سـوالـيـف الـقـايـلـة !! - منتديات الضياع

8-2-2010, 5:33 PM

رقم المشاركة : 1

منجطل بالطاية

مراقب عام

منجطل بالطاية متواجد حالياً

الأوسمة

آخر مواضيعي

0 من العايدين .. من الفايزين!! استفتاء البشكة .. تصويت أنتم نجومه
0 يومي الرمضاني [18] .. يوجد قطع غيار بالداخل!!
0 لووووووووووول !! يسلمووووو!! استفتاء البشكة .. استفتاء أنتم نجومه
0 الجولة الرابعة من دوري زين
0 توصي شي أنا بكرآ مسافر!! استفتاء البشكة .. تصويت أنتم نجومه

سـوالـيـف الـقـايـلـة !!

مسيكم الله بالخير جميعا يالله حيهم ادري انكم مشتاقين لمواضيعي واني من مبطي ما نزلت موضوع بس اليوم انبسطوا تراي بانزل موضوع بس لا تسالونن وش فايدته لاني الصدز ما ادري

هاليوم ماسكتن سواليف واتوقع والله العالم ان السبب هو الكراث ايه الكراث

اليوم ضربت من هالكراث والشاهي مع الخبز حسيت اني جالس مع رقية وحصة وفاطمة ومنيرة وجالسين نهرج عن بنت ام صالح ونتهاوش عليه من اللي بتخطبه لولده

والمشكلة ان هالبنية توه ما كملت 15 بس هالعجز شغلهن حجز

والضحك ان حصة ماله الا ولد واحد وعمره 8 سنين نعنبوا دارتس وش دخلتس بالسالفة وانتي ما عندتس عيال كبار

ولا رقية هالهدرة انا ودي ادري منهوله بتحجز البنت لان كل عياله معرسين

ولا فاطمة انا ودي ادري وش دخله بالسالفة نعنبوا داره ما عنده عيال خلقه كلهم بنات ودي ادري وشوله حاشرته ووده تحجز البنت

ولا عاد منيرة ودي ادري وش دخله بالموضوع بالموضوع هي بعد نعنبوا ابليسه اصغر واحدن من عياله طايحاتن ضروسه

ما بقى الا انا وكل العجز التفتن علي وقالن ما بوه الا هالوليد نخطب بنت ام صالح له وانا اللي انبسط واوافق بس بشرط اشوف ركبته هي سودا ولا لا

<< ما امداه تهدى الاوضاع الا وانا شابه من جديد

.. المهم قالوا تم ونروح بنخطب البنت وملبسينن عباة عشان اقدر اشوفه وتجي البنت وتسلم على العجز ويوم وصلت لي مير امسكه واقلبه وارفع قميصه بشوف ركبته

بس ما امدان اقلبه الا صينية القهوة براسي وافقد الوعي وادخل المستشفي

الا على طاري المستشفى ياجماعة الخير الحين وش سالفة السواقين والاجانب عموما قسم بالله ما عمر احد قد خطم علي ولا حدن وانا بالسيارة الا وهو اجنبي

صدز والله الاجانب عليهم سواقة تجيب المرض وبعض الاحيان ما الومهم

انا انلخم اذا كانوا اهلي معي وشلون سواق تلقى اهلك يقولون نبي المحل الفلاني وانت ما تدري وينه فهم يوصفون لك انه بالشارع الفلاني

فانت تمشي بهالشارع تحتري المحل والمشكلة ما يقولون لك من قبل فجاة يقولون هذا هو المحل اذا كان فيه مجال وقفت اما اذا ما كان فيه مجال مشيت وديورت بعدين للمحل اللي يبونه

بس مشكلة السواقين انهم اذا قالوله هذا المحل دق اشارة واطقع ما يشوف اللي وراه

زي واحدن من العيال يقول كنت ماشي 40 ماسكن اليمين ما دريت الا علامة هوينداي حقت الفان حقت السواق بحجري

يقول يوم نزلنا اقول للسواق الهندي ثور انت داخلن على عماه

يجي الهندي ويرد وهو ينفخ انت اللي مافي يشوف انا سوي اشارة

نعنبوا دارك يعني دقيت اشارة خلاص تشتري الشارع

على طاري الحوادث فيه واحد ناشبن لي وانا مالي خلقه وكل ما دق علي اعطيه صامت ولا ارد عليه

عاد قبل رمضان اللي فات دق علي مرتين ولا رديت بعدين ارسلي رسالة "والله حبينا نسلم عليك ونبارك لك برمضان"

ارسلت له "الله يبارك فيك .. بس من أنت؟؟!!"

