Humanity against the robots - منتديات الضياع

قائمة بأسماء الأعضاء المهشتقين في هالموضوع :
اكتب أسماء الأعضاء اللي ودك تهشتقهم في هالموضوع وافصل بين يوزراتهم بفاصلة زي كذا : فالكم طيب، منجطل بالطاية، فارس، رماد انثى All Friends

27-8-2010, 6:21 AM

مشاركة رقم المشاركة : 1

الضب الانتحاري

ضايع إكه

الضب الانتحاري غير متواجد حالياً

Humanity against the robots

مقدمه :

(( تقول النبوءه ان الالات ستسيطر على مستقبل بني الانسان ; فتقتل رجالهم وتستحيي نسائهم .. ولن يتمكن احد من الوقوف في وجههم .. حتى يولد طفل من اب الي وام من بني ادم .. وسيتمكن من تحرير الارض من سيطرة الاليين ))

النار تأكل المكان .. طلقات الرشاش والليزر تحطم صمت المكان كما يحطم بدوي قزازه سيارة

.. بنو الانسان متحدين اخيرا .. لكن الالات متحده وتعاونيه ايضا

.. في هذه الاجواء .. وتحت هذه الضغوط العاصفه .. ولد بطلنا مكافحا من يوم ولدته .. فالشائعات تقول ان امه لفضت انفاسها الاخيره وهو يخرج منها لأن البطل كان خائف من الالات وتمسك بطحالها وكبدها

.. يقولون والعهده على الراوي ان الولد طلع وهو ضاف جهاز امه الهضمي كامل

.. لكي نفهم القصه بالكامل يجب علينا العوده الى سنه مضت .

وشوشوشوشش << ترا هذا المفروض انها مؤثرات صوتيه

.. وفلاشات ترجع بالزمن

الزمان : 3214 بعد الميلاد

المكان : الكره الارضيه .. في داخل سيارة واقفة امام منزل النوري

عمليات عمليات .. وش صار على المزه يا بدو ؟

العساكر : المره يا طويل العمر عاننا نعاينها توها تظهر من البيت ..

اللواء ركبه : طيب يا حوش انتبهو لا تحس فيكم ولا تشوفكم .. ترا ان ماخاب ظني هي اللي بتولع الدنيا ..

العساكر : ياطويل العمر وش تولع الدنيا .. والله لو انها كبريت ههههه

..

اللواء ركبه : كبريت هاه .. تنكت يا بهيمه .. اسبوع حجز يا ملعون الوالدين عشان تعرف

..

العسكري : ياطويل العمر طالبك ومدرسك بعد

.. تكفى بلاها يا سعادة اللواء

.. والله منيب شايف اهلي الا بعد 6 سنين من الحجوزات اللي علي

..

اللواء ركبه : اجل الحجوزات اللي عليك .. ليه الاخ رحله هههههههههههه

..

العسكري : ياطويل العمر الظاهر ان البنت وصلت ..

اللواء : طيب يا ثور خلك وراها وعطني اللي يصير بأدق التفاصيل ..

العسكري : ياطويل العمر قابلت رجل الي ودخلت معه بيت

اللواء ... اهاا .. انا قايل لكم راقو البلاك بيري بس انتم ما تسمعون

.. طيب يا مناحي شف النظاره اللي معلقه بالسقف .. البسها وبتشوف اللي جوا البيت واشرح لي الوضع وشو ..

مناحي يسحب النظاره ويلبسها ويناظر البيت ..

يا طويل العمر اللي حنا متوقعينه صحيح .. المره بدون ملابسها والرجل الالي بدون صواميل

اللواء : ياعيال .. الحين نقدر نرتاح خلاص .. لقينا منقذنا

..

وشوشوشوشش << نفس المؤثرات اللي فوق بس هالمره تروح قدام

..

المكان : الكره الارضيه ..

الزمان : 3215

صياح البزر المزعج يزعج العالم .. الى درجة ان الاليين وبنو ادم اتفقوا يوقفون الحرب الين يشوفون لصياحه دبره

..

اجتمع كبار بنو الانس .. ووقف كبيرهم قائلا : ياجماعه .. هالبزير ذا ان جلس بذا ودرو عنه مكاين الهايلكوس والله ما يسلم

.. وانتم يالربع خابرين ان خلاصنا بيدوه ..

فنهض اخر وقال : خلاصنا وسكريينا وبرحينا بعد .. لكن ياخي فين نحطه هاه .. هيا قول لي فين ؟

..

فقام الثالث وهو يقول : ماودي اقول لك وين تحطه انت وذبتك النايمه ياكلب

..

وبداء الهرج والمرج في اجتماعهم حتى اسكتهم صوت طلقة رصاصه قد اطلقت في السماء .. فما كان من كبيرهم الا ان التفت وقال : وراك تطلق على الثريا يا ملعون الوالدين

شارينه بقروش ذي ميب جايتن ببلاش

.. فقال صاحب الطلقه : انا اسف بس ماكنت اقدر اسكتكم الا كذا .. بس ابوي جاين معي وعنده لكم رأي زين .. فتقدم من خلف الشاب رجل عجوز ورفع عصاه قبل ان يضرب بها الطاوله بكل عنف وهو يقول : ياكلاب وراكم ما طفيتوا لمبه الحوش

..

