة ناخذهن ونطرطع قدامهم

.. وين عيد أول اللي الثوب ما تلبسه الا يوم العيد لانه بيروح فحم ضحية الحرائق الناتجة من غشامة عيال خالاتي

.. وين عيد منول اللي نترزز قدام خوالي وخالاتي نحتري العيدية والواحد يجمع ثلاثين ولا اربعين ريال يصير أكبر تاجر

وعيال خالتي يتلزقون بي عشان عيال عمومتي يعطونن عيدية وتزود عيديتي عنهم

.. وين منول نلبس الثوب والشماغ ونسلم بسرعة ونطلع ونغير ونلبس البدل وما فيه الا قوة كورة وكالعادة نهاية محزنة تنتهي بتفقيع وجه واحد منا

.. وين يوم كنا نروح لبقالة أبو حمد وبحكم تشبيكنا للهندي يعطينا علك أبو ربع عيدية

.. وين العيد أول اذا فضينا عبينا التفيخات ماء ونتفنا الهنود اللي يمرون من عند بيت جدي

.. وين عيد منول اللي اذا جت الساعة عشر خامدين واهلنا يقولون قوموا خلونا نرجع للبيت وحنا مسوين على بالنا نايمين عشان نمرح عند جدتي الله يغفر

.. كل هالذكريات اختفت وتبدلت 180 درجة وصارت الدعوة حوسة وما عاد فيه شي اسمه عيد الا من بعد الفجر الى صلاة الظهر والباقي يرجع يوم عادي

.. المشكلة موب هنا المشكلة اذا كانوا عمانك بديرة وخوالك بديرة لازم يتفرقون أهلك نصهم عند عمانك ونصهم عند خوالك

.. يعني فعلاً مافيه احساس بطعم عيدنا منول .. ما أقول إلا الله يذكر أيام أول بالخير

.. الحين بالعادة العيد بالقصيم أول يوم وثاني يوم أمشي عقب الفجر أنا والوالد وأخواني للرياض ونعيد عيال عمي كلهم القريبين والبعيدين وما تجي الساعة تسع الا وحنا مرة ثانية بالقصيم

.. بالعربي اللي بيسوق بيحس انه كداد ماخذن صنف ابن كلب

.. قل نوم وزود على تسذا مسكة خط

.. طبعاً خلال الثلاث سنوات الاخيرة أقولها وبكل أسف أنا اللي أروح ضحية السواقة بحكم إني أصغر واحد من اللي يسوقون

وليت واحدن منهم يستحي ويقول والله يا منجطل شكلك تعبت وش رايك أسوق عنك .. لا للاسف الا يتسدحون ويتبطحون وينامون وانت تسوق ياكلب

.. ادري اني شطحت من موضوع العيد للسواقة بس تحملوا

تم اختيار 4 وَ 5

تقبل الله صيامكم وكل عام وأنتم بخير

توقيع منجطل بالطاية :

كثيرة هي عقبات الدنيا كما كثرة تحويلات الرياض

كل ما عليك تبحث عن درب آخر وتواصل حياتك

----------------

6-9-2010, 9:59 AM

مشاركة رقم المشاركة : 15

حوآء الخآمسه..!

حوآء الخآمسه..! غير متواجد حالياً

الأوسمة

رد: من العايدين .. من الفايزين!! استفتاء البشكة .. تصويت أنتم نجومه

وعليكم السلام ورحمة الله وبركاته
إلا صحيح

وش سالفة تبويس رؤوس الأباء والأمهات إذا أعلنوا إنه عييد

ههههههههههههه
معلللييييش بس يعني تهقى أنها زود ذرآبة

.. ولا حماس مختلط بفرحة قدوم العيد

ياألله رآح طعم العيد أول وأيام الطفولة

ملابس جديدة ولازم كلش مثل بعض تطقيم.!

والعيدية ذي شششششيء خطير أهم مابالعيد

نروح نسلّم على الشيبان

ونتجاكر منهي اللي جمعت فلوس أكثر من العيد
وروحة القصيم ذي لحآآآآل عاد ..

تكون ثآني يوم .. يأجلون عيدهم عشاننا نعيّد بالرياض أول يوم بعدييين نروح لهم ثاني يوم
ويختبّون إذا جينا

.. "جت خالتي مدري عمتي فلانة وعيالها.!"<<<<يقصدون أمي لأننا حنا نروح لخوالي

بس اللحين ......!!