ارسل لي "أنا فلان موب انت منجطل"

ارسلت له "تشرفنا اخوي بس تراك غلطان"

ارسل لي "اسفين على الازعاج"

وعقبه ما عمره دق علي هههههههههههههههههههههههههـ حسيت اني وصخ لعبت عليه هالمخفة

الا على طاري المخفة هذا واحدن من العيال اخوه ملكع لابعد درجة

ويقول انه مرة اخوه كان رايحن مع ابوه لمشوار وهم كانوا عند تقاطع الابو سأل الولد فيه سيارات جاية

الولد قال لا

الابو يوم جاء بيمشي الا سيارة تشطفهم

التفت الابو على الولد ناوين يتوطى ببطنه

جاء الولد قال انت قلت سيارات واللي شطفتنا سيارة وحده

يقلع ام اللكاعة اللي تسذا بغا يذبح ابوه عشان اللكاعة

الا على طاري اللكاعة نكمل سالفة العجز يوم خطبوا لي البنت

المهم اني صحيت بالمستشفى واسمع واحد يصارخ وينه هالهيس اقسم بالله لا اعلمه وشلون يدخل عند الحريم لا والمشكلة داقه سواليف مع العجز

الا هذا ابوي داخلن مع الباب وفاصخن عقاله وعاظن طرف ثوبه وانا يوم شفت الوضع تسذا مير احط رجلي وطردي بوسط الغرفة ويجدع ابوي العقال علي وانا اللي اتهيض وامسك العقال واروح لابوي

وابوي كانه خاف شوي من يوم وصلت له واعطيه العقال واقوله سبحان الله من يوم ما عرفتك وانت ما تعرف الا تحلت (تجدع _ ترمي

) عيالك اما اي شي جامد ما تعرف تجدعه

يله هذا العقال وانا برجع لمحلي وحاول انك تصيدن

وما تشوف الا غباري زابنن من المستشفى واوقف ليموزين واركب معه ويقول فين يبغا

قلت : ( امش بطريق وأنا بطريق اللي يودينا لبعييييييييد

_ إهداء لـ طاحس

) رح لاي محل بقريح

قال: خلاص خبيبي مافي زعلان

المهم قاعدين نمشي وكل شوي يقول : يوقف هنا .. يوقف هنا.. وأنا قفلت أخلاقي كأنه يطردن قلت له شوف يا .... الا وش اسمك

ويجي الباكستاني ويعدل النسافة اللي لابسة والياقة يقال انه مهم : معك خان يا خبيبي

أنا: أهاااااا يعني اسم ابوك يا خبيبي

( الدلخ طول عمره دلخ

) الباكستاني يناظر بي بعين انا قمطت العافية وكملت وش كنت بقول: شوف يا خان انا انسان قدر الله علي اني مشارك بالضياع

وصارت بوه هوشة ان الحريم السعوديات ركبهن سود وجلست مع عجز يعلفن كراث وقرروا انهم يخطبون لي بنت ام صالح ويوم جيت اشوف البنت قلبته عان اشوف ركبته وبعدين

.. خان: ايوه معلوم انتا يصير جوا مستشفى بعدين بابا سوي ضرب انتا بعدين انا يجي ياخذ انتا

أنا: ايوه ورا ما اسلمك الكيبورد واخليك تكمل الموضوع

المهم اني ما ادري وين اودي وجهي من ابوي فيعني لو اسكن عندك شوي الين الله يفرجه علي

خان: افا عليك انا ليش موجود شوف ياخبيبي سبحان الله انا في يجي سيم سيم انا سوي رسالة عشان شفتوا انتا بعدين انا شلتوا انتا

أنا: والله العظيم اني مافهمت وش تقصد

خان: انا كمان مافي يفهم

يله ياخبيبي انزل الخين هازا بيت انا

نزلنا يوم دخلت العزبة التفت على خان وبغيت اقوله والله ياعليكم ريحة بس سكت قلت ماله داعي شين وقوي عين

وبديت اضبط العلاقات مع العمال اللي بالعزبة

وصار اعز اخوياي خان

واطلق واحد العب معه كريكت نزير

وأحسن واحد يسلك لي اذا ملغت رشيد

وأحسن واحد يلعب معي سيقا غلام

الزبدة اني ضبطت العلاقة مع العزبة كله حتى صار بيننا جدول كل يوم واحد يغسل وينظف ويكنس الا على طاري العلاقات بالعزبة نروح نسال عمال العزبة وش رايكم بمنجطل

خان: هازا اخسن نفر ساعودي انا معلوم هو مافي مخ انا كلام جرب خشيش هو كلام انا بس يشرب خمر في البخرين

ايش هازا هو اصلا خيوان لو هو فيه مألوم مصلخة المفروض يشرب خشيش

وانا دايم كلام خشيش سيم سيم عمود خق عمارة ازا مافيه عمود عمارة يطيخ

حشيش سيم سيم كلام مافي خشيش انا يطيخ

<< يقلع ام التشبيه اللي تعرفه

نزير: منجطل هازا نفر مجنون معلوم كيف يلعب كريكت قبل فيه معلوم دخان خشيش

اصلا ايش فايدة انتا يلعب كريكت بدون خشيش

نفر بدون خشيش سيم سيم كريكت يلعب بدون كورة

<< نعنبوا ابليسهم الحشيش حاشرينه بكل محل

رشيد: هاز منجطل نفر بدون مخ هو قرقر قرقر كلام مافي يضحك بس انا فيه يضحك

عشان تسليك عشان هو معلوم ايش فايدة خشيش لانو انا مافي يضحك الا اذا سويتوا دخان خشيش