تحملق الرجال حول الرجل العجوز الذي جلس القرفصاء وقال : ياعيالي .. البزر هذا مافيه الا مكان واحد نقدر نضمن فيه انه يعيش حياة كريمه وامنه .. فنهض كبير القوم وقال : طيب وينهو بوه ياخال تكفى قل وفكنا .. فنظر اليه العجوز وقد تأبط شرا (( والله يا تبطون يا حشرات تقولونها

)) وقال : اصبر خلني اكمل حتسيتي ووجع .. اقول لكم يا ابنائي انه ليس هناك سوا مكان واحد لن يتجراء الاليون في الذهاب اليه .. وسنكون مطمئنين على ذلك الطفل .. واذا اردتم ان تعرفو اين فأني سأقول لكم في جبل اجا وسلمى ..

ساد السكوت والصمت والهيبه اركان الغرفه .. فجبل اجا وسلمى لم يكن يسكنه سوا شخص واحد .. شخص قاتل .. لم يجروء احد على الاقتراب من ذلك الجبل لا من الانس ولا من الجن ولا من الاليين .

قطع صمت الغرفه كبير القوم وهو يقول : انت صاحي ؟؟ تبينا نوديه عن الضب الانتحاري

.. بكامل عقلك انت ؟؟ قال العجوز : ايه بكامل عقلي وصالحوه بعد تسان ماجاز لك حتسيي .. هناك تظمن ان محد من البكمات ذولي يذبحوه .. لأنوه ان مات رحنا فيها وانتـ... قاطعه كبيرهم وهو يقول : طيب ياشايب الشريا مافكرت من اللي بيوديه ؟ من وين بنلقى واحد بايع عمره يروح هناك ؟

فأجاب العجوز بصوت يملئه الخوف

.. مالنا الا نسوي قرعه .. لازم واحد مننا يضحي عشان يعيشون عيالنا ..

فمان الله يا ابو ابراهيم

.. الله الله بالولد انتبه لا يطيح منك

.. امسكه بيدينك الثنتين لاتحط يدك تحت ظهرك

.. اقول ابو ابراهيم .. حاول انك تستمتع هههههه

بهذه الكلمات ودع بنو الانس ابا ابراهيم وهو متجه الى جبال اجا وسلمى .. وكانت تلك اخر مره شوهد فيها ابو ابراهيم يمشي مشيا طبيعيا

..

في جبل اجا وسلمى :

آآآآآه حسبي عليك يا الضب

.. لعنبو حيك ودي اقول ابريح عندك يومين بس عارف اني ما والله اسلم منك

.. امسك يال اضب هذا البزر امانه في رقبتك .. لا تنحرف معه يا زق تراه امل الانس كلهم ..

تشك تشك << صوت ولاعه

..

اجبت الرجل وانا اخذ لي موش من الزقاره .. : امل والا احلام

.. يا ابو ابراهيم انت من يوم راحت خيريه من بيتك وانت ما تسوى تراب .. رح يا رجال قبل اقوم احط حرة زواج خيريه فيك

..

اخذت الطفل وبدأت اهتم به واحبه .. وارضعه

.. بل وصلت الحال الى اني اعطيه ظهري لكي ادخن فلا ادخن بوجهه

.. كبر هذا الطفل وكبر معه حبي له .. وفي يوم من الايام كنت جالس اصلح الشاهي على ضو السمر واجر موالاتي

فأتى الصبي وجلس امامي وقال : يبه .. هالحين انت وراك عازلن نفسك عن هالعالم ؟؟ فأجبت الولد وانا انظر الى النار واقول : اييييييييه يا ولدي .. الدنيا وصخه وانا ابوك ماهيب زي اول

اول الواحد يعطيك دخان .. البقالات تسجل على الحساب .. عبدالقادر فيه .. الحين ياولدي ماعاد فيه ااخلاق ولا شي .. الحين كل واحد همه نفسه تلقاه يروح للبحرين لحاله ولا عليه من احد

يشتري بكت دخان ويوزيه مايعطي احد ولا يدخن قدام احد

.. وزود على هذا فيه هالحرب القايمه بين ربعنا والجنوط

..

فقال الولد : ربعنا والا شاصنا يبه الله يهديك .. بعدين الحين بدال ما تشارك بالحرب يبه تقوم تنحاش ؟ فأجبت الولد وانا ارميه ببياله فاضيه : وش اشارك بالحرب تحسبها برنامج حليمه انت

..

انا يا ولدي مثل ما قال ابن عباد بمسلسل الزير سالم .. انا لا ناقة لي في هذه الحرب ولاجمل ..

في هذه الاثناء وبينما كنت اكلم الولد كانت تدور احداث تهدد بنهاية العالم ..