تصدق إني ماحضرت إجتماع العيد لا العام ولا اللي قبله ولا اللي قبله

هههههههههه يعني ثلاث سنين ورى بعض!!

.. من زود الملل والغلقة والجو الكئيب

أتربع من الصبح إلى العصر بالبيت عند روتانا قدآمي كرتون ماكينتوش ومكسرات وبيبسي

.. أفضل من خرابيطهم
//
قرّب رحيلك يارمضان نسئل الله أن يجعلنا من المقبولين فيه وإيآكم .. اللهم آمين

:

.

قيّمتك + إخترت رقم 4
ألف شكر منجطل بالطاية ..

توقيع حوآء الخآمسه..! :

7-9-2010, 8:42 AM

مشاركة رقم المشاركة : 16

قرنـ!سة

هاوي عدسه

قرنـ!سة غير متواجد حالياً

،

أولاً : تقبل الله منكم الطآعه برمضآن !
وثـآنياً : كٌل عـآم وإنتوو بألف خيرر " آلجميع

إممم وبالنسبه للعيد ، أنا صوتت
لـ إختفى معنى العيد هذه الأيـآم !

لآن بصرآحه الوآحد كل مايكبر بالعُمر يكون العيد عنده أقل حمآسه
العيد بالنسبه لي للصّغـآر ، فرحه .. والبآقي كأي إجتمآع للعائله : )

وَ على قُوله رَبع زين
. . . [ فرحه العيد حين تُعطي مِنهآ تزيد ]

وإممم إي صَح العيد عندي فرحته وجوه آلحلوو بهالصُوت

جَعل الله جميع أيـآمكم خير : )

[rplayer]http://www.alnawader.net/athan/listen/takbeer4.ram[/rplayer]

توقيع قرنـ!سة :

**
الرُقي في قاموسي = حُسن النوآيا
أحُب المجتمع الرآقي والرآقي جِداً

15-9-2010, 9:03 AM

مشاركة رقم المشاركة : 17

رماد انثى

وجه المدفع
عمدة الضياع

رماد انثى غير متواجد حالياً

الأوسمة

رد: من العايدين .. من الفايزين!! استفتاء البشكة .. تصويت أنتم نجومه

ترى للحين ما قضا العيد

لا والله العيد الحين غيييييييييييييير ولو انّه باقي به طعم بس معد هوب مثل منوّل .. يخوي النفوس تغيّرت بالحيل .. صارت حتّى الابتسامه واضحه انها بالغصب .. اطهر شي انّك تبتسم لأنك تحب الشخص اللي قدّامك ليه ما تبتسم .. ع الاقل ابتسم واحتسبها صدقه يطولي بعمرك ع طاعته .. زين لو جيت تسلّم وش عندك ما تشق حلدزك جعل عدّوك لـ الزرره

مستخسرين ع الضعوف فتحة هالافم الله لا يعاقبنا ..

هذا غير انهم معد صارو يحطون عيدهم بالشارع

ليه قسم بالله يجيني شعور مقدر اوصفه اذا رحنا لـ بيت جدّي منوّل .. واشوفهم فارشين برّا وكلهم مجتمعين وما تشوف الا قوّة صبصبه

ومخاشم وفلة حجاج

اذا دق علينا اخوي انس 07

وقال تراي بطلع من الاعتكاف باتسر عيد نقعد نناقز ونروح نسلّم ع اهلي كلهم وهات يالحبحبه والمخاشم والتميصل

طبعاً العاده السنويّه اننا آخر ليله من رمضان ليلة العيد نجتمع فـ بيت جدي جعله بالجنّه واذا قالوا عيد نروح نجمّع عماني ونسلّم عليهم وهه نسولف زود

نرجع البيت وتبدا الحوسه من وين شمااااااغي من زارفه اسااااامه يالهيس كنادري لا تاطاهآ انت تخبرها تخرب

احمااااااااااااااد جبت الثياب كلهن .. هآه عساه خويكّ بيّض الوجه

يمااااه شوفي ابوي خذ عقاله القديم وعيانا نعطيه من العقل الجديده > مافيه الا قوّة تحريش

يبااااااااااااه اصبر اصبر ببخرّك > انا احتسي

وتجي اختي ونتهاوش انا ببخرّه هالسنه انتي عيد الاضحى بخرتيه همّن اقول لا الاضحى ما يعتبر عيد