بس اذا مافي سويتوا دخان خشيش وهو سوي ملاغة انا ممكن ضرب هو بعدين خان يشغل ليموزين وياخذ منجطل ودي مقبرة علطول

<< الله يخلي الحشيش اللي فاكنا من شره ولا كان منجطل الحين ميت عاد منين لكم منجطل بدالي

غلام: خبيبي منجطل انا يلعب مع هو سيقا بعدين هو فوز سبعة صفر انا يجي زعلان

بعدين يقوم يبغى ضرب منجطل بس هو فيه خوف

بعدين ياخذ قير حق انا وهو سوي لعب بعدين سوي نتيجة 8-7 بعدين انا فوز

واذا خلاص فوز انا ياخذ زجارة خشيش سوي دخان بعدين يجي مبسوط

<< حسيت اني كمخة ولاعبين علي

المهم عقب ما اخذنا آراء العزبة نرجع لموضوعنا

في احد الايام كنت نايم الساعة 2 بالليل الا خان يصحين من النوم يله يا خبيبي قوم سرعة هازا خكومة يجي يله سرعة

انا فزيت من محلي وجيت ابزبن وعلي لبس باكستاني ويوم جيت ابطلع من باب العزبة الا الشرطة مقابلينن

واسمع الضابط يقول حده حده لا يروح لا يفلت

(حسيت انهم يجربعون موب يبون يمسكون ادمي

) وارجع للعزبة وارقى للسطح وادور مكان اتغبى به ولا لقيت الا برميل

ويوم جيت باطب الا مليان ماء ريحته خايسة

واسمع الشرطة كل مالهم يقربون من السطح وقررت اني اطب بوسط البرميل وجو الشرطة وقلبوا البرميل وطلعت انا عقب ما بلعت من هالماء الين ماقلت بس

وليته ماء طلع خمر

ويمسكن الضابط ويقولي وش عندك متغبي بوسط البرميل

رديت عليه: ياخي وش وجه الشبه بينك وبين ابوي انكم لازم تسالون وتحققون قبل لا تتوطون ببطن الواحد

جاء الضابط قال خل ناخذه للمركز ونشوف وش عنده هناك

انا ما وعيت الا وانا بالمركز وقدامي ضابطين الاول: هالحين تدري انك مخالف

أنا: أفااااااااااااا وعسى المخالفة موب غالية بعدين لا ترفعونه اذا ما سددته قبل شهر (الله يصبرهم على ملاغتي

) الضابط الثاني قام ناوي يترفس بحوض بطني بس مسكه الضابط الاول وسالن مرة ثانية الحين انت ما عرفنالك انت سعودي ولا باكستاني

أنا: شف ياطويل العمر الباكستاني موب من باكستان والسعودي موب من السعودية خلاص

الضابطين بدوا يتلفتون وسالون وش اسمك

أنا: شف ياطويل العمر الاسم ما عمره غير من شخصية الانسان فالانسان يمكن يصير اسمه زين بس اخلاقه مثل اخلاق العساكر عندنا يعاملك تقل مانن عليك بشغله

وبعدين قبل لا تسال عن الاسم اسال عن الاخلاق ولا بكرة اذا جاء واحد يخطب بنتك اهم شي اسمه واخلاقه بكيفهن يا ثور

(موب كأني خربته

) وبعدين هالتفخ اللي بجنبك بالله شلون دخل عسكرية انا ودي ادري بكرا اذا كان يطارد واحد على رجليه احس ان الحرامي بيقعد يطقطق عليه يهج بعدين يوقف يحتريه يريح شوي الين ياصله بعدين يكمل النحشة

مرتن ثانية ياخي صدز وش سالفة العساكر 90 بالمية منهم كرش و 10 بالمية هم اللي اجسامهم صح

ولا انت وعصاقيلك ودي ادري بكره اذا جت هيلوكبتر بتاخذك من موقع شلون بتقدر تاخذك لان على جسمك اللي كله عصاقيل احس انه بتطيرك

ولازم يطفون المروحة اللي فوق عشان ما تطير من الهواء بعدين تطيح الهيلوكبتر ويموتون الركاب اللي به

(يسمع بالتحليل

) الا مير على طاري العساكر هذا واحدن من اخوياي قطع اشارة وصار له حادث ويوم جاء العسكري سال عن الحادث وشلون صار وقاله خويي اني قاطعن الاشارة بعدين انصدمت

قال العسكري تدري الحين لازم نعطيك مخالفة

خويي قفلت معه وقاله الحين بدال ما تقول الحمدلله على السلامة تقولي لازم نعطيك مخالفة

لا ابوكم لا ابو من جمعكم يله انقلع انت وياه الشرهه علي اللي جالسن الى الحين اسولف معكم يله ضفوا وجيهكم

<< موب كأن أخته قالت له يله ودن

دوكم

أدري اني مصلت بس تكفون أبيكم تعلمونن ان الله حق ولا عمري اكتب مواضيع ماصلة مرتن ثانية

التوقيع

ما همّ إلا همّ العرس!! استفتاء البشكة .. تصويت أنتم نجومه

توصي شي أنا بكرآ مسافر!! استفتاء البشكة .. تصويت أنتم نجومه

لووووووووووول !! يسلمووووو!! استفتاء البشكة .. استفتاء أنتم نجومه

من العايدين .. من الفايزين!! استفتاء البشكة .. تصويت أنتم نجومه

------------------------------------------

لا تدّورون خلاص صكينا الفورم

8-2-2010, 7:00 PM

رقم المشاركة : 2

خربان

ضايع جاز له الوضع

خربان غير متواجد حالياً

آخر مواضيعي

رد: سـوالـيـف الـقـايـلـة !!