الزمان : 3230

المكان : مقر الجيش الالي

يا .. طويل .... العـ ـ مر وصلتـ نا اخبــ ا ر خطــ يـ ره << ترا هذا صوت رجل الي موب ابو متعب يقرا خطاب

زعيم الاليين : افااا .. وش اخباره بس يا سين 13

سين 13 : الولد .. الي بيده نهايتنا اختفى

زعيم الاليين ينهض وامبير الحراره يقترب من الاتش ويقول : وشلون اختفى .. انتم مستوعبين ان بيده نهايتنا .. وشلون يختفي وشلوون ؟ امسحو عليه بالاشعه السينيه وتحت الحمراء وفوق الروضه ان احتاج الامر

سين 13 : وش نمسح عليه يا زعيم والله لو انه خف

(( سين 13 خريج اصول دين

))

زعيم الاليين : خف هاه

.. مير قل امين عسى الله يخف زيتك بيوم ممطر يا كلب .. حسبي الله عليك نسيتني وش ابقول

رح يا كلب سحب لي اللي تقدر عليه من كبار الانس عشان نخليهم يعترفون

في معتقل الاليين :

سين 20 : بتقول لي وين البزر برضاك والا اقولك غصب ؟

كبير الانس : اخخس .. الله يا الدنيا من اول محدن يغسلك ويستب كفراتك الا انا وهالحين جاي انت ووجهك تبي تغصبن ؟ مير تبطي ومنيب قايلن لك وورن وش تسوي

سين 20 : يعني ماراح تعترف بالطيب يا صالح ؟ طيب انا اعرف وش اسوي فيك .. يا شين 8 .. دق على شين 18 مكالمة فيديو .. بس ارسل له قبل اني معك ما ابي اشوف شي الله يحوم بطارياتكم

..

شين 8 : يوووووه يا شورطي .. دايم تحب تحرجني كذا قدام الناس ..

بعد ثلاث ثواني .. ظهرت مزرعه صالح بالبكيريه .. وشاهد شين 18 وهو يسكب البانزين على نخله .. فحاول النهوض وهو يصرخ : ولعنه .. يقروش ذي يا ابن الكلب والله ان جيته لألعــ...

اخرسه الضابط بكف وهو يقول : تبي نخلك ياصالح

.. علمني وين البزر .. فأجاب صالح : ياخي ما تفهم انت قلت لك ما ادري .. فأشعل شين 18 النار في اول نخله .. والثانيه .. والثالثه

ثم توجه شين 18 نحو نخلة السكري القابعه في منتصف المزرعه واخرج كاميرا فيديو وبداء بفصخ صواميله

والضابط يقول لصالح : علمني ياصالح بسرعه .. ترا ان بدا ما اقدر اوقفه

.. وبعدين ترا بيصورها وينزل المقطع باليوتيوب

..

تحت هذا الضغط انهار كبير الانس ونزلت من عينه دمعه تحمل صورة ريال وقال : خلاص ابقول لك بس خله

. لا تسلب منه برائته

.. هي ماله دخل باللي بيننا وبينكم .. الورع اللي تبونه عند الضب الانتحاري

..

..

في جبال اجا وسلمى :

كنت نائما انا وكليب .. فسمعت صوت شخص قادم .. فنهضت فورا وتسلحت بمصالتي وذهبت الى الخارج وانا اقول : من انت يا ابن الكلب ؟ ..

اجابني انعم صوت سمعته بكلمة : انا .. وهناك رأيتها واقفه كأنها خريص في تمام الثانيه ظهرا

.. نظرت لتلك العيون الوسيعه وتلك الشفتان الصغيره وذلك القوام الممشوق وانا اقول : طيب من انتي

؟

فما كان منها الا ان القت قميصها في وجهي وقالت : تعال وشف .. فوقفت في مكاني وقلت : اقول .. ارجعي لديرتس وقولي لربعتس يرسلون لي ابو ابراهيم ان تسانهم يبون البزر اما حركات هولييود هذي ما تمشي عندي

..

وحينها ظهر رجلين من ورائها وقالو : طيب ياضب تعال معنا ومعك البزر وابشر باللي يرضيك .. فقلت لهم : ارجعو .. وجهزو لي ابو ابراهيم وبكت احمر وكاس شاهي وتلقوني لاحقكم ..

بداء الرجال الاليين في المسير عائدين بحنين فقط لأن سين 18 ماخذ الخفين

.. فركضت الى سريري واستليت رشاشي وركضت لكي الحق بهم قبل ان يبتعدوا .. وحين اصبحت على مقربه منهم قلت : ياعيال الكلب

التفتو نحوي والخوف يطل من اعينهم فما كان مني الا ان قلت : الربيع هاه ما ابي ليبتون

..

رجعت الى وكري وحملت الولد واتجهت به الى مقر الاليين ..

وصلت الى مقر الاليين فوجدت كبار الانس مجتمعين ومربوطين ومجلسين على الارض .. ويقف امامهم كبير الاليين .. فتوجهت نحوه ومددت الولد اليه .. وحينها تكلم كبير الانس وقال :

تفو عليك يا الضب .. بعتنا

.؟؟

التفت الى كبير الانس .. وارتسمت على شفتي ابتسامه ساخره .. قبل ان انزع قناعي واظهر على حقيقتي كرجل الي واقول : الضب الانتحاري من 2005 وهو يتميصل على خلق الله .. تبونه يعيش الى الحين والله لو انه ابو الهول

..