استغفر الله بس

هيييييييييييييه هيييييييييييه اثبت لا تحترك همّن تحترق > مزعجها دحيّم يتحرّك وهي تبخرّه من تحت

يااااااالله تعالو تقهوووا

همّن نجتمع كلناااااااا ع القهوه والحلا والقشده

ثم نعايد بعض نوبتن ثانيه .. بس الشي اللي يفرق واللي نقدّسه زود فتح الابواك وتوزيع العيديات

حيث ابوي يصرفنا دايم ويقول ما صرفت ما ندري الا وهو خامنا ومعطينيّاها بـ منديل

ياحبيله شايب

همّن نلبس العبي ونروح لـ الصلاة .. صلاة العيد ونوزع اللي يقسمه الله ع البزران اللي يجون عيديات وهه

همّن نطلع من مسجد العيد ونروح لـ جداني اهل ابوي

هالحين داخل البيت عند جداني اهل ابوي الصبح نتجمّع من عقب صلاة العيد ويااااه ياصلاة العيد شي ما ينتفوّت

ماتجي 8 وربع تقريباً الا وحنّا متعيدين وقاضين

ونجلس نتقهوى ونتشهوى

الين حول الـ 9 ونص 10 همّن كلن يروح يسلّم ع الحريم والرجال الكبار اللي بالعايله .. نروح لـ عمتي عمّة امي همّن خالات ابوي .. وجد بنت عمي بس مدري وش يقرب لي المهم اني محرّم

الزبده نروح نسيّر ع كمن محل همّن نروح لـ خوالي ونقعد عندهم لين الليل وطبعاً انا ارقد عند جداني اهل امي .. عند خالاتي الصغار

ونتجمّع كلنا يابنات الخالات وشهي الوناسه وشهي الفلّه وشهي توسيعة الحجاج

احساس له رونق جميل جدا ويسلب الانظار

طبعاً المفروض انام عندهم الـ 4 ايام العيد

بس امي ما طاعت الا يومين

> بعد الشحاذه والتطلّب

وبس نصير كل يوم نشوف خوالي ونجتمع يالحريم

بـ حكم ان الرجال بـ قصرنا فيه فطور .. وغدا وعشاء ونوم بعد

يعني الرجال ما نشوفهم طول الـ 4 ايام الا اذا صارو من النوع اللي ما يحبون ينامون هناك

وفيه طبعاً مهرجانات هم يسوونها بـ القصر نفسه .. يعني مُسابقات آخر يوم وجوائز وكشخه وذا

وفيه دوري كوره بين العوائل اللي بالديره

ولله الحمد للحين عائلتنا هي المتصدرّه مع ان عندهم اصابات .. بس اثبتوا انهم قادرين ع قلب النتيجه راساً ع عقب

> متأثره بـ نقاشكم بالرياضي

وووووو بس

لا همّن نرجع لـ الرياض حيث اننا ما نطلع من البيت ابد

وياحبي للقعده بالبيت

الشي الوحيد اللي ما نفقده بالعيد

حالات الاصابه بالمّر

والطرطعان

واليدين المحترق نصّها بنفعل الولآّعه ام كلب

ثانكس منجطل

> تردّها

مُشاركاتي صارت بـ الـ [ 700 ]

نبي عيديّات

وتبريكات

وعانيّات

> متأثره بالعرس اليوم

توقيع رماد انثى :

* اللهم إغفر لأموات المسلمين وإرحمهم وإجعل الجنّة داراً ومُستقراً لهم .

آخر تعديل رماد انثى يوم 15-9-2010 في 9:13 AM.

صفحة 2 من 2

مواقع النشر (المفضلة)

« لووووووووووول !! يسلمووووو!! استفتاء البشكة .. استفتاء أنتم نجومه | ختام فعالية استفتاء البشكة .! »

الذين يشاهدون محتوى الموضوع الآن : 1 ( الأعضاء 0 والزوار 1)

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الساعة الآن بتوقيت الرياض : 8:18 AM

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25

مشاهدة نتائج الإستطلاع: كيف ترى العيد ؟؟
1- يوم روتيني كباقي ايام السنة	2	7.41%
2- أسعد اللحظات اقضيها بأيام العيد	2	7.41%
3- يوم ممل	4	14.81%
4- اختفى معنى العيد هذي الأيام	16	59.26%
5- ما زال للعيد طعم	15	55.56%
إستطلاع متعدد الإختيارات. المصوتون: 27. أنت لم تصوت في هذا الإستطلاع