أولي عدآدي <<< بزر

رآجع لك يالمنجطل
بس قم ترـآ بيجي الوآلد معي

بغب <<< ألتغ

التوقيع

مبروووك عليكم أنآ

8-2-2010, 8:27 PM

رقم المشاركة : 3

اسكودا الضياع

توه ضايع

اسكودا الضياع غير متواجد حالياً

آخر مواضيعي

0 ياويل البنات..؟؟
0 آوان الجرح

رد: سـوالـيـف الـقـايـلـة !!

8-2-2010, 8:36 PM

رقم المشاركة : 4

آم قنآصيع

مـلـتـمـسـه

آم قنآصيع غير متواجد حالياً

آخر مواضيعي

0 هلآ وَ الله هلآ ,, هلآ أم خلف هلآ
0 ومير آني آجي

رد: سـوالـيـف الـقـايـلـة !!

اقتباس:

مسيك الله بالنور

.. يآخي آنت بك ثقه فتآكَه

اقتباس:

هاليوم ماسكتن سواليف واتوقع والله العالم ان السبب هو الكراث ايه الكراث اليوم ضربت من هالكراث والشاهي مع الخبز حسيت اني جالس مع رقية وحصة وفاطمة ومنيرة وجالسين نهرج عن بنت ام صالح ونتهاوش عليه من اللي بتخطبه لولده والمشكلة ان هالبنية توه ما كملت 15 بس هالعجز شغلهن حجز والضحك ان حصة ماله الا ولد واحد وعمره 8 سنين نعنبوا دارتس وش دخلتس بالسالفة وانتي ما عندتس عيال كبار ولا رقية هالهدرة انا ودي ادري منهوله بتحجز البنت لان كل عياله معرسين ولا فاطمة انا ودي ادري وش دخله بالسالفة نعنبوا داره ما عنده عيال خلقه كلهم بنات ودي ادري وشوله حاشرته ووده تحجز البنت ولا عاد منيرة ودي ادري وش دخله بالموضوع بالموضوع هي بعد نعنبوا ابليسه اصغر واحدن من عياله طايحاتن ضروسه ما بقى الا انا وكل العجز التفتن علي وقالن ما بوه الا هالوليد نخطب بنت ام صالح له وانا اللي انبسط واوافق بس بشرط اشوف ركبته هي سودا ولا لا << ما امداه تهدى الاوضاع الا وانا شابه من جديد .. المهم قالوا تم ونروح بنخطب البنت وملبسينن عباة عشان اقدر اشوفه وتجي البنت وتسلم على العجز ويوم وصلت لي مير امسكه واقلبه وارفع قميصه بشوف ركبته بس ما امدان اقلبه الا صينية القهوة براسي وافقد الوعي وادخل المستشفي

ههههههههههههههههه حسيتِك عمتي هيآ علىـآ هآلسوآليف

.. آهم شي ترفع قميصه

بعذرة لو تقبرررك وتذتسي بك

وتوريك نجوم آلقآيله

اقتباس:

الا على طاري المستشفى ياجماعة الخير الحين وش سالفة السواقين والاجانب عموما قسم بالله ما عمر احد قد خطم علي ولا حدن وانا بالسيارة الا وهو اجنبي صدز والله الاجانب عليهم سواقة تجيب المرض وبعض الاحيان ما الومهم انا انلخم اذا كانوا اهلي معي وشلون سواق تلقى اهلك يقولون نبي المحل الفلاني وانت ما تدري وينه فهم يوصفون لك انه بالشارع الفلاني فانت تمشي بهالشارع تحتري المحل والمشكلة ما يقولون لك من قبل فجاة يقولون هذا هو المحل اذا كان فيه مجال وقفت اما اذا ما كان فيه مجال مشيت وديورت بعدين للمحل اللي يبونه بس مشكلة السواقين انهم اذا قالوله هذا المحل دق اشارة واطقع ما يشوف اللي وراه زي واحدن من العيال يقول كنت ماشي 40 ماسكن اليمين ما دريت الا علامة هوينداي حقت الفان حقت السواق بحجري يقول يوم نزلنا اقول للسواق الهندي ثور انت داخلن على عماه يجي الهندي ويرد وهو ينفخ انت اللي مافي يشوف انا سوي اشارة نعنبوا دارك يعني دقيت اشارة خلاص تشتري الشارع