انتهت ..

مايستفاد من الموضوع :

القصمان يحبون نخلهم

توقيع الضب الانتحاري :

و اشرح لها ..

BB PIN : ask me

27-8-2010, 6:22 AM

مشاركة رقم المشاركة : 2

الضب الانتحاري

ضايع إكه

الضب الانتحاري غير متواجد حالياً

رد: Humanity against the robots

ايه نسيت اقول لكم

.. ترا النبوءه طلعت كذب

توقيع الضب الانتحاري :

و اشرح لها ..

BB PIN : ask me

27-8-2010, 6:58 AM

مشاركة رقم المشاركة : 3

طاحس

من كباريّة الضياع

طاحس غير متواجد حالياً

الأوسمة

رد: Humanity against the robots

ههههههههه قريت المقدمة بس ودريت انك كاتب الموضوع وانت فاقد على ريحة زبيريات يا وصخ

موضوع كاتبه الضب الانتحاري اكيد انه موضوع عياري من الدرجة الاولى

اصلا من بعيد الواحد يشم ريحة الابداع وانت ما شاء الله عليك جابتني من بعيد ريحة وصاختك هههههههه فيه ناس من تقرا له اول موضوع تصير مدمن لمواضيعه وكل ما تشوف له رد تطمر له كنك شايف حليمة بولند شاطفة من قدامك في سوق حجاب

انت مواضيعك يالضب ما تحتاج شهادتي وقلمك لو القاه في حراج بن قاسم مسيوم بمليون صدقني يمكن اذبح نفسي عشان ما اشتري قلمك

لاني عارف انك تكتب بقلم حبر ابو نص

اجل تبيني اشتري قلمك وش اسوي به يعني والله لو انك فاتحبه الرياض انت ووجهك

مابي ارد عليك وانا صايم خلني افطر عشان اخذ راحتي بالرد

على فكرة لا تصدق يوم اشبه موضوعك بحليمة

تبطي عظم والله بس انا ارفع بمعنوياتك ولا وش جاب القمر للقمر << كنه قمط ؟؟

لي باك

27-8-2010, 1:30 PM

مشاركة رقم المشاركة : 4

منجطل بالطاية

مراقب مارج

منجطل بالطاية غير متواجد حالياً

الأوسمة

رد: Humanity against the robots

هههههههههههههههههههههههههههههههههههههههههههههههههههههههههههههههههههههههههههههههههههههههه ههههههههههههههههههههههههههههههههههههههههههـ

تدري المفروض موضوعك يروح للتشليح << منغبن وراك ناتفنا

الله يرج ابليسك .. وش هالموضوع يا شين .. بكل سطر طنزة

.. بكل كلمة دقة ومحش

.. اقسم بالله يا نتفتنا تنتيف وانا معك بكل كلمة قلته

.. ياخي أنت ما تدري ان شيباننا نخلهم أهم من عيالهم

.. ولو يشوفك تخرف يجلس فوق راسك وهو يقولك يا حمار لا تمزره فرّه الين يطلع معك

(لا لا يروح بالكم بعيد موب عملية ولادة هذي يعلمك شلون تخرف

<< الحين ما فهموا وش قلت شلون بيدرون انه عملية ولادة

) .. ولا اذا قالك رح لقح النخل واذا قضيت يجي عقبك يشيك ويزود اللقاح

.. يقلع ابليس الحالة مافي ثقة يعني انتم يالشيبان تعرفون تلقحون وحنا ما نعرف

.. والقهر ما يدرون اننا بامور التلقيح مافيه انشط منا

المهم لا اشطح عن موضوعك .. بس قبل أقتبس أحب أقولك من يوم ما قريت العنوان وانا عيوني طايرة وتأكدت إن هالموضوع ما طلع الا عقب فقدة يومين ولا أي فقدة إلا عرق من باكستاني وطالعن من عنده تعرج بعد

.. قبل انسى موضوعك مثبت ونسخة للصفوة

اقتباس:

العساكر : ياطويل العمر وش تولع الدنيا .. والله لو انها كبريت ههههه

..

اللواء ركبه : كبريت هاه .. تنكت يا بهيمه .. اسبوع حجز يا ملعون الوالدين عشان تعرف

..

العسكري : ياطويل العمر طالبك ومدرسك بعد

.. تكفى بلاها يا سعادة اللواء

.. والله منيب شايف اهلي الا بعد 6 سنين من الحجوزات اللي علي

..