آييييه بكل مكآن أجآنب

.. حتىـآ مره يآ حلآلي حنآ مآ عيدنآ ببيت يوه كآلعآده

الله يشفين ولآ يبلآكم رآيحين آلسوق ندوج

ومآ بوه إلآ آلطعوس وآلحنسنس وآلآجآنب

آلآجآنب عندك هنود سوآريآ مصآريآ أمريكآن وسودآنيين وكل دول آلعآلم

وآحس آنهم هم أكثر مننآ بالصدز

اقتباس:

على طاري الحوادث فيه واحد ناشبن لي وانا مالي خلقه وكل ما دق علي اعطيه صامت ولا ارد عليه عاد قبل رمضان اللي فات دق علي مرتين ولا رديت بعدين ارسلي رسالة "والله حبينا نسلم عليك ونبارك لك برمضان" ارسلت له "الله يبارك فيك .. بس من أنت؟؟!!" ارسل لي "أنا فلان موب انت منجطل" ارسلت له "تشرفنا اخوي بس تراك غلطان" ارسل لي "اسفين على الازعاج" وعقبه ما عمره دق علي هههههههههههههههههههههههههـ حسيت اني وصخ لعبت عليه هالمخفة

ههههههههههههههههههههههههههههههههههههه

وش هآلحركَآت ذي

.. بس حسيته مسكين

.. يآ ويلك من الله وش هآللعآنه ذي

علىـآ طآريَ آلنشبآت آنآ وحبي لي حليله مآ آقول شي للنشبين

.. احسهم مسآكين

.. بس أحينا ً يقهرووونك

.. عآد مره جت وحده هي وصديقته كل مآ شآفون بدوآ يسولفون وكل وحده تقآطع آلثآنيه

.. ومير جت قآلت لي وحده منهن .. قنصوعه

حلمت آنتس تصرخين وتقولين لي مآ آبيتس

.. ومير آقوله آلحمد لللله

.. ربي وصل الي بقلبي لتس عن طريق الحلم

.. وكل مآ آمر من عنده تسوي روحه بريئه آكره آلحركآت ذي

ومن يومه صرت ىطقه بوجه آلوآحد

ونآسسه شعور آللعآنه

اقتباس:

الا على طاري المخفة هذا واحدن من العيال اخوه ملكع لابعد درجة ويقول انه مرة اخوه كان رايحن مع ابوه لمشوار وهم كانوا عند تقاطع الابو سأل الولد فيه سيارات جاية الولد قال لا الابو يوم جاء بيمشي الا سيارة تشطفهم التفت الابو على الولد ناوين يتوطى ببطنه جاء الولد قال انت قلت سيارات واللي شطفتنا سيارة وحده يقلع ام اللكاعة اللي تسذا بغا يذبح ابوه عشان اللكاعة

ههههههههههههههههههههههههههههههههه

إلآ دبآشششه وكمآخه وآنت آلصآدز

مير حسيته آنآ

وبآقي سآلفة خآن خبيبي

والله يآ آنآ فطسسست عليه

.. يآخي حبيت رشيد

بس مآ يعطيك جوك عشآنك

عشآن خشيشك

..
آلحين يوم آنك مآلغ عند آلعسكريين ذولآ قآلنك ثمل على قولتهم

!
هههههههههههههه الله من آلدجججه

اقتباس:

لا ابوكم لا ابو من جمعكم يله انقلع انت وياه الشرهه علي اللي جالسن الى الحين اسولف معكم يله ضفوا وجيهكم << موب كأن أخته قالت له يله ودن

شف

يوم خلصت هآذره عمتي هيآ شوتتنآ

اقتباس:

دوكم أدري اني مصلت بس تكفون أبيكم تعلمونن ان الله حق ولا عمري اكتب مواضيع ماصلة مرتن ثانية

والله وطلعت أمصصل مِن

من حيينك مير

آنت ورآسك يآ آبو خشيش

.. موضوعن يوسع آلصدرر

دوك

آندزلع ود آختك

الله يعينه مير عليك

<~ وش تبين آنتي

يالله أنقلع يآ كلب

<~ خربت أخلآقه آخر شي

مع آلسلآمه يآلهذره

التوقيع

ωнєɴ чoυ ωαɴт тo "ʟιvє". . чoυ нαvє тo bєʟιєvє

αɴd ωαs єɴcoυяαgєd !. . αɴd єɴjoч тнє bєαυтifυʟ dєтαυιʟs of ʟιfє

8-2-2010, 9:48 PM

رقم المشاركة : 5

©حبتينـــ©

من فطاحلة الضياع

©حبتينـــ© غير متواجد حالياً

آخر مواضيعي

0 ختامية فعالية ورنا زوئك( الفائزين والجوائز )
0 همسآت فتآة العشرين,,
0 التصويت لإختيار الفائزين في فعالية ورنا ذوقكـ...~
0 ][ ذائقتي ][<<مشاركه في فعالية ورنا ذوقك..~
0 ][ فعالية ورنا ذوقك Show us your favourites ][

رد: سـوالـيـف الـقـايـلـة !!