اللواء ركبه : اجل الحجوزات اللي عليك .. ليه الاخ رحله هههههههههههه

يلعن ام الحالة .. دايم الدنيا تسذا وصخة

.. اللي بين اللواء والعسكري مثل ما يصير ناس بثرين تسلك لهم عشانهم أكبر منك

وانت بحسن نية تنكت ما تدري الا وانت مكروش من المجلس

<< ايه بلاك ما شفت مصالتك

اقتباس:

يا طويل العمر اللي حنا متوقعينه صحيح .. المره بدون ملابسها والرجل الالي بدون صواميل

هههههههههههههههههههههههههههههههههههههـ أما بدون صواميل أجل كل شي متفكك وش فايدة ان الحرمة تصير بدون ملابس

اقتباس:

فنهض اخر وقال : خلاصنا وسكريينا وبرحينا بعد .. لكن ياخي فين نحطه هاه .. هيا قول لي فين ؟

يلعن ام التهجين القوي اللي صار هنا

.. وش دعوة الفلاح أبو مشبب ومزرعته بقلب الخبوب

اقتباس:

رجل عجوز ورفع عصاه قبل ان يضرب بها الطاوله بكل عنف وهو يقول : ياكلاب وراكم ما طفيتوا لمبه الحوش

هههههههههههههههههههههههههههههههههههـ الله يرجك .. الشايب انهبل وهي ما طفت اللمبة أجل لو تقوله ان البزارين كاسرين اللمبة وهم يلعبون كورة صدقن بآخر القصة بتسوي نعي لهالشايب

اقتباس:

اخذت الطفل وبدأت اهتم به واحبه .. وارضعه

أكيد تقصد ترضعه انك تكلمه بآخر الليل صح؟؟!!

<< وش أسوي لازم أصرف الموضوع نعنبوا ابليسك رجال مابه الا نوع رضاعة واحد ولو ما صرفته بيصير الضياع محجوب

اقتباس:

يا .. طويل .... العـ ـ مر وصلتـ نا اخبــ ا ر خطــ يـ ره << ترا هذا صوت رجل الي موب ابو متعب يقرا خطاب

الله يرجه أبو متعب .. بالله يالضب سلم عليه وقله وراك سحبت علينا ولا عاد تجي للاستراحة

<< مسوي يصرف الموضوع وان ابو متعب واحدن من العيال

.. يالضب يا حبيبي يا قلبي يا حشرة

الحين صرفنا سالفة انك ترضع الولد عشان ما ينحجب المنتدى بس هذي شلون بنصرفه

.. الزبدة خربناه انا وياك هاه وش رايك وش نشترط عليهم الملز ولا الحاير

.. عاد أحد مراسليننا بالحاير يقول مكيفاتهم حارة لا تجون

اقتباس:

ثم توجه شين 18 نحو نخلة السكري القابعه في منتصف المزرعه واخرج كاميرا فيديو وبداء بفصخ صواميله

والضابط يقول لصالح : علمني ياصالح بسرعه .. ترا ان بدا ما اقدر اوقفه

.. وبعدين ترا بيصورها وينزل المقطع باليوتيوب

الله يلعن ابليسك يا وصخ .. نخله يالظالم .. من وين بالله هاه قلي من وين

اقتباس:

بداء الرجال الاليين في المسير عائدين بحنين فقط لأن سين 18 ماخذ الخفين

هههههههههههههههههههههههههههههههههههههههههههههههههههههههـ الله يرجه خريج أصول الدين

أقسم بالله ما ادري وش أقول كل سطر ودي أعلق عليه بس الصدز مانب فاضي لك لاني بروح أخرف النخل الحين ههههههههههههههههههههههههـ

يعطيك العافية .. موضوع عياري من الدرجة الاولى

.. يسلم قلمك أبو نص

ولا تحرمنا جديدك .. أطلق تقييم

توقيع منجطل بالطاية :

كثيرة هي عقبات الدنيا كما كثرة تحويلات الرياض

كل ما عليك تبحث عن درب آخر وتواصل حياتك

----------------

27-8-2010, 4:34 PM

مشاركة رقم المشاركة : 5

خرمانه ضيياع

ضايع جاز له الوضع

خرمانه ضيياع غير متواجد حالياً

رد: Humanity against the robots

[SIZE="4"]

ههههههههههههههههههههههههههههههههههههههههههههههههههههههههههههههههههههههههههه

ههههههههههههههههههههههههههههه الله يرج ابليسك حرام عليك

> توها خالعه ضرس العقل

وشدوقها ماتتحمل مقاس لارج وموضوعك اكس اكس لارج زحف

ههههههههههههههههههههههههههههههههههههههههههههههه

هههههههههههههههههههههه

>خلااااااااااص قلنا خلاااااااااااااااااص الشاشه ارحميها من بخاخك

عاد موضوع من جد انحاري

(( تقول النبوءه ان الالات ستسيطر على مستقبل بني الانسان ; فتقتل رجالهم وتستحيي نسائهم .. ولن يتمكن احد من الوقوف في وجههم .. حتى يولد طفل من اب الي وام من بني ادم .. وسيتمكن من تحرير الارض من سيطرة الاليين ))

ايه الحين النبوءه جايتنك يالضب وماعلمتنا من بدري كان تداركنا الموضوع وسيطرنا على الوضع من بدري
الا اقول الالين مالقيو ينزلون غير عندكم بالقصيم

انا عارفه هل الحقد من الالين من وين جا

من فرامه اللحم من يوم دخل رمضان والعالم كارفينها كرف ماغير سمبوسه سمبوسه كل يوم سمبوسه
والله اني قايله من اول هالسمبوسه تاليتها حرب .. الله المستعان.. ارحموا الفرامه ليه يوم انكم شايفينها اله ماعندها احساس ليه ماتكل نعنبو ابليسكم ماتمل ارحموهاااااااا يابشر

قلك الحين تبي تتمصلح مع الالين من بدري يقال انها صدقت النبوه ماتدري يمكن هالسطر يشفع لها عندهم

عاد بس سؤال يسدح نفسه ومسوي ضروري

هالحين من اول ابي استوعب هالمزه البشريه

وش لقيت عند ذالالي علشان تحبه لاوبعد ياعيب الشوم مفصخه قدامه وااا خزياه فشلتنا قدام الالين وش يقولون عنا ماعندنا اخلاق لا وبعد ولدها مسوي بطل حلال فيه الي سواه فيه الضب يوم انه سلمه لالين عسا حرت قلبي تبرد في ولدها

> فهمت القصه غلط .. الحمد لله على الفهم

سؤال ثاني يطامر يبي يسدح نفسه بعد لو بوه مكان

> مصختيها

الولد المعجزه تراه يشبه خواله والا انه راجعن لاهله الالين

ولا عاد الرضاعه مسويه مفعول وراجعن على ابوه من الرضاعه

خخخخخخخخخخخخخخخخخخخ

.....................................................................................

رجعت الى وكري وحملت الولد واتجهت به الى مقر الاليين ..

وصلت الى مقر الاليين فوجدت كبار الانس مجتمعين ومربوطين ومجلسين على الارض .. ويقف امامهم كبير الاليين .. فتوجهت نحوه ومددت الولد اليه .. وحينها تكلم كبير الانس وقال :

تفو عليك يا الضب .. بعتنا

التفت الى كبير الانس .. وارتسمت على شفتي ابتسامه ساخره .. قبل ان انزع قناعي واظهر على حقيقتي كرجل الي واقول : الضب الانتحاري من 2005 وهو يتميصل على خلق الله .. تبونه يعيش الى الحين والله لو انه ابو الهول

انتهت ..

مايستفاد من الموضوع :

القصمان يحبون نخلهم

.....................................
فديت القصمان كلبوهم عن بكرة ابيهم ياحبني لهم يالب قلوبكم

النهايه عاد غير متوقعه

هالحين به نسخه اليه من الضب الانتحاري ههههههههههههههه
وزاحف بعد وخاثر

عل كلا قصه خنفشاريه صعبه

والله الله في الفرامه

> مافي امل لاخر لحظه تتمصلح مع الربع الالين

يسلم الضب الانتحاري على هالموضوع الانتحاري

تستاهل التقييم

توقيع خرمانه ضيياع :

ضياعي عالم من اختياري
ياعالم ياهووووووو تعبت
تعبت وانا احاول اثبت ذاتي تعبت وانا ادرو على مكانه تليق بشخصي المرموق بس محد يقدر المواهب

الي يسمع يقول الحين مخترعه جهاز يذب من حاله بدون بطاريه
للاسف كل المحاولات بائت بالفشل
وفي ذات يوم من الايام واستنادا الى قانون الغابه السوداء

مدري حسيت اني ليلى السوداء والكيك الله يسامح شغالتنا القديمه محرفه القصه
فبما ان الدنيا تجي بالمقلوب .... مالي الا ان اضيع واضيع عمري مع الضايعين في عالم الضياع المحترم عل الدنيا تورينا شطارتهاوتشد حيلها وتركز معي شوي والاقي نفسي الضايعه
تقبلو وجودي وفائق احترامي ياقوم
معكم خرمانه ضياع للثماله

*
*

28-8-2010, 6:18 AM

مشاركة رقم المشاركة : 6

طاحس

من كباريّة الضياع

طاحس غير متواجد حالياً

الأوسمة

رد: Humanity against the robots

بااااك

هههههههههههههههههههههههههههههههههههههههههههههههههههههههههههههههههههههه
ههههههههههههههههههههههههههههههههههههههههههههههههههههههههههههههههههههههههههههه
ههههههههههههههههههههههههههههههههههههههههههههههههههههههههههههههههههههههههههه
ياخي والله حرام عليك تشطفنا كل هالفترة وش سوينا لك حنا عشان تسحب علينا وتحرمنا من هالمواضيع

الضب الانتحاري اول موضوع قريته لك هو حق بريزن بريك ومن يومها وانا ادور وافحط بين مواضيعك زي ما يدور واحد جيزاني ربع ريال طايح في الربع الخالي

اسلوبك يخلي الواحد يبدا بالموضوع وما يدري الا وهو طايح عند علبتين البيبسي اللي حاطها في توقيعك شفت الموضوع طويل وقلت خلني اقراه على اجزاء وكنت ناوي اختمه بعد العيد

بس بعد ما بديت ما دريت الا وانا لا شعوريا جالس اكتب هالرد .. تراي الحين ما احس اني اكتب رد يعني لو شفتني قلت شي منا ولا منا ترا مهوب مني هذي احاسيسي ومشاعري تصارحك وتبادلك الغرام

ادري بتقول وش هالمشاعر قليلة الحيا بس وش اسوي تراي تعلقت فيك وهذي مشاعري خلني امسكها قبل تجيب العيد اجل تبادلك الغرام