اقتباس:

هاليوم ماسكتن سواليف واتوقع والله العالم ان السبب هو الكراث ايه الكراث

ههههههههههه تبي تقنعنا انك الحين جالس تسولف

نعنبو دراك ماخذلك لفتين حشيش وجالس تخثردز فيذا وتسميها سوالف

اذا الكراث يسوي تسذا اجل البصل الاخضر وش يسوي بالله

!!
الظاهر بخليك تهج في الشارع ونت بصورال سنه وفنيله علاق وتغني لعبد المجيد عبدلله( انت تستاهل)

اقتباس:

يقول يوم نزلنا اقول للسواق الهندي ثور انت داخلن على عماه

يجي الهندي ويرد وهو ينفخ انت اللي مافي يشوف انا سوي اشارة

نعنبوا دارك يعني دقيت اشارة خلاص تشتري الشارع

ولله اني مع الهندي قلبا وقالبا

ويحمد ربه انه ماشكا عليه لانه غلطان

لان بعد موب الشارع شارع ابوه الي جابه

يقعد يمسك يمين ومسوي متبع السنه

وشركة هونداي مهيب حاطت الاشاره لعبه حاطتها عشان العالم تلف يمين ويسار

بعد خويك حيوان صراحتن وصخ وسوقي وغير محترم

لاعاد اشوفه يسوق مرتن ثانييه

اقتباس:

على طاري الحوادث فيه واحد ناشبن لي وانا مالي خلقه وكل ما دق علي اعطيه صامت ولا ارد عليه

عاد قبل رمضان اللي فات دق علي مرتين ولا رديت بعدين ارسلي رسالة "والله حبينا نسلم عليك ونبارك لك برمضان"

ارسلت له "الله يبارك فيك .. بس من أنت؟؟!!"

ارسل لي "أنا فلان موب انت منجطل"

ارسلت له "تشرفنا اخوي بس تراك غلطان"

ارسل لي "اسفين على الازعاج"

وعقبه ما عمره دق علي هههههههههههههههههههههههههـ حسيت اني وصخ لعبت عليه هالمخفة

طيب وشرايك ان في وحده زبدتها في وجهها وقلت لها لاعاد عمرتس تدقين علي وللحين ناشبه

المشكله ان البنت تحسبني امزح

ونا ولله منجد اقوله لاتدقين

وهي تقول هههههههههه الله يقطع شرتس

اقتباس:

الا على طاري اللكاعة نكمل سالفة العجز يوم خطبوا لي البنت

) عيالك اما اي شي جامد ما تعرف تجدعه

يله هذا العقال وانا برجع لمحلي وحاول انك تصيدن

وما تشوف الا غباري زابنن من المستشفى واوقف ليموزين واركب معه ويقول فين يبغا

قلت : ( امش بطريق وأنا بطريق اللي يودينا لبعييييييييد

_ إهداء لـ طاحس

)

اوما سالفتك ذي حاولت اسلكها يمين يسار فوق تحت شرق غرب من عليشه للمحمديه مافيه امل ابلعها بس وشنسوي.. فرحااانه اني لقيت منهو امصل مني

<<ماخس من قديد الا عسفان

ولاعاد عمرك تكتب ونت تاكل كراث

دوك

التوقيع

آخر تعديل ©حبتينـــ© يوم 8-2-2010 في 9:55 PM.

9-2-2010, 11:09 AM

رقم المشاركة : 6

عين الداب

معزب الفيزيون

عين الداب غير متواجد حالياً

آخر مواضيعي

0 الله يالدنيا من بعد يومي الإستراحة صرت في شقه 9 / 20 يومي
0 برنت من برامجي iphone
0 خشتك بعد 20/30 سنة ( يوجد شيون بالداخل )
0 الدرعيـــه .. معالم وجمال وراحة بال
0 iphone wallpapers

رد: سـوالـيـف الـقـايـلـة !!

منجطل يا ان الحشيش في دمممممممك

بس اتحداك لو انهم ما عطوك بالصينيه على راسك وشفت ركبتها يا شيخ وهذا وجهي إن طلعت بيضاء ولاحظ انهم منقين لك احسن وحده وبررررررضو ركبتها سودا

المهم انت حيوان ولعين وعليك اسلوب ممل في السرد < يقال لك يمدح

لا من جد اسلوبك كويس بس يبي لك تركز على شي معين واضح انك مشتت بين الركبه وصدة الباكستاني والخمر اللي طبيت فيه وقلبت خرش على الظباااااااااط

اما الظباط فبصراحه ولا تزعل
احسن جزء في القصه

نروح له

اقتباس:

فالانسان يمكن يصير اسمه زين بس اخلاقه مثل اخلاق العساكر عندنا يعاملك تقل مانن عليك بشغله

اهنيييييييييييييييييك وبقوه وخذ أحلى بووووووووسه بعد < كني قلبت 3G

اما العساكر وكنتهم
اقرب مثال كم يوم طالع للخرج وانا راجع امشي حول 180 وتوقفني النقطه ومخالفه
وبالصدفه العسكري نفسه محرر لي مخالفه قبلها بيومين سرعه .. قلت له يبو محمد توك معطيني قبل يومين خفف شوي وان شاء الله امشي 70 بس فكنا منها قال لي لاااااااااااا يا حبيبي انت لو تسرع وانت راجع للرياض عطيناك مخالفه