مشاعر اخر زمن مشاعر جيل النيدو والطيحني

وين مشاعر قبل يوم الواحد مشاعره تعزم مشاعر الناس على المفطحات وعلوم المشاعر (هي علوم الرجال بس تغيير بسيط

) وين ايام راحت كانت مشاعرنا اذا سمعت طاري موضوع زين تروح تشتري اكبر ديناصور عشان يوفي مشاعر الكاتب حقها

<< يا شيخ بالله كل تبن وكمل ردك لابو من عطاك كيبورد يا زلابة

انسى الكلام اللي فوق وفضفضة مشاعري اللي مدري وش تبي وخلنا ناخذ كم اقتباسة

اقتباس:

اللواء ركبه : اجل الحجوزات اللي عليك .. ليه الاخ رحله هههههههههههه

ههههههههههههههههههههههههههههههههههههههههههههههههههههههههههههههههههههه
وش هاللواء المنسم انا اول مرة اشوف لواء اسمه ركبة والله يا عليك طلعات يالضب تخلي الواحد وده يترك الموضوع ويجي يتوطا ببطنك

وش لواء اسمه ركبة باقي تجي بعد شوي وتقول سرية عسكرية اسمها سرية الامعاء الغليظة

انا من يوم شفتك مسمي الجندي الطعس مناحي وانا غاسل يدي .. زي فايز المالكي وطقته على بالهم اي بدوي اسمه مناحي ومعه ددسن غمارة وشعره اشهب ويلبس ثوب ملون

ترانا يالطعوس يجي منا بس انتم ما عطيتونا فرصة انا اقول عط الحر فرصة يا كلب ثم احكم << طيب هو وش فيك معصب

اقتباس:

يا طويل العمر اللي حنا متوقعينه صحيح .. المره بدون ملابسها والرجل الالي بدون صواميل

هههههههههههههههههههههههههههههههههههههههههههههههههههههههههههه
اجل كذا نظامهم الاليين اذا استفرد بالبنت نزل صواميله ههههههههههههههه الله يرجك يا شيخ قسم بالله في الصميم

طيب انا بسالك بما انك خبرة اذا بغى الالي يقضي حاجته وش يسوي يعني ينزل الصواميل كلها ولا كيف بالضبط ؟؟ انا ما فهمت هالنقطة معليش اتمنى ترجع وتشرحها بالتفصيل

اقتباس:

اول الواحد يعطيك دخان .. البقالات تسجل على الحساب .. عبدالقادر فيه .. الحين ياولدي ماعاد فيه ااخلاق ولا شي .. الحين كل واحد همه نفسه تلقاه يروح للبحرين لحاله ولا عليه من احد

يشتري بكت دخان ويوزيه مايعطي احد ولا يدخن قدام احد

ههههههههههههههههههههههههههههههههههههههههههههههههههههههههههههه
ههههههههههههههههههههههههههههههههههههههههههههههههههههههههههههههه
كلن عل همه سرا علي الحرام

اتوقع انك مسوي الموضوع عشان تحشر هالجملة فيه بالغصب واشوى انها لقت مكان والله يا شكلها طالعة من قلب يا شيييخ هالجملة اقص يدي اذا ما كنت تكتبها بذمة وضمير والمزاج زفت ومرسوم فوق راسك زقارة زي افلام كرتون

ههههههههههه اجل الواحد يروح البحرين ولا يعلم احد هههههه انت من يبي يروح معك يا دلخ على بالك الناس تغيرت لا والله الناس مثل ماهم بس صارو يفكرون شوي

يعني واحد رايح البحرين بالله ليش ياخذك ؟؟ يكشخ ويشخص فيك بالسيف مثلا ؟؟ انت ما ياخذك الا واحد امه داعيتن عليه

اول مرة اشوف واحد يروح البحرين ثم على طول سيدة لاقرب مستشفى عشان يقردن الممرضات الفلبينيات

الضب

والله ودي اقتبس الموضوع سطر سطر بس معليش من انت عشان اتعب نفسي عشانك

موضوع بطل زي ما تعودنا منك وانت طيب وما يجي منك الا الطيب .. فكرة الموضوع تدل ان عندك مخ فاصل وملعون جدف لو يستخدمونه ربعنا في المخابرات والداخلية كان صدقني بنشوف في كل حارة مرقص

الله يعطيك العافية يالذيب ولا تقطعنا من هالابداع والمواضيع اللي تجدد علاقتنا بالعيارة اللي فقدناها

28-8-2010, 9:10 PM

مشاركة رقم المشاركة : 7

كابامارو

ضايع مسفهل

كابامارو غير متواجد حالياً

رد: Humanity against the robots

ـ ’ ـ

ههههههههههههههههههه

ياااوييه يااااوييييه

اقتباس:

اللواء ركبه : طيب يا حوش انتبهو لا تحس فيكم ولا تشوفكم .. ترا ان ماخاب ظني هي اللي بتولع الدنيا ..

العساكر : ياطويل العمر وش تولع الدنيا .. والله لو انها كبريت ههههه ..

اللواء ركبه : كبريت هاه .. تنكت يا بهيمه .. اسبوع حجز يا ملعون الوالدين عشان تعرف ..

ابووركبه

ملعون الجدف <<< ياخي دايم نسمعها وشو الجدف ياخي ههههههههه

بس فلللله ابو ركبه والي معه العساكر اجل تتوقع ناوين يجحدونه جحده معلونه خير هههههههه

بس كفو كفو ابوركبه اييه بعدي احجز مندوب مندووووبهم كبييير

اقتباس:

فمان الله يا ابو ابراهيم .. الله الله بالولد انتبه لا يطيح منك .. امسكه بيدينك الثنتين لاتحط يدك تحت ظهرك

هههههههههههههههه

كبيييرييين علطووووووووووووول اقررب مخرج

وترا فيه واحد منهم قال معليش ياعيال انا بروح اجيب حليب للورع الي بالبيت عله

والثاني قال ترا ولدي تعيبان بوديه لأبانمي الي بالخزان مريض مدري وش فيه

اما يوم راحولك ياخي فلللله

اجل تبي احمر ههههههههه

لوني منك كان انتزهت الفرصه وقلتلهم ابي كرز احمر وكرزين ابيض وقهوه من دانكن دونات هههههه

<<<<<انواع الاستغلال خخخخخخخخ

بس انت بطل

الا تعال ترا كلمه النبوءه حاستني حووووووووس

اول ماقريتها رحت لقوقل وقلتله ياشيخ قوقل افتنى جزاك الله خير

وش معناته ، قال طيب اصبر شويتين

ورجعلي قال تستهبل على مخي انت فاردز هناك بس وشو نبويه مدري وش تقول

قلت والله مهب نبويه ياخي وش بلاك هي اسمها النبوءه وش معناتها

قال رح افطر الله يصلحك وهذي وسوسه شيطان

ورجعت الى موضوعك خايب الرجا

همن يوم خلصت موضوعك وقريت ردك الثاني عرفت معناته

همن رجعت عند قوقل قلتله

تراااااااااني عرفتها يازلاااابه

احسن منك انا

لا هنت يالغالي وتسلم بوانتحاري انت

ـ ’ ـ

15-10-2010, 11:10 PM

مشاركة رقم المشاركة : 8

الضب الانتحاري

ضايع إكه

الضب الانتحاري غير متواجد حالياً

رد: Humanity against the robots

مشكورين كلكم ياعيال

.. صدقوني اثرتم فيني روح الحميه الى درجة ان ودي اعرض (( طاحس قصدي ارقص عرضه ياكلب لاتفكر فيها

)) .. وصدقوني ابرجع لكم واحد واحد وواحده واحده بس خلوني اخلص من مستر بوين وبرزنتيشنه الغبي عن الصين

.. يعني صدق يابوين انا وش دخلني باللغات في الصين هاه

توقيع الضب الانتحاري :

و اشرح لها ..

BB PIN : ask me

2-11-2010, 9:44 PM

مشاركة رقم المشاركة : 9

Tami

من كباريه الضياع

Tami غير متواجد حالياً

الأوسمة

رد: Humanity against the robots

برغم أتقاني للغه القصيميه و السديراويه

بس بصراحه ما ضحكتا الا بعد ما قريتا رد منجطل و فهمت ذباتك < يعني تحسي سديري

و الصدق موضوعك قليل أدب

بس يجي منك < شعنده مستر بن ؟

3-11-2010, 2:28 AM

مشاركة رقم المشاركة : 10

جودي

مصممة الضياع

جودي غير متواجد حالياً

الأوسمة

رد: Humanity against the robots

هههههههههههههههههههههههههههههههههههههههههههههههههههههههههههههههه
هههههههههههههههههههههههههههههههههههههههههههههههههههههههههههه

قسم بلله أنك رآيح فيها من المخزي اللي طفحته

ولا أنك منقهر ورآه خويآك يروحون للبحرين ولا يعلمونك

موضوع بن كلب عيار 18+

اقتباس:

والرجل الالي بدون صواميل

ههههههههههههههههههههههههههههههههههههههه
ههههههههههههههههههههههههههههههههههههههههههه
لا يوجد إمكآنية للتعليق

اقتباس:

ورفع عصاه قبل ان يضرب بها الطاوله بكل عنف وهو يقول : ياكلاب وراكم ما طفيتوا لمبه الحوش

ههههههههههههههههههههههههههههه وآضح المعآناة

بمآ أني رآدتن على استعجآل ما ينآسب عيار الموضوع خن ألم بقية شدوقي

رآحلة ولي رجعه الله لا يبلاني

قسم بلله اشتقت لهالمواضيع اللي تحسسك أن العيارة لم تختفي عن العالم

وبأن المصالة لا زآلت تقآسمني حيآتي

لذالك لك منّي أحلى تحيّة ..

صفحة 1 من 2

مواقع النشر (المفضلة)

« مــــن الأيــــــــــام ..!!! | الجوله الأصلاحيه »

الذين يشاهدون محتوى الموضوع الآن : 1 ( الأعضاء 0 والزوار 1)

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الساعة الآن بتوقيت الرياض : 8:16 AM

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25