تكفى يا الحين التقنيه اللي تخليك تلاحقني وين ما رحت
قلت له ابشر طال عمرك .. قال لي إلا كم تمشي ..؟ عاد انا من بجاحتي قلت له 180

قال اووووووف ما قلت 140 على الأقل قلت له تبيني اكذب ابشر بالكذب موجود ومتوفر بعد .. بس انت خابر ان شاء الله بتسمح هالمره ..ق ال لي إلا بوديك للمرور ليه تقول 180

ينعن ام المزااااااااااااج الخايس فيكم

اقتباس:

يخطب بنتك اهم شي اسمه واخلاقه بكيفهن يا ثور

على هالجمله كم زقاره بالله

اقتباس:

ياخي صدز وش سالفة العساكر 90 بالمية منهم كرش و 10 بالمية هم اللي اجسامهم صح

ولا كلام علمي ونسب واشياء

الله من زود المخمخه

اقتباس:

قال العسكري تدري الحين لازم نعطيك مخالفة

شفت شلون الزقاقه

اقتباس:

ابوكم لا ابو من جمعكم يله انقلع انت وياه الشرهه علي اللي جالسن الى الحين اسولف معكم يله ضفوا وجيهكم

كفووووووووو يالخررررررش

والله انك كفو يا منجطل وعليك عليك بالتتن المحشو بالحشيش فإنه مفيد لمثل هذه الجزئيات < يقصد الأخيره

على فكره تراك اهلك المنتدى من كثر ما استعملت فيساتهم

التوقيع

الله يالدنيا من بعد يومي الإستراحة صرت في شقه 9 / 20 يومي

4 / 8 / 1431

9-2-2010, 11:43 AM

رقم المشاركة : 7

بطّة .!

ضايعه بس بشياكة

بطّة .! غير متواجد حالياً

آخر مواضيعي

0 يآرب لآ تحرمنِي منهُم . . * خلفيآت Bold9000
0 وَ احمّر الَ و رْ د !
0 * وَ . . . ر آ آ آ ح انتظَارِي !
0 بضع - قطرات - من د م و ع السماء !
0 مُنوّعَات تصويريّة لِ صيف 2009 | مُنى بنْت بَدر !

رد: سـوالـيـف الـقـايـلـة !!

<~ داخله معها قارورة وسكي

لا ابوك لاابو من قالك انّك تعرف تكتب ,
منيب راجعَة الا لما تكمّل السالفة
وجعَ تحمّست
اختك بعد ليش تقولك ودني
<~ خلصصت السالفة ياهووو

شطحَة / منجطل وش اسمك الصدقي

التوقيع

وفينِي آهـ .. وشْ فِينِي ؟!
. . . يبَه فينِي - الحِزْن - بُركآ آ آ نْ !

9-2-2010, 12:15 PM

رقم المشاركة : 8

No Way

معزبة كراسة المواهب

No Way غير متواجد حالياً

الأوسمة

آخر مواضيعي

0 شيّين فالدنيا يحوسون جوّي ماطيقهم ’ فرقاك والإختبارات =( ..!
0 أصَبحت شْبهَ أسَيرهْ * . . . | لك ..!
0 الدرس الخـآمس
0 |! الدرس الرآبع !|
0 الدرس الـ مدري كم

رد: سـوالـيـف الـقـايـلـة !!

اقتباس:

زي واحدن من العيال يقول كنت ماشي 40 ماسكن اليمين ما دريت الا علامة هوينداي حقت الفان حقت السواق بحجري

يقول يوم نزلنا اقول للسواق الهندي ثور انت داخلن على عماه

يجي الهندي ويرد وهو ينفخ انت اللي مافي يشوف انا سوي اشارة

نعنبوا دارك يعني دقيت اشارة خلاص تشتري الشارع

هههههههههههههههههههه

هذآ كنه سواقنا الهندي لاراح ولا جاا

.. مااشي بقاانون انا الصح والنااس كلها غلط

..! يااما سووى مواقف باايخه بالسياره من تفكييره اللي مدري كييف

.. ماما عاد تسسلك له تقوول طيب اذا هذا نفر مجنوون انته خلييك عاقل ومن هالكلاام

ماتنحرم من كراثك

وعساانا ما ننحرم منك و من خبالك

التوقيع

رمضاان

يارب امنحني الغنى في العبادة .. ليغادرني ضيفي وهو مسرورُ بي

9-2-2010, 4:49 PM

رقم المشاركة : 9

MiSs Frawlh

ضايعه من قلب

MiSs Frawlh غير متواجد حالياً

آخر مواضيعي

0 {..’ذوقي ترى مآ هو مثل باقي ألناس [مشآرك في آلفعآلية]
0 تبون تقلبونه شات بصركم . المهم جيبولي حل قبل ما انتحر :(
0 الدفعه السآدسه بعد الفشل
0 عندمآ آحتڪ بآلمحترفين لآخبرهـم آني صآروخ(فيس يصفر)
0 مسآآء الخير يآذكرى../ ثلوجٍ جمدةً حسي

رد: سـوالـيـف الـقـايـلـة !!

يا كثر قرقرتك ومير جاني النووم

نجي نفصفصووو

اقتباس:

نعنبوا داره

وطي ادري كم قلتها من مره نعنبو داااارك وانت ما تستحي قاعدن مع الحريم يا الهيس

اقتباس:

امسكه واقلبه وارفع قميصه بشوف ركبته

ههههههههههههههههه .. اشوا اني منيب بنت ابو صالح

<< بتطل على ركبتها خخخخخخخخخخخخخخخخ

اقتباس:

انا انلخم اذا كانوا اهلي معي وشلون سواق تلقى اهلك يقولون نبي المحل الفلاني وانت ما تدري وينه فهم يوصفون لك انه بالشارع الفلاني فانت تمشي بهالشارع تحتري المحل والمشكلة ما يقولون لك من قبل فجاة يقولون هذا هو المحل اذا كان فيه مجال وقفت اما اذا ما كان فيه مجال مشيت وديورت بعدين للمحل اللي يبونه بس مشكلة السواقين انهم اذا قالوله هذا المحل دق اشارة واطقع ما يشوف اللي وراه

يازين السوااق امشيه على كيفي ما يجلس يهايط على راسي

موب اخواني لو اوصفلهم غلط ما اشوف الا علبت الببسي بوجهي

عاد انا بتوصيف خطيره هههههههههه اذا تعدو المحل قلت يووووه ليش ماوقفت يا حيوان

عايشه الدور لحالي

اقتباس:

ههههههههههههههههههههه قسم بالله انك خططططططططططير ينعن هيك تصريفه

طيب اهو يعرفك . مره . ولا شفتااه بعرس وخذ رقمك ومشينا

يعني اذا مشت عليه بصراحه دبشه

ومير ابستخدمهاا اذا نشبلي احد

اقتباس:

جاء الولد قال انت قلت سيارات واللي شطفتنا سيارة وحده يقلع ام اللكاعة اللي تسذا بغا يذبح ابوه عشان اللكاعة

هههههههههههههههههههه قسم بالله مللللللللكع بقوووووووووووه

يعجبنييييييييييييييييي ..

هذا لو انه عندي كان قد عجنته ..

اما البكستاني الي عاارف قصتك بعد .. وش عنده الي مسوي انا خويك

اقتباس:

نزلنا يوم دخلت العزبة التفت على خان وبغيت اقوله والله ياعليكم ريحة بس سكت قلت ماله داعي شين وقوي عين

ههههههههههههههههههههههههههههههههههه .. على طاري الريحه

اتذكر مره رحت مع ابوي لم المزرعه .. وتوه جايب له هندي جديد

وتعرف مسوي الرجل الوسيم ومغير يلط من هادهن بشعيراته

الا اشوف ابوي ماسكن كشيشته وقام عليه دبببببببغ ههههههههههههه

ياني رحمته .. يقوله كم مره اقولك لا تحطه لا امحطك

اتوقع كل يووم ينجلد

الا طلعت برائه ولا واسطه ولا كفاله

ولا باقي ماخلصت القصه

التوقيع

9-2-2010, 11:01 PM

رقم المشاركة : 10

منجطل بالطاية

مراقب عام

منجطل بالطاية متواجد حالياً

الأوسمة

آخر مواضيعي

رد: سـوالـيـف الـقـايـلـة !!

خربان

اقتباس:

أولي عدآدي <<< بزر

رآجع لك يالمنجطل
بس قم ترـآ بيجي الوآلد معي

بغب <<< ألتغ

تيت وياويلك إذا ما جيت

<< أخذن سلوب النفخ من الباكستاني

اسكودا الضياع

ياخي تصدق حسيت انك داخلن شات مب منتدى

يالله عاد طسوا الباقين ابرجعلكم بعدين ابروح اتقهوى مع ابوي اضبط العلاقة معه عقب ما طلعن كفالة وسامحن

التوقيع

ما همّ إلا همّ العرس!! استفتاء البشكة .. تصويت أنتم نجومه

توصي شي أنا بكرآ مسافر!! استفتاء البشكة .. تصويت أنتم نجومه

لووووووووووول !! يسلمووووو!! استفتاء البشكة .. استفتاء أنتم نجومه

من العايدين .. من الفايزين!! استفتاء البشكة .. تصويت أنتم نجومه

------------------------------------------

لا تدّورون خلاص صكينا الفورم

صفحة 1 من 3

« الموضوع السابق | الموضوع التالي »

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

تعليمات المشاركة
لا تستطيع إضافة مواضيع جديدة لا تستطيع الرد على المواضيع لا تستطيع إرفاق ملفات لا تستطيع تعديل مشاركاتك BB code is متاحة الابتسامات متاحة كود [IMG] متاحة كود HTML معطلة

الانتقال السريع

الساعة الآن بتوقيت الرياض : 8:38 PM

الإتصال بنا - الأرشيف - الأعلى

مواقع صديقة

المواضيع والردود اللي تنكتب فيذا لا تمثل رأي الضياع بل تمثل خنبقة كاتبها